ရုပ်ရှင်သရုပ်ဆောင် သီဟတင်စိုးကဲ့သို့ ပဲခူးမြို့တွင်ဒေါ်ခင်မာညို(ခ)ဒေါ်ခင်မာမြင့်၏ စွပ်စွဲမှုကြောင့် ပဲခူးမြို့တရားရုံးတွင် မုဒိမ်းမှုဖြင့်အမှုရင်ဆိုင်နေရသော အောင်နိုင်ထွန်းအား သြဂုတ်၃၁ရက်နံနက်ပိုင်းက တရားရှင်လွှတ်ပေးလိုက်ကြောင်း ပဲခူးမြို့နယ်တရားသူကြီးက ပြောကြားသည်။
``ဒီအမှ ုကိုတရာရုံးတင်တာက မတ်လ၂၉ရက်နေ့က ပထမဆုံးရုံးတင်တယ်ရုံးချိန်း ၁၉ ချိန်း ခေါ်ယူခဲ့ပြီး တရားလိုပြသက်သေ ၉ ဦးကို စစ်ဆေးခဲ့ပါတယ် ဒီလိုစစ်ဆေးချက်တွေအရ အောင်နိုင်ထွန်းကို စွဲချက်တင်ဖို့ပြစ်မှ ုတစ်စုံတစ်ရာမတွေ့ရတဲ့အတွက် တရားရှင်လွှတ်ပေးခဲ့တာပါ´´ဟုပဲခူးမြို့နယ်တရားသူကြီး ဦးစိုးမင်းက ပြောကြားသည်။
``ဒီအမှ ုနဲ့ပတ်သက်ပြီး ကျွန်တော်အချုပ်ထောင်ထဲမှာ ၅ လလောက် နေခဲ့ရပါတယ်။ ပြစ်မှုတစ်စုံတစ်ရာမရှိလို့ တရားသူကြီးက ကျွန်တော့်ကို တရားရှင်လွှတ်ဖို့ အမိန့်ချခဲ့ပါတယ်။ ဒါလည်းတရားမျှတတဲ့အဖြေပါ။ ဒါပေမယ့်ထောင်ထဲမှာ နေခဲ့ရတဲ့ရက်တွေအတွက် ကျွန်တော်အများကြီး နစ်နာပါတယ်။ ကျွန်တော်မရှိတော့ ကျွန်တော့်အမေလည်း သူများအိမ်ကပ်နေရတယ်။ တရားမျှတအောင် ဥပဒေအရပြန်လည် အရေးယူစေချင်ပါတယ်´´ဟု အောင်နိုင်ထွန်းက ပြောကြားသည်။
ဖြစ်စဉ်မှာ (၁- ၃ -၂၀၁၈)နေ့က ပဲခူးမြို့ပန်းလှိ ုင်၂၁ လမ်းရှိ ဦးမင်းမင်းဒေါ်ဝင်းမာမြင့်တို့၏ နေအိမ်မှလူယုံအလုပ်သမား အောင်နိုင်ထွန်းအသက်၂၈နှစ် အဘဦးခင်ထွန်း မဇင်းရပ်ကွက် အိုးလေးစုပိုင်း ပဲခူးမြို့နေသူအား ဒေါ်ခင်မာညို အသက်၄၀နှစ် အဘဦးငွေမောင်းသူဌေးကုန်းကျေးရွာ ရေနံချောင်းမြို့နယ် မကွေးတိုင်းနေသူမှ မုဒိမ်းပြုကျင့်မှု ုဖြင့် ပဲခူးမြို့အမှတ် ၃ ရဲစခန်းတွင် ( ပ) ၁၆၆/၂၀၁၈ ရာဇသတ်ကြီး ဥပဒေပုဒ်မ ၃၇၆ ဖြင့်အမှ ုဖွင့်ခဲ့ကြောင်း သိရသည်။
ယခုအခါပဲခူးမြို့နယ်တရားသူကြီးမှ ရုံးချိန်း ၁၉ ကြိမ်ခေါ်၍ ဆေးစစ်ချက်ပေးသော ဆရာဝန်အပါအဝင်တရားလိုပြ သက်သေ ၉ ဦးကို စစ်ဆေးပြီးသောအခါ အောင်နိုင်ထွန်းတွင်ပြစ်မှ ုတစ်စုံတရာမတွေ့ရှိ၍ စွဲချက်မတင်မီ တရားရှင်လွှတ်ပေးလိုက်ခြင်းဖြစ်ကြောင်း သိရသည်။
