<

မြန်မာနိုင်ငံသည် အကြမ်းဖက်မှု၏ ဆိုးရွားသည့် ရိုက်ခတ်မှုများကို ရင်ဆိုင်နေရကြောင်း နိုင်ငံတော်သမ္မတ ဦးဝင်းမြင့် ပြောကြား

အကြမ်းဖက်မှု၏ ဆိုးရွားသည့် ရိုက်ခတ်မှုများကို ရင်ဆိုင်နေရကြောင်း နိုင်ငံတော်သမ္မတ ဦးဝင်းမြင့်က သြဂုတ် ၃၀ ရက်တွင် နီပေါနိုင်ငံ Soaltee Crown Palaza Hotel , Malhar Hall ၌ ကျင်းပသည့် စတုတ္ထအကြိမ်မြောက် ဘင်းမ်စတက် ထိပ်သီး အစည်းအဝေး ဖွင့်ပွဲအခမ်းအနား မိန့်ခွန်းပြောကြားရာ၌ ထည့်သွင်း ပြောကြားသည်။

မြန်မာနိုင်ငံသည် ဘင်းမ်စတက်နိုင်ငံများ၏ မူးယစ်ဆေးဝါးနှင့် စိတ်ကို ပြောင်းလဲစေတတ်သော ဓာတုပစ္စည်းများအဖွဲ့ခွဲ၏ ဦးဆောင်နိုင်ငံအဖြစ် တာဝန်ယူထားသဖြင့် အကြမ်းဖက်မှု တိုက်ဖျက်ရေးနှင့် နယ်စပ်ဖြတ်ကျော် မှုခင်းများ တိုက်ဖျက်ရေးဆိုင်ရာ အစည်းအဝေးများကို လက်ခံ ကျင်းပခဲ့ကြောင်း၊ မြန်မာနိုင်ငံသည် အကြမ်းဖက်မှု၏ ဆိုးရွားသည့် ရိုက်ခတ်မှုများကို ရင်ဆိုင်နေရလျက် ရှိကြောင်း၊ ထို့ကြောင့် မြန်မာနိုင်ငံအနေဖြင့် အကြမ်းဖက်မှု တိုက်ဖျက်ရေးနှင့် နယ်စပ်ဖြတ်ကျော် မှုခင်းများ၊ တိုက်ဖျက်ရေးဆိုင်ရာ လုပ်ငန်းစဉ်များကို အလေးထားပြီး ဘင်းမ်စတက် ပူးပေါင်းဆောင်ရွက်မှု မူဘောင်အောက်မှ ဆက်လက် တက်ကြွစွာ ပူးပေါင်းဆောင်ရွက်မည် ဖြစ်ကြောင်း သမ္မတဦးဝင်းမြင့်က ပြောကြားသည်။

ထို့ပြင် ဘင်းမ်စတက် လွတ်လပ်သော ကုန်သွယ်မှုဆိုင်ရာ သဘောတူစာချုပ်ကို အဖွဲ့ဝင်နိုင်ငံများက ၂၀၀၄ ခုနှစ်တွင် လက်မှတ်ရေးထိုးခဲ့သော်လည်း ၎င်းတွင် ပါဝင်သည့် သီးခြား သဘောတူ စာချုပ်ခွဲများကို လက်မှတ်ရေးထိုးနိုင်ရန်အတွက် ဆက်လက် ညှိနှိုင်းဆဲအဆင့်တွင်သာ ရှိနေကြောင်း၊ ညှိနှိုင်းဆဲ အခြေအနေတွင် မိမိတို့ အဖွဲ့ဝင်နိုင်ငံများအနေဖြင့် ကုန်သွယ်ရေးနှင့် စီးပွားရေးလုပ်ငန်းများဆိုင်ရာ ကိုယ်စားလှယ်အဖွဲ့များ အပြန်အလှန် စေလွှတ်ခြင်း၊ ရင်းနှီးမြှုပ်နှံမှု တိုးမြှင့်ရေးဆိုင်ရာ လှုပ်ရှားမှုများ ပြုလုပ်ခြင်း အစရှိသည့် လုပ်ငန်းများ ဆောင်ရွက်ပြီး ကုန်သွယ်မှုဆိုင်ရာ ပူးပေါင်းဆောင်ရွက်မှုကို မြှင့်တင်သင့်ကြောင်း သမ္မတဦးဝင်းမြင့်က ပြောကြားသည်။

ယင်းအပြင် ဘင်းမ်စတက်၏ အဆင့်ဆင့်သော အစည်းအဝေးများဖြင့် ဖွဲ့စည်းထားသော ကွပ်ကဲမှုစနစ်သည် ပူးပေါင်း ဆောင်ရွက်မှု လုပ်ငန်းများကို ထိန်းသိမ်းလမ်းညွှန်ရာ၌ အရေးပါသည့် လုပ်ငန်းစဉ်ဖြစ်ကြောင်း၊ လုပ်ထုံး လုပ်နည်းများ သတ်မှတ် ရေးဆွဲနိုင်ပါက မိမိတို့ ပူးပေါင်းဆောင်ရွက်ရေးသည် ပိုမိုထိရောက်မှု ရှိမည်ဟု ထင်မြင်ကြောင်း၊ ထို့ပြင် လုပ်ထုံးလုပ်နည်းများသည် အနာဂတ် ဘင်းမ်စတက် ပဋိညာဉ်စာတမ်း ရေးဆွဲရာတွင် အခြေခံကောင်းအဖြစ် ရှိနေမည် ဖြစ်သဖြင့် လုပ်ထုံးလုပ်နည်း မူကြမ်းရေးဆွဲမည့် အစီအစဉ်ကို ကြိုဆိုကြောင်း နိုင်ငံတော် သမ္မတ ဦးဝင်းမြင့်က ဆက်လက်ပြောကြားသည်။

August 31, 2018














Copy Protected by Chetan's WP-Copyprotect.