<

ဘဏ္ဍာနှစ် ခြောက်နှစ်အတွင်း မြန်မာ့စီးပွားရေးဘဏ် အရှုံးမပေါ်ခြင်းမှာ နိုင်ငံခြားငွေလဲနှုန်း ပြောင်းလဲမှုများမှ ကျပ် ၃၉၇ ဘီလျံကျော် အမြတ်ရခဲ့ခြင်းကြောင့် ဖြစ်ပြီး အဆိုပါ အမြတ်များ မရပါက ကျပ် ၂၅၁ ဘီလျံကျော် အရှုံးပေါ်နိုင်

ဘဏ္ဍာနှစ် ခြောက်နှစ်အတွင်း မြန်မာ့စီးပွားရေးဘဏ် အရှုံးမပေါ်ခြင်းမှာ နိုင်ငံခြားငွေလဲလှယ်မှုမှ ကျပ် ၃၉၇ ဘီလျံကျော် ရရှိခဲ့ခြင်းကြောင့်ဖြစ်ပြီး အဆိုပါအမြတ်များ မရရှိပါက ကျပ် ၂၅၁ ဘီလျံကျော် အရှုံးပေါ်နိုင်သည်ဟု ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာတွင် ဖော်ပြထားသည့် မြန်မာ့စီးပွားရေးဘဏ်၏ ၂၀၁၁-၂၀၁၂ ဘဏ္ဍာ နှစ်မှ ၂၀၁၆-၂၀၁၇ ဘဏ္ဍာနှစ်အထိ အရှုံးအမြတ်အခြေအနေ (ကုန်သွယ်မှု) အရ သိရသည်။

မြန်မာ့စီးပွားရေးဘဏ်၏ ကုန်သွယ်မှု ခန့်မှန်းခြေများအရ ယခင်အစိုးရ လက်ထက်တွင် ၂၀၁၁-၂၀၁၂ ဘဏ္ဍာနှစ်မှ ၂၀၁၅-၂၀၁၆ ဘဏ္ဍာနှစ်အထိ အရှုံးလျာထားခဲ့သော်လည်း ၂၀၁၁-၂၀၁၂ ဘဏ္ဍာနှစ် တစ်နှစ်သာ အရှုံးပေါ်ခဲ့ပြီး ကျန်နှစ်များတွင် အမြတ်ဖြစ်ပေါ်ခဲ့သည်။ ထိုသို့ အမြတ်ဖြစ်ပေါ်မှုများမှာ စာရင်းသဘောအရ နိုင်ငံခြားငွေ လဲလှယ်မှုမှ ရရှိသည့် အမြတ်များကြောင့်သာဖြစ်ပြီး အဆိုပါ နိုင်ငံခြားငွေလဲလှယ်မှု အမြတ်မပါဝင်ပါက နှစ်စဉ်အရှုံးဖြစ်ပေါ်နေသည်ကို တွေ့ရှိရကြောင်း အစီရင်ခံစာအရ သိရသည်။

၂၀၁၁-၂၀၁၂ ဘဏ္ဍာနှစ်မှ ၂၀၁၅-၂၀၁၆ ဘဏ္ဍာနှစ်အထိ ပြုပြင်ပြီး ခန့်မှန်းခြေတွင် တစ်နှစ်ပျှမ်းမျှ ၅၂ ဒသမ ၈၈၅ ဘီလျံ အရှုံးပေါ်မည်ဟု ခန့်မှန်းခဲ့သော်လည်း အမှန်စာရင်းတွင်မူ တစ်နှစ်ပျှမ်းမျှ ၁၅ ဒသမ ၄၀၇ ဘီလျံအထိ အမြတ် ဖြစ်ပေါ်ခဲ့သည်။

မြန်မာ့စီးပွားရေးဘဏ်၏ ၂၀၁၁ – ၂၀၁၂ ဘဏ္ဍာနှစ်မှ ၂၀၁၆-၂၀၁၇ ဘဏ္ဍာနှစ်အထိ နိုင်ငံခြားငွေလဲလှယ်မှုမှ ရရှိခဲ့သည့် အသားတင်အမြတ်များမှာ ၂၀၁၁-၂၀၁၂ ဘဏ္ဍာနှစ်တွင် ကျပ် ၂ ဒသမ ၄၀၄ ဘီလျံ၊ ၂၀၁၂-၂၀၁၃ ဘဏ္ဍာနှစ်တွင် ကျပ် ၇၂ ဒသမ ၃၉၃ ဘီလျံ၊ ၂၀၁၃-၂၀၁၄ ဘဏ္ဍာနှစ် တွင် ကျပ် ၁၄၃ ဒသမ ၂၂ ဘီလျံ၊ ၂၀၁၄-၂၀၁၅ ဘဏ္ဍာနှစ်တွင် ၄၄ ဒသမ ၃၄၄ ဘီလျံ၊ ၂၀၁၅-၂၀၁၆ ဘဏ္ဍာနှစ်တွင် ကျပ် ၂၉ ဒသ မ ၂၉ ဒသမ ၉၄၃ ဘီလျံ ရရှိခဲ့ကာ တစ်နှစ် ပျှမ်းမျှ ၅၈ ဒသမ ၄၅၉ ဘီလျံ အမြတ်ရရှိခဲ့ကြောင်း သိရသည်။ NLD အစိုးရလက်ထက် ၂၀၁၆-၂၀၁၇ ဘဏ္ဍာနှစ်တွင် မြန်မာ့စီးပွားရေးဘဏ်၏ နိုင်ငံခြားငွေလဲလှယ်မှုမှ ရရှိသည့် အသားတင်အမြတ် ကျပ် ၁၀၅ ဒသမ ၅၈၅ ဘီလျံ ရှိကြောင်း သိရသည်။

ထိုသို့ အမြတ်ရရှိသည် ဆိုသော်လည်း မြန်မာ့စီးပွားရေးဘဏ်၏ အမြတ်ရရှိမှုမှာ ငွေသားဖြင့် အမှန်ရရှိမှုမဟုတ်ဘဲ ကုန်သွယ် မှုစာရင်းသဘောအရ နိုင်ငံခြားငွေလဲလှယ်မှုရငွေ (Exchange Gain) ကြောင့်သာ ဖြစ်သဖြင့် အမှန်ဝင်ငွေ တိုးတက်ရရှိရန် ပြည်သူသို့ ဆောင်ရွက်မှုပေးသည့် ၀န်ဆောင်မှု လုပ်ငန်းများကို လက်ရှိ အခြေအနေထက် ပိုမို ကောင်းမွန်အောင် ဆောင်ရွက်ရန်နှင့် ခန့်မှန်းခြေနှင့် အမှန်အရှုံးအမြတ် များစွာကွာဟမှု မရှိစေရေး ဆောင်ရွက်ရန် လိုအပ်ကြောင်း ပြည်ထောင်စု စာရင်းစစ်ချုပ် ဦးမော်သန်းက အကြံပြုထားသည်။

မြန်မာ့စီးပွားရေးဘဏ်အနေဖြင့် လက်ရှိ အခြေအနေအပေါ် ပြန်လည်ဖြေရှင်းရာတွင် ၂၀၁၂-၂၀၁၃ ဘဏ္ဍာနှစ်မှ ၂၀၁၆- ၂၀၁၇ ဘဏ္ဍာနှစ်အထိ နှစ်စဉ်အမြတ်ရရှိ နေပြီး နိုင်ငံတော်က ထောက်ပံ့ရမှု မရှိကြောင်း၊ အဓိကအမြတ်ရငွေမှာ ကုန်သွယ်မှုစာရင်းအရ နိုင်ငံခြားငွေ လဲလှယ်နှုန်းထား ပြောင်းလဲမှုများမှ ၀င်ငွေပိုမိုရရှိခဲ့ခြင်းဖြစ်ပြီး အဆိုပါ နိုင်ငံခြားငွေ လဲလှယ်မှုများမှ အမြတ်မရပါ က နှစ်စဉ် အရှုံးပေါ်မည်ဖြစ်ကြောင်း၊ အဓိက အရှုံးဖြစ်ပေါ်ရခြင်းမှာ နိုင်ငံတော်၏ မူဝါဒ အရ ချေးငွေ လက်ကျန်၏ ၆၃ ရာခိုင်နှုန်းဖြစ် သည့် မြန်မာလယ်ယာဖွံ့ဖြိုးရေးဘဏ်သို့ လယ်သမား စိုက်ပျိုးစရိတ်အတွက် အတိုးနှုန်း လေးရာခိုင်နှုန်းဖြင့် ထုတ်ချေးငွေများနှင့် စည်ပင်သာယာရေးေ မတီသို့ အတိုးနှုန်း ငါးရာ ခိုင်နှုန်းဖြင့် ထုတ်ချေးငွေများကြောင့် ဖြစ်ကြောင်း ပြန်လည်ဖြေရှင်းသည်။

ထိုသို့ နိုင်ငံခြားငွေ လဲလှယ်နှုန်းထား ပြောင်းလဲခြင်းများမှ အမြတ်ရရှိနေမှုများမှာ ရေရှည်ခိုင်မာသော အမြတ်ရရှိရန် ခိုင်မာသော အာမခံချက် မရှိနိုင်ကြောင်းနှင့် ၀န်ဆောင်မှုများမှ ရရှိသော ၀င်ငွေများကသာ ရေရှည်ခိုင်မာသော အမြတ်ရရှိရန် အာမခံချက် ရှိနိုင်မည်ဖြစ်၍ ဘဏ်၏ ၀န်ဆောင်မှုများ ပိုမိုတိုးတက်ကောင်းမွန်လာပါက ၀န်ဆောင်မှု ရယူသူများလာပြီး ၀င်ငွေတိုး တက်ရရှိလာမည်ဟု သုံးသပ်ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ “ပြည်ထောင်စုစာရင်းစစ်ချုပ်၏ ၂၀၁၆-၂၀၁၇ ဘဏ္ဍာရေးနှစ် စစ်ဆေးတွေ့ရှိချက် အစီရင်ခံစာအပေါ် လေ့ လာတွေ့ရှိချက်နှင့် သဘောထားမှတ်ချက်” အစီရင်ခံစာအရ သိရသည်။

September 7, 2018














Copy Protected by Chetan's WP-Copyprotect.