<

အိန္ဒု-ကော့ကရိတ်လမ်းပိုင်း ဆိုးရွားစွာ ပျက်စီးမှုကြောင့် နယ်စပ်မြ၀တီကုန်သွယ်ယာဉ်များ ယခင်လမ်းဟောင်း ဖြစ်သည့် ဇာသပြင်-ကျားကလေး လမ်းပိုင်းမှ ဖြတ်သန်းသွားလာနေရ

ထိုင်း-မြန်မာ ကုန်သွယ်လမ်းကြောင်းပေါ်ရှိ အိန္ဒု-ကော့ကရိတ်လမ်းပိုင်း ဆိုးရွားစွာ ပျက်စီးနေမှုကြောင့် နယ်စပ်မြ၀တီ ကုန်သွယ်ယာဉ်များ ယခင်လမ်းဟောင်းဖြစ်သည့် ဇာသပြင်-ကျားကလေး လမ်းပိုင်းမှ ဖြတ်သန်းသွားလာ နေရကြောင်း သိရသည်။

“လမ်းက ဗွက်ပေါက်ပြီး တော်တော်လေး ဆိုးရွားနေလို့ ယာဉ်ကြီးမောင်းနှင်သူတွေ လမ်းဟောင်းဖြစ်တဲ့  ဇာသပြင်-ကျားကလေး လမ်းပိုင်းကို ပြန်လည်အသုံးပြုနေပါတယ်။ အချိန်နည်းနည်း ကြန့်ကြာပေမဲ့ ဗွက်နစ်ပြီး တစ်နေကုန် ယာဉ်ကြောကျပ်မှုနဲ့စာရင် အတော်လေး သက်သာပါတယ်။ လောလောဆယ် အိန္ဒု-ကော့ကရိတ် လမ်းပိုင်းမှာ ပြည်နယ်အစိုးရ ဆောင်ရွက်ပေးမှုနဲ့ စေ့စပ်ညှိနှိုင်းမှု အဆင်ပြေပြီလို့တော့ ပြောသံကြားတယ်။ CRBC ကုမ္ပဏီက လမ်းတွေပြန်ခွာပြီး ကျောက်တွေခင်းနေတယ်လို့ ကြားတယ်” ဟု နယ်စပ်မြ၀တီ ကုန်တင်ယာဉ် မောင်းနှင်သူတစ်ဦးက ပြောကြားသည်။

မြန်မာနိုင်ငံ အရှေ့တောင်တံခါးပေါက် မဟာမဲခေါင်ဒေသခွဲ၏ အရှေ့-အနောက် စီးပွားရေး စင်္ကြံဒေသဖြစ်သည့် အိန္ဒု-ကော့ကရိတ် လမ်းပိုင်းကို အာဆီယံစံနှုန်း(၂)နှင့်အညီ အာရှဖွံ့ဖြိုးရေးဘဏ် ADB ၏ ဘတ်ဂျက်ငွေဖြင့်  CRBC ကုမ္ပဏီမှ ၂၀၁၆ ခုနှစ် စက်တင်ဘာ ၁ ရက်မှ စတင်ဆောက်လုပ်လျက် ရှိနေသော်လည်း လမ်းချဲ့ဧရိယာအတွင်း လူနေအိမ်၊ ဥယျာဉ်ခြံ၊ လျော်ကြေးငွေဆိုင်ရာကိစ္စ၊ လွန်းညတောင်တွင် ဒေသခံများ ကန့်ကွက်သည့် ကြားမှကျောက်ထုတ်လုပ်မှုကိစ္စ၊ လေထု ညစ်ညမ်းမှုဆိုင်ရာကိစ္စ၊ လမ်းဖောက်ရာတွင် စံချိန်စံညွှန်း မညီသည့် ကိစ္စများကြောင့် ဒေသခံများအကြား ဝေဖန်မှု မြင့်တက်လျက်ရှိကြောင်း သိရသည်။

မြန်မာ-ထိုင်း ကုန်သွယ်ရေး အဓိကလမ်းပိုင်းဖြစ်သည့် အိန္ဒု-ကော့ကရိတ် လမ်းပိုင်းကို အမြန်ပြုပြင်ပေးရန် လိုအပ်ပြီး ယာယီအသုံးပြုနိုင်ရန်အတွက် ခိုင်မာသည့် လမ်းလွှဲများ ဖောက်လုပ်ပေးပါက နေ့စဉ်ထောင်ချီ သွားလာနေသည့် ကုန်သွယ်ယာဉ်ကြီးများ၊ ခရီးသည် တင်ဆောင်ယာဉ်များ အချိန်တိုအတွင်း သက်သောင့်သက်သာ သွားလာနိုင်မည်ဖြစ်ကာ လက်ရှိအချိန်တွင် ကုန်သွယ်ယာဉ်ကြီးများ အိန္ဒု-ကော့ကရိတ် လမ်းပိုင်းကို ကွင်းရှောင်၍ ယခင်လမ်းဟောင်းဖြစ်သည့် ဇာသပြင်-ကျားကလေး လမ်းပိုင်းမှ ဖြတ်သန်းသွားလာ လျက်ရှိကြောင်း သိရသည်။

 

September 8, 2018














Copy Protected by Chetan's WP-Copyprotect.