<

ပြည်ထောင်စုတရားလွှတ်တော်ချုပ် အမြဲတမ်း အတွင်းဝန်အား နစ်နာကြေး ကျပ်သိန်းပေါင်း ၂၀၀၀၀ ရလိုမှုဖြင့် တရားစွဲဆိုထားမှု မန္တလေးတိုင်းတရားလွှတ်တော်က ပယ်ချ

ပြည်ထောင်စု တရားလွှတ်တော်ချုပ်  အမြဲတမ်းအတွင်းဝန်၊ ညွှန်ကြားရေးမှူးချုပ် ဦးကိုကိုနိုင်အား နစ်နာကြေး ကျပ်သိန်းပေါင်း ၂၀၀၀၀ ရလိုမှုဖြင့် တရားစွဲဆိုထားမှုကို မန္တလေးတိုင်း တရားလွှတ်တော်က သြဂုတ် ၃၁ ရက်က ပယ်ချခဲ့ကြောင်း သတင်းရရှိသည်။

ပြည်ထောင်စုတရား လွှတ်တော်ချုပ်ရုံးမှ ဦးမြင့်ဌေး (အငြိမ်းစား) က တရားလိုပြုလုပ်ပြီး ပြည်ထောင်စုတရားလွှတ်တော်ချုပ် အမြဲတမ်းအတွင်းဝန် ဦးကိုကိုနိုင်အား ကျပ်သိန်းပေါင်း ၂၀၀၀၀ ရလိုမှုဖြင့် သြဂုတ် ၃၀ ရက်က မန္တလေးတိုင်း တရားလွှတ်တော်၌ တရားစွဲဆိုခဲ့သည်။

ထိုသို့ တရားစွဲဆိုမှုကို မန္တလေးတိုင်း တရားလွှတ်တော်က တရားမကြီးအမှုအမှတ် ၃၈/၂၀၁၈ ဖြင့် လက်ခံပြီးနောက် အဆိုလွှာကို စိစစ်ရန်အတွက် သြဂုတ် ၃၁ ရက်သို့ ပြန်လည်ချိန်းဆိုခဲ့ကြောင်း၊ သြဂုတ် ၃၁ ရက်တွင် တရားမ ကျင့်ထုံးဥပဒေအမိန့် ၇၊ နည်းဥပဒေ ၁ (က နှင့် ဃ) တို့အရ အဆိုလွှာကို ပယ်သည့် အမိန့်ချမှတ်ခဲ့ခြင်းဖြစ်ကြောင်း သိရသည်။

“စွဲဆိုတဲ့အကြောင်းရင်းကတော့ တရားလို၏ဂုဏ်သိက္ခာကို ညှိုးနွမ်းအောင်ပြောဆိုတဲ့ အတွက်ပါ။ တရားစွဲဆိုမှုကို ၃၀ ရက်နေ့မှာပဲ လက်ခံပြီး အဆိုလွှာကိုစိစစ်ဖို့ ၃၁ ရက်နေ့ကို ချိန်းဆိုခဲ့ပါတယ်။ တရားမကျင့်ထုံးဥပဒေအမိန့် ၇၊ ၁ (က နှင့် ဃ) တို့အရ အဆိုလွှာကို ပယ်တဲ့အမိန့် ချမှတ်ခဲ့ပါတယ်” ဟု တိုင်းဒေသကြီး တရားရေးဦးစီးမှူး ဒေါ်ခင်ခင်ချိုက အမှုနှင့်ပတ်သက်၍ပြောကြားသည်။

တရားလိုဖြစ်သူ ဦးမြင့်ဌေးသည် ၀န်ထမ်းဘ၀က လုပ်ဖော်ကိုင်ဖက်များနှင့်တွေ့ ဆုံစားသောက်စဉ်က အ၀တ်အစားမပါဘဲ ကခုန်ခဲ့သည်ဟု ဦးကိုကိုနိုင်က ပြောဆိုခဲ့သည်ဟု သိရကြောင်း၊ ထိုသို့ ပြောဆိုခြင်းသည် ဦးမြင့်ဌေး၏ဂုဏ်သိက္ခာကို ကျဆင်းစေရန် တမင်ရည်ရွယ်ပြောဆိုခြင်းဖြစ်ကြောင်း၊ ယခုကဲ့သို့ တရားမကြောင်းအရ စွဲဆိုမှုမှာ ပလပ်ပြီးဖြစ်သော်လည်း ရာဇ၀တ်ကြောင်းအရပါ တရားစွဲဆိုမည်ဟု ဝေဖန်မှုများ ရှိနေသည်။

 

August 31, 2018














Copy Protected by Chetan's WP-Copyprotect.