မြန်မာစိန်တလုံး သရက်သီးကို ဈေးကွက်သစ်အနေဖြင့် တောင်ကိုရီးယားနိုင်ငံက သရက်သီးအနှစ် ထုတ်လုပ်ရန် ၀ယ်ယူနေ

မြန်မာ့သရက်သီးများကို ဈေးကွက်တင်ပို့ရန် ပြင်ဆင်နေစဉ်

မြန်မာစိန်တလုံးသရက်သီး လက်ရှိတင်ပို့နေတဲ့ စင်ကာပူ၊ ထိုင်း၊ ဒူဘိုင်း၊ ဂျာမနီ၊ တရုတ်အပြင် တောင်ကိုရီးယာက သရက်သီးအနစ် ထုတ်လုပ်ဖို့ ၀ယ်ယူနေသည်ဟု မြန်မာ့သရက်ဈေးကွက်နှင့် နည်းပညာဖွံ့ဖြိုးတိုးတက်ရေးအသင်း အတွင်းရေးမှူး ဦးကျော်စိုးနိုင်က ပြောကြားသည်။

“ကုမ္ပဏီတွေက စ၀ယ်နေကြပြီး အေးဂျင့်တွေကလည်း ၀ယ်လာကြပြီး ဈေးကွက်အနေနဲ့က ခိုင်မာလာတယ်။ ပြည်တွင်းမှာလည်း တရုတ်ဈေးကွက်က လာဝယ်နေကြပြီး သရက်စိုက်တဲ့ဒေသတွေမှာ ခြံထဲလာဝယ်နေကြတယ်။ ဈေးကွက်က ပြည်တွင်းဈေးကွက်၊ တရုတ်ဈေးကွက် နောက်အိတ်စ်ပို့ရယ် သုံးခုအပြိုင်ရှိတော့ ဈေးကွက်ကသာ လာစရာရှိတယ်။ သရက်သီးကို ဒီနှစ်အလုံး လိုက်ပို့တာရယ်၊ အစိမ်းပို့တာ စင်ကာပူ၊ ရုရှားရယ်ပို့တယ်။ ကိုရီးယားကနေ သရက်သီး ၀ယ်ချင်ပါတယ်။ Fresh Fruit ပေါ့။ အနှစ်ဈေးကွက်က ကိုရီးယားဈေးကွက်ပေါ့။ နေပြည်တော်မှာလည်း ကိုရီးယားက အနှစ်လုပ်တဲ့စက် ထိုင်ထားတာဆိုတော့ အဲဒီမှာလည်း ၀ယ်ကြတယ်။ ကိုရီးယားမှာ အနှစ်ထုတ်လုပ်ဖို့အတွက် ၀ယ်ကြတာရှိတယ်။ ပြီးခဲ့တဲ့နှစ်တုန်းက လေတိုက်သွားတဲ့အတွက် ပျက်စီးတာများတယ်။ စစ်ကိုင်းတိုင်း ကျောက်ဆည်နယ်ဘက်တွေမှာ ဆုံးရှုံးမှုများတယ်။ အဲဒီတော့ ကျန်သရက်ကတော့ အရည်အသွေးကောင်းကောင်းနဲ့ ဈေးကောင်းရမယ်လို့ မြင်တယ်” ဟု ကိုကျော်စိုးနိုင်က ဆိုသည်။

အဆိုပါ သရက်သီးတင်ပို့မူတွင် တရုတ်ကို မူဆယ်လမ်းကြောင်းမှတစ်ဆင့် တင်ပို့ပြီး ၂၀၁၇ သရက်ရာသီတွင် သရက်သီးတန်ချိန် နှစ်သိန်းနီးပါးတင်ပို့ခဲ့ပြီး ဈေးနှုန်းအမြင့်ဆုံးမှာ တစ်ဖာလျှင် ယွမ် ၁၇၀ ရပြီး အနိမ့်ဆုံးဈေးမှာ တစ်ဖာလျှင် ၈၀ အထိရကြောင်း သိရသည်။ တရုတ်ပြည်ပို့ခဲ့သည့်အထဲမှာ စိန်တလုံး၊ ဟင်္သာရင်ကွဲအပြင် မယ်သီဆင်ပေါင် သရက်မျိုးတွေပါ စမ်းပြီးပို့နေကြောင်း၊ အဓိကပို့နေသည်မှာ စိန်တလုံးသရက်ဖြစ်ကြောင်း သိရသည်။ ယခင်နှစ်များက ရာသီဥတုဖောက်ပြန်မူကြောင့် စိန်တလုံးသရက်သီး ပို့နှုန်းကျခဲ့ကြောင်း၊ စင်ကာပူက အမြဲတမ်းအမှာရှိပြီး တစ်တန်ကို ကွာလတီအကောင်းဆုံးဆို ၁၅ သိန်းရပြီး အနိမ့်ဆုံးဈေး ၁၀ သိန်း ၀န်းကျင်ရကြောင်း သိရသည်။ စင်ကာပူကို တင်ပို့ရာတွင် အသီး၏ ကွာလတီကို အထူးဂရုစိုက်ပို့ရသောကြောင့် လိုသလောက်မရတာတွေရှိကြောင်း သိရသည်။

၂၀၁၇-၂၀၁၈ တွင် သရက်သီးစိုက် တောင်သူတွေ သရက်သီးကို အရင်နှစ်တွေကထက် အသီးကွာလတီကောင်းအောင် ပြင်ဆင်ထားကြသည်ဟု သရက်စိုက် တောင်သူများထံမှ သိရသည်။

မြန်မာသရက်မျိုးဖြစ်သည့် ဟန်မြင်းမိုရ် စိန်တလုံးသရက်မျိုးကို မြန်မာမျိုးရင်းဖြစ်ကြောင်း မှတ်ပုံတင်ရန် ပြင်ဆင်နေကြကြောင်း သိရသည်။ မြန်မာနိုင်ငံတွင် နှစ်စဉ် သရက်စိုက်ဧက တစ်သိန်းခန့် တိုးတက်လျက်ရှိပြီး မန္တလေးတိုင်းဒေသကြီးတွင် ယခုနှစ်၌ သရက်စိုက်ဧက တစ်သိန်းခန့်ရှိကြောင်း မြန်မာ့သရက်ဈေးကွက်နှင့် နည်းပညာဖွံ့ဖြိုးတိုးတက်ရေးအသင်းထံမှ သိရသည်။

ဒုတိယကုန်သွယ်မှု အများဆုံးဖြစ်သော မြ၀တီနယ်စပ်စခန်းမှ ရက် ၄၀ အတွင်း အမေရိကန်ဒေါ်လာ သန်း ၉၀ ကျော် ကုန်သွယ်နိုင်ပြီး ယခင်နှစ်ကာလတူထက် ဒေါ်လာ ၁၇ ဒသမ ၇၇၆ သန်း ပိုမိုကုန်သွယ်ခဲ့

ထိုင်းနိုင်ငံမှ မြန်မာဘက်သို့ ၀င်ရောက်လာသော ကုန်တင်ကားများကို တွေ့ရစဉ်

နယ်စပ်ကုန်သွယ်ရေး စခန်းများအနက် ဒုတိယကုန်သွယ်မှု အများဆုံးဖြစ်သော မြ၀တီနယ်စပ်စခန်းမှ ကုန်စည်စီးဆင်းမှုမှာ ဘဏ္ဍာနှစ်သစ် တစ်လဆယ်ရက်အတွင်း အမေရိကန်ဒေါ်လာ ၉၁ ဒသမ ၉၃၈ သန်း ကုန်သွယ်ထားကာ ယခင်နှစ်ကာလတူထက် အမေရိကန်ဒေါ်လာ ၁၇ ဒသမ ၇၇၆ သန်း ပိုမိုကုန်သွယ်ထားကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

ဘဏ္ဍာနှစ်သစ်ဖြစ်သော ၂၀၁၈-၂၀၁၉ ဘဏ္ဍာနှစ်အစတွင် မြ၀တီနယ်စပ်စခန်းမှ ကုန်သွယ်မှုမြင့်တက်လာပြီး ဧပြီ ၁ ရက်မှ မေ ၁၁ ရက်အထိ ပြည်တွင်းဈေးကွက်သို့ ထိုင်းကုန်ပစ္စည်းတင်သွင်းမှုမှာ အမေရိကန်ဒေါ်လာ ၈၄ ဒသမ၂၇၉ သန်းဖိုး တင်သွင်းထားပြီး ယခင်နှစ်ကာလတူကထက်လည်း ပိုမိုတင်သွင်းခဲ့ကြောင်း သိရသည်။

အရှေ့အနောက် စီးပွားရေးစင်္ကြန်မှာ တည်ရှိသည့် မြ၀တီနယ်စပ်စခန်းမှ ပြည်တွင်းသို့ စက်ယန္တရားများ၊ မော်တော်ဆိုင်ကယ်များ၊ လုပ်ငန်းသုံးပစ္စည်းများ၊ အိမ်ဆောက်ပစ္စည်းများ၊ သွပ်၊ သံ၊ ဘိလပ်မြေ၊ စားသောက်ကုန်မျိုးစုံ၊ ပလတ်စတစ်ပစ္စည်းများနှင့် သစ်သီးပျိုးပင်များလည်း တင်သွင်းခဲ့သည်။ စက်သုံးဆီ၊ ဓာတ်ငွေ့ရည်များ၊ စားသုံးဆီများ တင်သွင်းလျက်ရှိသည်။ ထို့အတူ သစ်ပင်ပျိုးပင်မျိုးစုံနှင့် ကြက်မောက်သီး၊ ဒူးရင်းသီး၊ ပိန္နဲသီး၊ သခွားသီး၊ ခရမ်းသီး၊ ကန်စွန်းရွက်၊ ချည်ပေါင် စသောအသီးမျိုးစုံ၊ အရွက်မျိုးစုံတို့ကိုလည်း တင်သွင်းလျက်ရှိသည်။

ထို့ပြင် မော်တော်ယာဉ်တင်သွင်းမှုဆိုင်ရာ မူဝါဒအပြောင်းအလဲ၊ အခွန်ဒဏ်ကြေးဆိုင်ရာ အပြောင်းအလဲများကြောင့် မော်တော်ယာဉ်တင်သွင်းမှု မရှိသလောက် နည်းပါးနေသော်လည်း ဂျပန်တစ်ပတ်ရစ် Without Car များ၊ ဘီယာမျိုးစုံ၊ အေးခဲအသားနှင့် ကြက်နှင့် ကြက်ထွက်အသည်း၊ နှလုံးပါကင်ထုပ်များကို ဇုန်ရှောင်ကွင်းကာ နားလည်မှုလမ်းကြောင်းမှ တရားမ၀င် တင်သွင်းလျက်ရှိကြောင်းလည်း ဒေသခံများထံမှ သိရသည်။

ပြည်တွင်းထွက်ကုန် ရေထွက်ပစ္စည်းများနှင့် လယ်ယာထွက်ပစ္စည်းများ ထိုင်းနိုင်ငံသို့ တင်ပို့မှုမှာ မေ ၁၁ ရက်အထိ အမေရိကန်ဒေါ်လာ ၇ ဒသမ ၆၅၉ သန်းတင်ပို့ခဲ့သည့်အတွက် ယခင်နှစ်ကာလတူထက် ကန်ဒေါ်လာ ၁ ဒသမ ၄၅၅ သန်း ပိုမိုတင်ပို့ခဲ့သော်လည်း ထိုင်းကုန်စည်တင်သွင်းမှုထက် ၁၀ ဆကျော် လျော့နည်းနေဆဲဖြစ်ကြောင်း သိရသည်။

ပြည်တွင်ထွက်ကုန်ဖြစ်သည့် ရေထွက်ပစ္စည်း ငါးပုစွန်၊ ကဏန်းနှင့် လယ်ယာထွက်ပစ္စည်းများ၊ နှမ်းနနွင်း၊ ကြက်သွန်၊ ငရုတ်၊ ပဲနှင့်ကြံများ တရားဝင်တင်ပို့ခဲ့ကြောင်း သိရသည်။ သို့သော်လည်း ထိုင်းနိုင်ငံသား အကျိုးစီးပွားကာကွယ်သည့်အနေဖြင့် ပြောင်းဖူးကို အဖူးထွက်ချိန်တွင် တင်ပို့ခွင့်မရှိဘဲ နှစ်လကြာချိန်မှ တင်ပို့ရသည့်အတွက် မြန်မာတောင်သူများ များစွာနစ်နာသလို မြန်မာ့ဆန်းနှင့် ကျွဲ၊ နွား အပါအ၀င် ကုန်ပစ္စည်းအများစုမှာ တရားဝင်တင်ပို့ရန် ခက်ခဲနေပြီး သောင်ရင်းမြစ် ဖြတ်ကျော်ဂိတ်များမှတစ်ဆင့် တစ်ဖက်နိုင်ငံသို့ တရားမ၀င် တင်ပို့လျက်ရှိကြောင်း သိရသည်။

၂၀၁၈ ခုနှစ် ဧပြီလကုန်အထိ မြန်မာနိုင်ငံသား ရင်းနှီးမြှုပ်နှံမှု ကျပ် ၁၇၄၅၇ ဘီလျံကျော်ခွင့်ပြုထားပြီး လက်ရှိအစိုးရသက်တမ်း ၂၅ လအတွင်း ရင်းနှီးမြှုပ်နှံမှုပမာဏ ကျပ် ၅၈၃၃ ဘီလျံဝန်းကျင်ရှိလာ

၂၀၁၈ ခုနှစ် ဧပြီလကုန်အထိ မြန်မာနိုင်ငံသား ရင်းနှီးမြှုပ်နှံမှု ကျပ် ၁၇၄၅၇ ဘီလျံကျော် ခွင့်ပြုထားပြီး အိမ်ခြံမြေဖွံ့ဖြိုးရေး၊ ကုန်ထုတ်လုပ်မှု၊ ပို့ဆောင်ဆက်သွယ်ရေး၊ ဟိုတယ်နှင့် ခရီးသွားလုပ်ငန်းနှင့် ဆောက်လုပ်ရေးလုပ်ငန်းကဏ္ဍတို့တွင် အများဆုံးမြှုပ်နှံထားကြောင်း မြန်မာနိုင်ငံရင်းနှီးမြှုပ်နှံမှုကော်မရှင်မှ ထုတ်ပြန်ထားသောစာရင်းများအရ သိရသည်။

မြန်မာနိုင်ငံသား ရင်းနှီးမြှုပ်နှံသူများ၏ လုပ်ငန်း ၁၃၈၄ ခုကို လုပ်ငန်းကဏ္ဍ ၁၁ ခုတွင် ရင်းနှီးမြှုပ်နှံခွင့်ပြုထားခြင်းဖြစ်ပြီး စုစုပေါင်းပမာဏ ကျပ် ၁၇၄၅၇၄၅၈ ဒသမ ၄၂၃ သန်းရှိသည်။

ကဏ္ဍအလိုက် မြန်မာနိုင်ငံသားများ ရင်းနှီးမြှုပ်နှံမှုများမှာ အိမ်ခြံမြေဖွံ့ဖြိုးရေးကဏ္ဍတွင် ကျပ် ၄၁၆၀ ဒသမ ၂၅၂ ဘီလျံ (လုပ်ငန်း ၇၄ ခု)၊ ကုန်ထုတ်လုပ်မှုကဏ္ဍတွင် ကျပ် ၂၉၇၄ ဒသမ ၆၇၂ ဘီလျံ (လုပ်ငန်း ၇၉၄ ခု)၊ ပို့ဆောင်ဆက်သွယ်ရေးကဏ္ဍတွင် ကျပ် ၂၈၄၆ ဒသမ ၇၃၁ ဘီလျံ (လုပ်ငန်း ၄၉ ခု)၊ ဟိုတယ်နှင့် ခရီးသွားလာရေးကဏ္ဍတွင် ကျပ် ၁၇၉၈ ဒသမ ၈၄၄ ဘီလျံ (လုပ်ငန်း ၁၃၀)၊ ဆောက်လုပ်ရေးကဏ္ဍတွင် ကျပ် ၁၀၂၉ ဒသမ ၂၅၃ ဘီလျံ (လုပ်ငန်း ၆၈ ခု) တို့ဖြစ်သည်။

ထို့ပြင် စက်မှုဖွံ့ဖြိုးရေးကဏ္ဍတွင် ကျပ် ၈၆၂ ဒသမ ၉၀၃ ဘီလျံ (လုပ်ငန်း ၁၁ ခု)၊ စွမ်းအင်ကဏ္ဍတွင် ကျပ် ၆၃၇ ဒသမ ၀၁၈ ဘီလျံ (လုပ်ငန်း ၁၆ ခု)၊ မွေမြူရေးနှင့် ရေလုပ်ငန်းကဏ္ဍတွင် ကျပ် ၁၅၀ ဒသမ ၇၁၈ ဘီလျံ (လုပ်ငန်း ၈၀)၊ သတ္တုတူးဖော်ရေးကဏ္ဍတွင် ကျပ် ၁၄၇ ဒသမ ၅၂၅ ဘီလျံ (လုပ်ငန်း ၆၅ ခု)၊ စိုက်ပျိုးရေးကဏ္ဍတွင် ကျပ် ၅၁ ဒသမ ၁၉၃ ဘီလျံ (လုပ်ငန်း ၁၀ ခု) နှင့် အခြားကဏ္ဍတွင် ကျပ် ၂၇၉၈ ဒသမ ၃၄၄ ဘီလျံ (လုပ်ငန်း ၈၇ ခု) ရင်းနှီးမြှုပ်နှံခွင့်ပြုထားသည်။

၂၀၁၅-၂၀၁၆ ဘဏ္ဍာနှစ်ကုန် (၂၀၁၆ မတ်လကုန်) အထိ မြန်မာနိုင်ငံသား ရင်းနှီးမြှုပ်နှံမှုပမာဏ ကျပ် ၁၁၆၂၄ ဘီလျံကျော်ရှိပြီး လက်ရှိအစိုးရ တက်ရောက်ပြီး ၂၅ လတာကာလအတွင်း ကျပ် ၅၈၃၃ ဘီလျံဝန်းကျင် ရင်းနှီးမြှုပ်နှံခဲ့ခြင်းဖြစ်သည်။ ပြည်တွင်းလုပ်ငန်းရှင်များ၏ ရင်းနှီးမြှုပ်နှံမှုသည် အိမ်ခြံမြေဖွံ့ဖြိုးရေးကဏ္ဍတွင် အဓိကများပြားလာခဲ့ရာ ပြီးခဲ့သည့် ၂၀၁၇ ခုနှစ် ဇန်န၀ါရီမှစ၍ ယခင်ပြည်တွင်းရင်းနှီးမြှုပ်နှံမှု အများဆုံးကဏ္ဍဖြစ်သော ကုန်ထုတ်လုပ်မှုကဏ္ဍကို ကျော်ဖြတ်ပြီး ထိပ်ဆုံးသို့ ရောက်ရှိလာခဲ့သည်။

မြန်မာ့စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည် ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ပြီး နိုင်ငံ၏ အထွေထွေ မတည်ငြိမ်မှုကို ဖြစ်နိုင်ကြောင်း ကမ္ဘာ့ဘဏ်ခန့်မှန်း

ရန်ကုန်မြို့ရှိ ဆိပ်ကမ်းတစ်ခုကို တွေ့ရစဉ် (ဓာတ်ပုံ-ကြည်နိုင်)

မြန်မာ့စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည်ဆိုပါက မက်ခရို စီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏ အထွေထွေ မတည်ငြိမ်မှုကို ဖြစ်နိုင်ကြောင်း ကမ္ဘာ့ဘဏ်မှ ထုတ်ပြန်သည့် မြန်မာ့စီးပွားရေး စောင့်ကြည့်အစီရင်ခံစာတွင် ဖော်ပြထားသည်။

၂၀၁၈-၂၀၁၉ဘဏ္ဍာနှစ်တွင် စီးပွားရေး တိုးတက်မှုသည် ၆ ဒသမ ၈ ရာခိုင်နှုန်းသို့ မြင့်တက်မည့် အလားအလာရှိကြောင်း၊ မြန်မာနိုင်ငံ၏ ယေဘုယျစီးပွားရေး အခြေအနေ မျှော်မှန်းချက်မှာမူ အကောင်းဘက်တွင် ရှိနေဆဲဖြစ်သည်ဟု အစီရင်ခံစာတွင် ဖော်ပြထားသည်။

သို့သော်လည်း ယေဘုယျစီးပွားရေး အခြေအနေ မျှော်မှန်းချက်ကို နှောင့်ယှက်မည့် အကြောင်းများလည်း ကြီးထွားလာနေကြောင်း၊ ရခိုင်ပြည်နယ် အရေးအခင်းများနှင့် ဆက်စပ်ပြီး မရေရာမှုများ ဆက်လက်ပေါ်ပေါက် နေခြင်းကြောင့် မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုကို နှောင့်နှေးတိုးတက် စေနိုင်သည် ဟုဆိုသည်။ ဖြစ်နိုင်ခြေနည်းသည် ဆိုသော်လည်း စီးပွားရေး တိုးတက်မှုနှုန်း ကြီးကြီးမားမား လျော့နည်းသွားမည်ဆိုပါက မက်ခရိုစီးပွားရေး မတည်ငြိမ်မှု ကြီးထွားလာနိုင်ကာ နိုင်ငံ၏ အထွေထွေ မတည်ငြိမ်မှုကို ဖြစ်စေနိုင်သည်ဟု ကမ္ဘာ့ဘဏ်က ခန့်မှန်းထားသည်။

ထို့ပြင် နိုင်ငံခြား တိုက်ရိုက်ရင်းနှီးမြှုပ်နှံမှု (FDI) မြန်မာနိုင်ငံအတွင်း စီးဝင်မှု အလျင်အမြန် ကျဆင်းသွားခြင်းနှင့် နိုင်ငံတကာ ခရီးသွားလုပ်ငန်းများ အရှိန်နှေးကွေးသွားခြင်းများကလည်း (External Balance) နှင့် ငွေလဲလှယ်နှုန်းများကို ထိခိုက်စေနိုင်သည် ဟုဆိုသည်။

ဘဏ်လုပ်ငန်းကဏ္ဍ အနေဖြင့်ဆိုလျှင် ၂၀၁၇ ခုနှစ် ဇူလိုင်လက ထုတ်ပြန်ခဲ့သည့် စည်းမျဉ်းများကို လိုက်နာနိုင်အောင် ခက်ခက်ခဲခဲကြိုးပမ်း အသွင်ပြောင်းနေရကြောင်း၊ ကမ္ဘာလုံး အတိုင်းအတာဖြင့် စီးပွားရေး မျှော်မှန်းချက်အမြင်ကို အနှောင့်အယှက်ပေးမည့် အရာများ သိသိသာသာ လျော့နည်းသွားသော်လည်း အရေးတကြီး ကိုင်တွယ်ရမည့် စီးပွားရေး အန္တရာယ်များ ရှိနေဆဲဖြစ်သည်ဟု ဖော်ပြထားသည်။

ကမ္ဘာ့ကုန်သွယ်ရေးမူဝါဒပိုင်း မငြိမ်သက်မှု မြင့်မားလာနေခြင်းကြောင့် ကမ္ဘာလုံး အတိုင်းအတာ ကုန်သွယ်ရေး ပြန်လည်ဦးမော့နိုင်မှုကို ထိခိုက်နိုင်သကဲ့သို့  မြန်မာနိုင်ငံအပေါ်တွင်လည်း ၎င်း၏ဆိုးကျိုးများက အတန်အသင့် အကျိုးသက်ရောက်နိုင်သည်ဟု ကမ္ဘာ့ဘဏ်က ခန့်မှန်းထားသည်။

အန္တရာယ် စိန်ခေါ်မှုများအကြား အကောင်းဘက် ဦးတည်သည့် စီးပွားရေးဖွံ့ဖြိုးမှု အရှိန်အား ဆက်လက် ထိန်းသိမ်းထားနိုင်ရန်မှာ ဦးစားပေး ဆောင်ရွက်သင့်သည့် အစိုးရကဏ္ဍ သုံးစွဲမှုများနှင့် ပုဂ္ဂလိကကဏ္ဍ စီးပွားရေး လုပ်ငန်းများအား တည်ငြိမ်သည့် မက်ခရိုစီးပွားရေး အခြေအနေ၊ အားကောင်းခိုင်မာသော မူဝါဒများဖြင့် အားပေးထောက်ကူရန် လိုအပ်မည်ဖြစ်ကြောင်း၊ လျှပ်စစ်ဓာတ်အားခ နှုန်းထားများအား သင့်လျော်စွာ ပြင်ဆင်သတ်မှတ်ခြင်း၊ ကုမ္ပဏီများ ဥပဒေအား အကောင်အထည်ဖော် ဆောင်ရွက်ခြင်း၊ အခွန်ထမ်းများအတွက် ပြည်သူ့ရေးရာ ၀န်ဆောင်မှုများ တိုးတက်အောင် ဆောင်ရွက်ပေးခြင်း၊  ငွေရေးကြေးရေး လုပ်ငန်းများအတွက် လုံခြုံစိတ်ချရသည့် ၀န်းကျင်ကောင်းတစ်ခု ဖန်တီးပေးခြင်းတို့က အထောက်အကူ ပြုနိုင်မည်ဖြစ်ကြောင်း မြန်မာနိုင်ငံဆိုင်ရာ ကမ္ဘာ့ဘဏ်ရုံး၏ ဦးဆောင်ဘောဂဗေဒပညာရှင် ဟန်စ်အာနန်ဘက်ခ်က ပြောကြားသည်။

 

မြန်မာခရက်ဒစ်ဗျူရိုလီမိတက် (MCBL) အား ချေးငွေသတင်းပို့ခြင်းဆိုင်ရာ လုပ်ငန်းလိုင်စင် ထုတ်ပေးကြောင်း မြန်မာနိုင်ငံတော်ဗဟိုဘဏ် သတင်းထုတ်ပြန်

မြန်မာခရက်ဒစ်ဗျူရိုလီမိတက် (MCBL) အား ချေးငွေသတင်းပို့ခြင်းဆိုင်ရာ လုပ်ငန်းလိုင်စင် ထုတ်ပေးကြောင်း မြန်မာနိုင်ငံတော်ဗဟိုဘဏ်မှ မေ ၁၇ ရက်တွင် သတင်းထုတ်ပြန်ခဲ့သည်။

အဆိုပါ သတင်းထုတ်ပြန်ချက်တွင် မြန်မာခရက်ဒစ်ဗျူရိုလီမိတက် (MCBL) မှာ ဘဏ်များ၊ ဘဏ်မဟုတ်သည့် ငွေရေးကြေးရေးအဖွဲ့အစည်းနှင့် အခြားငွေရေးကြေးရေး အဖွဲ့အစည်းများအားလုံး၏ ဆက်သွယ်ဆောင်ရွက်သည့် လူပုဂ္ဂိုလ်၊ အဖွဲ့အစည်းများနှင့် ပတ်သက်သည့် ချေးငွေပြန်လည်ပေးဆပ်မှု သတင်းအချက်အလက်များနှင့် အခြားဆက်စပ်လျက်ရှိသည့် သတင်းအချက်အလက်များကို စုဆောင်းပြီး အဆိုပါ သတင်းအချက်အလက်များကို ငွေထုတ်ချေးသည့် အဖွဲ့အစည်းများသို့ ပြန်လည်ဖြန့်ဖြူးပေးခြင်း ဆောင်ရွက်နိုင်ကြောင်း ပါရှိသည်။

ထိုသို့ လိုင်စင်ထုတ်ပေးခြင်းဖြင့် ဘဏ်များ၊ ဘဏ်မဟုတ်သည့် ငွေရေးကြေးရေး အဖွဲ့အစည်းများမှ အာမခံပစ္စည်းရယူပြီး ချေးငွေထုတ်ချေးသည့် စနစ်တစ်ရပ်အပေါ် မှီခိုမှုအား လျှော့ချသွားနိုင်မည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

ထို့ပြင် ချေးငွေအချက်အလက်များကို အသုံးပြု၍ ဘဏ်နှင့်ဆက်သွယ်ဆောင်ရွက်သူ၏ ငွေချေးရန် ထိုက်တန်မှုအား အကဲဖြတ်ကာ ချေးငွေများ ပိုမိုလွယ်ကူစွာ ထုတ်ချေးလာနိုင်မည်ဖြစ်ပြီး အသေးစားနှင့် အလတ်စား စီးပွားရေးလုပ်ငန်းများ အနေဖြင့်လည်း ချေးငွေရရှိနိုင်မှု အခွင့်အလမ်းများ ပိုမိုရရှိလာနိုင်မည်ဖြစ်ကြောင်း သိရသည်။

ကမ္ဘာကျော် ကုန်အမှတ်တံဆိပ်များကို လက်ဦးမှုရယူထားပြီး ဆင်တူယိုးမှား မှတ်ပုံတင်ထားခြင်းများမှာ မလုပ်သင့်သော လုပ်ရပ်များဖြစ်ကာ တရားရင်ဆိုင်ပါကလည်း ရှုံးနိမ့်နိုင်သည့်အပြင် မြန်မာ့ပုံရိပ်ပါ ထိခိုက်နိုင်

WIPO (World Intellectual Property Organization) အဖွဲ့ဝင်နိုင်ငံဖြစ်ပြီး ဥာဏပစ္စည်းဆိုင်ရာ မူပိုင်ခွင့်များကို လိုက်နာရသည့် မြန်မာနိုင်ငံတွင် ကမ္ဘာကျော်ကုန် အမှတ်တံဆိပ်များကို လက်ဦးမှုရယူထားပြီး ဆင်တူယိုးမှား မှတ်ပုံတင်ထားခြင်းများမှာ မလုပ်သင့်သော လုပ်ရပ်များဖြစ်နေပြီး တရားရင်ဆိုင်ပါကလည်း ရှုံးနိမ့်နိုင်သည့်အပြင် မြန်မာနိုင်ငံ၏ ပုံရိပ်ကိုပါ ထိခိုက်နိုင်ကြောင်း ဥပဒေပညာရှင်များက သုံးသပ်ပြောကြားသည်။

ကမ္ဘာကျော် ကုန်အမှတ်တံဆိပ်တစ်ခုဖြစ်သည့် အမေရိကန်အခြေစိုက် နာမည်ကျော် Starbucks Coffee မြန်မာဈေးကွက်သို့ စတင်ဝင်ရောက်မည်ဖြစ်ပြီး မြန်မာနိုင်ငံ ရင်းနှီးမြှုပ်နှံမှုကော်မရှင်၏ မေ ၁၂ ရက်တွင် ပြုလုပ်သော အစည်းအဝေးတွင် အတည်ပြုမိန့်ရရှိခဲ့သည်။ ကမ္ဘာတစ်ဝန်းတွင် ဆိုင်ခွဲပေါင်း ၂၇၀၀၀ ခန့်ဖွင့်လှစ်ထားပြီး မြန်မာနိုင်ငံတွင် ဒေါ်လာခြောက်သန်းမြှုပ်နှံကာ ဆိုင်ခွဲပေါင်း ၂၀ ခန့်ဖွင့်လှစ်ရန် ၀င်ရောက်လာချိန်တွင် အဆိုပါ “STAR BUCKS” COFFEE ဆိုကာ Starbucks Coffee အမည်ကို တိုက်ရိုက်ကူးချပြီး Starbucks Coffee ၏ Logo ကိုပါ ဆင်တူယိုးမှားပြုလုပ်၍ မန္တလေးမြို့ စာချုပ်စာတမ်းမှတ်ပုံတင် ဌာနမှူးရုံးတွင် မူပိုင်ခွင့်တင်ထားမှု ရှိနေသည်။ ထိုသို့ မူပိုင်ခွင့်တင်ထားပြီး မြန်မာတစ်နိုင်ငံလုံးတွင် ဖြန့်ချိရောင်းချနေသဖြင့် “STAR BUCKS” COFFEE အမည်ရှိ “ကော်ဖီအမျိုးမျိုးနှင့် စားသောက်ကုန်အမျိုးမျိုး” ကုန်အမှတ်တံဆိပ်၏ တစ်ခုလုံးကိုဖြစ်စေ၊ တစ်စိတ်တစ်ဒေသကိုဖြစ်စေ၊ တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း ပုံသဏ္ဌာန်တူအောင် တုပခြင်းမပြုလုပ်ရန် သတိပေးကြေညာလိုက်ပြီး ဆင်တူယိုးမှား တုပသုံးစွဲပါက တည်ဆဲဥပဒေများနှင့်အညီ အရေးယူသွားမည်ဖြစ်ကြောင်း အသိပေးထုတ်ပြန်မှု ရှိလာသည်။

“ဒါက လွန်ခဲ့တဲ့သုံးနှစ်လောက်ကတည်းက ၂၀၁၅ မှာ အမှုသည်က လွှဲအပ်ညွှန်ကြားတာကြောင့် ကြေညာထားတာပေါ့။ ဒီအမှုသည်တောင် အခုဘယ်ရောက်နေမှန်း ကျွန်တော်တို့ သိတောင်မသိတော့ပါဘူး။ ဒီအမှတ်တံဆိပ် မှတ်ပုံတင်ခြင်းကို သူ့ရဲ့လွှဲအပ်ညွှန်ကြားချက်ကြောင့် ကျွန်တော်တို့က ဥပဒေနဲ့အညီတင်ပေးလိုက်တာပါ။ စာချုပ်စာတမ်း မှတ်ပုံတင်ရုံးကလည်း ဥပဒေနဲ့အညီ မှတ်ပုံတင်ပေးလိုက်တာပါ။ ကျန်တဲ့ကိစ္စကတော့ တရားစွဲလို့ အမှုဖြစ်တာ မဖြစ်တာ၊ တရားစွဲတာ၊ မစွဲတာ၊ ဆုံးဖြတ်တာတွေကတော့ ကျွန်တော်တို့နဲ့မဆိုင်ဘူး။ ဒါက ကာယကံရှင်တွေနဲ့ ဆိုင်တာပေါ့။ မြန်မာ STAR BUCKS နဲ့ နိုင်ငံခြား Starbucks နဲ့ ပိုင်ရှင်တွေက ဒီဘက်က STAR BUCKS မှတ်ပုံတင်ထားသူတွေကို တရားစွဲမလား။ ဒီဘက်က အမှတ်တံဆိပ်က စွဲမလား။ သူတို့နဲ့ ဆိုင်မှာပေါ့လေ။ ကျွန်တော်တို့ဆီမှာက မူပိုင်ခွင့်ဥပဒေနဲ့ ပတ်သက်ပြီး အားနည်းချက်လေးတွေရှိတယ်။ ဒါကကျတော့ ကျွန်တော်တို့ အနေနဲ့ ပြောရမယ်ဆိုရင် သူ့ဥပဒေရှိထားတဲ့အတိုင်းပဲ အမှုသည်က လွှဲအပ်ညွှန်ကြားတဲ့အတိုင်းပဲ ကျွန်တော်တို့က တင်ပေးလိုက်တာပေါ့။ အခု အမှုသည်တောင် ဘယ်မှာရှိနေမှန်းတောင် ကျွန်တော်တို့တောင် မသိပါဘူး။ ဒါက ပွင့်ပွင့်လင်းလင်း ပြောပြတာပါ။ ရှုံးခြင်း နိုင်ခြင်းဆိုတာထက် ဥပဒေပြဿနာဖြစ်ပွားလာပြီဆိုရင် တရားရုံးက အဓိကရှင်းပါလိမ့်မယ်” ဟု “STAR BUCKS” COFFEE အမည်ဖြင့် မန္တလေးမြို့ စာချုပ်စာတမ်း မှတ်ပုံတင်ဌာနမှူးရုံးတွင် မူပိုင်ခွင့်တင်ပြီးနောက် အမှုသည်၏ လွှဲအပ်ညွှန်ကြားချက်အရ ကုန်အမှတ်တံဆိပ် သတိပေးကြေညာချက် ထုတ်ပြန်ရာတွင် ပါဝင်ခဲ့သည့် အထက်တန်းရှေ့နေ ဦးဥာဏ်ဝင်းအောင်က မေ ၁၇ ရက်တွင် ပြောကြားသည်။

“STAR BUCKS” COFFEE ကို မန္တလေးမြို့ စာချုပ်စာတမ်းရုံးတွင် မှတ်ပုံတင်ထားသူကပင် ထိုင်းနိုင်ငံ၏ နာမည်ကျော် အမှတ်တံဆိပ်တစ်ခုဖြစ်သော 7 Eleven ကိုပါ မူပိုင်ခွင့်တင်ထားသည်။ မြန်မာနိုင်ငံတွင် ထိုသို့ ကမ္ဘာကျော် ကုန်အမှတ်တံဆိပ်များကို လက်ဦးမှုရယူ မှတ်ပုံတင်ထားသည့် ကုမ္ပဏီများ၊ အရောင်းဆိုင်များ အများအပြား ရှိနေသည်။ မြန်မာနိုင်ငံကဲ့သို့ ကမ္ဘာကျော် ကုန်အမှတ်တံဆိပ်များကို လက်ဦးမှုရယူပြီး မူရင်းကုမ္ပဏီမှ ၀င်ရောက်လာပါက တရားစွဲဆိုခြင်း၊ လျော်ကြေးတောင်းခံခြင်း ကဲ့သို့ဖြစ်စဉ်များတွင် တရုတ်နိုင်ငံမှာ နာမည်ကျော်သည်။ ဥပမာအားဖြင့် ကမ္ဘာတစ်ဝန်းရှိ နိုင်ငံအများစု၌ အသုံးပြုနေသည့် Facebook အမှတ်တံဆိပ်ကို တရုတ်အခြေစိုက်ကုမ္ပဏီ တစ်ခုက ၂၀၁၄ ခုနှစ်တွင် Face Book ဟု မှတ်ပုံတင်ထားမှုကြောင့် မူပိုင်ခွင့်ကိစ္စ အငြင်းပွားမှုများ ရှိခဲ့သည်။ သို့သော် တရုတ်တရားရုံးက အမေရိကန် Facebook ကို အသာပေးခဲ့ပြီး တရုတ်ကုမ္ပဏီ၏ ကျင့်ဝတ်ပိုင်း အခြေခံစောင့်ထိန်းမှုများကို ပျက်ကွက်ကြောင်း ရှုတ်ချခဲ့သည့်အပြင် လူသိထင်ရှားအမှတ်တံဆိပ်တစ်ခုကို ခုတုံးလုပ်ကာ ကိုယ်ကျိုးရှာအမြတ်ထုတ်ရန် ကြံစည်ခဲ့ကြောင်း ပြောဆိုခဲ့သည်။

မြန်မာနိုင်ငံအနေဖြင့် WIPO၊ WTO အဖွဲ့ဝင်နိုင်ငံဖြစ်ပြီး ဥာဏပစ္စည်းဆိုင်ရာ မူပိုင်ခွင့်များကို လိုက်နာရသော်လည်း လက်ရှိအချိန်အထိ ကုန်အမှတ်တံဆိပ်မူပိုင်ခွင့် ဥပဒေအပါအ၀င် မူပိုင်ခွင့်ဥပဒေများနှင့် နည်းဥပဒေများကို အတည်ပြုပြဋ္ဌာန်းနိုင်မှု မရှိဖြစ်နေပြီး နိုင်ငံခြားရင်းနှီးမြှုပ်နှံသူများအနေဖြင့် မြန်မာနိုင်ငံသို့ ၀င်ရောက်မြှုပ်နှံရန် စုံစမ်းမေးမြန်းရာတွင်လည်း ထိုသို့ Intellectual Property ဥပဒေများ မြန်မာနိုင်ငံတွင် ပြဋ္ဌာန်းထားမှု မရှိသည့်အတွက် အကာအကွယ်မရရှိနိုင်သဖြင့် ၀င်ရောက်လိုမှု နည်းပါးကြသည်။ ထိုသို့ဝင်ရောက်လိုမှု နည်းပါးနေချိန်တွင် မြန်မာနိုင်ငံမှ ကုမ္ပဏီအချို့က ကမ္ဘာကျော် အမှတ်တံဆိပ်များကို တုပ၍ မူပိုင်ခွင့်တင်၊ လက်ဦးမှုရယူထားသည်များမှာ မြန်မာ့ပုံရိပ်ကို ကျဆင်းစေကြောင်း ဥပဒေပညာရှင်များက သုံးသပ်သည်။

“နိုင်ဖို့ရာ လမ်းမရှိဘူး။ ဒါက Focus ပေါ့ဗျာ။ ဘာကြောင့်လဲဆိုတော့ Squatting လုပ်တဲ့ကိစ္စမျိုးက အကြောင်းအရာတွေက ဥပဒေမှာ အရေးကြီးတာက Good Faith လား၊ Bad Faith လားဆိုတာ အရေးကြီးတယ်။ တမင်သက်သက် လုပ်တဲ့ဟာမျိုးတွေကျရင် Bad Faith လို့ပဲ ကျွန်တော်တို့က ယေဘုယျသုံးသပ်တာပေါ့။ သို့သော် အမှုနိုင်ခြင်း မနိုင်ခြင်းဆိုတာကတော့ အမှုအခင်းဖြစ်တဲ့အချိန်မှာ ရုံးတော်ကို စာရွက်စာတမ်း တင်သွင်းတဲ့အခါကျတော့ အထောက်အထားတွေ၊ သက်သေခံချက်တွေအပေါ်မှာ တရားသူကြီးက ဆုံးဖြတ်တာကိုး။ လျော်ကြေးပေးခြင်း၊ ညှိနှိုင်းခြင်း၊ မညှိနှိုင်းခြင်းဆိုတာ သက်ဆိုင်ရာကုမ္ပဏီရဲ့ သူ့ရဲ့ရည်ရွယ်ချက်နဲ့ဆိုင်တယ်။ မြန်မြန်ပြီးချင်တယ်။ ရော့ တစ်သိန်း ယူလိုက်။ တစ်သောင်းယူလိုက် ပေးတာကတော့ သူ့ကုမ္ပဏီရဲ့ အကြောင်းခြင်းရာနဲ့ဆိုင်တယ်။ A ပဲဖြစ်ဖြစ် B ပဲဖြစ်ဖြစ်။ ဘယ်ကုမ္ပဏီရယ်လို့ ကျွန်တော်မဆိုလိုဘူး။ အဲဒီလိုမျိုး လျော်ကြေးပေးပြီး ပြန်ပြီးတော့ ၀ယ်လိုက်ပြုလိုက်တာမျိုး။ မှတ်ပုံတင်ထားတာကို ပယ်ဖျက်ခြင်းက နိုင်တယ်ရှုံးတယ် သတ်မှတ်လို့မရဘူး။ နိုင်ခြင်းရှုံးခြင်းဆိုတာ ဥပဒေမှာပြဋ္ဌာန်းချက်တွေ၊ တရားရုံးရောက်ပြီး ဆုံးဖြတ်ချက်အရ အနိုင်အရှုံးကိုပဲ ဥပဒေပါ ပြဋ္ဌာန်းချက်အရ အနိုင်အရှုံးလို့ သတ်မှတ်တယ်။ ကြားဝင်ဖျန်ဖြေတာနဲ့ ညှိနှိုင်းတာတွေကို အနိုင်အရှုံးလို့ မသတ်မှတ်ဘူး။ တရားခွင်ရောက်မယ်ဆိုရင် ရှုံးမှာက ရာခိုင်နှုန်း ၉၀ သေချာတယ်။ ဘာကြောင့်လဲဆိုတော့ တစ်အချက် ကျွန်တော်တို့ဆီမှာ တိတိကျကျသတ်မှတ်တဲ့ ကုန်အမှတ်တံဆိပ်ဥပဒေဆိုတာ မရှိသေးဘူး။ နှစ်အချက် ဒါမျိုးပြဿနာတွေဆိုတာ ရှိနေဦးမှာပဲ။ ဘာဖြစ်လို့လဲဆိုတော့ တိကျတဲ့ ကုန်အမှတ်တံဆိပ်ဥပဒေမရှိတော့ ကုန်အမှတ်တံဆိပ်နဲ့အညီ မှတ်ပုံတင်တာကို လက်ခံတဲ့အချိန်မှာ တူတာ မတူတာကို စတဲ့ Proper Magnism မရှိတော့ ဒါမျိုးတွေက ဖြစ်နေဦးမှာပဲ။ ဒုတိယတစ်ပိုင်းကျတော့ ကျွန်တော်တို့က WTO အဖွဲ့ဝင်နိုင်ငံဖြစ်တယ်။ ဒီလိုဖြစ်တော့ ကျွန်တော်ဆိုခဲ့သလိုပဲ Trade- Related Intellectual Property Right Agreement ဆိုတာ ရှိတယ်။ အဲဒီ Agreement မှာ ပြဋ္ဌာန်းချက်တွေနဲ့အညီ လိုက်နာဆောင်ရွက်ရတာပေါ့။ လိုက်နာဆောင်ရွက်တဲ့နေရာမှာ Trade Agreement အောက်မှာ National Treatment ဆိုတာရှိတယ်။ WTO အဖွဲ့ဝင်နိုင်ငံတိုင်းသည် National Treatment ပေးရတယ်။ အဲဒီ Treatment ပေးတဲ့အခါမှာ နိုင်ငံခြားမို့လို့ ပြည်တွင်းမို့လို့ဆိုပြီး ခွဲခြားပြီး ဆက်ဆံလို့မရဘူး။ ဒါက National Treatment ရဲ့ အဓိကကျတဲ့တစ်ခုပေါ့။ မြန်မာမို့လို့ အမျိုးသားရေးတို့ဆိုတာတွေက လက်ရှိအခြေအနေတွေနဲ့ မသက်ဆိုင်ပါဘူး။ ဒါက International Convention တွေ Treaty တွေရဲ့ အနေအထားပေါ့။ နောက်တစ်ခုက ကျွန်တော်တို့က Asean Framework Agreement on Intellectual Property Right ကို လက်မှတ်ထိုးထားရတဲ့ အာဆီယံနိုင်ငံဖြစ်ပြီး အာဆီယံစီးပွားရေး အသိုက်အ၀န်းမှာဆိုရင်လည်း ဥာဏပစ္စည်းဆိုင်ရာ မူပိုင်ခွင့်ကို အကာအကွယ်ပေးမှ ရင်းနှီးမြှုပ်နှံမှုတွေ လွယ်ကူစွာစီးဆင်းမြှုပ်နှံနိုင်မှာ။ ဒါက နိုင်ငံတကာအမြင်ပေါ့။ ပြည်တွင်းအခြေအနေနဲ့ ပြန်ကြည့်ရင်လည်း မြန်မာနိုင်ငံ ရင်းနှီးမြှုပ်နှံမှုဥပဒေတို့ ဘာတို့ အားလုံးမှာ ကုန်အမှတ်တံဆိပ်တို့၊ လိုင်စင်တို့ Patent တို့ စသဖြင့် အားလုံးကို Capital အနေနဲ့ သတ်မှတ်ပေးထားတယ်။ နိုင်ငံခြားရင်းနှီးမြှုပ်နှံမှုတွေလာဖို့ဆိုရင် Intellectual Property Right ကို အကာအကွယ်မပေးဘဲ လာမှာမဟုတ်ဘူး။ နောက်ပြီး ရင်းနှီးမြှုပ်နှံမှုဥပဒေတွေမှာလည်း တိတိကျကျ အကာအကွယ်ပေးထားတော့ သူတို့နေရာဦးချင်ဦး၊ ခုံဦးချင်ဦး။ တရားခွင်မှာ တင်ပြချက်တွေသည် ပြည့်စုံမှန်ကန်မယ်ဆိုရင် ဦးထားတဲ့ဟာတွေသည် အရှုံးတရားနဲ့ ရင်ဆိုင်ရမှာပဲ။ ဒါက လက်တွေ့ဆန်ဆန် ကျွန်တော်ပြောတာ။ ဘာလုပ်မှာလဲ။ အချိန်လဲကုန်တယ်။ ငွေလဲကုန်တယ်။ ဒါမျိုးတွေ မလုပ်သင့်ဘူး။ ကျွန်တော်တို့ကြည့်ရမှာက Micro ပိုင်းနဲ့မကြည့်ဘဲ Macro ပိုင်းနဲ့ကြည့်ရမှာ။ ဂုဏ်ရှိတဲ့ တိုင်းပြည်။ ဂုဏ်ရှိတဲ့နိုင်ငံအဖြစ် တည်ဆောက်ရမှာ။ ရှက်ဖို့ကောင်းတာပေါ့” ဟု South-East Asia IPR SME Help Desk မှ Myanmar Expert ဦးမင်းတေဇညွန့်တင်က သုံးသပ်ပြောကြားသည်။

မြန်မာနိုင်ငံတွင် ကမ္ဘာကျော် အမှတ်တံဆိပ်များကို တုပအသုံးပြုမှုကြောင့် ဂျပန်နိုင်ငံရှိ Family Mart Head Office မှ Notice ပေးပို့ခဲ့သည့် ဖြစ်စဉ်များရှိနေသည်။ ထို့ပြင် ထိုင်းနိုင်ငံမှ ကုမ္ပဏီများကလည်း မြန်မာနိုင်ငံ၌ ယင်းတို့၏ အမှတ်တံဆိပ်ကို တုပထားသည့် မြန်မာလုပ်ငန်းများထံသို့ ကန့်ကွက်မှုများရှိခဲ့ကြောင်း Intellectual Property Right လုပ်ဆောင်သည့် ဥပဒေပညာရှင်များထံမှ စုံစမ်းသိရသည်။ လက်ရှိမြန်မာနိုင်ငံတွင် ကမ္ဘာကျော်အမှတ်တံဆိပ်များကို မူပိုင်ခွင့်တင်ထားသည့် အခြေအနေများအတွက် မန္တလေးမြို့ စာချုပ်စာတမ်း မှတ်ပုံတင်ဌာနမှူးရုံး အပါအ၀င် “STAR BUCKS” COFFEE နှင့် 7 Eleven မှတ်ပုံတင်ခဲ့သူနှင့် စာချုပ်စာတမ်း မှတ်ပုံတင်နိုင်သည့် ကြေးတိုင်နှင့် မြေစာရင်း ရုံးများသို့ ဆက်သွယ်မေးမြန်းခဲ့သော်လည်း ကနဦးဆက်သွယ်ရရှိခြင်းမရှိဘဲ ယင်းကိစ္စနှင့် ပတ်သက်၍ အချက်အလက်များ ထပ်မံရရှိခဲ့ပါက ဖော်ပြပေးမည်ဖြစ်သည်။

“မူပိုင်ခွင့်ဥပဒေတွေက အခုမှ ရေးဆွဲနေတုန်းပဲ ရှိသေးတယ်။ တကယ်တမ်းပြောရရင် ဥာဏပစ္စည်းမူပိုင်ခွင့်အောက်မှာ ခုနစ်ခုရှိတယ်။ Trademark, Patent, Geographic Design, Trade Secret တို့ အများကြီးပဲ။ အခုဟာက တကယ်တမ်းဆို မှတ်ပုံတင်ထားမျိုး ပြည်တွင်းက မလုပ်သင့်ဘူး။ ကျွန်တော်တို့နိုင်ငံကလည်း WIPO အဖွဲ့ဝင်နိုင်ငံပဲ။ ကမ္ဘာကျော်အမှတ်တံဆိပ်တွေက သူ့နိုင်ငံမှာ မှတ်ပုံတင်ထားတယ်။ သူတို့နိုင်ငံတွေကလည်း WIPO အဖွဲ့ဝင်နိုင်ငံတွေ ဖြစ်တယ်။ ကျွန်တော်တို့ဆီမှာက IP Law တွေက ထွက်တောင်မထွက်သေးဘူးဆိုတော့ ခိုင်ခိုင်မာမာမရှိတဲ့အတွက် ပြည်တွင်းက မူပိုင်ခွင့်တင်ထားတာတွေက မလွယ်ဘူး။ ရှုံးနိုင်တယ်။ ကျွန်တော်တို့ကလည်း WIPO အဖွဲ့ဝင်၊ IP Law တွေက လွှတ်တော်တင်ထားဆဲဖြစ်တယ်။ အခုဟာက စာချုပ်စာတမ်းရုံးမှာ မှတ်ပုံတင်ကြတာ။ အဲဒီရုံးတွေက မြေယာနဲ့ပတ်သက်ပြီး အဓိကကိုင်ကြတာ။ Law Scope က အဲဒီလောက်ပဲရှိတယ်။ IP Law တွေ ထွက်လာမှပဲ မှတ်ပုံတင်လို့ရမယ်။ မှတ်ပုံတင်ရင်လည်း ကမ္ဘာမှာရှိနေတဲ့ အမှတ်တံဆိပ်တွေဆို မရဘူးပေါ့။ သူများ မှတ်ပုံတင်ထားပြီးတွေ” ဟု မြန်မာနိုင်ငံရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူး ဦးကျော်ဝင်းထွန်းက ပြောကြားသည်။

လုံးခင်း၊ ဖားကန့်၊ မိုးကုတ်၊ ခန္တီး၊ မိုင်းရှူးနှင့် မိုးညှင်းရတနာနယ်မြေများရှိ လုပ်ကွက် ၂၈၀ ကျော် ဇွန်လတွင် သက်တမ်းကုန်ဆုံးကြောင်း ထုတ်ပြန်

လုံးခင်း၊ ဖားကန့်၊ မိုးကုတ်၊ ခန္တီး၊ မိုင်းရှူး နှင့် မိုးညှင်းရတနာနယ်မြေများရှိ ကျောက်မျက်တူးဖော်ရေး လုပ်ကွက် ၂၈၀ ကျော်မှာ ဇွန်လတွင် သက်တမ်းကုန်ဆုံးမည်ဖြစ်ကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေး ၀န်ကြီးဌာနမှ ထုတ်ပြန်ခဲ့သည်။

ဇွန်လတွင် လုံးခင်း၊ ဖားကန့်ရတနာနယ်မြေ၌ လုပ်ကွက် ၁၉၆ ခု၊ မိုင်းရှူးတွင် လုပ်ကွက်သုံးခု၊ မိုးကုတ်တွင်လုပ်ကွက် ၇၃ ခု၊ ခန္တီးတွင် လုပ်ကွက်ခုနစ်ခု၊ မိုးညှင်းရှိ လုပ်ကွက်နှစ်ခုတို့မှာ သက်တမ်းကုန်ဆုံးကြောင်း ထုတ်ပြန်ခဲ့ခြင်းဖြစ်သည်။ ဇွန်လတွင် သက်တမ်းကုန်မည့် လုပ်ကွက်စုစုပေါင်း ၂၈၁ ခုရှိကြောင်း သိရသည်။ ၂၀၁၈ ခုနှစ် မေလတွင် သက်တမ်းကုန်ဆုံးခဲ့သည့် လုပ်ကွက်ပေါင်း ၆၉၈ ခုရှိခဲ့ပြီး ၂၀၁၈ ခုနှစ် ဧပြီလတွင် သက်တမ်းကုန်ဆုံးသည့် လုပ်ကွက်စုစုပေါင်း ၂၃၄ ခုရှိကြောင်း သိရသည်။ ၂၀၁၈ ခုနှစ် မတ်လတွင် သက်တမ်းကုန်ဆုံးသည့် လုပ်ကွက် စုစုပေါင်း ၁၉၈ ခုရှိကြောင်း သိရသည်။

မိုင်းရှူးရှိ လုပ်ကွက်သုံးခုမှာ ၂၀၁၅ ခုနှစ်က လုပ်ကိုင်ခွင့်ပြုခဲ့ခြင်းဖြစ်ပြီး မိုးကုတ်ရှိ လုပ်ကွက် ၇၃ ခုမှာလည်း ၂၀၁၅ ခုနှစ်က လုပ်ကိုင်ခွင့်ပြုခဲ့ခြင်းဖြစ်ကြောင်း သိရသည်။ လုံးခင်း၊ ဖားကန့်ရှိ လုပ်ကွက် ၁၉၆ ခုမှာ ၂၀၁၁ နှင့် ၂၀၁၅ ခုနှစ်တို့တွင် လုပ်ကိုင်ခွင့်ပေးခဲ့ခြင်းဖြစ်သည်။ ခန္တီးရှိ လုပ်ကွက်ခုနစ်ခုကို ၂၀၁၅ ခုနှစ်က လုပ်ကိုင်ခွင့်ပေးခဲ့ခြင်းဖြစ်ပြီး မော်လူး၊ မော်ဟန်(မိုးညှင်း) ရတနာနယ်မြေရှိ လုပ်ကွက်နှစ်ခုမှာလည်း ၂၀၁၅ ခုနှစ်က လုပ်ကိုင်ခွင့်ပြုထားခြင်းဖြစ်ကြောင်း သိရသည်။

ရန်ကုန်မြို့တွင် အဆင့်မြင့်ဝန်ဆောင်မှုတိုက်ခန်း ၂၀၀၀ ၀န်းကျင်ရှိလာပြီး ၂၀၁၈ ခုနှစ်တစ်နှစ်လုံး အခန်းသစ် ထပ်မံမထွက်ရှိနိုင်သောကြောင့် အခန်းငှားရမ်းမှုနှုန်းနှင့် အခန်းအများစု ငှားရမ်းခများမြင့်တက်မည်ဟု မျှော်မှန်း

Services Apartments များပါဝင်မည့် Golden City စီမံကိန်းအား တွေ့ရစဉ် (ဓာတ်ပုံ-ကျော်ဇင်ဖြိုး)

ရန်ကုန်မြို့တွင် အဆင့်မြင့်ဝန်ဆောင်မှုတိုက်ခန်း ၂၀၀၀ ၀န်းကျင်ရှိလာပြီး ၂၀၁၈ ခုနှစ် တစ်နှစ်လုံး အခန်းသစ် ထပ်မံမထွက်ရှိနိုင်သောကြောင့် အခန်းငှားရမ်းမှုနှုန်းနှင့် အခန်းအများစုငှားရမ်းခများ မြင့်တက်မည်ဟု မျှော်မှန်းကြောင်း ကနေဒါအခြေစိုက် အိမ်ခြံမြေဈေးကွက် ၀န်ဆောင်မှုလုပ်ငန်းဖြစ်သော Collier International (Myanmar) မှ ထုတ်ပြန်သည့် ၂၀၁၈ ခုနှစ် ပထမသုံးလပတ် ဈေးကွက်အစီရင်ခံစာအရ သိရသည်။

၂၀၁၈ ခုနှစ်အတွင်း အခန်းသစ် ထပ်မံမထွက်ရှိခြင်းကြောင့် အဆင့်မြင့်ဝန်ဆောင်မှု တိုက်ခန်းဈေးကွက်တွင် ယှဉ်ပြိုင်ရမှု လျော့နည်းကာ ငှားရမ်းမှုနှုန်းနှင့် ငှားရမ်းခမြင့်တက်စေရန် အလားအလာကောင်းနေသည်။ တည်ဆောက်ဆဲ စီမံကိန်းများကြောင့် လာမည့်သုံးနှစ်အတွင်း အခန်းအရေအတွက် နှစ်ဆခန့် မြင့်တက်လာမည်ဖြစ်ပြီး အများစုမှာ ရန်ကုန်မြို့တွင်းပိုင်းတွင် တည်ရှိသည်။ ငှားရမ်းခအနေဖြင့်လည်း ရန်ကုန်မြို့၏ အဆင့်မြင့်ဝန်ဆောင်မှု တိုက်ခန်းဈေးသည် အရှေ့တောင်အာရှဈေးကွက်တွင် အမြင့်ဆုံးနှုန်းများတွင် ပါဝင်ပြီး အနာဂတ်ကာလတွင် အလယ်အလတ်အခန်းများက အလားအလာကောင်းမွန်နေသည်။

အဆင့်မြင့်ဝန်ဆောင်မှု တိုက်ခန်းဈေးကွက်သည် အရည်အသွေးမြင့်မားပြီး ဈေးနှုန်းသင့်တင့်သည့် ၀န်ဆောင်မှုတိုက်ခန်းများအား ငှားရမ်းလိုသူ ပိုမိုများပြားလာသည်။ ငှားရမ်းလိုသူအချို့က ကုန်ကျစရိတ် လျှော့ချသည်အနေဖြင့် အခန်းငယ်များကို ပိုမိုရွေးချယ်မှုများလာရာ အိပ်ခန်းတစ်ခန်း၊ အိပ်ခန်းနှစ်ခန်း၊ အိပ်ခန်းသုံးခန်းပါ တိုက်ခန်းများ ပိုမိုဈေးကွက်ဝင်လာသည်။

ဝန်ဆောင်မှု တိုက်ခန်းငှားရမ်းမှု နှုန်းထားသည် လက်ရှိအတိုင်းဆက်သွားမည် မျှော်မှန်းထားသော်လည်း အရည်အသွေးမြင့်ပြီး ဈေးနှုန်းသက်သာသည့်အခန်းများ ပိုမိုအလားအလာကောင်းနေသည်။ အခန်းအရေအတွက်လည်း ဆက်လက်တိုးတက်နေမည်ဟု ခန့်မှန်းထားပြီး လာမည့် ၂၀၂၀ ပြည့်နှစ်တွင် အခန်းပေါင်း ၃၀၀၀ ၀န်းကျင်အထိ ရှိလာမည်ဟု မျှော်မှန်းထားသည်။

လာမည့်နှစ်များအတွင်း ဈေးကွက်ဝင်လာမည့် စီမံကိန်းများမှာ Somerset@ 68 Residence၊ Kantharyar Serviced Residences၊ Sedona Suites၊ The Loi၊ Golden City Serviced Apartments၊ HAGL Myanmar Serviced Apartments၊ Inno City စသည်တို့ဖြစ်ကြောင်း သိရသည်။ ၂၀၂၀ ပြည့်နှစ်တွင် အဆင့်မြင့်ဝန်ဆောင်မှု တိုက်ခန်းများ၏ ၆၇ ရာခိုင်နှုန်းသည် ရန်ကုန်မြို့ အချက်အချာနေရာများတွင် တည်ရှိမည်ဟု မျှော်မှန်းထားပြီး ဗဟန်းနှင့် ရန်ကင်းမြို့နယ်တို့သည် ရေပန်းအစားဆုံး နေရာများဖြစ်သည်။

ရန်ကုန်မြို့၏ လက်ရှိအဆင့်မြင့်ဝန်ဆောင်မှု တိုက်ခန်းများ၏ ၃၆ ရာခိုင်နှုန်းသည် အိပ်ခန်းတစ်ခန်းပါ အခန်းများဖြစ်ပြီး အိပ်ခန်သုံးခန်းပါအခန်းမှာ ၂၉ ရာခိုင်နှုန်း၊ အိပ်ခန်းနှစ်ခန်းပါအခန်းမှာ ၂၈ ရာခိုင်နှုန်း၊ အိပ်ခန်းလေးခန်းပါအခန်းမှာ လေးရာခိုင်နှုန်းနှင့် Studio အခန်းမှာ သုံးရာခိုင်နှုန်းရှိကြောင်း သိရသည်။

ငှားရမ်းမှုနှုန်းထားအနေဖြင့် ၂၀၁၇ ခုနှစ် ဒုတိယသုံးလပတ်တွင် ၈၇ ဒသမ ၂ ရာခိုင်နှုန်း၊ တတိယသုံးလပတ်တွင် ၇၇ ဒသမ ၉ ရာခိုင်နှုန်း၊ စတုတ္ထသုံးလပတ်တွင် ၈၁ ရာခိုင်နှုန်း၊ ၂၀၁၈ ခုနှစ် ပထမသုံးလပတ်တွင် ၈၂ ရာခိုင်နှုန်းအထိ ရှိခဲ့သည်။

ငှားရမ်းခအနေဖြင့် ၂၀၁၈ ခုနှစ် ပထမသုံးလပတ်တွင် Studio၊ အိပ်ခန်းတစ်ခန်းပါ အခန်း၊ အိပ်ခန်းသုံးခန်းပါအခန်းများ ယခင်သုံးလပတ်နှင့်ယှဉ်ပါက နှစ်ရာခိုင်နှုန်းမှ သုံးရာခိုင်နှုန်းအထိ မြင့်တက်ခဲ့သည်။ လက်ရှိ ပျမ်းမျှ တစ်လငှားရမ်းခနှုန်းများမှာ Studio ခန်းမှာ ဒေါ်လာ ၁၉၆၃၊ အိပ်ခန်းတစ်ခန်းပါ အခန်းမှာ ဒေါ်လာ ၃၇၂၂၊ အိပ်ခန်းနှစ်ခန်းပါ အခန်းမှာ ၄၄၉၇ ဒေါ်လာ၊ အိပ်ခန်းသုံးခန်းပါ အခန်းမှာ ၅၅၉၃ ဒေါ်လာ၊ အိပ်ခန်းလေးခန်းပါ အခန်းမှာ ၇၇၃၀ ဒေါ်လာဖြစ်ကြောင်း သိရသည်။

မြန်မာ့စီးပွားရေးအလားအလာသည် အကောင်းဘက်တွင် ရှိနေသော်လည်း အန္တရာယ်စိန်ခေါ်မှုများ ရှိနေဆဲဖြစ်ပြီး ထိရောက်စွာ ကိုင်တွယ်ခြင်းမပြုပါက စီးပွားရေးအနာဂတ်အလားအလာအပေါ် သက်ရောက်မှုရှိနိုင်ကြောင်း ကမ္ဘာ့ဘဏ်၏ မြန်မာ့စီးပွားရေး စောင့်ကြည့်အစီရင်ခံစာတွင် ဖော်ပြ

ကုန်သည်စက်မှုအသင်းချုပ်တွင် ကျင်းပသည့် Myanmar Economic Monitor: May 2018 အစီရင်ခံစာထုတ်ပြန်ပွဲအား တွေ့ရစဉ်

မြန်မာနိုင်ငံ၏ စီးပွားရေးအလားအလာသည် အကောင်းဘက်တွင် ရှိနေသော်လည်း အန္တရာယ်စိန်ခေါ်မှုများလည်း ရှိနေဆဲဖြစ်ပြီး ထိရောက်စွာကိုင်တွယ်ခြင်း မပြုပါက စီးပွားရေးအနာဂတ်အလားအလာအပေါ် သက်ရောက်မှုရှိနိုင်ကြောင်း မေ ၁၇ ရက်က ရန်ကုန်မြို့ရှိ ကုန်သည်စက်မှုအသင်းချုပ်တွင် ကျင်းပသည့် Myanmar Economic Monitor: May 2018 အစီရင်ခံစာထုတ်ပြန်ပွဲမှ သိရသည်။

၂၀၁၆-၂၀၁၇ ဘဏ္ဍာနှစ်တွင် အနည်းငယ်အရှိန်နှေးသွားခဲ့သည့် မြန်မာနိုင်ငံ၏ စီးပွားရေးအခြေအနေသည် ၂၀၁၇-၂၀၁၈ ဘဏ္ဍာနှစ်တွင် ပြည်တွင်းပြည်ပမရေရာ မသေချာသည့် အခြေအနေများအကြား အကောင်းဘက်တွင် ရှိနေဆဲဖြစ်သည်။ စီးပွားရေးဖွံ့ဖြိုးတိုးတက်မှုသည် ကဏ္ဍပေါင်းစုံပါဝင်သည့် ကျယ်ပြန့်သော ဖွံ့ဖြိုးမှုဖြစ်သည်ဟု တွေ့ရှိရသည်။

ငွေကြေးဖောင်းပွမှုနှုန်း ကျဆင်းလျက်ရှိကာ တိုင်းပြည်၏ ဘဏ္ဍာရေးနှင့် External Balance အခြေအနေကောင်းလာခဲ့ကြောင်း သိရှိရသည်။ ပြည်ပပို့ကုန်နှင့် နိုင်ငံခြားရင်းနှီးမြှုပ်နှံမှုများ အားကောင်းလာခဲ့ခြင်းကြောင့် ကျပ်ငွေတန်ဖိုးလည်း အနည်းငယ်ခိုင်မာလာသည်။ စီးပွားရေးအလားအလာသည် အကောင်းဘက်တွင် ရှိနေသော်လည်း အန္တရာယ်စိန်ခေါ်မှုများလည်း ရှိနေဆဲဖြစ်ပြီး ထိရောက်စွာ ကိုင်တွယ်ခြင်းမပြုပါက စီးပွားရေးအနာဂတ်အလားအလာအပေါ် သက်ရောက်မှုရှိနိုင်သည်ဟု ကမ္ဘာ့ဘဏ်က နောက်ဆုံးထုတ်ပြန်လိုက်သည့် မြန်မာနိုင်ငံ၏ စီးပွားရေးစောင့်ကြည့်အစီရင်ခံစာက ဆိုသည်။

ပြည်တွင်းအသားတင် ထုတ်လုပ်မှုတန်ဖိုး ဖွံ့ဖြိုးမှုနှုန်းသည် ၂၀၁၆-၁၇ တွင် ၅ ဒသမ ၉ ရာခိုင်နှုန်းရှိခဲ့ရာမှ ၂၀၁၇-၁၈ တွင် ၆ ဒသမ ၄ ရာခိုင်နှုန်းသို့ ရောက်ရှိလာသည်။ ထိုသို့ရောက်ရှိလာခြင်းမှာလည်း စိုက်ပျိုးရေးကဏ္ဍ၊ ကောက်ပဲသီးနှံ ထုတ်လုပ်မှုအခြေအနေ၊ ပြန်လည်ကောင်းမွန်လာခြင်း၊ ကုန်ထုတ်လုပ်ငန်းများ အားကောင်းလာခြင်းနှင့် ၀န်ဆောင်မှုလုပ်ငန်းကဏ္ဍတွင် တည်ငြိမ်လာခြင်းတို့ကြောင့် ဖြစ်သည်ဟု အစီရင်ခံစာက ဆိုသည်။

သို့သော် ခရီးသွားလုပ်ငန်းနှင့် ငွေရေးကြေးရေး ဘဏ်လုပ်ငန်းတို့တွင် မရေရာမှုများကြောင့် အနည်းငယ်နှေးကွေးခဲ့သည်ဟု တွေ့ရှိရကြောင်း အဆိုပါအစီရင်ခံစာက ဆိုသည်။

၂၀၁၈-၁၉ ခုနှစ်အတွက် နိုင်ငံ၏စီးပွားရေး တိုးတက်မှုနှုန်းသည် အကောင်းဘက်တွင်ရှိနေပြီး ၆ ဒသမ ၇ ရာခိုင်နှုန်းသို့ ရောက်ရှိလာမည်ဟု ခန့်မှန်းထားသည်။ ငွေကြေးဖောင်းပွမှုနှုန်းသည် ၂၀၁၆-၁၇ ခုနှစ်တွင် ခုနစ်ရာခိုင်နှုန်းရှိခဲ့ရာမှ ၂၀၁၇-၁၈ တွင် ၅ ဒသမ ၅ ရာခိုင်နှုန်းသို့ ကျဆင်းခဲ့ပြီး ၂၀၁၈-၂၀၁၉ ခုနှစ်တွင် ၄ ဒသမ ၉ ရာခိုင်နှုန်းအထိ ကျဆင်းသွားမည်ဟု အဆိုပါအစီရင်ခံစာက ခန့်မှန်းထားသည်။

အန္တရာယ်စိန်ခေါ်မှုများအကြား အကောင်းဘက်ဦးတည်သည့် စီးပွားရေးဖွံ့ဖြိုးမှုအရှိန်အား ဆက်လက်ထိန်းထားနိုင်ရန်မှာ ဦးစားပေးဆောင်ရွက်သင့်သည့် အစိုးရကဏ္ဍသုံးစွဲမှုများနှင့် ပုဂ္ဂလိကကဏ္ဍ စီးပွားရေးလုပ်ငန်းများအား တည်ငြိမ်သည့် မေခရိုစီးပွားရေးအခြေအနေ အားကောင်းခိုင်မာသော မူဝါဒများဖြင့် အားပေးထောက်ကူရန် လိုအပ်မည်ဖြစ်ကြောင်း၊ လျှပ်စစ်ဓာတ်အားခ နှုန်းထားများအား သင့်လျော်စွာ ပြင်ဆင်သတ်မှတ်ခြင်း၊ ကုမ္ပဏီများဥပဒေအား အကောင်အထည်ဖော်ဆောင်ရွက်ခြင်း၊ အခွန်ထမ်းများအတွက် ပြည်သူ့ရေးရာဝန်ဆောင်မှုများ တိုးတက်အောင် ဆောင်ရွက်ပေးခြင်း၊ ငွေရေးကြေးရေးလုပ်ငန်းများအတွက် လုံခြုံစိတ်ချရသည့် ၀န်းကျင်ကောင်းတစ်ခု ဖန်တီးပေးခြင်းတို့က အထောက်အကူပြုနိုင်မည်ဖြစ်ကြောင်း မြန်မာနိုင်ငံဆိုင်ရာ ကမ္ဘာ့ဘဏ်ရုံး၏ ဦးဆောင်ဘောဂဗေဒပညာရှင် ဟန်စ်အာနန်ဘက်ခ်က ပြောကြားသည်။

မြန်မာ့စီးပွားရေးစောင့်ကြည့်အစီရင်ခံစာ Myanmar Economic Monitor ဆိုသည်မှာ မြန်မာနိုင်ငံ၏ စီးပွားရေးဖြစ်ပေါ်တိုးတက်မှု အခြေအနေများ၊ အလားအလာများနှင့် ဦးစားပေးဆောင်ရွက်ရန် လိုအပ်သည့် မူဝါဒအကြံပြုချက်များအား အချိန်မှန် လေ့လာသုံးသပ်ရေးသားသည့် အစီရင်ခံစာဖြစ်သည်။ အစီရင်ခံစာအား ပြုစုရာတွင် မြန်မာနိုင်ငံအစိုးရထံမှရရှိသည့် တရားဝင် ဒေတာအချက်အလက်များအပြင် ကမ္ဘာ့ဘဏ်၏ ပုံမှန်စီးပွားရေး စောင့်ကြည့်လေ့လာမှုများနှင့် မူဝါဒဆွေးနွေးမှုများမှ ဒေတာအချက်အလက်များကိုလည်း ထည့်သွင်းအသုံးပြုထားကြောင်း သိရသည်။

ဆိပ်ကမ်းသုံး ယန္တရားပစ္စည်းသစ်များ တပ်ဆင်ခဲ့သည့် အေးရှားဝေါလ်ဆိပ်ကမ်း၌ ယခုနှစ်တွင် ဆိပ်ကမ်းတံတားနှင့် ကုန်ကိုင်တွယ်မှု ရာခိုင်နှုန်း ၃၀ တိုးတက်လာနိုင်မည်ဟု သိရ

အေးရှားဝေါလ်ဆိပ်ခံတံတားရှိ ကုန်သေတ္တာခြောက်လုံးအထိ ဆင့်ထပ်နိုင်သော RTG ကရိန်းများအား တွေ့ရစဉ် (ဓာတ်ပုံ – ကြည်နိုင်)

ဆိပ်ကမ်းသုံး ယန္တရားပစ္စည်းသစ်များ တပ်ဆင်ခဲ့သည့် အေးရှားဝေါလ်ဆိပ်ကမ်း၌ ယခုနှစ်တွင် ဆိပ်ကမ်းတံတာနှင့် ကုန်သေတ္တာလွင်ပြင်၏ ကုန်ကိုင်တွယ်မှု ရာခိုင်နှုန်း ၃၀ တိုးတက်လာနိုင်မည်ဖြစ်ကြောင်း Asia World Port Management Co. မှ ထုတ်ပြန်သော သတင်းထုတ်ပြန်ချက်များအရ သိရသည်။

ရန်ကုန်ဆိပ်ကမ်းဧရိယာရှိ အေးရှားဝေါလ်ဆိပ်ကမ်း၌ ကုန်သေတ္တာ ခြောက်လုံးအထိ ဆင့်ထပ်နိုင်သော RTG ကရိန်းကိုးစင်း အပါအ၀င် ဆိပ်ကမ်းသုံး ယန္တရားပစ္စည်းသစ် ၁၄ မျိုးအား ဧပြီ ၂၉ ရက်က စတင်တပ်ဆင် အသုံးပြုခြင်းနေပြီဖြစ်သည်။

အေးရှားဝေါလ်/ထီးတန်း ဆိပ်ခံတံတားအနေဖြင့် ၂၀၁၇-၂၀၁၈ ဘဏ္ဍာရေးနှစ်တွင် သွင်းကုန်၊ ပို့ကုန် ကုန်သေတ္တာ TEU ၄၀၅၃၉၀ နှင့် သွင်းကုန် ပို့ကုန်တန်ချိန်ပေါင်း ၅၄၁၆၇၁၈ ကိုင်တွယ် ဆောင်ရွက်ပေးနိုင်ခဲ့ပြီး ရန်ကုန်ဆိပ်ကမ်း တစ်ခုလုံး၏ ၃၈.၈ ရာခိုင်နှုန်း ကိုင်တွယ်ဆောင်ရွက် ပေးနိုင်ခဲ့ကြောင်း သတင်းရရှိသည်။

အေးရှားဝေါလ် ဆိပ်ကမ်းတံတားတွင် တပ်ဆင်အသုံးပြုသည့် ဆိပ်ကမ်းသုံး ယန္တရားပစ္စည်းသစ်များတွင် ကုန်သေတ္တာ ခြောက်လုံးအထိ ဆင့်ထပ်နိုင်သော RTG ကရိန်း ကိုးစင်း၊ Mobile Harbour Crane တစ်စင်း၊ ကုန်သေတ္တာ သုံးလုံးအထိ ဆင့်ထပ်နိုင်သော Reach Stackers (RS) နှစ်စင်း၊ Empty Container Handlers နှစ်စင်းတို့ဖြစ်ကြောင်း Asia World Port Management Co. မှ ထုတ်ပြန်သော သတင်းထုတ်ပြန်ချက်များအရ သိရသည်။

အေးရှားဝေါလ်ဆိပ်ကမ်း၌ ဆိပ်ကမ်းသုံး ယန္တရားပစ္စည်းသစ်များ စတင်အသုံးပြုခြင်းကြောင့် ဆိပ်ကမ်းတံတားနှင့် ကုန်သေတ္တာလွင်ပြင်၏ ကုန်ကိုင်တွယ်နိုင်မှုပိုင်းတွင် ရာခိုင်နှုန်း ၃၀ ခန့် ပိုမိုတိုးတက် လာနိုင်မည်ဖြစ်ကြောင်း သိရသည်။

၂၀၁၇-၂၀၁၈ ဘဏ္ဍာနှစ်၌ ရန်ကုန်ဆိပ်ကမ်း တစ်ခုလုံး၏ ကုန်သေတ္တာကိုင်တွယ်မှုမှာ TEU ၁ ဒသမ ၄၃ သန်းခန့်ရှိပြီး ရန်ကုန်အတွင်း ဆိပ်ကမ်းများဖြစ်သည့် အေးရှားဝေါလ်/ထီးတန်းဆိပ်ခံတံတား၊ မြန်မာ့စက်မှုဆိပ်ကမ်း၊ အလုံအပြည်ပြည်ဆိုင်ရာ ဆိပ်ခံတံတား၊ ဗိုလ်အောင်ကျော်ဆိပ်ခံတံတား ငါးစင်းမှ TEU ၈၈၅၇၁၄ ကိုင်တွယ်နိုင်ခဲ့ပြီး ရန်ကုန်ကုန်းတွင်း ဆိပ်ကမ်းများသည် စုစုပေါင်း ကုန်သေတ္တာ၏ ၈၅ ရာခိုင်နှုန်းခန့်  ကိုင်တွယ်နိုင်ခဲ့ခြင်းဖြစ်သည်။

ရန်ကုန်ဆိပ်ကမ်း ဧရိယာအတွင်း ကုန်သေတ္တာတင် သင်္ဘောများ ဆိုက်ကပ်သည့် ဆိပ်ကမ်းတံတား ငါးခုဖြစ်သည့် အေးရှားဝေါလ်/ထီးတန်း ဆိပ်ခံတံတား၊ မြန်မာ့စက်မှုဆိပ်ကမ်း၊ အလုံအပြည်ပြည်ဆိုင်ရာ ဆိပ်ခံတံတား၊ ဗိုလ်အောင်ကျော် ဆိပ်ခံတံတားနှင့် သီလ၀ါ အပြည်ပြည်ဆိုင်ရာ ဆိပ်ခံတံတားများသည် လက်ရှိတွင် ကုန်သေတ္တာတင် သင်္ဘောများ ဆိုက်ကပ်၍ ကုန်စည်ကိုင်တွယ်မှုများ ဆောင်ရွက်နေပြီး ကုန်းတွင်းပိုင်း ဆိပ်ကမ်းများအနက် အေးရှားဝေါလ်နှင့် မြန်မာ့စက်မှုဆိပ်ကမ်းတို့သည် အဓိက ကုန်သေတ္တာ ဆိပ်ကမ်းများအဖြစ် ရပ်တည်လျက်ရှိကြောင်း သိရသည်။