လွိုင်ကော်တက္ကသိုလ် ဘွဲ့နှင်းသဘင်ခန်းမနှင့် ပတ်သက်၍ အချိန်မီ ဖြေရှင်းပေးစေလိုကြောင်းနှင့် ပညာရှင်များအား ခေါ်ယူ၍ စစ်ဆေးစေပြီး ဆက်လက်အသုံးပြုရန် မသင့်ပါက တာဝန်ရှိသူများက အသစ်တည်ဆောက်ပေးရန် တောင်းဆိုသွားမည်ဖြစ်ကြောင်း ကယားပြည်နယ် (ကရင်နီပြည်) ကျောင်းသားများသမဂ္ဂမှ သတင်းစာရှင်းလင်းပွဲတွင် ပြောကြားသည်။
လွိုင်ကော်တက္ကသိုလ် ဘွဲ့နှင်းသဘင်ခန်းမနှင့် ပတ်သက်၍ ကယားပြည်နယ် (ကရင်နီပြည် ) ကျောင်းသားများသမဂ္ဂမှ သတင်းစာရှင်းလင်းပွဲအား မတ် ၁၆ ရက် နံနက်တွင် နာနတ်တောရပ်ကွက်ရှိ ကျောင်းသားရုံးတွင် ကျင်းပသည်ဟု သိရသည်။
ပြည်နယ်ကိုယ်စားပြု၊ ကျောင်းသားကိုယ်စားပြုသော ဘွဲ့နှင်းသဘင်ခန်းမနှင့် ပက်သက်၍ အချိန်မီဖြေရှင်းပေးစေလိုကြောင်းနှင့် ပညာရှင်များအား ခေါ်ယူ၍ စစ်ဆေးစေပြီး ဆက်လက်အသုံးပြုရန် မသင့်ပါက တာဝန်ရှိသူများမှ ပြန်လည်အသစ် တည်ဆောက်ပေးရန် တောင်းဆိုသွားမည်ဖြစ်ကြောင်း သတင်းစာရှင်းလင်းပွဲတွင် ထည့်သွင်းပြောကြားသည် ။