<

မြန်မာနိုင်ငံတွင် အလုပ်သမား ၂၅၀ နှင့်အထက်ရှိသည့် စီးပွားရေးလုပ်ငန်း အလွန်နည်းပြီး တစ်နိုင်ငံလုံး၏ စီးပွားရေးလုပ်ငန်းအများစုသည် အသေးစားနှင့် အလတ်စား စီးပွားရေးလုပ်ငန်းများ ဖြစ်နေ

မြန်မာနိုင်ငံတွင် အလုပ်သမားအရေအတွက် ၂၅၀နှင့်အထက်ရှိသည့် စီးပွားရေးလုပ်ငန်းများမှ အလွန်နည်းပါးပြီး နှစ်ရာခိုင်နှုန်းမျှသာ ရှိသည့်အတွက် တစ်နိုင်ငံလုံး၏ စီးပွားရေးလုပ်ငန်းအများစုသည် အသေးစား နှင့်အလတ်စားစီးပွားရေးလုပ်ငန်းများဖြစ်ကြောင်း နိုင်ငံတော်ဒုတိယသမ္မတဦးမြင့်ဆွေက ပြောကြားသည်။

၂၀၁၅ ခုနှစ်  နှစ်ကုန်ပိုင်းတွင် ဆောင်ရွက်ခဲ့သည့်  မြန်မာ့စီးပွားရေးလုပ်ငန်းစစ်တမ်းအရ  မြန်မာနိုင်ငံတွင် စီးပွားရေးလုပ်ငန်း အရေအတွက်အများဆုံးသည်  ကုန်ထုတ်လုပ်မှုကဏ္ဍ (Manufacturing Sector) တွင် ရှိ ပြီး ရာခိုင်နှုန်းအားဖြင့် စုစုပေါင်းလုပ်ငန်းများ၏ ရာခိုင်နှုန်း၄၀ရှိကြောင်း၊ထို့ပြင် မြန်မာ နိုင်ငံ၏ ၉၀ ရာခိုင်နှုန်းကျော် စီးပွားရေးလုပ်ငန်းများမှာ လုပ်ငန်းငယ်များသာဖြစ်ကြောင်း၊   အလုပ်သမားအရေအတွက်၂၅၀ နှင့် အထက်ရှိသည့် စီးပွားရေးလုပ်ငန်းများမှာ အလွန်နည်းပါးပြီးနှစ် ရာခိုင်နှုန်းမျှသာ ရှိသည့်အတွက် တစ်နိုင်ငံလုံး၏   စီးပွားရေးလုပ်ငန်း

အများစုသည် အသေးစားနှင့်အလတ်စား  စီးပွားရေးလုပ်ငန်းများဖြစ်ကြောင်း ဦးမြင့်ဆွေက ပြောကြားသည်။

မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုသည်  အသေးစားနှင့်အလတ်စား စီးပွားရေး လုပ်ငန်းများအပေါ်များစွာအခြေခံနေသည့်အတွက်  ယင်းလုပ်ငန်းများ  ပိုမိုတိုးတက်လာစေရန်အတွက် လက်တွေ့ကျကျ ကူညီ ထောက်ပံ့နိုင်ရန်လိုအပ်ကြောင်း၊  ထို့ကြောင့် အသေးစားနှင့် အလတ်စား စီးပွားရေး လုပ်ငန်းများ ဖွံ့ ဖြိုးတိုးတက်ရေး ဗဟိုကော်မတီနှင့် လုပ်ငန်းကော်မတီများကို ဖွဲ့စည်း၍ ဆောင်ရွက်နေကြောင်း သိရသည်။

ကုန်ထုတ်လုပ်မှုကဏ္ဍသည် အခြားသော ကုန်သွယ်မှုနှင့် ၀န်ဆောင်မှုကဏ္ဍများထက် အလုပ်အကိုင်ဖန်တီးနိုင်မှုအများဆုံး ဆောင်ရွက်ပေးနိုင်သည့်ကဏ္ဍဖြစ်ကြောင်း၊   အလုပ်အကိုင်ဖန်တီးမှု ပိုမိုဆောင်ရွက်ပေးရန်အတွက် တန်ဖိုးမြှင့် ထုတ်လုပ်မှုများသည့်   ကုန်ထုတ်လုပ်မှုကဏ္ဍကို ပိုမိုတိုးတက်အောင် တွန်းအားပေးဆောင်ရွက်ရန် လိုအပ်ကြောင်း ဒုတိယသမ္မတ ဦးမြင့်ဆွေက ဆိုသည်။

မြန်မာနိုင်ငံ အငယ်စား၊ အသေးစား နှင့် အလတ်စား စီးပွားရေးလုပ်ငန်းများ  စီးပွားရေးလုပ်ငန်း စစ်တမ်းကို မြန်မာနိုင်ငံရှိ ကုန်ထုတ်လုပ်မှုလုပ်ငန်းပေါင်း ၇၁၀၀၀ ကျော်ကို ကိုယ်စားပြုပြီး ချဉ်းကပ်ဆောင်ရွက် ခဲ့သည်ဟုသိရှိရကြောင်း၊ အဆိုပါစစ်တမ်းသည် အသေးစားနှင့်  အလတ်စား စီးပွားရေး

လုပ်ငန်းများ ဖွံ့ဖြိုးတိုးတက်မှုအတွက် အထောက်အကူပြုနိုင်မည့် လိုအပ်ချက်များ SMEs လုပ်ငန်းများ၏ ယှဉ်ပြိုင်နိုင်စွမ်း တိုးတက်ရေးအတွက်လိုအပ်ချက်များ၊ စိန်ခေါ်မှုများကို ဖော်ထုတ်ရာရောက်ကြောင်း၊ ထို့ ပြင်

လုပ်ငန်းလည်ပတ်ဆောင်ရွက်သူများနှင့် လုပ်ငန်း စတင်လုပ်ဆောင်သူများ၏ ဘဏ္ဍာငွေ ရရှိနိုင်မှု အချက်အလက်များ၊ နည်းပညာ နှင့် စီမံခန့်ခွဲမှုဆိုင်ရာဝိသေသလက္ခဏာရပ်များ၊ လုပ်ငန်းစွမ်းဆောင်မှု၊ လုပ်သားအင်အား၊ တီထွင်ဆန်းသစ်မှု၊ ရင်းနှီးမြှုပ်နှံမှု၊ ရောင်းလိုအား၊ဘဏ္ဍာရေး လက်လှမ်းမီမှု (ချေးငွေ ရရှိနိုင်မှု )နှင့် လက်ရှိ စီးပွားရေးဝန်းကျင်တွင် တည်ရှိနေသည့် အကန့်အသတ်၊ အလားအလာနှင့် စပ်လျဉ်းသည့်  ထင်မြင်ယူဆချက် များ၊စီးပွားရေးဆိုင်ရာ စည်းမျဉ်းမူဘောင်များ၊ ရှုထောင့်အသီးသီး အပါအ၀င် မြန်မာနိုင်ငံ စီးပွားရေးလုပ်ငန်းများ၏ စွမ်းဆောင်မှုများကို အသေးစိတ်လေ့လာနိုင်သည့် အချက်များ ပါဝင်သည်ဟု သိရသည်။

August 29, 2018














Copy Protected by Chetan's WP-Copyprotect.