ထားဝယ်မြို့ရှိ အရည်အသွေးမြင့် ရော်ဘာထုတ်စက်ရုံကို စတင်စမ်းသပ် လည်ပတ်နေပြီး လာမည့် ဒီဇင်ဘာလအတွင်း အပြည့်အ၀ လည်ပတ်မည်

အရည်အသွေးမြင့် ရော်ဘာစက်ရုံကို တွေ့ရစဉ်

တနင်္သာရီတိုင်းဒေသကြီး ထားဝယ်မြို့နယ် သဗျာကျေးရွာ အနီးတွင် တည်ဆောက်ထားသည့် အရည်အသွေးမြင့် ရော်ဘာထုတ် စက်ရုံကို စတင်စမ်းသပ် လည်ပတ်နေပြီး လာမည့် ဒီဇင်ဘာလအတွင် အပြည့်အ၀ လည်ပတ်မည်ဖြစ်ကြောင်း အဆိုပါစက်ရုံ စီမံကိန်းမန်နေဂျာ ဦးတင်ဦးက ပြောကြားသည်။

အဆိုပါ စက်ရုံကို ၂၀၁၆ ခုနှစ် သြဂုတ်လက ထားဝယ်မြို့မှ အရှေ့ဘက် ခုနစ်မိုင်ကျော်အကွာ ထားဝယ်-ထီးခီး လမ်းမပေါ်မှ သဗျာရွာအနီးရှိ မြေဧက ၃၀ ခန့်ပေါ်တွင် စတင်တည်ဆောက်ခဲ့ကြောင်း၊ စက်တင်ဘာ ၂၅ ရက်တွင် စက်ရုံအား စမ်းသပ်လည်ပတ်ခဲ့ပြီး ထွက်ရှိလာသည့် ရလဒ်အရ နိုင်ငံတကာ ဈေးကွက်တွင် လက်ခံနိုင်သည့် အဆင့်အထိ ထုတ်လုပ်နိုင်ခဲ့ကြောင်း၊ တစ်နေ့လျှင် ပေါင် ၆၀၀၀၀ ကျော်အထိ ထုတ်လုပ်နိုင်ကြောင်း စက်ရုံတည်ဆောက်ရေး စီမံကိန်း မန်နေဂျာ ဦးတင်ဦးက ပြောကြားသည်။

“အရည်အသွေး မြင့်လာပြီဆိုရင် နိုင်ငံတကာ အဆင့်မီလာပြီဆိုရင် အခု Bridgestone တွေ၊ တရုတ်တွေ၊ စင်ကာပူတွေ လာလေ့လာတာပေါ့။ လေ့လာတဲ့ အချိန်မှာ ရော်ဘာ အရည်အသွေးကို ကြိုက်တယ်။ သူတို့ လက်ခံနိုင်တဲ့ အရည်အသွေး ရပြီပေါ့။ သူတို့ လိုအပ်တဲ့ နည်းပညာတွေကိုလည်း ပြောပြပေးခဲ့တယ်။ ဒီစက်ရုံဒီဇိုင်းက ထိုင်းမှာလုပ်ထားတဲ့ နည်းပညာတွေကိုလည်း ကြည့်တယ်။ ထားဝယ်က ရော်ဘာအစေးခြစ် သမားတွေက ထားဝယ်မှာ ရော်ဘာဈေး ကောင်းကောင်း မရတဲ့အတွက် ထိုင်းမှာ သွားလုပ်ရတယ်။ ထိုင်းမှာက နိုင်ငံခြားဈေးကွက် မီတယ်လေ။ ထားဝယ်မှာလည်း နိုင်ငံခြားဈေးကွက် မီမယ်ဆိုရင် ထိုင်းကအလုပ်သမားတွေ ပြန်လာမယ်ပေါ့။ ရည်ရွယ်ချက်က အဲဒါလည်း ပါတယ်” ဟု ၎င်းက ပြောကြားသည်။

အဆိုပါ စက်ရုံမှာ ရင်းနှီးမြှုပ်နှံမှု ကျပ်သိန်း ၂၀၀၀၀ ခန့်ရှိပြီး ၎င်းစက်ရုံ စီမံကိန်းတွင် ရော်ဘာမှိုင်းခံ တစ်ခန်းလျှင် ရော်ဘာပေါင် ၁၁၀၀၀ မှိုင်းခံနိုင်သည့် ရှစ်ခန်းတွဲ သုံးခန်း (စုစုပေါင်းအခန်း ၂၄ ခန်း) ပါ ရော်ဘာမှိုင်း ခံရုံတစ်ခု၊ အစေးခဲကန် ၂၀၀ × ၆၀ ပေ အဆောက်အအုံတစ်ခု၊ ရော်ဘာထုတ်ပိုးသည့် အဆောက်အအုံတစ်ခုနှင့် အခြား အဆောက်အအုံများ ပါဝင်ကြောင်း၊ ထင်းသုံးစွဲမှု နည်းပါးသည့်နည်းဖြင့် တည်ဆောက်ထားသော ရော်ဘာမှိုင်းခံသည့် အခန်းတစ်ခုတွင် ရော်ဘာပေါင် ၁၁၀၀၀ အား လေးရက်ကြာ မှိုင်းခံနိုင်ကြောင်း ဦးတင်ဦးက ပြောကြားသည်။

လက်ရှိတွင် စက်ရုံ၌ ရင်းနှီးမြှုပ်နှံထားသည့် ရော်ဘာခြံပိုင်ရှင်များ၏ ခြံများမှ ထွက်ရှိလာသည့် ရော်ဘာအစေးများဖြင့် စမ်းသပ် ထုတ်လုပ်နေသော်လည်း စက်ရုံ အပြည့်အ၀ စတင်လည်ပတ်ချိန်၌ ဒေသတွင်းရှိ ရော်ဘာခြံ ပိုင်ရှင်များကို အစုအဖွဲ့များ ပြုလုပ်ပေးကာ ရော်ဘာအစေးများ လိုက်လံစုဆောင်း၍ အရည်အသွေးမြင့် ရော်ဘာများ ထုတ်လုပ်ပေးမည်ဖြစ်ကြောင်း၊ လက်ရှိတွင် ၎င်းစက်ရုံ၌ အလုပ်သမား ၅၀ ဦးဖြင့် စတင် လုပ်ကိုင်နေပြီး အလုပ်သမားဦးရေ ၁၅၀ ခန့်အထိ ထပ်မံခန့်ထားမည်ဖြစ်ပြီး ထားဝယ်ဒေသအတွင်း၌ ရော်ဘာအရည်အသွေးမြင့် ထုတ်လုပ်နိုင်မည့် စက်ရုံနှစ်ရုံကိုလည်း ထပ်မံတည်ဆောက်ရန် အစီအစဉ်ရှိသည်ဟု သိရသည်။

ထားဝယ်ဒေသတွင် ယခင်က ဒေသခံများ အနေဖြင့် အရည်အသွေးမပြည့်သော ရော်ဘာများသာ ထုတ်လုပ်နိုင်ခဲ့ပြီး ဈေးကွက်အတွင်း ဈေးနှိမ်ခံရမှုများနှင့် ဘေးထွက်ဆုံးရှုံးမှုများ ရှိခဲ့ကြောင်း၊ နိုင်ငံတကာဈေးကွက်က လက်ခံနိုင်သည့် အရည်အသွေးမြင့် ရော်ဘာ ထုတ်လုပ်နိုင်ပါက ဈေးနှုန်းအတက်အကျ မရှိဘဲ ဈေးနှုန်းတည်ငြိမ်ခြင်း၊ ထုတ်လုပ်မှု ကုန်ကျစရိတ် နည်းပါးခြင်း၊ ဈေးကွက်ခိုင်မာခြင်းများ ရှိနိုင်ကြောင်း ထားဝယ်ခရိုင် ရော်ဘာစိုက်ပျိုးထုတ်လုပ်သူများ အသင်းဥက္ကဋ္ဌ ဦးအောင်မျိုးက ပြောကြားသည်။

မြန်မာနိုင်ငံတွင် မွန်ပြည်နယ်၊ တနင်္သာရီတိုင်းဒေသကြီးနှင့် ပဲခူးတိုင်းဒေသကြီးတို့တွင် ရော်ဘာအများဆုံး စိုက်ပျိုးထားပြီး တနင်္သာရီတိုင်းဒေသကြီး၌ ရော်ဘာစိုက်ဧက သုံးသိန်းကျော်ခန့် ရှိကြောင်း၊ ကော့သောင်း ခရိုင်တွင် အဆင့်မြင့်ရော်ဘာထုတ် စက်ရုံတစ်ခုရှိကာ လက်ရှိတွင် စတင်လည်ပတ်နေပြီဖြစ်သည်။

လက်ရှိဘဏ္ဍာနှစ် ခြောက်လကျော် ကာလအတွင်း သွင်းကုန်တင်သွင်းမှု များသဖြင့် ကုန်သွယ်မှုလိုငွေ ဒေါ်လာနှစ်ဘီလျံကျော် ရှိခဲ့

ပင်လယ်ရေကြောင်း ကုန်သွယ်မှုတွင် အရေးပါသည့် ဆိပ်ကမ်းတစ်ခုကို ရန်ကုန်မြို့တွင် တွေ့ရစဉ် (ဓာတ်ပုံ-ကြည်နိုင်)

လက်ရှိဘဏ္ဍာနှစ် ခြောက်လကျော် ကာလအတွင်း သွင်းကုန်တင်သွင်းမှု များသဖြင့် ကုန်သွယ်မှုလိုငွေ ဒေါ်လာနှစ်ဘီလျံကျော်သို့ ရောက်ရှိခဲ့ပြီး ယခင်ဘဏ္ဍာနှစ် ကာလတူတွင် ဖြစ်ပေါ်ခဲ့သည့် ကုန်သွယ်မှု လိုငွေထက် မြင့်တက်ခဲ့ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ရရှိသည့် ကုန်သွယ်မှုဆိုင်ရာ စာရင်းများအရ သိရသည်။

၂၀၁၇-၂၀၁၈ ဘဏ္ဍာနှစ် ဧပြီ ၁ ရက်မှ အောက်တိုဘာ ၆ ရက်အထိ မြန်မာနိုင်ငံ၏ ပြည်ပကုန်သွယ်မှု ပမာဏမှာ ဒေါ်လာ ၁၆၅၀၅ ဒသမ ၂၇၇ သန်းရှိပြီး ယခင်ဘဏ္ဍာနှစ် ကာလတူထက် ဒေါ်လာ ၂၈၆၄ ဒသမ ၉၄၁ သန်း ပိုခဲ့ကြောင်း သိရသည်။

လက်ရှိဘဏ္ဍာနှစ် အောက်တိုဘာ ၆ ရက်အထိ ပြည်ပကုန်သွယ်မှု ပမာဏ ဒေါ်လာ ၁၆ ဘီလျံကျော်တွင် ပင်လယ်ရေကြောင်း ကုန်သွယ်မှုမှ ကုန်သွယ်မှု ပမာဏ ဒေါ်လာ ၁၂၇၂၆ ဒသမ ၁၅၃ သန်းနှင့် နယ်စပ်ကုန်သွယ်မှု ပမာဏ ဒေါ်လာ ၃၇၇၉ ဒသမ ၁၂၄ သန်း ပါဝင်ကြောင်း သိရသည်။

ပင်လယ်ရေကြောင်း ကုန်သွယ်မှု ပမာဏမှာ ယခင်ဘဏ္ဍာနှစ် ကာလတူထက် ဒေါ်လာ ၂၉၅၂ ဒသမ ၈၅၀ သန်းပိုမိုခဲ့ပြီး နယ်စပ်ကုန်သွယ်မှု ပမာဏမှာ ယခင်ဘဏ္ဍာနှစ် ကာလတူထက် ဒေါ်လာ ၈၇ ဒသမ ၉၀၉ သန်း လျော့ကျခဲ့ကြောင်း သိရသည်။

လက်ရှိဘဏ္ဍာနှစ် ကုန်သွယ်မှု ပမာဏ ဒေါ်လာ ၁၆ ဘီလျံကျော်တွင် ပို့ကုန်တန်ဖိုး ဒေါ်လာ ၇၂၃၂ ဒသမ ၄၈၃ သန်း၊ သွင်းကုန်တန်ဖိုး ဒေါ်လာ ၉၂၇၂ ဒသမ ၇၉၄ သန်း ပါဝင်ကြောင်း သိရသည်။

သွင်းကုန်တန်ဖိုးမှာ ပို့ကုန်တန်ဖိုးထက် များနေသဖြင့် ကုန်သွယ်မှုလိုငွေ ဒေါ်လာ ၂၀၄၀ ဒသမ ၃၁၁ သန်း ဖြစ်ပေါ်နေကြောင်း သိရသည်။ ယခင်ဘဏ္ဍာနှစ် ကာလတူတွင် ကုန်သွယ်မှုလိုငွေ ဒေါ်လာ ၁၇၉၅ ဒသမ ၁၉၂ သန်းသာ ဖြစ်ပေါ်ခဲ့သဖြင့် လက်ရှိ ဘဏ္ဍာနှစ်အတွင်း ကုန်သွယ်မှုလိုငွေ ဖြစ်ပေါ်မှုမှာ ယခင်ဘဏ္ဍာနှစ်ထက် မြင့်တက်လျက်ရှိကြောင်း သိရသည်။

ကုန်သွယ်မှု ဆောင်ရွက်ရာတွင် မြန်မာနိုင်ငံမှ လယ်ယာထွက်ကုန်များ၊ တိရစ္ဆာန်ထွက် ပစ္စည်းများ၊ သတ္တုတွင်းထွက်များ၊ သစ်တောထွက်ကုန်များ၊ စက်မှုကုန်ချောများ တင်ပို့ခဲ့ပြီး လူသုံးကုန်ပစ္စည်း၊ လုပ်ငန်းသုံးကုန်ကြမ်းများ၊ ရင်းနှီးမြှုပ်နှံမှု ကုန်ပစ္စည်းများကို မြန်မာနိုင်ငံသို့ တင်သွင်းခဲ့ခြင်းဖြစ်ကြောင်း သိရသည်။

၂၀၁၇-၂၀၁၈ ဘဏ္ဍာနှစ်တွင် မြန်မာနိုင်ငံ၏ ပြည်ပကုန်သွယ်မှု ပမာဏ ဒေါ်လာ ၂၉ ဘီလျံနှင့် ကုန်သွယ်မှုလိုငွေ ဒေါ်လာ တစ်ဘီလျံ ရှိမည်ဟု ခန့်မှန်းထားကြောင်း စီမံကိန်းနှင့် ဘဏ္ဍာရေး ၀န်ကြီးဌာနမှ ထုတ်ပြန်သည့် ၂၀၁၇-၂၀၁၈ ဘဏ္ဍာနှစ် ပြည်ထောင်စု၏ ဘဏ္ဍာငွေ အရအသုံး ခန့်မှန်းခြေ အဆိုပြု တင်ပြချက် အနှစ်ချုပ်တွင် ဖော်ပြထားချက်အရ သိရသည်။

အဆိုပါ ဘဏ္ဍာနှစ်တွင် ပြည်ပပို့ကုန်တန်ဖိုး ဒေါ်လာ ၁၄၀၀၀ သန်းနှင့် သွင်းကုန်တန်ဖိုး ဒေါ်လာ သန်း ၁၅၀၀၀ ဟု ခန့်မှန်းထားသဖြင့် ကုန်သွယ်မှု ပမာဏမှာ ဒေါ်လာ သန်း ၂၉၀၀၀ ဖြစ်ပြီး ကုန်သွယ်မှု လိုငွေမှာ ဒေါ်လာ သန်း ၁၀၀၀ (တစ်ဘီလျံ)ဖြစ်မည်ဟု ခန့်မှန်းထားသည်။

ဗဟိုစာရင်းအင်း အဖွဲ့မှ ထုတ်ပြန်သည့် ကုန်သွယ်မှု စာရင်းများအရ ၂၀၁၂-၂၀၁၃ ဘဏ္ဍာနှစ်တွင် ကုန်သွယ်မှုလိုငွေ ဒေါ်လာ ၉၁ ဒသမ ၉ သန်း၊ ၂၀၁၃-၂၀၁၄ ဘဏ္ဍာနှစ်တွင် ကုန်သွယ်မှုလိုငွေ ဒေါ်လာ ၂၅၅၅ ဒသမ ၅ သန်းရှိခဲ့ပြီး ၂၀၁၄-၂၀၁၅ ဘဏ္ဍာနှစ်တွင် ကုန်သွယ်မှု လိုငွေမှာ ဒေါ်လာ ၄၉၁၂ ဒသမ ၅၅၉ သန်း ရှိခဲ့ကြောင်း သိရသည်။

 

၂၀၁၇-၂၀၁၈ ဘဏ္ဍာနှစ်နှင့် ၂၀၁၆-၂၀၁၇ ဘဏ္ဍာနှစ် ကုန်သွယ်မှုဆိုင်ရာ နှိုင်းယှဉ်ချက် (ဒေါ်လာ၊ သန်း)

စဉ်                                 ကဏ္ဍ                             ၂၀၁၇-၂၀၁၈                               ၂၀၁၆-၂၀၁၇
(အောက်တိုဘာ ၆ ရက်အထိ)       (အောက်တိုဘာ ၆ ရက်အထိ)
၁။                                  ပို့ကုန်                           ၇၂၃၂ ဒသမ ၄၈၃                         ၅၉၂၂ ဒသမ ၅၇၂
၂။                                 သွင်းကုန်                      ၉၂၇၂ ဒသမ ၇၉၄                         ၇၇၁၇ ဒသမ ၇၆၄
၃။                          ကုန်သွယ်မှုပမာဏ              ၁၆၅၀၅ ဒသမ ၂၇၇                      ၁၃၆၄၀ ဒသမ ၃၃၆
၎။                          ကုန်သွယ်မှုလိုငွေ                ၂၀၄၀ ဒသမ ၃၁၁                         ၁၇၉၅ ဒသမ ၁၉၂

စီးပွားရေးလုပ်ငန်း လုပ်ကိုင်ဆောင်ရွက်နေသည့် ရင်းနှီးမြှုပ်နှံမှု လုပ်ငန်းများ အခွန်ကင်းလွတ်ခွင့် သို့မဟုတ် သက်သာခွင့်များ လျှောက်ထားနိုင်ကြောင်း MIC ထုတ်ပြန်

MIC ခွင့်ပြုမိန့်ဖြင့် ဆောင်ရွက်နေသည့် ကုန်ထုတ်လုပ်ငန်းစက်ရုံ တစ်ရုံအား တွေ့ရစဉ်

စီးပွားရေးလုပ်ငန်း လုပ်ကိုင်ဆောင်ရွက်နေသည့် ရင်းနှီးမြှုပ်နှံမှုလုပ်ငန်းများ အနေဖြင့် အခွန်ကင်းလွတ်ခွင့် သို့မဟုတ် သက်သာခွင့်များ လျှောက်ထားနိုင်ကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) က ထုတ်ပြန်ခဲ့ကြောင်း သိရသည်။

မြန်မာနိုင်ငံရင်းနှီးမြှုပ်နှံမှု ကော်မရှင်သည် မြန်မာနိုင်ငံရင်းနှီး မြှုပ်နှံမှုဥပဒေ ပုဒ်မ ၁၀၀ (ခ) အရ လုပ်ပိုင်ခွင့်ကို ကျင့်သုံး၍ မြန်မာနိုင်ငံ ရင်းနှီးမြှုပ်နှံမှုကော်မရှင်၏ ခွင့်ပြုမိန့်နှင့် အတည်ပြုမိန့်ရယူခဲ့ခြင်း မရှိဘဲ စီးပွားရေးလုပ်ငန်း လုပ်ကိုင်ဆောင်ရွက်လျက်ရှိသော ရင်းနှီးမြှုပ်နှံမှုလုပ်ငန်းများ အနေဖြင့် မြန်မာနိုင်ငံ ရင်းနှီးမြှုပ်နှံမှု ဥပဒေနှင့်အညီ အတည်ပြုမိန့် လျှောက်ထားနိုင်ကြောင်း အဆိုပါ ထုတ်ပြန်ချက်တွင် ဖော်ပြထားသည်။

အဆိုပါလုပ်ငန်းများ အနေဖြင့် ယင်းအတည်ပြုမိန့် ရရှိသော်လည်း မြန်မာနိုင်ငံ ရင်းနှီးမြှုပ်နှံမှု ဥပဒေပုဒ်မ ၇၅ ပါ ၀င်ငွေခွန်ကင်းလွတ်ခွင့်ကို တင်ပြလျှောက်ထားနိုင်မည် မဟုတ်ကြောင်းနှင့် မြန်မာနိုင်ငံ ရင်းနှီးမြှုပ်နှံမှုဥပဒေ ပုဒ်မ ၇၇ (ခ)၊ (ဂ) နှင့် (ဃ) ပါ အခွန်ကင်းလွတ်ခွင့်နှင့် သက်သာခွင့်များ ခံစားခွင့်ရရှိလိုပါက တင်ပြလျှောက်ထားနိုင်ကြောင်း ထုတ်ပြန်ချက်တွင် ဖော်ပြထားသည်။

မြန်မာနိုင်ငံ ရင်းနှီးမြှုပ်နှံမှုဥပဒေ ပုဒ်မ ၇၇ (ခ) တွင် ‘ပြည်ပသို့ ရာနှုန်းပြည့်တင်ပို့သည့် ရင်းနှီးမြှုပ်နှံမှု လုပ်ငန်းများက ပို့ကုန်ထုတ်လုပ်ရန်အတွက် တင်သွင်းသော ကုန်ကြမ်းပစ္စည်းများ၊ တစ်ပိုင်းတစ်စ ထုတ်လုပ်ပြီးသော ကုန်ပစ္စည်းများ အပေါ်တွင် အကောက်ခွန်ဖြစ်စေ၊ အခြားပြည်တွင်း အခွန်အကောက်များ ဖြစ်စေ၊ နှစ်မျိုးစလုံးကိုဖြစ်စေ ကင်းလွတ်ခွင့် သို့မဟုတ် သက်သာခွင့်’ ဟု ပြဋ္ဌာန်းထားသည်။

မြန်မာနိုင်ငံ ရင်းနှီးမြှုပ်နှံမှုဥပဒေ ပုဒ်မ ၇၇(ဂ) တွင် ‘ပြည်ပမှ ကုန်ကြမ်းပစ္စည်းများနှင့် တစ်စိတ်တစ်ပိုင်း ထုတ်လုပ်ပြီးသော ပစ္စည်းများ တင်သွင်းပြီး ပြည်တွင်း၌ကုန်ပစ္စည်းထုတ်လုပ်ကာ ပြည်ပသို့ ပြန်လည်တင်ပို့ခဲ့လျှင် တင်ပို့သည့် ကုန်ပစ္စည်း ပမာဏအတွက် ပြည်ပမှတင်သွင်းခဲ့သော ကုန်ကြမ်းပစ္စည်းများနှင့် တစ်စိတ်တစ်ပိုင်း ထုတ်လုပ်ပြီးသော ပစ္စည်းများ အပေါ်တွင် ကောက်ခံခဲ့သော အကောက်ခွန်ဖြစ်စေ၊ အခြားပြည်တွင်း အခွန်အကောက်များဖြစ်စေ၊ နှစ်မျိုးစလုံးကိုဖြစ်စေ ပြန်လည် ထုတ်ပေးခွင့်’ ဟု ပြဋ္ဌာန်းထားသည်။

မြန်မာနိုင်ငံ ရင်းနှီးမြှုပ်နှံမှုဥပဒေ ပုဒ်မ ၇၇ (ဃ) တွင် ‘ကော်မရှင်၏ ခွင့်ပြုချက်ဖြင့် ရင်းနှီးမြှုပ်နှံမှုလုပ်ငန်း ပမာဏ တိုးမြှင့်ပြီး မူလရင်းနှီးမြှုပ်နှံသည့် ရင်းနှီးမြှုပ်နှံမှုလုပ်ငန်းအား ခွင့်ပြုထားသည့်သက်တမ်း ကာလအတွင်း တိုးချဲ့လုပ်ကိုင်ပါက ယင်းသို့တိုးချဲ့သည့် ရင်းနှီးမြှုပ်နှံမှုလုပ်ငန်းအတွက် အမှန်တကယ် အသုံးပြုရန် လိုအပ်၍ တင်သွင်းသော စက်ပစ္စည်းများ၊ စက်ကိရိယာများ၊ အသုံးအဆောင် တန်ဆာပလာများ၊  စက်ကိရိယာ အစိတ်အပိုင်းများ၊ စက်အရန်ပစ္စည်းများ၊ လုပ်ငန်းသုံးပစ္စည်းများ၊ ပြည်တွင်း၌ ၀ယ်ယူရရှိနိုင်ခြင်း မရှိသော တည်ဆောက်ရေး ပစ္စည်းများ အပေါ်တွင် အကောက်ခွန်ဖြစ်စေ၊ အခြားပြည်တွင်း အခွန်အကောက်များဖြစ်စေ၊ နှစ်မျိုးလုံးကိုဖြစ်စေ ကင်းလွတ်ခွင့် သို့မဟုတ် သက်သာခွင့်’ ဟုပြဋ္ဌာန်းထားသည်။

အဆိုပါ ထုတ်ပြန်ချက်ကို မြန်မာနိုင်ငံ ရင်းနှီးမြှုပ်နှံမှုကော်မရှင်က အောက်တိုဘာ ၁၀ ရက်တွင် အမိန့်ကြော်ငြာစာ အမှတ် (၈၄/၂၀၁၇) ဖြင့် ထုတ်ပြန်ကြေညာ ခဲ့ခြင်းဖြစ်သည်။

၂၀၁၇ ခုနှစ် စားနပ်ရိက္ခာဖူလုံမှုနှင့် လုံခြုံစိတ်ချရမှုဆိုင်ရာ ညွှန်းကိန်း၌ နိုင်ငံပေါင်း ၁၁၃ နိုင်ငံအနက် မြန်မာနိုင်ငံက အဆင့် ၈၀ ရရှိခဲ့ပြီး အာဆီယံနိုင်ငံများထဲတွင် တတိယမြောက် ရမှတ်အနည်းဆုံး နိုင်ငံဖြစ်

တောင်ငူမြို့ရှိ လယ်ယာစိုက်ပျိုးရေး လုပ်ငန်းခွင် တစ်ခုအား တွေ့ရစဉ် (ဓာတ်ပုံ-ဇော်ဝင်းချစ်)

The Economist Intelligence Unit (EIU) မှ ထုတ်ပြန်သော ၂၀၁၇ ခုနှစ် စားနပ်ရိက္ခာဖူလုံမှုနှင့် လုံခြုံစိတ်ချရမှုဆိုင်ရာ ညွှန်းကိန်း၌ နိုင်ငံပေါင်း ၁၁၃ နိုင်ငံအနက် မြန်မာနိုင်ငံက အဆင့် ၈၀ ရရှိခဲ့ပြီး အာဆီယံနိုင်ငံများထဲတွင် တတိယမြောက် ရမှတ်အနည်းဆုံးနိုင်ငံ ဖြစ်ကြောင်း အဆိုပါညွှန်းကိန်းအရ သိရသည်။

၂၀၁၇ ခုနှစ် စားနပ်ရိက္ခာဖူလုံမှုနှင့် လုံခြုံစိတ်ချရမှုဆိုင်ရာ ညွှန်းကိန်းတွင် မြန်မာနိုင်ငံက ရမှတ် ၄၄ ဒသမ ၈ ရှိခဲ့ပြီး ၂၀၁၆  ခုနှစ်ကရရှိခဲ့သော ၄၆ ဒသမ ၅ နှင့် နှိုင်းယှဉ် ပါက ၁ ဒသမ ၇ ကျဆင်းခဲ့ပြီး အဆင့်ပြောင်းလဲမှု မရှိကြောင်း သိရသည်။ အဆိုပါညွှန်းကိန်း၌ ရမှတ်အများဆုံး ရရှိသည့် နိုင်ငံ ၂၀ စာရင်းတွင် အာရှနိုင်ငံများထဲမှ သြစတြေးလျ (၈၃ ဒသမ ၃ မှတ်)၊ ဂျပန် (၇၉ ဒသမ ၅ မှတ်) နှင့် စင်ကာပူ (၈၄ မှတ်) တို့သာ ပါဝင်ခဲ့သည်။

စားနပ်ရိက္ခာ ဖူလုံမှုနှင့် လုံခြုံစိတ်ချရမှုဆိုင်ရာ ညွှန်းကိန်းကို စားနပ်ရိက္ခာ ထုတ်လုပ်မှုနှင့် လုံလောက်မှုဆိုင်ရာ အခြေအနေ၊ စားနပ်ရိက္ခာ လွယ်ကူစွာရရှိနိုင်မှု အခြေအနေ၊ အရည်အသွေးနှင့် လုံခြုံစိတ်ချမှု အခြေအနေ၊ သဘာဝအရင်းအမြစ် ကြွယ်ဝမှုနှင့် ဘေးအန္တရာယ် ဖြေရှင်းနိုင်မှု အရည်အသွေးတို့ကို အဓိကထားပြီး စိစစ်ရွေးချယ်ခြင်း ဖြစ်သည်။

အဆိုပါ အခြေအနေများ စိစစ်သုံးသပ်ရာတွင် မြန်မာနိုင်ငံက သဘာဝအရင်းအမြစ်  ကြွယ်ဝမှုဆိုင်ရာ အခြေအနေနှင့် စားနပ်ရိက္ခာ ထုတ်လုပ်မှုနှင့် လုံလောက်မှုဆိုင်ရာ အခြေအနေတို့တွင် ရမှတ်ကောင်းမွန်သော်လည်း စာနပ်ရိက္ခာ လွယ်ကူစွာရရှိနိုင်မှု အခြေအနေ၊ အရည်အသွေးနှင့် လုံခြုံစိတ်ချမှု အခြေအနေ၊ သဘာဝဘေးအန္တရာယ် ဖြေရှင်းနိုင်မှု အရည်အသွေးတို့တွင် ရမှတ်လျော့နည်းခဲ့ကြောင်း သိရသည်။ ထို့ပြင် လယ်ယာစိုက်ပျိုးရေးနှင့် မွေးမြူရေးဆိုင်ရာ ကဏ္ဍတွင် မူဝါဒပိုင်းဆိုင်ရာ အားနည်းမှု၊ သွင်းအားစုနှင့် အရင်းအနှီးရရှိနိုင်မှုဆိုင်ရာ အခွင့်အလမ်း နည်းပါးမှု၊ စိုက်ပျိုးမွေးမြူရေးဆိုင်ရာ သုတေသနနှင့် ဖွံ့ဖြိုးမှု အထောက်အကူ အားနည်းချက်များလည်း ရမှတ်လျော့နည်းမှု၏ အကြောင်းအရာအချို့ ဖြစ်သည်။

ယင်းညွှန်းကိန်းတွင် ပါဝင်သော ထိပ်ဆုံး ၁၀ နိုင်ငံစာရင်းတွင် အိုက်ယာလန်၊ သြစတြီးယား၊ ပြင်သစ်၊ အမေရိကန်၊ ဂျာမနီ၊ ဆွစ်ဇာလန်၊ ဗြိတိန်၊ ကနေဒါ၊ ဒိန်းမတ်နှင့်  ဆွီ ဒင်နိုင်ငံတို့ဖြစ်ပြီး အာဆီယံနိုင်ငံများထဲမှ စင်ကာပူက ရမှတ် ၈၄  မှတ်ဖြင့် အဆင့် ၁၉ ၌ ရပ်တည်နိုင်ခဲ့ခြင်းဖြစ်သည်။ ယင်းညွှန်းကိန်းတွင် ပါဝင်သည့် အခြားအာရှနိုင်ငံကြီးများ၏ ရမှတ်များမှာ တောင်ကိုရီးယားက ၇၄ ဒသမ ၇ မှတ်၊ တရုတ်က ၆၃ ဒသမ ၇ မှတ်၊ အိန္ဒိယက ၄၈ ဒသမ ၉ မှတ်တို့ဖြစ်သည်။

အာဆီယံနိုင်ငံများထဲတွင် စင်ကာပူပြီးနောက် မလေးရှားက ၆၆ ဒသမ ၂ မှတ်၊ ထိုင်း က ၅၈ ဒသမ ၃ မှတ်၊ ဗီယက်နမ်က ၅၄ မှတ်၊ အင်ဒိုနီးရှားက ၅၁ ဒသမ ၃ မှတ်၊ ဖိလစ်ပိုင် က ၄၇ ဒသမ ၃ မှတ်၊ မြန်မာက ၄၄ ဒသမ ၈ မှတ်၊ ကမ္ဘောဒီးယားက ၄၃ ဒသမ ၃ မှတ်၊ လာ အိုက ၃၃ ဒသမ ၁ မှတ်ရရှိခဲ့ခြင်းဖြစ်ပြီး မြန်မာနိုင်ငံက ယခုညွှန်းကိန်းတွင်ပါဝင်သော အာဆီယံနိုင်ငံများအနက် အဆင့် (၇) နေရာ တွင် ရပ်တည်လျက်ရှိသည်။

၂၀၁၇ ခုနှစ် စားနပ်ရိက္ခာဖူလုံမှုနှင့် လုံခြုံ စိတ်ချရမှုဆိုင်ရာ ညွှန်းကိန်းတွင် ရမှတ်အနည်းဆုံး ၁၀ နိုင်ငံစာရင်းတွင် ကွန်ဂို၊ ဘူရွန်ဒီ၊ မာ ဒါဂါစကာ၊ ယီမင်၊ ချက်ဒ်၊ ဆီရာလီယွန်၊ ဟေ တီ၊ နိုင်ဂျာ၊ မာလာဝီ၊ ဆီးရီးယားတို့ပါဝင်ပြီး မြန်မာနိုင်ငံ၏ အိမ်နီးချင်းနိုင်ငံများအနက် လာအို (၃၃ ဒသမ ၁ မှတ်) နှင့် ဘင်္ဂလားဒေ့ရှ် (၃၉ ဒသမ ၇ မှတ်) တို့က ရမှတ်အနည်းဆုံး ၂၅ နိုင်ငံစာရင်းတွင် ပါဝင်နေကြောင်း သိရသည်။