အိမ်ခြံမြေဈေးကွက်သို့ ငွေမည်းများ ၀င်ရောက်မှုနှင့် မှန်မှန်ကန်ကန် လုပ်သူများ နစ်နာမှုမရှိရန် အခွန်ကင်းလွတ်ခွင့်ကို ရင်းနှီးမြှုပ်နှံမှု အားနည်းသည့် နေရာများသို့ မြှုပ်နှံခြင်းများကိုသာ ပေးအပ်သင့်ဟုဆို

မျက်မှောက်မြန်မာ့စီးပွားရေး အလားအလာ ပြန်လည်သုံးသပ်ခြင်း ဆွေးနွေးပွဲကျင်းပမှုကို တွေ့ရစဉ်

အိမ်ခြံမြေဈေးကွက်သို့ ငွေမည်းများ ၀င်ရောက်မှုနှင့် မှန်မှန်ကန်ကန်လုပ်သူများ နစ်နာမှုမရှိရန် အခွန်ကင်းလွတ်ခွင့်ကို ရင်းနှီးမြှုပ်နှံမှု အားနည်းသည့် နေရာများသို့ မြှုပ်နှံခြင်းများကိုသာ ပေးအပ်သင့်ကြောင်း ရန်ကုန်စီးပွားရေး တက္ကသိုလ်၊ ဘောဂဗေဒဌာနမှ ပါမောက္ခ၊ ဌာနမှူး ဒေါက်တာသီတာကြူက  မြန်မာ့အဖွဲ့အစည်းများ တိုးတက်မြှင့်တင်ရေး ပညာရှင်များအသင်းမှ ဦးဆောင်ကျင်းပသည့် မျက်မှောက်မြန်မာ့စီးပွားရေး အလားအလာ ပြန်လည်သုံးသပ်ခြင်း ဆွေးနွေးပွဲတွင် သုံးသပ်ပြောကြားသည်။

၂၀၁၈ ခုနှစ် ပြည်ထောင်စု၏ အခွန်အကောက် ဥပဒေကြမ်းတွင် စည်းကြပ်မှုမှ လွတ်ကင်းနေသော ၀င်ငွေများနှင့် အခြေပစ္စည်းများ တရားဝင်ဖြစ်လာစေရန် အခွန်နှုန်း သုံးရာခိုင်နှုန်းနှင့် ငါးရာခိုင်နှုန်း ပေးသွင်းရမည်ဟု သတ်မှတ်ဖော်ပြခဲ့ခြင်းဖြစ်ပြီး အဆိုပါ ပုဒ်မမှာ နှစ်စဉ်ပုံမှန် ထမ်းဆောင်နေသူများအတွက် အခွန်ရှောင်လိုသော အလေ့အထကို စဉ်းစားလာစေနိုင်ခြင်း၊ အခွန်ရှောင်ခဲ့သူများကို ဦးစားပေးသလို ဖြစ်စေနိုင်ခြင်း၊ အစ္စလာမ္မစ် အစွန်းရောက် အဖွဲ့အစည်းများနှင့် အကြမ်းဖက် အဖွဲ့အစည်းများ၏ငွေများ စီးဝင်လာနိုင်ခြင်း၊ စစ်ဆေးကြပ်မတ်ရမည့် အဖွဲ့အစည်းများ၏ တာဝန်များကို ဖော်ပြနိုင်မှုမရှိခြင်း၊ မဆိုင်သည့် ဥပဒေတစ်ခု၌ ပုဒ်မတစ်ခုအဖြစ် ထည့်သွင်းကာ ငွေမည်းများ ၀င်ရောက်လာမည့် အခြေအနေများကို တားမြစ်နိုင်ဖွယ်မရှိခြင်း စသည့် ဝေဖန်မှုများ ရှိခဲ့ပြီးနောက် အဆိုပါပုဒ်မကို ပယ်ဖျက်ခဲ့ကြောင်း သိရသည်။

ထိုသို့ အခွန်လွတ်ငြိမ်းခွင့်အတွက် လက်ရှိသတ်မှတ်ထားသည့် သုံးရာခိုင်နှုန်းနှင့် ငါးရာခိုင်နှုန်းမှာ နည်းပါးနေကြောင်း ဒေါက်တာသီတာကြူက ဆိုသည်။

“အခွန်ကင်းလွတ်ခွင့်၊ အခွန်တွေလျှော့ချဖို့ကိစ္စမှာ သုံးရာခိုင်နှုန်း၊ ငါးရာခိုင်နှုန်းကတော့ အရမ်းနည်းပါးတယ်လို့ ထင်ပါတယ်။ ဒါပေမဲ့ သဘာဝသယံဇာတတွေ ထုတ်တာပဲဖြစ်ဖြစ် ဘာတွေကိုပဲထုတ်ထုတ် Reach Sustainability ဆိုတာ ရှိခဲ့ပါတယ်။ အဲဒီလို Reach Sustainability လုပ်တာက သယံဇာတထုတ်ရင်း ပညာရေး၊ ကျန်းမာရေးကို လုပ်ဆောင်တာမျိုး၊ တိုင်းပြည်အတွက် အကျိုးဖြစ်ထွန်းမယ့် နေရာတွေမှာ ရင်းနှီးမြှုပ်နှံရင် သူတို့ကို ခွင့်ပြုတာမျိုး ရှိခဲ့သလိုမျိုးပဲ။ ကျွန်မတို့ နိုင်ငံမှာလည်း ရင်းနှီးမြှုပ်နှံမှုတွေ လိုနေတယ်။ အခွန်စနစ်ကလည်း ကျွန်မတို့ နိုင်ငံမှာ အရမ်းမထွန်းကားခဲ့တာမျိုးမို့လို့ အခွန်မဆောင်ဖြစ်ခဲ့လို့ ငွေမည်းဖြစ်နေတာ တွေရှိမယ်။ ဒါမှမဟုတ် မဟုတ်တဲ့ ကုန်သွယ်မှုတွေကြောင့်လည်း ရှိနေမယ်။ အဲဒီလိုမျိုး ရှိနိုင်တဲ့ အထဲကနေ တစ်ခုခု ဆုံးဖြတ်တော့မယ်ဆို ကိုယ့်နိုင်ငံအတွက် အကျိုးနဲ့အပြစ်ကို ဆုံးဖြတ်လို့ ရတယ်ပေါ့။ အဲဒီတော့ တကယ်လို့ အစိုးရက သတ်မှတ်ထားတဲ့ နေရာတွေမှာ ရင်းနှီးမြှုပ်နှံမယ်ဆိုရင် ရင်းနှီးမြှုပ်နှံမယ့် အချိန်ကျမှ Tax ကို လျှော့ပေးမယ်ဆိုရင် ပိုပြီးတော့ ကောင်းမယ်လို့ မြင်ပါတယ်။ အဲဒါဆိုရင် လူတွေစိုးရိမ်နေတဲ့ မြေယာဈေးကွက်ကို သွားမှာတို့၊ မှန်မှန်ကန်ကန် လုပ်တဲ့သူတွေ နစ်နာအောင်မရှိတာတို့ ရင်းနှီးမြှုပ်နှံမှု အားနည်းနေတဲ့ နေရာတွေမှာ ရင်းနှီးမြှုပ်နှံရင်၊ မြှုပ်နှံမယ်ဆိုရင် သူတို့ကို Tax ကင်းလွတ်ခွင့် ပေးမယ်ဆိုရင် အကောင်းဆုံး ဖြစ်မယ်လို့ ထင်ပါတယ်” ဟု ဒေါက်တာသီတာကြူက သုံးသပ်သည်။

အခွန်လွတ်ငြိမ်းချမ်းသာခွင့် ပုဒ်မ ၂၅ ကြောင့် အခွန်စာရင်း မပြခဲ့သည့်ငွေများ စီးပွားရေးလောကသို့ ထုထည်ကြီးစွာ ၀င်လာပါက တစ်ပတ်ကြာ ၀င်လာလျှင်ပင် အကျိုးရှိမည် ဖြစ်ကြောင်းနှင့် ငွေမည်းများ ၀င်မလာရန် ပြည်ထဲရေး ၀န်ကြီးဌာနနှင့် စိစစ်ကာ အခွန်လွတ်ငြိမ်းချမ်းသာခွင့်ပေးရေး ဆက်လက်လုပ်ဆောင်မည် ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောကြားသည်။

ယခုဘဏ္ဍာနှစ်ကုန်ဆုံးရန် တစ်ပတ်အလိုအထိ ပြည်ပသို့ ကုန်သွယ်မှုပမာဏသည် ယခင်ဘဏ္ဍာနှစ်ကာလတူနှင့် နှိုင်းယှဉ်ပါက ၁၃ ဒသမ ၅ ရာခိုင်နှုန်းကျော်အထိ မြင့်တက်

မြန်မာနိုင်ငံအနေဖြင့် ယခုဘဏ္ဍာနှစ်ကုန်ဆုံးရန် တစ်ပတ်အလိုအထိ ပြည်ပနိုင်ငံများနှင့် ကုန်သွယ်မှုပမာဏသည် ပြီးခဲ့သည့် ဘဏ္ဍာနှစ်ကာလတူနှင့် နှိုင်းယှဉ်ပါက ၁၃ ဒသမ ၅ ရာခိုင်နှုန်းကျော် မြင့်တက်ခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန စာရင်းများအရ သိရသည်။

ပြီးခဲ့သည့် ၂၀၁၆-၂၀၁၇ ဘဏ္ဍာနှစ် မတ် ၂၃ ရက်အထိ ပြည်ပသို့ကုန်သွယ်မှုပမာဏသည် ဒေါ်လာ ၂၇ ဒသမ ၇၅၆ ဘီလျံကျော်သာရရှိခဲ့ပြီး ယခု ၂၀၁၇-၂၀၁၈ ဘဏ္ဍာနှစ် ကာလတူတွင်မူ ဒေါ်လာ ၃၂ ဒသမ ၀၉၁ ဘီလျံအထိရရှိခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသည်။

အဆိုပါ ကုန်သွယ်မှုပမာဏများကို နှိုင်းယှဉ်ပါက ယခုဘဏ္ဍာနှစ်အတွင်း ကုန်သွယ်မှုပမာသည် ပြီးခဲ့သည့်ဘဏ္ဍာနှစ်ထက် ကုန်သွယ်မှုပမာဏ ၁၃ ဒသမ ၅ ရာခိုင်နှုန်းကျော် မြင့်တက်ခဲ့ကြောင်း သိရသည်။

၂၀၁၇-၂၀၁၈ ဘဏ္ဍာနှစ်ကုန်တွင် မြန်မာနိုင်ငံ၏ ပြည်ပကုန်သွယ်မှုပမာဏမှာ ဒေါ်လာဘီလျံ ၃၀ ကျော်အထိရရှိမည်ဟု မျှော်မှန်းထားကြောင်းနှင့် သမိုင်းတစ်လျှောက် အမြင့်ဆုံးကုန်သွယ်မှု ပြုလုပ်နိုင်ခဲ့သည့် ယခင်နှစ်ကထက်ပင် ပိုမိုမြင့်မားမည်ဟု စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ကုန်သွယ်ရေးဦးစီးဌာနမှ ညွှန်ကြားရေးမှူးချုပ် ဦးရန်နိုင်ထွန်းက ပြောကြားသည်။

“ဒီနှစ် ကုန်သွယ်မှုအခြေအနေက ဖေဖော်ဝါရီလလယ်အထိ ၂၈ ဒသမ ၆ ဘီလျံလောက်အထိ ရထားပါတယ်။ မနှစ်ကတစ်နှစ်လုံးရဲ့ ကုန်သွယ်မှုပမာဏဟာ ၂၉ ဒသမ ၂၁၂ ဘီလျံဖြစ်တယ်။ အဲဒီတော့ မနှစ်က ကုန်သွယ်မှုပမာဏဟာ သမိုင်းတစ်လျှောက်လုံးမှာ အမြင့်ဆုံးရခဲ့တဲ့ ကုန်သွယ်မှုပမာဏပေါ့။ ဒီနှစ်မှာ အဲဒါထက်ကျော်သွားလိမ့်မယ်။ ဒီဖေဖော်ဝါရီလအတွင်းမှာတင် ၂၈ ဒသမ ၆ ဖြစ်တဲ့အတွက် နှစ်ကုန်တဲ့အချိန်မှာ ဘီလျံ ၃၀ ကျော်မယ်လို့ ကျွန်တော်တို့ မှန်းထားပါတယ်။ အဲဒီအတွက် ဒီနှစ်ရတဲ့ ကုန်သွယ်မှုပမာဏဟာ သမိုင်းတစ်လျှောက်မှာ မနှစ်ကထက် ပိုမြင့်မားလာမယ့်အခြေအနေတွေရှိတယ်” ဟု ညွှန်ကြားရေးမှူးချုပ် ဦးရန်နိုင်ထွန်းက ပြောကြားသည်။

၂၀၁၇-၂၀၁၈ ဘဏ္ဍာနှစ်အတွင်း ၂၀၁၈ ခုနှစ် ဖေဖော်ဝါရီလလယ်အထိ ပို့ကုန်နှင့် သွင်းကုန်တွင် မနှစ်ကကာလတူထက် ဒေါ်လာ ၄ ဒသမ ၂ ဘီလျံခန့်ပိုများကြောင်း၊ ယင်းအနက် သွင်းကုန်ကဏ္ဍတွင် ဒေါ်လာ ၁ ဒသမ ၉ ဘီလျံကျော်၊ ပို့ကုန်ကဏ္ဍတွင် ဒေါ်လာ ၂ ဒသမ ၃ ဘီလျံကျော်ပိုရထားသည့် အနေအထားရှိကြောင်း ၎င်းက ဆက်လက်ပြောကြားသည်။

၂၀၁၇-၂၀၁၈ ဘဏ္ဍာနှစ် ဧပြီ ၁ ရက်မှ မတ် ၂၃ ရက်အထိ မြန်မာနိုင်ငံ၏ ပြည်ပကုန်သွယ်မှုပမာဏမှာ ဒေါ်လာ ၃၂ ဒသမ ၀၉၁ ဘီလျံရှိပြီး ယခင်ဘဏ္ဍာနှစ်ကာလတူထက် ဒေါ်လာ ၄ ဒသမ ၃၃၅ ဘီလျံ ပိုမိုရရှိခဲ့ကြောင်း သိရသည်။

လက်ရှိဘဏ္ဍာနှစ် မတ် ၂၃ ရက်အထိ ပြည်ပကုန်သွယ်မှုပမာဏ ဒေါ်လာ ၃၂ ဒသမ ၀၉၁ ဘီလျံတွင် ပင်လယ်ရေကြောင်း ကုန်သွယ်မှုမှ ကုန်သွယ်မှုပမာဏ ဒေါ်လာ ၂၃ ဒသမ ၉၂၆ ဘီလျံနှင့် နယ်စပ်ကုန်သွယ်မှုပမာဏ ဒေါ်လာ ၈ ဒသမ ၁၆၅ ဘီလျံ ပါဝင်ကြောင်း သိရသည်။

OBOR ၏ မြန်မာ-တရုတ် စီးပွားရေးစင်္ကြံစီမံကိန်းတွင် မြန်မာလုပ်ငန်းရှင်များ ပါဝင်ဆောင်ရွက်ရန် မြန်မာ-တရုတ် စီးပွားရေးကောင်စီကို ဧပြီလအတွင်း ဖွဲ့စည်းမည်

OBOR ၏ မြန်မာ-တရုတ် စီးပွားရေးစင်္ကြံစီမံကိန်းတွင် မြန်မာလုပ်ငန်းရှင်များ ပါဝင်ဆောင်ရွက်ရန် မြန်မာ-တရုတ် စီးပွားရေးကောင်စီကို ဧပြီလအတွင်း ဖွဲ့စည်းမည်ဖြစ်ကြောင်း ကုန်သည်စက်မှုအသင်းချုပ်မှ သိရသည်။

“OBOR နဲ့ပတ်သက်ပြီး ကျွန်တော်တို့ကို ၂၆ ရက်နေ့က တရုတ်သံအမတ်ကြီးက လုပ်ငန်းရှင်တွေကို ဖိတ်ကြားပြီးတော့ Myanmar-China Business Council ဖွဲ့ပေးပါတဲ့။ ကျွန်တော်တို့လည်းဖွဲ့ဖို့ စီစဉ်နေပါတယ်။ ဧပြီလအတွင်းမှာ ဖွဲ့စည်းဖို့ ဆောင်ရွက်နေပါတယ်” ဟု ကုန်သည်စက်မှုအသင်းချုပ်ဥက္ကဋ္ဌ ဦးဇော်မင်းဝင်းက ပြောကြားသည်။

“OBOR ရဲ့ Economic Corridor မှာလုပ်မယ့်စီမံကိန်းတွေမှာ မြန်မာနိုင်ငံအနေနဲ့ JV ပဲဖြစ်ဖြစ် လုပ်နိုင်မယ့်လုပ်ငန်းရှင်တွေက ပါဝင်ဖို့ဆောင်ရွက်နေပါတယ်” ဟု ဦးဇော်မင်းဝင်းက ဆက်လက်ပြောကြားသည်။

မြန်မာနိုင်ငံနှင့် တရုတ်နိုင်ငံတို့အကြား နှစ်နိုင်ငံပူးပေါင်း၍ ပိုမိုကောင်းမွန်သည့် စီးပွားရေးကွန်ရက်တည်ဆောက်ပြီး တရုတ်- မြန်မာ နှစ်နိုင်ငံစီးပွားရေးနယ်ပယ် ပူးပေါင်းဖလှယ်ရေး စင်မြင့်သစ်တည်ထောင်ရန် ပြင်ဆင်လျက်ရှိကြောင်း မြန်မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်အရ သိရသည်။

မြန်မာနိုင်ငံဆိုင်ရာ တရုတ်သံအမတ်ကြီး Mr. Hong Liang က တရုတ်-မြန်မာနှစ်နိုင်ငံမှ The Belt and Road နှင့် တရုတ်- မြန်မာ စီးပွားရေးစင်္ကြံဆောက်လုပ်ရာတွင် တက်ကြွစွာ အကျိုးပြုဆောင်ရွက်လိုကြောင်း၊ နှစ်နိုင်ငံ စီးပွားရေးနယ်ပယ်ပူးပေါင်းဖလှယ်သည့် စင်မြင့် မြန်မာ-တရုတ် ကုန်သည်ကြီးများအသင်းကို ဆောလျင်စွာ တည်ထောင်စေလိုကြောင်း မြန်မာနိုင်ငံဆိုင်ရာ တရုတ်သံရုံးနှင့် မြန်မာနိုင်ငံရှိ တရုတ်ကုန်သည် လုပ်ငန်းရှင်ကြီးများအသင်းတို့ မတ် ၂၆ ရက်က ရန်ကုန်မြို့တွင် တရုတ်-မြန်မာနှစ်နိုင်ငံ စီးပွားရေးလုပ်ငန်းရှင်များ နှီးနှောဖလှယ်ပွဲတွင် ပြောကြားသည်။

မြန်မာနိုင်ငံဆိုင်ရာ တရုတ်သံရုံးမှ မြန်မာနိုင်ငံရှိ တရုတ်ကုန်သည်လုပ်ငန်းရှင်ကြီးများအသင်းနှင့် မြန်မာနိုင်ငံစက်မှုလက်မှု စီးပွားရေးနယ်ပယ်တို့ပူးပေါင်း၍ ပိုမိုကောင်းမွန်သည့် စီးပွားရေးကွန်ရက် တည်ဆောက်ပြီး တရုတ်-မြန်မာနှစ်နိုင်ငံ စီးပွားရေးနယ်ပယ် ပူးပေါင်းဖလှယ်ရေးစင်မြင့်သစ် ‘တရုတ်- မြန်မာစီးပွားရေးကောင်စီ’ သို့မဟုတ် ‘မြန်မာ-တရုတ်ကုန်သည်ကြီးများအသင်း’ ကို တည်ဆောက်ရန်အတွက် ထောက်ခံကူညီသွားမည်ဖြစ်ကြောင်း သံအမတ်ကြီးက ပြောကြားသည်။

တရုတ်-မြန်မာစီးပွားရေးစင်္ကြံစီမံကိန်းအတွင်းရှိ အခြေခံအဆောက်အအုံ၊ စက်မှုဇုန်များ၊ မြို့ပြစီမံကိန်းများ၊ စိုက်ပျိုးရေးဇုန်များ တည်ဆောက်ရာတွင် ပြည်တွင်းပြည်ပရင်းနှီးမြှုပ်နှံမှုများ ဖိတ်ခေါ်ဆောင်ရွက်မည်

တရုတ်-မြန်မာ စီးပွားရေးစင်္ကြံစီမံကိန်းအတွင်းရှိ အခြေခံ အဆောက်အအုံ၊ စက်မှုဇုန်များ၊ မြို့ပြစီမံကိန်းများ၊ စိုက်ပျိုးရေးဇုန်များ စသည်ဖြင့် ကဏ္ဍများ တည်ဆောက်ရာ၌ ပြည်တွင်းပြည်ပ ရင်းနှီးမြှုပ်နှံမှုများ ဖိတ်ခေါ် ဆောင်ရွက်မည်ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ သိရသည်။

အဆိုပါ စီးပွားရေးစင်္ကြံစီမံကိန်းသည် OBOR စီမံကိန်း၏ အဓိက အစိတ်အပိုင်းတစ်ခု ဖြစ်ကြောင်း သိရသည်။

“ခြုံပြောရရင် တရုတ်နိုင်ငံက မြန်မာနယ်နိမိတ်ကစပြီး ရန်ကုန်အထိ စင်္ကြံတွေ ဆောက်ဖို့ရှိတယ်။ အဲဒီအထဲမှာ ကဏ္ဍတွေ အများကြီးပါတယ်။ စီးပွားရေးစင်္ကြံလို့ ပြောတဲ့အတွက်ကြောင့် သူက လမ်းသက်သက် အခြေခံအဆောက်အအုံ သက်သက်မဟုတ်ဘူး။ အဲဒီမှာ စင်္ကြံနဲ့ ဆက်စပ်ပြီး မြို့ပြတွေ ပေါ်လာတာရှိမယ်။ စိုက်ပျိုးရေးဇုန်တွေ ပေါ်လာတာရှိမယ်၊ စက်မှုဇုန်တွေ ပေါ်လာတာ ရှိမယ်၊ နောက်ပြီး အိုင်တီနဲ့ ပတ်သက်တဲ့ လုပ်ငန်းတွေ ပေါ်လာတာရှိမယ်။ ကုန်သွယ်မှုနဲ့ ဆက်စပ်ပြီး Logistics ပေါ့၊ ထောက်ပံ့ပို့ ဆောင်ရေးဆိုင်ရာ အခြေခံအဆောက်အအုံတွေ ပေါ်လာတာ ရှိမယ်။ နယ်စပ်ကုန်သွယ်ရေးနဲ့ ပတ်သက်တာတွေ ခရီးသွားကဏ္ဍနဲ့ ပတ်သက်တာတွေ ပါလာတာရှိမယ်။ ခြုံပြောရရင်တော့ OBOR ရဲ့ခေါင်းစဉ်အောက်ထဲမှာ တရုတ်-မြန်မာ စီးပွားရေးစင်္ကြံ တည်ဆောက်သွားဖို့ ရှိတယ်။ အဲဒီကို ပြီးခဲ့တဲ့လမှာ ပြည်ထောင်စုဝန်ကြီး ဦးဆောင်ပြီး သွားပါတယ်။ နှစ်နိုင်ငံနှစ်ဖက် ညှိနှိုင်းတာ အားလုံးပြီးပြတ်တဲ့ အဆင့်ပေါ့၊ လက်မှတ်ထိုးတဲ့ အဆင့်ကိုတော့ မရောက်သေးဘူး။ နှစ်နိုင်ငံ အကြီးအကဲတွေ ဆက်လက် ညှိနှိုင်းပြီးတော့မှ အကောင်အထည် ဖော်သွားမှာ ဖြစ်ပါတယ်”ဟု ရင်းနှီးမြှုပ်နှံနှင့် ကုမ္ပဏီများ ညွှန်ကြားမှုဦးစီးဌာနမှ ညွှန်ကြားရေးမှူးချုပ် ဦးအောင်နိုင်ဦးက ပြောကြားသည်။

“နံပါတ်တစ် ဒီစင်္ကြံရဲ့ အကျိုးဆက်ပေါ့၊ ရထားလမ်းတွေ ကားလမ်းတွေ ဆိပ်ကမ်းတွေ ပေါ်လာမယ်၊ လုပ်တဲ့အပိုင်းမှာလည်း တရုတ်ကချည်း အားလုံးလာလုပ်တာ မဟုတ်ပါဘူး။ နိုင်ငံသားတွေလည်း ပါမယ်။ အခြားရင်းနှီးမြှုပ်နှံမှုတွေကိုလည်း ဖိတ်ခေါ်ပြီးတော့ အားလုံး ပူးပေါင်း ဆောင်ရွက်သွားမှာ ဖြစ်ပါတယ်”ဟု ၎င်းက ဆက်လက်ပြောကြားသည်။

မြန်မာနိုင်ငံအစိုးရနှင့် တရုတ်ပြည်သူ့သမ္မတနိုင်ငံ အစိုးရတို့အကြား စီးပွားရေးစင်္ကြံလမ်း တည်ထောင်ရေးဆိုင်ရာ နားလည်မှုစာချွန်လွှာ (မူကြမ်း) အတွက် အပြီးသတ်ညှိနှိုင်းမှု ပြုလုပ်ခဲ့ပြီဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာနက ဖေဖော်ဝါရီ ၉ ရက်တွင် သတင်းထုတ်ပြန်သည်။

ဖေဖော်ဝါရီ ၆ ရက်တွင် တရုတ်နိုင်ငံ ပေကျင်းမြို့၌ Chine-Myanmar-Economic Corridor MoU လက်မှတ်ရေးထိုး ညှိနှိုင်းအစည်းအဝေးနှင့် Bank of China သို့ သွားရောက်ကာ တာဝန်ရှိသူများနှင့် ဆွေးနွေးမှုပြုခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၏ တရားဝင် Facebook တွင် သတင်းဖော်ပြမှုအရ သိရသည်။

ကျန်ရှိအစိုးရ သက်တမ်းအတွင်း နိုင်ငံ၏ ငွေကြေးကဏ္ဍဖွံ့ဖြိုး တိုးတက်ရေးအတွက် ပြည့်စုံခိုင်မာသည့် ငွေကြေးဆိုင်ရာ စည်းမျဉ်းစည်းကမ်းများ ဖော်ဆောင်ရန် လိုအပ်ပြီး ရင်းနှီးမြှုပ်နှံမှု ဘဏ်ပိုင်းဆိုင်ရာ စနစ်များ ဖွံ့ဖြိုးအောင် ဆောင်ရွက်ရမည်ဟုဆို

မတ် ၂၇ ရက်က ပြုလုပ်သည့် “မြန်မာ့စီးပွားရေး ဖွံ့ဖြိုးတိုးတက်မှုအတွက် ဘဏ္ဍာရေးကဏ္ဍတွင် ပူးပေါင်းဆောင်ရွက်ခြင်း” အခမ်းအနားကို တွေ့ရစဉ်

ကျန်ရှိနေသည့် အစိုးရသက်တမ်းအတွင်း နိုင်ငံ၏ ငွေကြေးကဏ္ဍဖွံ့ဖြိုး တိုးတက်ရေးအတွက် ပြည့်စုံခိုင်မာသည့် ငွေကြေးဆိုင်ရာ စည်းမျဉ်းစည်းကမ်းများ ဖော်ဆောင်ရန် လိုအပ်ပြီး Commercial Bank စနစ်မှ ရင်းနှီးမြှုပ်နှံမှု ဘဏ်ပိုင်းဆိုင်ရာစနစ်များ ဖွံ့ဖြိုးလာအောင် ဆောင်ရွက်ရမည်ဖြစ်ကြောင်း မတ် ၂၇ ရက်က ရန်ကုန်မြို့ ကုန်သည်စက်မှု အသင်းချုပ် (UMFCCI) တွင် ပြုလုပ်သည့် “မြန်မာ့စီးပွားရေး ဖွံ့ဖြိုးတိုးတက်မှုအတွက် ဘဏ္ဍာရေးကဏ္ဍတွင် ပူးပေါင်းဆောင်ရွက် ခြင်း” အခမ်းအနားမှ သိရသည်။

“ငွေကြေးကဏ္ဍကို ဖွံ့ဖြိုးဖို့ နံပါတ် (၁) အန်ကယ်အနေနဲ့ ဦးစားပေးတာကတော့ စည်းမျဉ်းစည်း သဘောကတော့ စည်းမျဉ်းစည်းကမ်းတွေ ခိုင်မာတောင့်တင်းလာအောင် လုပ်ရမယ်။ ပြည့်စုံအောင်လည်း လုပ်ရမယ်။ ဘာဖြစ်လို့လဲဆိုတော့ ငွေကြေးကဏ္ဍက အရမ်းထိလွယ်ရှလွယ်တဲ့ ကိစ္စဖြစ်တယ်။ Institution တစ်ခုဝင်လာမယ်။ သူလည်းသူ့ကို ဘယ်လိုထိန်းကြောင်းမလဲဆိုတာ ဘယ်လိုလုပ်ငန်းတွေလုပ်မလဲ ဘယ်လိုကြည့်ကြမလဲဆိုတဲ့ စည်းမျဉ်းစည်းကမ်းလိုတယ်။ အခုဆိုရင် Internet Banking တွေ Mobile Banking တွေ ဘယ်လိုထိန်းကြောင်းရမလဲဆိုတဲ့ စည်းမျဉ်းစည်းကမ်းတွေ ၀န်ဆောင်မှုတစ်ခု တိုးလာတယ်။ ၀န်ဆောင်မှုကို ဘယ်လိုထိန်းကြောင်းရမလဲဆိုတဲ့ စည်းမျဉ်းတွေ ဒီစည်းမျဉ်းစည်းကမ်းတွေကို သွက်သွက်လက်လက် ဖွံ့ဖြိုးအောင်လုပ်ရမယ်” ဟု မြန်မာနိုင်ငံ ဗဟိုဘဏ်ဥက္ကဋ္ဌ(ငြိမ်း) ဦးသန်းညိန်းက အဆိုပါ အခမ်းအနားတွင် ပြောကြားသည်။

လက်ရှိအချိန်တွင် Commercial Banking (ကူးသန်းရောင်းဝယ်ရေးဘဏ်) စနစ်မှ ငွေကြေးအရင်းအနှီး ဈေးကွက်အတွင်းသို့ ၀င်ရောက်လုပ်ကိုင်နိုင်မည့် ရင်းနှီးမြှုပ်နှံမှုဆိုင်ရာ ဘဏ်စနစ်များ ဖွံ့ဖြိုးလာအောင် ဆောင်ရွက်ပေးရန် လိုအပ်နေကြောင်း သိရသည်။

“အခုက Commercial Bank တွေများတယ်။ ငွေကြေးကဏ္ဍမှာ ငွေကြေးဖြည့်ဆည်းပေးတဲ့ တချို့ရင်းနှီးမြှုပ်နှံမှု ကုန်ပစ္စည်းတွေ ရင်းနှီးမြှုပ်နှံမှု ဘဏ်ပိုင်းဆိုင်ရာတွေရှိတယ်။ ဒီလိုဟာမျိုးတွေလည်း လာဖို့လိုတယ်။ အန်ကယ်တို့ဆီမှာ ဒါမျိုးတွေက ဘယ် Market မှာလည်းဆိုတော့ Capital Market မှာ ရန်ကုန်စတော့ အိတ်ချိန်းနဲ့ ပတ်သက်တဲ့ Capital Market မှာ ဒါတွေက ပါခဲ့မယ်ဆိုရင် သို့သော် ဒီ Capital Market ကြီးကလည်း မဖွံ့ဖြိုးသေးဘူး။ ဖွံ့ဖြိုးဖို့ကလည်း သူ့အတွက် ညွှန်ကြားချက် အမိန့်တွေ စည်းကမ်းတွေ အများကြီးလုပ်ရမှာ။ ဒီဟာတွေဖွံ့ဖြိုးလာအောင် ဦးစားပေးလုပ်ရမယ့် ဟာတွေပဲ” ဟု မြန်မာနိုင်ငံ ဗဟိုဘဏ်ဥက္ကဋ္ဌ (ငြိမ်း) ဦးသန်းညိန်းက ပြောကြားသည်။

မြန်မာနိုင်ငံအနေဖြင့် ၂၀၁၁ ခုနှစ်မှ စတင်ကာ ဘဏ္ဍာရေး ငွေကြေးဆိုင်ရာ လုပ်ငန်းများတွင် တိုးတက်မှုများ ရှိခဲ့သော်လည်း အခြားနိုင်ငံများနှင့် ယှဉ်ပါက အမီလိုက်ရန် လိုအပ်နေသေးကြောင်း သိရသည်။

“Payment System ဖွံ့ဖြိုးမှုအပိုင်းမှာ တိုးတက်လာပါတယ်။ ဒါကတော့ စီးပွားရေးစနစ် ငွေကြေးစနစ်ရဲ့ အခြေခံ အဆောက်အအုံပါ” ဟု ဦးသန်းညိန်းက ပြောကြားသည်။

 

လက်ရှိဘဏ္ဍာနှစ် မကုန်ဆုံးမီ ပြည်ပကုန်သွယ်မှု ပမာဏ ဒေါ်လာ ၃၁ ဘီလျံကျော် ရရှိခဲ့သော်လည်း ပို့ကုန်တင်ပို့မှု လျာထားချက်ပြည့်မီရန် လိုအပ်

ရန်ကုန်မြို့ ကမ်းနားလမ်းရှိ အပြည်ပြည်ဆိုင်ရာ ဆိပ်ကမ်းတစ်ခုကို တွေ့ရစဉ် (ဓာတ်ပုံ-ကျော်ဇင်ဖြိုး)

လက်ရှိဘဏ္ဍာနှစ် မကုန်ဆုံးမီ ပြည်ပကုန်သွယ်မှုပမာဏ လျာထားချက် ဒေါ်လာ ၂၉ ဘီလျံကို ကျော်လွန်ပြီး ဒေါ်လာ ၃၁ ဘီလျံ ကျော် ရရှိခဲ့သော်လည်း ပို့ကုန်တင်ပို့မှု လျာထားချက်ပြည့်မီရန် လိုအပ်နေကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ထုတ်ပြန်ထားသည့် ကုန်သွယ်မှုဆိုင်ရာ အချက်အလက်များအရ သိရသည်။

၂၀၁၇-၂၀၁၈ ဘဏ္ဍာနှစ် ဧပြီ ၁ ရက်မှ မတ် ၁၆ ရက်အထိ မြန်မာနိုင်ငံ၏ ပြည်ပကုန်သွယ်မှု ပမာဏမှာ ဒေါ်လာ ၃၁၆၆၇ ဒသမ ၉၆၄ သန်းရှိပြီး ယခင်ဘဏ္ဍာနှစ် ကာလတူထက် ဒေါ်လာ ၄၁၂၇ ဒသမ ၁၄၃ သန်း ပိုမိုခဲ့ကြောင်း သိရသည်။

လက်ရှိဘဏ္ဍာနှစ် မတ် ၁၆ ရက်အထိ ပြည်ပကုန်သွယ်မှုပမာဏ ဒေါ်လာ ၃၁ ဘီလျံကျော်တွင် ပင်လယ်ရေကြောင်း ကုန်သွယ်မှုမှ ကုန်သွယ်မှုပမာဏ ဒေါ်လာ ၂၃၇၂၅ ဒသမ ၁၆၃ သန်းနှင့် နယ်စပ်ကုန်သွယ်မှု ပမာဏ ဒေါ်လာ ၇၉၄၂ ဒသမ ၈၀၁ သန်းပါဝင်ကြောင်း သိရသည်။ ပင်လယ်ရေကြောင်း ကုန်သွယ်မှုပမာဏမှာ ယခင်ဘဏ္ဍာနှစ် ကာလတူထက် ဒေါ်လာ ၃၆၁၁ ဒသမ ၆၁၂ သန်းပိုမိုခဲ့ပြီး နယ်စပ်ကုန်သွယ်မှု ပမာဏမှာမူ ယခင်ဘဏ္ဍာနှစ် ကာလတူထက် ဒေါ်လာ ၅၁၅ ဒသမ ၅၃၁ သန်း ပိုမိုခဲ့ကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ ထုတ်ပြန်သည့် ကုန်သွယ်မှုဆိုင်ရာ စာရင်းများအရ သိရသည်။

လက်ရှိဘဏ္ဍာနှစ် ကုန်သွယ်မှုပမာဏ ဒေါ်လာ ၃၁ ဘီလျံကျော်တွင် ပို့ကုန်တန်ဖိုး ဒေါ်လာ ၁၃၈၄၈ ဒသမ ၈၈၁သန်း၊ သွင်းကုန် တန်ဖိုး ဒေါ်လာ ၁၇၈၁၉ ဒသမ ၀၈၃ သန်း ပါဝင်ကြောင်း သိရသည်။ သွင်းကုန်တန်ဖိုး မှာ ပို့ကုန်တန်ဖိုးထက်များပြားနေသဖြင့် ကုန် သွယ်မှုလိုငွေ ဒေါ်လာ ၃၉၇၀ ဒသမ ၂၀၂ သန်းဖြစ်ပေါ်နေကြောင်း သိရသည်။ ယခင် ဘဏ္ဍာနှစ် ကာလတူတွင်မူ ကုန်သွယ်မှုလိုငွေ မှာ ဒေါ်လာ ၄၈၂၄ ဒသမ ၃၈၅ သန်း ဖြစ်ပေါ်ခဲ့ကြောင်း သိရသည်။

ကုန်သွယ်မှုဆောင်ရွက်ရာတွင် မြန်မာနိုင်ငံမှ လယ်ယာထွက်ကုန်များ၊ တိရစ္ဆာန်ထွက်ပစ္စည်းများ၊ သတ္တုတွင်းထွက်များ၊ သစ်တောထွက်ကုန်များ၊ စက်မှုကုန်ချောများ တင်ပို့ခဲ့ပြီး လူသုံးကုန်ပစ္စည်း၊ လုပ်ငန်းသုံးကုန်ကြမ်းများ၊ ရင်းနှီးမြှုပ်နှံမှု ကုန်ပစ္စည်းများကို မြန်မာနိုင်ငံသို့ တင်သွင်းခဲ့ခြင်းဖြစ်ကြောင်း သိရသည်။

၂၀၁၇-၂၀၁၈ ဘဏ္ဍာနှစ်တွင် မြန်မာနိုင်ငံ၏ ပြည်ပကုန်သွယ်မှု ပမာဏ ဒေါ်လာ ၂၉ ဘီလျံနှင့် ကုန်သွယ်မှုလိုငွေ ဒေါ်လာတစ်ဘီလျံရှိမည်ဟု ခန့်မှန်းထားကြောင်း စီမံကိန်းနှင့် ဘဏ္ဍာရေးဝန်ကြီးဌာနမှ ထုတ်ပြန်သည့် ၂၀၁၇-၂၀၁၈ ဘဏ္ဍာနှစ် ပြည်ထောင်စု၏ ဘဏ္ဍာငွေ အရအသုံး ခန့်မှန်းခြေ အဆိုပြု တင်ပြချက် အနှစ်ချုပ်တွင် ဖော်ပြထားချက်အရ သိရသည်။

အဆိုပါ ဘဏ္ဍာနှစ်တွင် ပြည်ပပို့ကုန် တန်ဖိုး ဒေါ်လာ သန်း ၁၄၀၀၀ နှင့် သွင်းကုန်တန်ဖိုး ဒေါ်လာ သန်း ၁၅၀၀၀ ဟု ခန့်မှန်းထားသဖြင့် ကုန်သွယ်မှုပမာဏမှာ ဒေါ်လာ သန်း ၂၉၀၀၀ ဖြစ်ပြီး ကုန်သွယ်မှုလိုငွေမှာ ဒေါ်လာသန်း ၁၀၀၀ (တစ်ဘီလျံ) ဖြစ်မည်ဟု ခန့်မှန်းထားသည်။ လက်ရှိအခြေအနေအရ ကုန်သွယ်မှု ပမာဏ လျာထားချက်မှာ ကျော်လွန်ခဲ့သော်လည်း ပို့ကုန်တင်ပို့မှု လျာထားချက်မှာ ပြည့်မီရန် လိုအပ်နေကြောင်း သိရသည်။

ဗဟိုစာရင်းအင်းအဖွဲ့မှ ထုတ်ပြန်သည့် ကုန်သွယ်မှု စာရင်းများအရ ၂၀၁၂-၂၀၁၃ ဘဏ္ဍာနှစ်တွင် ကုန်သွယ်မှုလိုငွေ ဒေါ်လာ ၉၁ ဒသမ ၉ သန်း၊ ၂၀၁၃-၂၀၁၄ ဘဏ္ဍာနှစ်တွင် ကုန်သွယ်မှုလိုငွေ ဒေါ်လာ ၂၅၅၅ ဒသမ ၅ သန်းရှိခဲ့ပြီး ၂၀၁၄-၂၀၁၅ ဘဏ္ဍာနှစ်တွင် ကုန်သွယ်မှု လိုငွေမှာ ဒေါ်လာ ၄၉၁၂ ဒသမ ၅၅၉ သန်း ရှိခဲ့ကြောင်း သိရသည်။

 

တရုတ်ဘက်မှ မြန်မာဘဏ်အကောင့်များ အပိတ်ခံရမှုတွင် သကြား၊ ဆန်ကုန်သည်များ၏ ဘဏ်အကောင့်များအပြင် ငွေဖြူ၊ ငွေမည်း မစစ်နိုင်သည့် ငွေလွှဲလုပ်ငန်း အကောင့်များလည်း ပါဝင်ပြီး အပိတ်ခံရမှု တစ်ပတ်ခန့် ကြာမြင့်သည့်အထိ စီးပွား/ကူးသန်းသို့ တင်ပြခြင်း မရှိသေးဟုသိရ

တရုတ်-မြန်မာ ကုန်သွယ်မှု စခန်းတစ်ခုဖြစ်သည့် မူဆယ် ၁၀၅ မိုင် နယ်စပ်ကုန်သွယ်ရေးစခန်း (ပို့ကုန်စစ်ဆေးရေး) ကို တွေ့ရစဉ်

တရုတ်ဘက်မှ မြန်မာဘဏ်အကောင့်များ အပိတ်ခံရမှုတွင် သကြား၊ ဆန်ကုန်သည်များ၏ ဘဏ်အကောင့်များအပြင် ငွေဖြူ၊ ငွေမည်း မစစ်နိုင်သည့် ငွေလွှဲလုပ်ငန်း အကောင့်များလည်း ပါဝင်နေပြီး အပိတ်ခံရမှု တစ်ပတ်ခန့် ကြာမြင့်သည့်အထိ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနသို့ တင်ပြထားခြင်း မရှိသေးကြောင်း မတ် ၂၆ ရက်က သိရသည်။

“ဘဏ်အကောင့်တွေ အပိတ်ခံရတာ တစ်ပတ်လောက်တော့ရှိပြီ။ အစိုးရကို တင်ပြထားတာ လောလောဆယ်တော့ မရှိသေးဘူး။ တင်ပြဖို့က အခုက ဘယ်လိုဖြစ်နေလဲဆိုတော့ ဘဏ်အကောင့် အပိတ်ခံရတဲ့ သူတွေက အဓိကအားဖြင့် ငွေလွှဲသမားတွေ ဖြစ်နေတယ်။ အဲဒီကျတော့ ငွေလွှဲသမားတွေဆိုတာ ငွေဖြူလည်း ၀င်ချင်ဝင်မယ်။ ငွေမည်းလည်း ၀င်ချင်ဝင်မယ်။ ကိုယ်က လိုက်စစ်လို့ မရနိုင်ဘူးလေ။ ပြီးရင် ကျွန်တော်တို့ လုပ်နေတဲ့ လုပ်ငန်းတွေ ဆန်စပါးလုပ်ငန်း၊ သကြားဖြစ်ဖြစ်၊ ပြောင်းဖြစ်ဖြစ် များသောအားဖြင့် ကိုယ့်ဘက်က Formal ဖြစ်ပေမယ့် သူတို့ဘက်က Informal ဖြစ်နေတော့ ပိတ်တဲ့ဟာက လောင်းကစားအတွက် ပိတ်တာလား၊ မှောင်ခိုအတွက် ပိတ်တာလား ခွဲခြားမရဘူး ဖြစ်နေတယ်” ဟု မြန်မာ-တရုတ်နယ်စပ်မှ ကုန်သည်တစ်ဦးက ပြောကြားသည်။

မြန်မာ-တရုတ်နယ်စပ်တွင် ယခုကဲ့သို့ ဘဏ်အကောင့် အပိတ်ခံရမှု ပြဿနာများ မကြာခဏ ဖြစ်ပွားနေပြီး မြန်မာ-တရုတ် နယ်စပ်တွင် တရားဝင်ကုန်သွယ်နိုင်မှသာလျှင် ယင်းပြဿနာများ ကင်းလွတ်နိုင်မည် ဖြစ်ကြောင်း သိရသည်။ ၂၀၁၇ ခုနှစ် နှစ်လယ်ခန့်က အွန်လိုင်းလောင်းကစားမှုကို စစ်ဆေးရန် တရုတ်နိုင်ငံမှ ပိတ်ထားသည့် ဘဏ်အကောင့် ၃၄၉ခုအနက် မြန်မာနိုင်ငံသားပိုင် ဘဏ်အကောင့် ၁၃၂ ခုပါဝင်ခဲ့ကာ နှစ်နိုင်ငံ ညှိနှိုင်းဆောင်ရွက်မှုများ ပြုလုပ်ပြီးနောက် အကောင့်များ ပြန်လည်ဖွင့်လှစ်နိုင်ခဲ့သည်။

“အရင်ကဖြစ်တဲ့ ပြဿနာတွေမှာ များသောအားဖြင့် အကုန်လုံးပြန်ပွင့်တယ်။ သူတို့က သံသယရှိလို့ စစ်ဆေးတဲ့ သဘောပဲ။ ဥပမာ အကောင့်  ၅၀ လောက်ပိတ်မယ်ဆိုရင် နှစ်ခုလောက်ပဲ ပြန်မပွင့်တာ။ ကျန်တာတွေက ခြောက်လ၊ တစ်နှစ်ဆိုရင် အကုန်ပြန်ပွင့်တာ။ အခုအပိတ်ခံရတဲ့အထဲမှာ သကြားသမား၊ ဆန်သမားတွေပါတယ်” ဟု ဆန်စပါးကုန်စည်ဒိုင် (မူဆယ်) မှ တာဝန်ရှိသူတစ်ဦးက ပြောကြားသည်။

လက်ရှိတွင်မူ ဘဏ်စာရင်းအပိတ်ခံရသည့် စာရင်းကို အတိအကျ သိရှိရမှု မရှိသေးကြောင်း ဆန်စပါး ကုန်စည်ဒိုင် (မူဆယ်) မှ သိရသည်။

“တင်ပြလာခဲ့မယ်ဆိုရင် နှစ်နိုင်ငံညှိနှိုင်း ဆောင်ရွက်သွားမယ်။ အောက်ခြေမှာ အချင်းချင်း ညှိနှိုင်းဆောင်ရွက်တာ ရှိသလို တစ်ဖက်ကလည်း သံတမန်နည်းလမ်းအရ ဆောင်ရွက်သွားမယ်။ ငွေကြေးလဲလှယ်တဲ့ ကိစ္စဆိုရင် တစ်မျိုးပေါ့။ ကုန်သွယ်မှုနဲ့ဆိုင်တဲ့ ကိစ္စဆိုရင် ကျွန်တော်တို့ဘက်က ညှိနှိုင်းပေးရမှာ ဖြစ်ပါတယ်။ ဒါကြောင့်မို့ အခုကိစ္စက ဘာကြောင့် ဖြစ်တယ်ဆိုတာ တင်ပြလာတာတွေရှိရင် ကျွန်တော်တို့က ဆောင်ရွက်ပေးရမှာ ဖြစ်ပါတယ်။ လက်ရှိအချိန်အထိတော့ ကျွန်တော်တို့ဆီ တင်ပြလာတာ မရှိသေးပါဘူး” ဟု စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ လက်ထောက်အတွင်းဝန် ဦးခင်မောင်လွင်က ပြောကြားသည်။

လက်ရှိတွင် မြန်မာ-တရုတ်နယ်စပ်၌ ဆန်အရောင်းအ၀ယ် အေးနေပြီး မူဆယ်သို့ တစ်နေ့လျှင် ဆန်တန်ချိန် ၂၀၀၀ နှင့် ၃၀၀၀ ကြား ကုန်အ၀င် ရှိသော်လည်း တရုတ်ဘက်သို့ ရောင်းချရာတွင် ဈေးအေးနေကြောင်း သိရသည်။

“နွေစပါးအသစ်တွေ ပေါ်လာတာက တစ်ကြောင်း၊ သူတို့ရဲ့ လိုအပ်ချက်အရရောပေါ့။ အခုဈေးလျှော့ ၀ယ်နေတာ။ အရင်တုန်းက ၁၅၅ ယွမ်လောက် ရောင်းရတဲ့ဆန်က အခု ယွမ် ၁၅၀ လောက်ပဲ ရှိတော့တယ်။ ငါးယွမ်၊ ခြောက်ယွမ်၊ ခုနစ်ယွမ်လောက် ဈေးကျသွားတယ်။ ဆန်သားအပေါ် မူတည်ပြီး ဈေးချဝယ်တာဆိုတော့ တစ်အိတ်ကို ကျပ် ၁၀၀၀ လောက် ဈေးကျတယ်” ဟု မူဆယ်နယ်စပ်မှ ဆန်ကုန်သည်တစ်ဦးက ပြောကြားသည်။

မြန်မာနိုင်ငံနှင့် တရုတ်နိုင်ငံတို့အကြား ကုန်သွယ်မှုမှာ နှစ်စဉ်ဒေါ်လာ ၁၀ ဘီလျံခန့်ရှိပြီး စုစုပေါင်း ကုန်သွယ်မှု ပမာဏ၏ ရာခိုင်နှုန်း ၃၀ ခန့်ရှိကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

 

ကမ္ဘာ့ရွှေဈေး ၁၃၁၄ ဒေါ်လာအထိ ပြန်ကျပြီး ပြည်တွင်းရွှေဈေးနှုန်း ကျပ် ၉၃၆၇၀၀ အထိ ကျဆင်း

ကမ္ဘာ့ရွှေဈေးသည် မတ် ၁၆ ရက်တွင် ၁၃၁၄ ဒေါ်လာဖြင့် ဈေးပိတ်ပြီး မတ် ၁၇ ရက်တွင် ပြည်တွင်းဈေးကွက်၌ ရွှေဈေးနှုန်း ကျပ် ၉၃၆၇၀၀ အထိ ကျဆင်းခဲ့ကြောင်း ရွှေရောင်းဝယ်သူများထံမှ သိရသည်။

ပြည်တွင်းရွှေဈေးသည် ပြီးခဲ့သည့် ၂၀၁၇ ဇူလိုင် ၂၁ ရက်မှ စတင်ကာ ကျပ် ၉၀၀၀၀၀ အထက်ရောက်ခဲ့ပြီး ကမ္ဘာ့ရွှေဈေး မြင့်တက်မှုနှင့်အတူ စံချိန်တင်ဈေးနှုန်းများအဖြစ် သြဂုတ်လအတွင်းနှင့် စက်တင်ဘာလလယ်အထိ ဆက်တိုက်မြင့်တက်ခဲ့ကာ စက်တင်ဘာ ၁၅ ရက်တွင် ၉၅၇၃၀၀ ဖြင့် စံချိန်တင်ထားသည်။ ထို့နောက် စက်တင်ဘာ ၁၇ ရက်အထိ ၉၅၀၀၀၀ အထက်ရှိခဲ့ပြီး အောက်တိုဘာ ၃ ရက်တွင် ၉၂၂၁၀၀ အထိ ကျဆင်းခဲ့သည်။ အောက်တိုဘာ ၇ ရက်တွင် ၉၃၀၀၀၀ အထက်၊ အောက်တိုဘာ ၁၄ ရက်တွင် ၉၄၀၀၀၀ အထက်သို့ ပြန်ရောက်ခဲ့ပြီး အောက်တိုဘာ ၂၃ ရက်တွင် ၉၃၀၆၀၀၊ အောက်တိုဘာ ၃၀ နှင့် နိုဝင်ဘာ ၁ ရက်တွင် ၉၂၉၂၀၀ အထိ ကျဆင်းခဲ့သည်။ နိုဝင်ဘာလဆန်းတွင် ကျပ် ၉၃၀၀၀၀ အောက်တွင်သာဆက်ရှိခဲ့ပြီး နိုဝင်ဘာ ၂၉ ရက်တွင် ၉၃၆၂၀၀ အထိရောက်ရှိခဲ့ကာ ဒီဇင်ဘာ ၆ ရက်တွင် ၉၂၆၁၀၀၊ ဒီဇင်ဘာ ၁၉ ရက်တွင် ၉၁၇၇၀၀၊ ဒီဇင်ဘာ ၃၀ ရက်တွင် ၉၃၇၀၀၀၊ ဇန်န၀ါရီ ၂၅ ရက်တွင် ကျပ် ၉၅၅၇၀၀၊ ဖေဖော်ဝါရီ ၁၅ ရက်တွင် ကျပ် ၉၄၄၆၀၀၊ မတ် ၁၇ ရက်တွင် ကျပ် ၉၃၆၇၀၀ ၀န်းကျင် ဖြစ်ပေါ်ခဲ့သည်။

ပြီးခဲ့သည့်သုံးလက ရွှေဈေးကို ပြန်ကြည့်ပါက ဒီဇင်ဘာလအတွင်း အနိမ့်ဆုံးဈေးနှုန်း ကျပ် ၉၁၃၂၀၀ (ဒီဇင်ဘာ ၁၃ ရက်)၊ အမြင့်ဆုံးဈေးနှုန်း ကျပ် ၉၃၇၃၀၀ (ဒီဇင်ဘာ ၃၁ ရက်)၊ ဇန်န၀ါရီလတွင် အနိမ့်ဆုံးနှုန်း ကျပ် ၉၃၃၆၀၀ (ဇန်န၀ါရီ ၄ ရက်)၊ အမြင့်ဆုံး ဈေးနှုန်း ကျပ် ၉၅၅၇၀၀ (ဇန်န၀ါရီ ၂၅ ရက်)၊ ဖေဖော်ဝါရီလအတွင်း ပြည်တွင်းရွှေဈေးနှုန်း အနိမ့်ဆုံးနှုန်း ကျပ် ၉၃၅၁၀၀ (ဖေဖော်ဝါရီ ၈ ရက်)၊ အမြင့်ဆုံးနှုန်း ကျပ် ၉၄၆၅၀၀ (ဖေဖော်ဝါရီ ၆ ရက်) တို့ ဖြစ်သည်။

ကမ္ဘာ့ဒေါ်လာဈေး အညွှန်းကိန်း ပွိုင့် ၉၀ အထက်ရှိပြီး နိုင်ငံခြားငွေလဲနှုန်း တစ်ဒေါ်လာ ၁၃၂၉ ကျပ်အထိ မြင့်တက်

မတ် ၁၆ ရက်တွင် ကမ္ဘာ့ဒေါ်လာဈေး အညွှန်းကိန်း ပွိုင့် ၉၀ အထက်ဖြင့် ဈေးပိတ်ခဲ့ပြီး မတ် ၁၇ ရက်တွင် ပြည်တွင်းဈေးကွက်၌ နိုင်ငံခြားငွေလဲနှုန်း တစ်ဒေါ်လာ ၁၃၂၉ ကျပ် အထိ မြင့်တက်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

၂၀၁၇ ခုနှစ် မတ်လလယ်မှစတင်ကာ ကမ္ဘာ့ဒေါ်လာဈေးအညွှန်းကိန်း သိသိသာသာ ကျဆင်းခဲ့ခြင်းဖြစ်ပြီး ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ အောက်တိုဘာတွင် ၁၃၄၉-၁၃၅၈ ကျပ်၊ နိုဝင်ဘာတွင် ၁၃၅၆-၁၃၅၉ ကျပ်၊ ဒီဇင်ဘာတွင် ၁၃၅၄-၁၃၅၉ ကျပ်၊  ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီတွင် ၁၃၂၃-၁၃၃၁ ကျပ်တို့ဖြစ်ပြီး ဇန်န၀ါရီတွင် ကွာဟချက် အများဆုံးဖြစ်ပေါ်ခဲ့သည်။

ပြီးခဲ့သည့် ဇန်န၀ါရီလဆန်းတွင် ၁၃၅၄ ကျပ်ဝန်းကျင်ဖြစ်ပေါ်နေရာမှ ဇန်န၀ါရီ ၃ ရက်တွင် ၁၃၅၂ ကျပ်၊ ဇန်န၀ါရီ ၈ ရက်တွင် ၁၃၄၇ ကျပ်၊ ဇန်န၀ါရီ ၂၀ ရက်တွင် ကျပ် ၁၃၄၀၊ ဇန်န၀ါရီ ၂၃ ရက်တွင် ၁၃၃၅ ကျပ်၊ ဇန်န၀ါရီ ၂၄ ရက်တွင် ၁၃၃၂ ကျပ်၊ ဇန်န၀ါရီ ၂၅ ရက်တွင် ၁၃၂၉ ကျပ်၊ ဇန်န၀ါရီ ၂၆ ရက် တွင် ၁၃၂၇ ကျပ်၊ ဇန်န၀ါရီ ၂၇ ရက်တွင် ၁၃၂၅ ကျပ်၊ ဇန်န၀ါရီ ၂၉ ရက်တွင် ၁၃၂၃ ကျပ်အထိ ဆက်တိုက်ကျဆင်းခဲ့သည်။ ဖေဖော်ဝါရီ ၁၂ ရက်တွင် ၁၃၂၉ ကျပ်၊ ဖေဖော်ဝါရီ ၂၀ ရက်တွင် ၁၃၂၃ ကျပ်ဝန်းကျင်ရှိခဲ့ပြီး ဖေဖော်ဝါရီ ၂၁ ရက်တွင် ၁၃၂၈ ကျပ်၊ ဖေဖော်ဝါရီ ၂၂ ရက်တွင် ၁၃၃၂ ကျပ်အထိ ပြန်တက်ခဲ့ကာ ဖေဖော်ဝါရီ ၂၆ ရက်မှ မတ် ၁၇ ရက်အထိ ၁၃၂၆-၁၃၂၉ ကျပ်ဝန်းကျင် ဖြစ်ပေါ်နေခြင်း ဖြစ်သည်။

ပဲတီစိမ်း အဓိကတင်ပို့နေသော ဥရောပဈေးကွက်အပြင် တရုတ်နိုင်ငံက ၀ယ်လိုအားကောင်းနေသဖြင့် ပြည်တွင်း၌ ပဲတီစိမ်း ဈေးကောင်းရနေဟုဆို

ပဲခူးတိုင်းဒေသကြီး အတွင်းရှိ ပဲစိုက်တောင်သူများ ပဲသိမ်းနေမှုကို တွေ့ရစဉ်

မြန်မာနိုင်ငံမှ ထွက်ရှိသည့် ပဲတီစိမ်းကို အဓိကတင်ပို့နေသော ဈေးကွက်ဖြစ်သည့် ဥရောပအပြင် တရုတ်နိုင်ငံတို့မှ ၀ယ်လိုအားကောင်းနေသဖြင့် ပဲတီစိမ်းဈေးနှုန်းများ ကောင်းနေကြောင်း မြန်မာနိုင်ငံပဲမျိုးစုံနှင့် နှမ်းကုန်သည်အသင်းမှ သိရသည်။

“ပဲတီစိမ်းကတော့ တရုတ်ဘက်က အ၀ယ်ကောင်းတာရော နောက်ဥရောပဘက်က အမာခံတွေနဲ့ဆိုတော့ ပဲတီစိမ်းကတော့ ဈေးကောင်းပါတယ်” ဟု မြန်မာနိုင်ငံ ပဲမျိုးစုံနှင့် နှမ်းကုန်သည်အသင်းမှ အတွင်းရေးမှူး ဦးမင်းကိုဦးက ပြောကြားသည်။

လက်ရှိအချိန်တွင် ခရမ်းရွှေဝါပဲတီစိမ်း သုံးတင်းတစ်အိတ် (အချိန် ၆၀) ကို ကျပ် ၁၁၅,၀၀၀ အထိရှိကြောင်း၊ ခရမ်းရွှေဝါပဲတီစိမ်း တစ်တန်ကို ၁၁ သန်းခွဲခန့်အထိရှိကြောင်း မြန်မာနိုင်ငံပဲမျိုးစုံနှင့် နှမ်းကုန်သည်အသင်းမှ သိရသည်။

မြန်မာနိုင်ငံမှ ထွက်ရှိသည့် ပဲတီစိမ်းများကို ဥရောပနိုင်ငံများအနေဖြင့် ပဲပင်ပေါက် ဖောက်စားရန် ၀ယ်ယူခြင်းဖြစ်ကြောင်း၊ ထို့ကြောင့် ၀ယ်ယူရာတွင် အရည်အသွေး စံချိန်စံညွှန်း ကောင်းမွန်သော ပဲတီစိမ်းကိုသာ ၀ယ်ယူပြီး ဒေသတွင်းနိုင်ငံများထက် ဈေးနှုန်းပိုမိုရရှိကြောင်း သိရသည်။

မြန်မာနိုင်ငံမှ ပဲတီစိမ်းကို တရုတ်နိုင်ငံဘက်မှ ကုန်သည်များသည် မန္တလေးတိုင်းအထိ ဆင်းဝယ်ကြောင်း ယင်းကဲ့သို့ ၀ယ်ယူရာတွင် အရည်အသွေး စံချိန်စံညွှန်းအားလုံးကို ၀ယ်ယူပြီး အရည်အသွေးပေါ် မူတည်ကာ ဈေးနှုန်းကွာခြားချက်ရှိကြောင်း သိရသည်။

ပဲတီစိမ်းကို ရန်ကုန်တိုင်းဒေသကြီးအတွင်း ခရမ်းနှင့် သုံးခွမြို့နယ်များ၌ အဓိက အများဆုံး စိုက်ပျိုးနေခြင်း ဖြစ်ကြောင်း သိရသည်။

စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနနှင့် ဥရောပသမဂ္ဂနိုင်ငံများ ပူးပေါင်းပြီး ဥရောပ စံချိန်စံညွှန်းများဖြင့် ပဲတီစိမ်းကို ကန်ထရိုက်စိုက်ခင်းများ ဆောင်ရွက်လျက်ရှိကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

မြန်မာနိုင်ငံမှထွက်ရှိသည့် ပဲမျိုးစုံအနက် ပဲတီစိမ်း၊ မတ်ပဲနှင့် ပဲစင်းငုံတို့ကို ပြည်ပသို့ အဓိကတင်ပို့နေခြင်း ဖြစ်ကြောင်း၊ ပဲတီစိမ်းကို ဥရောပဈေးကွက်သို့ အဓိကတင်ပို့နေခြင်းဖြစ်ပြီး မတ်ပဲနှင့် ပဲစင်းငုံနှစ်မျိုးကို အိန္ဒိယနိုင်ငံသို့ အဓိက တင်ပို့နေခြင်းဖြစ်သည်။

ယခုဘဏ္ဍာနှစ် ၁၁ လကျော်အတွင်း မြန်မာနိုင်ငံမှ ပြည်ပသို့ ပဲမျိုးစုံတန်ချိန် ၁ ဒသမ ၂ သန်းကျော် တင်ပို့ထားပြီး တန်ဖိုး ဒေါ်လာ သန်း ၈၀၀ ကျော်ရရှိထားကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

၂၀၁၇-၂၀၁၈ ဘဏ္ဍာနှစ် မတ် ၂ ရက် အထိ ပြည်ပသို့ ပဲမျိုးစုံတင်ပို့မှုသည် တန်ချိန် ၁ ဒသမ၂ သန်းကျော်ရှိပြီး တန်ဖိုး ဒေါ်လာ ၈၀၇ သန်းအထိရရှိထားကြောင်း စီးပွား/ကူးသန်းဝန်ကြီးဌာန စာရင်းများအရ သိရ သည်။

လက်ရှိ ၂၀၁၇-၂၀၁၈ ဘဏ္ဍာနှစ် ဇန်န၀ါရီ ၁၉ ရက်အထိ ပြည်ပသို့ ပဲမျိုးစုံ တန်ချိန် ၁ ဒသမ ၀၉ သန်း တင်ပို့ထားကာ ၀င်ငွေ ဒေါ်လာ ၇၇၄ သန်းနီးပါးသာ ရရှိခဲ့သည်။

ဇန်န၀ါရီ ၁၉ ရက်မှ မတ် ၂ ရက်အထိ တစ်လကျော်အတွင်း တန်ချိန်တစ်သိန်းကျော် တင်ပို့ထားပြီး တန်ဖိုး ဒေါ်လာ ၃၃ သန်း အထိ ရရှိထားခြင်းဖြစ်ကြောင်း စာရင်းများအရ သိရသည်။