<

ထောင်ဒဏ် ငါးနှစ်မှ ၁၀ နှစ်အထိ ကျခံနိုင်သည့် မူးယစ်ပုဒ်မ ၁၆(ဂ) ဖြင့် ဒါရိုက်တာမိုက်တီးအား တာမွေမြို့နယ် တရားရုံးတွင် စတင်တရားစွဲဆို

  

ထောင်ဒဏ် ငါးနှစ် မှ ၁၀ နှစ်အထိ ကျခံနိုင်သည့် မူးယစ်ပုဒ်မ ၁၆(ဂ) ဖြင့် ဒါရိုက်တာ မိုက်တီး(ခေါ်)သန်းထွန်းဇော်အား တာမွေမြို့နယ် တရားရုံး၌ စက်တင်ဘာ ၁၄ ရက်တွင် စတင် တရားစွဲဆိုခဲ့ကြောင်း ယင်းတရားရုံးမှ စုံစမ်းသိရှိရသည်။

ဒါရိုက်တာ မိုက်တီး(ခေါ်)သန်းထွန်းဇော်အား တာမွေမြို့နယ် တရားရုံးတွင် တတိယကြိမ်မြောက် ရုံးချိန်းတွင် မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများဆိုင်ရာ ဥပဒေပုဒ်မ -၁၆(ဂ)ဖြင့် စတင်တရားစွဲကာ လာမည့်ရုံးချိန်းအား စက်တင်ဘာ ၂၅ ရက်သို့ ပြန်လည် ချိန်းဆိုခဲ့ကြောင်း သိရသည်။

သြဂုတ်လ ၁၆ ရက် ည ၁၁ နာရီခန့်တွင် တာမွေမြို့နယ် ၊ တာမွေကြီး(ခ)ရပ်ကွက် ၊ အမှတ်(၃) အခြေခံပညာအထက်တန်းကျောင်းရှေ့၌ တာမွေ အဝိုင်းထိပ်ဘက်မှ ရွှေထွဋ်တင်ကွင်းဘက်သို့ ရန်ကင်းမြို့နယ် (၁၆)ရပ်ကွက်နေ သန်းထွန်းဇော်(၅၃)နှစ် (ရုပ်ရှင်ဒါရိုက်တာ မိုက်တီး)မောင်းနှင်လာသည့် 9D/×××× MAZDA DEMIO ယာဉ်အား ရပ်တန့်စစ်ဆေးခဲ့ကြောင်း၊ ထိုအချိန်တွင် ယာဉ်မောင်း ထိုင်ခုံနှင့်ကျောမှီကြားရှိ မျက်မှန်ဘူးအတွင်းမှ WY စိတ်ကြွဆေးပြား(၂၆)ပြား၊ အလေးချိန်(၂.၆)ဂရမ်၊ လက်ကိုင်ဖုန်းနှစ်လုံး၊ ယာဉ်မောင်းလိုင်စင်တစ်ခု၊၀ှီးတက်တစ်ခု နှင့် မူးယစ်ဆေးဝါးသုံးစွဲရာတွင်အသုံးပြုသည့် ဆက်စပ်ပစ္စည်းများအား တွေ့ရှိသိမ်းဆည်းရမိခဲ့ကြောင်း ရန်ကုန်တိုင်းဒေသကြီးရဲတပ်ဖွဲ့က သတင်းထုတ်ပြန်ခဲ့သည်။

အဆိုပါ မူးယစ်ဆေးဝါးတွေနှင့်အတူ ဖမ်းဆီးရမိခဲ့သည့် ဒါရိုက်တာမိုက်တီး(ခေါ်) သန်းထွန်းဇော်ကို တာမွေမြို့မရဲစခန်းမှာမူးယစ်(ပ) ၂၉/၂၀၁၈ မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများ ဆိုင်ရာဥပဒေပုဒ်မ ၁၆(ဂ)နဲ့အမှုဖွင့်ထားပြီး ကွင်းဆက်ကျူးလွန်သူတွေ ဆက်လက်ဖော်ထုတ်နိုင်ဖို့အတွက် စစ်ဆေးမှုတွေ ဆက်လက်လုပ်ဆောင်နေကြောင်း ရန်ကုန်တိုင်းဒေသကြီးရဲတပ်ဖွဲ့က သတင်းထုတ်ပြန်ခဲ့သည်။

မူးယစ်ဥပဒေ ပုဒ်မ ၁၆ (ဂ) တွင် မူးယစ် ဆေးဝါး သို့မဟုတ် စိတ်ကိုပြောင်းလဲစေသော ဆေးဝါးကို လက်ဝယ်ထားခြင်း၊ သယ်ယူပို့ ဆောင်ခြင်း၊ တစ်ဆင့်ပေးပို့ခြင်း၊ လွှဲပြောင်း ခြင်းတို့ပြုလုပ်ပါက ထိုသူအား ထောင်ဒဏ် အနည်းဆုံး ငါးနှစ်မှ အများဆုံး ၁၀ နှစ်အထိ ချမှတ်နိုင်သည့်အပြင် ငွေဒဏ်လည်း ချမှတ်နိုင်ကြောင်း ဖော်ပြထားသည်။

သြဂုတ်လဆန်းပိုင်းမှစပြီး အနုပညာ လောကအတွင်း စိတ်ကြွ မူးယစ်ဆေးဝါး ဖမ်းဆီးရမိမှုများ ရှိလာခဲ့သည်။ သြဂုတ် ၉ ရက်က ရန်ကင်းမြို့နယ် အမှတ် (၁) ရပ်ကွက် ရန်ကင်းလမ်း၊ Golden City အိမ်ရာနေ အဆိုတော် ရွှေထိုက် (ခ) မဝေလွင်ဇော်နှင့် အမျိုးသားတစ်ဦးအား စိတ်ကြွ ရူးသွပ်ဆေးပြား ၁၁၉၉၄ ပြား၊ အိုက်စ် ၇၇၃ ဂရမ်၊ ဘိန်းဖြူ ၁၁ ဂရမ်နှင့် ဆေးခြောက် ၁၂ ဂရမ်တို့နှင့်အတူ ဖမ်းဆီးရမိခဲ့ပြီး ရန်ကင်းမြို့မ ရဲစခန်းက အမှုဖွင့် အရေးယူထားကြောင်း သိရသည်။ အလားတူ သြဂုတ် ၁၅ ရက်ကလည်း အဆိုတော် ​​ရဲမင်းသိန်း(ခ)ရသ အပါအ၀င် သုံးဦးအား မန္တလေးမြို့ ချမ်းမြသာစည်​မြို့နယ်​ထွန်​တုံးရပ်​ကွက်​ အောင်​​ဇေယျလမ်း ၄၉ လမ်း နှင့်​ ၅၀ လမ်းကြားရှိ ဧည့်​ရိပ်​မွန်​တစ်​ခုတွင် စိတ်ကြွ ရူးသွပ် ဆေးပြား စုစု​ပေါင်း​ ၁၆၅၅ပြား၊ ကာလတန်​ဖိုး​ ကျပ်​ ၈၂၇၅၀၀၀ တို့နှင့်​အတူ ဖမ်းဆီးရမိခဲ့ပြီး အောင်ပင်လယ်နယ်မြေရဲစခန်းက အမှုဖွင့် အရေးယူထားကြောင်း သိရသည်။

September 14, 2018














Copy Protected by Chetan's WP-Copyprotect.