<

ဖုယွင်စက်ရုံတွင် အလုပ်သမား ၃၀ ထုတ်ပယ်မှုကြောင့် ဆန္ဒပြနေမှုများရှိနေပြီး ဖုယွင်စက်ရုံတာဝန်ရှိသူများ သတင်းစာရှင်းလင်းပွဲ ပြုလုပ်

ဖုယွင်စက်ရုံတွင် အလုပ်သမား ၃၀ ဦးအလုပ်ထုတ်ပယ်မှုကြောင့် ဆန္ဒပြမှုများ ရှိနေပြီး ဖုယွင်စက်ရုံတာဝန်ရှိသူများက ရန်ကုန်မြို့ တက္ကသိုလ်ရိပ်သာလမ်းရှိ ဖူဂျီကဖီးဟောက်စ်တွင် စက်တင်ဘာ၁၁ရက် ညနေပိုင်းက သတင်းစာရှင်းလင်းပွဲ ပြုလုပ်သည်။

ဖုယွင်စက်ရုံက အလုပ်သမား သမဂ္ဂခေါင်းဆောင်များ အဖွဲ့ဝင်များ အပါအ၀င် ၃၀ ဦးကိုအလုပ်ထုတ်လိုက်သည့်အတွက် သြဂုတ်၂၁ ရက်က စတင်ကာ ယနေ့အထိ အလုပ်သမား၂၀၀ ခန့်သည် စက်ရုံရှေ့၌ ပိတ်ဆို့ဆန္ဒပြလျက်ရှိသည်။

အလုပ်သမားနှင့် စက်ရုံတာဝန်ရှိသူများ မြို့နယ်အလုပ်သမား ညှိနှိုင်းဖျန်ဖြေရေးရုံးတွင် ငါးကြိမ်တွေ့ဆုံဆွေးနွေးခဲ့ပြီး အလုပ်ထုတ်ခံရသူများကို အလုပ်ပြန်ခန့်ရန် အဆုံးအဖြတ်ချမှတ်ခဲ့သော်လည်း စက်ရုံတာဝန်ရှိသူများက လတ်တလောအခြေအနေအရ အလုပ်ပြန်ခန့်ရန်ငြင်းဆိုထားကြောင်း သတင်းစာရှင်းပွဲတွင် ပြောကြားသည်။

“အလုပ်ရှင် မတတ်နိုင်တဲ့ဝန်တစ်ခုကို ဘယ်ဌာန၊ ဘယ်အစိုးရကမှ လာပြီးဖိအား ပေးလို့တော့မရပါဘူးလို့ ကျွန်တော်တို့ထင်ပါတယ်။ အစိုးရအဖွဲ့အနေနဲ့ ကြားဝင်ညှိနှိုင်း ဖျန်ဖြေပေးမယ်ဆိုရင်လည်း ပြန်ခန့်ဖို့ လတ်တလော အခြေအနေမှာ မဖြစ်နိုင်သေးပါဘူး” ဟု ဖုယွင်စက်ရုံ၏ သွင်းကုန်၊ ထုတ်ကုန် မန်နေဂျာဦးသက်ခိုင်က သတင်းစာရှင်းလင်းပွဲတွင် ပြောကြားသည်။

ယင်းအပြင် ဖုယွင်စက်ရုံမန်နေဂျာ ဦး သိန်းဆွေက “ကျွန်တော်တို့ အလုပ်ရှင်တွေ အနေနဲ့ကတော့ တရားရုံးအဆုံးအဖြတ်တိုင်းလည်း အလုပ်ပြန်ခန့်ဖို့ လတ်တလောမှာ မဖြစ်နိုင်သေးပါဘူး။ တရားရုံးက ဆုံးဖြတ်မယ့် ဒဏ်ကြေးငွေကို ပေးဆောင်သွားမှာပါ” ဟု ပြောကြားသည်။

သတင်းစာရှင်းလင်းပွဲတွင် ဖုယွင်စက်ရုံ မန်နေဂျာနှင့် သွင်းကုန်ထုတ်ကုန်မန်နေဂျာတို့က အလုပ်ထုတ်ပယ်လိုက်သော အလုပ်သမား ၃၀ ဦးသည် တစ်နှစ်အတွင်း ခွင့်မဲ့ပျက်ကွက် ရက်  ၄၆၂ ရက်ရှိခြင်း၊ ရုံးနောက် ကျသည့်ရက် ၄၁၁ ကြိမ် အထိရှိခြင်း၊ အလုပ်ရှင် အလုပ်သမား သဘောတူစာချုပ်အတိုင်း အလုပ်လုပ်ကိုင်မှု မရှိခြင်း၊ အလုပ်ခွင်အတွင်း ကုန်ထုတ်လုပ်မှု ကျဆင်းစေရန် သွေးထိုးလှုံ့ဆော်မှုများ ပြုလုပ်ခြင်း၊ စက်ရုံ၏ သတ်မှတ်စည်းကမ်းများကို ချိုးဖောက်နေခြင်းတို့ကြောင့် အလုပ်မှ ထုတ်ပယ်ခဲ့ခြင်းဖြစ်ကြောင်း ပြောကြားခဲ့ပြီး ယင်းအလုပ်သမားများကို ခံဝန်ကတိ လက်မှတ်ထိုးခိုင်းခဲ့သော်လည်း အလုပ်သမား ၃၀ ဦးက လက်မှတ်ထိုးခြင်း မရှိကြောင်း ပြောကြားသည်။

ယင်းအပြင် အလုပ်သမားများကို ကြိုတင်အကြောင်းကြားခြင်းမရှိဘဲ အလုပ်ထုတ်ခဲ့သည်မှာ မှန်ကန်ကြောင်း၊ အလုပ်မှ ထုတ်ပယ်ခဲ့မှုအတွက် အလုပ်သမား ၃၀ဦး ကို အလုပ်ရပ်စဲမှုနစ်နာကြေး၊ နို့တစ်ကြေး တစ်လစာအား မြို့နယ်ညှိနှိုင်း ဖျန်ဖြေရေးရုံးတွင် ပေးချေခဲ့သော်လည်း လာရောက်ထုတ်ယူမှုမရှိကြောင်း၊ စက်ရုံဝင်ပေါက် ပိတ်ဆို့ဆန္ဒပြခြင်းကြောင့် အခြားအလုပ်သမားများ အလုပ်လုပ်ခွင့်မရဘဲ စက်တင်ဘာ ၃ ရက်မှ သာစက်ရုံ၏ အုတ်နံရံကို အပေါက်ဖောက်ခဲ့ရပြီး အလုပ်သမား ၁၀၀၀ ခန့် ၀င်/ထွက် အလုပ်လုပ်ခွင့်ပြုခဲ့ရကြောင်း၊ အလုပ်သမား များ ဆန္ဒပြသည့်ရက်အတွင်း စက်ရုံ၏ ဆုံးရှုံးနစ်နာမှုမှာ အမေရိကန်ဒေါ်လာ ငါးသိန်းကျော် ခြောက်သိန်းခန့်ရှိကြောင်း စက်ရုံတာ ၀န်ရှိသူတို့က ဆိုသည်။

September 12, 2018














Copy Protected by Chetan's WP-Copyprotect.