ပုဂ္ဂလိကဘဏ် တစ်ခု၏ ဘဏ်လုပ်ငန်း ဝန်ဆောင်မှု ပေးအပ်နေသည့် မြင်ကွင်းတစ်ခုကို တွေ့ရစဉ်
၂၀၁၆-၂၀၁၇ ဘဏ္ဍာနှစ်အတွင်း ငွေရေးကြေးရေး အကူအညီ တောင်းခံလာသည့် ပြည်တွင်းဘဏ် ခုနစ်ခုသို့ မြန်မာနိုင်ငံတော် ဗဟို ဘဏ်က ကျပ် ၆၉၃ ဘီလျံကျော်အ ထိ ထုတ်ချေးခဲ့ပြီး ထိုသို့ထုတ်ချေးမှု မှာ နိုင်ငံအတွင်း လှည့်လည်သုံးစွဲ နေသော ငွေကြေးပမာဏ တိုးပွားကာ ငွေဖောင်းပွမှုဖြစ်စေနိုင်သဖြင့် ချင့်ချိန်ဆောင်ရွက်သင့်ကြောင်း ပြည်သူ့ငွေစာရင်းပူးပေါင်းကော်မ တီက အကြံပြုထားသည်။
ကမ္ဘောဇဘဏ် အပါအဝင် ပုဂ္ဂလိကဘဏ်ခုနစ်ခုသို့ မြန်မာနိုင်ငံတော် ဗဟိုဘဏ်က ၂၀၁၆-၂၀၁၇ ဘဏ္ဍာနှစ်အတွင်း အချိန် ၉၂ ရက်ထက်မပိုစေဘဲ ယာယီချေး ငွေများကို ထုတ်ချေးခဲ့ခြင်းဖြစ်ပြီး ဘဏ်များသို့ ချေးငွေထုတ်ချေးရာတွင် ငွေတိုက်စာချုပ်များကို အာမ ခံထား၍ အတိုးနှုန်း ၁၀ ရာခိုင်နှုန်းဖြင့် ရက်အလိုက် အတိုးနှုန်း တွက်ချက်ရယူခဲ့ကြောင်း သိရသည်။
မြန်မာနိုင်ငံတော် ဗဟိုဘဏ်သို့ ငွေရေးကြေးရေး အကူအညီ တောင်းခံလာသည့် ပြင်ပပုဂ္ဂလိက ဘဏ်များသို့ ယာယီချေးငွေ ထုတ်ချေးပေးခြင်းဖြင့် ပုဂ္ဂလိကဘဏ်များ၏ ငွေကြေးလည်ပတ်မှု ပိုမိုကောင်းမွန် လာစေသည်ဟု ပြည်ထောင်စု စာရင်းစစ်ချုပ် ဦးမော်သန်းက အကြံပြုထားပြီး ချေးငွေရယူသည့် ဘဏ်များတွင် ဧရာဝတီဘဏ်က ကျပ် ၂၂၅ ဘီလျံဖြင့် အများဆုံးဖြစ်ပြီး မြန်မာ့ရှေ့ဆောင်ဘဏ်က ၁၇၉ ဘီလျံကျော်ဖြင့် ဒုတိယ အများဆုံးဖြစ်ကာ ကမ္ဘောဇဘဏ်က ကျပ်ဘီလျံ ၁၃၀ ဖြင့် တတိယအများဆုံး ချေးယူခဲ့ကြောင်း သိရသည်။
ထိုသို့ ပြည်တွင်းပုဂ္ဂလိက ဘဏ်များထံ မြန်မာနိုင်ငံတော်ဗဟိုဘဏ်မှ ယာယီငွေထုတ်ချေးမှုမှာ ပုဂ္ဂလိက ဘဏ်များ၏ ငွေကြေးလည်ပတ်မှု၊ ပိုမိုကောင်းမွန်စေခြင်း၊ မြန်မာနိုင်ငံတော် ဗဟိုဘဏ်အတွက် အတိုးဝင်ငွေ ရရှိနိုင်ခြင်း စသော ကောင်းကျိုးများ ရရှိစေနိုင်သော်လည်း နိုင်ငံအတွင်း လှည့်လည်သုံးစွဲနေသည့် ငွေကြေးပမာဏ တိုးပွားကာ ငွေဖောင်းပွမှု ဖြစ်စေနိုင်သဖြင့် ချင့်ချိန်ဆောင်ရွက်သင့်ကြောင်း ပြည်သူ့ငွေစာရင်း ပူးပေါင်းကော်မတီက အကြံပြုထားသည်။
“မြန်မာနိုင်ငံတော် ဗဟိုဘဏ်ဟာ စုစုပေါင်း ငွေကြေးပမာဏနဲ့ သီးသန့်ငွေကြေး ပမာဏတွေကို ငွေကြေးပမာဏ ရည်မှန်းချက်တွေအဖြစ် ထားရှိပြီး သတ်မှတ်ထားတဲ့ ရည်မှန်းချက်ဘောင်အတွင်း ရောက် ရှိအောင် ဆောင်ရွက်နိုင်ခဲ့ပါတယ်။ ငွေဖောင်းပွမှုနှုန်းဟာ ၂၀၁၅-၂၀၁၆ ဘဏ္ဍာနှစ်မှာ ၉ ဒသမ ၉၉ ရာခိုင် နှုန်းရှိခဲ့ရာက ၂၀၁၆-၂၀၁၇ ဘဏ္ဍာနှစ်မှာ ၆ ဒသမ ၈၁ ရာခိုင်နှုန်းနဲ့ ၂၀၁၇ ခုနှစ် ဒီဇင်ဘာ ၄ ဒသမ ၆၁ ရာခိုင်နှုန်းသို့ အသီးသီး ကျဆင်းခဲ့ပါတယ်” ဟု မြန်မာနိုင်ငံတော် ဗဟိုဘဏ်ဥက္ကဋ္ဌ ဦးကျော်ကျော်မောင်က အစိုးရ၏ ဒုတိယနှစ် လုပ်ဆောင်ချက်များအကြောင်း ပြောကြားရာတွင် ထည့်သွင်းပြောကြားသည်။
