ရန်ကုန်မြို့ မြို့နယ် တစ်ခုရှိ ကွမ်းယာဆိုင်တွင် တင်ရောင်းသည့် ဆေးပေါ့လိပ်များကို တွေ့ရစဉ် (ဓာတ်ပုံ-မျိုးထက်ပိုင်)
၂၀၁၈-၂၀၁၉ ခုနှစ် ပြည်ထောင်စု၏ အခွန်အကောက်ဥပဒေကြမ်းတွင် ဆေးပေါ့လိပ်နှင့်ပတ်သက်၍ အဆိုပြုထားသော အခွန်နှုန်းထား သည် ယခင်နှစ်ထက် ရခိုင်နှုန်း ၃၀၀ အထိ မြင့်မားနေသည့်အတွက် တစ် လိပ်လျှင် ပြား ၅၀ သာ သတ်မှတ်သင့် ကြောင်း ဥပဒေကြမ်းပူးပေါင်းကော် မတီက အစီရင်ခံစာတွင် တင်ပြထားသည်။
၂၀၁၈-၂၀၁၉ ခုနှစ် ပြည်ထောင် စု၏ အခွန်အကောက်ဥပဒေကြမ်း နှင့်စပ်လျဉ်း၍ ပြည်ထောင်စုလွှတ် တော် ဥပဒေကြမ်းပူးပေါင်းကော် မတီ၏ လေ့လာတွေ့ရှိချက်နှင့် သဘောထားမှတ်ချက် အစီရင်ခံစာ ကို နေပြည်တော်၌ စက်တင်ဘာ ၆ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော် နဝမပုံမှန် အစည်းအဝေး ၁၈ ရက်မြောက်နေ့ တွင် ဥပဒေကြမ်းပူးပေါင်းကော် မတီက လွှတ်တော်သို့ တင်သွင်းခဲ့ရာ အထက်ပါအတိုင်း တင်ပြထားခြင်း ဖြစ်သည်။
အပိုဒ် ၁၁၊ အပိုဒ်ခွဲ (က)၊ အ ပိုဒ်ခွဲငယ် (၃)၊ ဇယားအမှတ်စဉ် ၄ တွင် ဖော်ပြထားသည့် ဆေးပေါ့ လိပ်လုပ်ငန်းသည် စက်ကိရိယာ အသုံးမပြုသည့် အိမ်တွင်းလက်မှု လုပ်ငန်းဖြစ်ပြီး အလုပ်အကိုင်အခွင့် အလမ်းများ မဆုံးရှုံးစေရန် လိုအပ် ခြင်း၊ တိုင်းရင်းသားလူမျိုးများ၏ ရိုးရာအမွေအနှစ်ဆိုင်ရာ မိရိုးဖလာ လုပ်ငန်းဖြစ်ခြင်း၊ ကျေးလက်နေ ပြည်သူများအနေဖြင့် တစ်ပိုင်တစ်နိုင် လုပ်ကိုင်ဆောင်ရွက်နိုင်ခြင်း နှင့် ယခုအဆိုပြုထားသည့် အခွန် နှုန်းထားသည် ယခင်နှစ်ထက် ရာ ခိုင်နှုန်း ၃၀၀ အထိ မြင့်မားနေသည့် အတွက် အခွန်နှစ်တစ်နှစ်ခြင်း မြှင့်တင်ရန် လိုအပ်ခြင်းတို့ကြောင့် တစ်လိပ်လျှင် ပြား ၅၀ နှုန်းဟု ပြောင်းလဲ သတ်မှတ်သင့်ကြောင်း ဥပဒေကြမ်း ကော်မတီက လေ့လာတွေ့ရှိချက်အဖြစ် ဖော်ပြထားသည်။
၂၀၁၈ ခုနှစ် အခွန်အကောက် ဥပဒေတွင် ဆေးပေ့ါလိပ် တစ်လိပ်လျှင် အခွန် ၂၅ ပြား အဖြစ် သတ်မှတ်ထားရာ ပြည်ထောင်စုအစိုးရ အဖွဲ့ကိုယ်စား စီမံကိန်းနှင့် ဘဏ္ဍာရေး ဝန်ကြီးဌာနက တင်သွင်းသော ၂၀၁၈-၂၀၁၉ ခုနှစ် ပြည်ထောင်စု၏ အခွန်အကောက် ဥပဒေကြမ်းတွင် ဆေးပေ့ါလိပ်နှင့် ပတ်သက်၍ အခွန်နှုန်းထားကို တစ်ကျပ်အဖြစ် အဆိုပြုထားခြင်းဖြစ်သည်။
ထို့ပြင် ၂၀၁၈ ခုနှစ် အခွန်အကောက်ဥပဒေတွင် စီးကရက်အမျိုးမျိုးတွင် အလိပ် ၂၀ ပါတစ်ဘူး ရောင်းဈေးသည် ကျပ် ၅၀၀ အဆင့်ဖြစ်လျှင် တစ်လိပ်လျှင် အခွန်လေးကျပ်နှုန်း၊ အလိပ် ၂၀ ပါ တစ်ဘူး ရောင်းဈေးသည် ကျပ် ၅၀၁ ကျပ်မှ ကျပ် ၇၀၀ အဆင့်ဖြစ်လျှင် အခွန် ကိုးကျပ်၊ အလိပ် ၂၀ ပါ တစ်ဘူးရောင်းဈေး သည် ၇၀၁ ကျပ်မှ ကျပ် ၉၀၀ အဆင့် ဖြစ်လျှင် အခွန် ၁၃ ကျပ်နှင့် အလိပ် ၂၀ ပါတစ်ဘူးရောင်းဈေးသည် ၉၀၁ ကျပ်နှင့် အထက်ဖြစ်လျှင် အခွန် ၁၆ ကျပ်အဖြစ် သတ်မှတ်ထားခြင်းကို ၂၀၁၈-၂၀၁၉ အခွန်အကောက် ဥပဒေကြမ်းတွင် စီးကရက်အမျိုးမျိုး တွင် အလိပ် ၂၀ ပါ တစ်ဘူးရောင်း ဈေးသည် ကျပ် ၆၀၀ အဆင့်ဖြစ်လျှင် တစ်လိပ်လျှင် အခွန် ခြောက်ကျပ် နှုန်း၊ အလိပ် ၂၀ ပါ တစ်ဘူးရောင်း ဈေးသည် ကျပ် ၆၀၁ ကျပ်မှ ကျပ် ၈၀၀ အဆင့်ဖြစ်လျှင် အခွန် ၁၄ ကျပ်၊ အလိပ် ၂၀ ပါ တစ်ဘူးရောင်း ဈေးသည် ၈၀၁ ကျပ်မှ ကျပ် ၁၀၀၀ အဆင့်ဖြစ်လျှင် အခွန် ၁၉ ကျပ်နှင့် အလိပ် ၂၀ ပါတစ်ဘူးရောင်းဈေး သည် ၁၀၀၁ ကျပ်နှင့် အထက်ဖြစ် လျှင် အခွန် ၂၁ ကျပ်အဖြစ် အဆို ပြုထားသည်။
နေပြည်တော်၌ သြဂုတ် ၂၄ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော် နဝမပုံမှန် အစည်းအဝေး ၁၂ ရက်မြောက်နေ့ တွင် ၂၀၁၈-၂၀၁၉ ခုနှစ် ပြည်ထောင် စု၏ အခွန်အကောက်ဥပဒေကြမ်း နှင့်စပ်လျဉ်း၍ စီမံကိန်းနှင့် ဘဏ္ဍာ ရေးဝန်ကြီးဌာန ဒုတိယဝန်ကြီး ဦး မောင်မောင်ဝင်းက လွှတ်တော်သို့ တင်သွင်းခဲ့ခြင်းဖြစ်သည်။
၂၀၁၈-၂၀၁၉ ခုနှစ် ပြည်ထောင် စု၏ အခွန်အကောက်ဥပဒေမူကြမ်း နှင့်ပတ်သက်ပြီး အဓိကအားဖြင့် ထူး ခြားချက် နှစ်ချက်ရှိကာ ပထမအ ချက်မှာ အထူးကုန်စည်ခွန် နှုန်းထားများကို တိုးမြှင့်သတ်မှတ်ခြင်းဖြစ်ပြီး ဒုတိယအချက်မှာ ယခင်က ဝင်ငွေ ခွန်ကင်းလွတ်ခွင့် ပြုပေးထားသော ဝင်ငွေပမာဏကို ပြောင်းလဲသတ် မှတ်ခြင်းဖြစ်ကြောင်း သိရသည်။
