<

မြန်မာနိုင်ငံ၏ ကျန်းမာရေးစောင့်ရှောက်မှု ယိုယွင်းချက်များကို အမှန်အတိုင်းသိရှိစေရန် ဆေးတက္ကသိုလ် (၁) ကျောင်းသားသမဂ္ဂက ၎င်းတို့နှင့်တွေ့ဆုံပေးရန် နိုင်ငံတော်၏အတိုင်ပင်ခံပုဂ္ဂိုလ်ထံသို့ အိတ်ဖွင့်ပေးစာ ပေးပို့တောင်းဆို

မြန်မာနိုင်ငံ၏ ကျန်းမာရေးစောင့်ရှောက်မှု ယိုယွင်းချက်များကို အမှန်တိုင်းသိရှိစေရန် ဆေးတက္ကသိုလ်(၁)ကျောင်းသား သမဂ္ဂက ၎င်းတို့နှင့်တွေ့ဆုံပေးရန် နိုင်ငံတော်၏အတိုင်ပင်ခံပုဂ္ဂိုလ်သို့ သြဂုတ် ၂၈ ရက်၌ အိတ်ဖွင့်ပေးစာ ပေးပို့တောင်းဆိုခဲ့သည်။

ဆေးတက္ကသိုလ်(၁) ကျောင်းသား သမဂ္ဂမှ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သို့ အိတ်ဖွင့်ပေးစာတွင် လက်ရှိမြန်မာနိုင်ငံ၏ ကျန်းမာရေးစောင့်ရှောက်မှု ယိုယွင်းချက်များကို အမှန်အတိုင်း သိရှိစေရန် ဆေးတက္ကသိုလ် (၁)ကျောင်းသားသမဂ္ဂက တင်ပြဆွေးနွေးလိုပါကြောင်း ပါရှိသည်။

ထို့ပြင် နိုင်ငံတော်၏ အတိုင်ပင်ခံပုဂ္ဂိုလ်မှာ ကျောင်းသား၊ ပြည်သူ၊ အလုပ်သမားများ၏ မျှော်လင့်ချက်မိခင်ဟု မှတ်ယူထားကြောင်း၊ ၎င်းအနေဖြင့် ကျောင်းသားများ နှင့် စာပေစကားဝိုင်း၊ ပြည်သူတို့နှင့်ငြိမ်းချမ်းရေးစကားဝိုင်းများကို မအားလပ်သည့်ကြား မှ အပင်ပန်းခံကာ ပြည်နယ်နှင့်တိုင်းဒေသကြီး အသီးသီးတွင် ပြုလုပ်နေခြင်းမှာ နိုင်ငံတော်၏အတိုင်ပင်ခံပုဂ္ဂိုလ်သည် ကျောင်းသား၊ ပြည်သူတို့၏အသံအား အခြားလူကြားမခံဘဲ တိုက်ရိုက်နားထောင်လိုသည့် စိတ်ဆန္ဒပြင်းပြနေသည်ဟု ဆေးတက္ကသိုလ်(၁) ကျောင်းသား သမဂ္ဂအနေဖြင့် မှတ်ယူထားကြောင်း သိရသည်။

ဆက်လက်၍ အဆိုပါစကားဝိုင်းများတွင် နိုင်ငံတော်၏အတိုင်ပင်ခံပုဂ္ဂိုလ်အား ထဲထဲဝင်ဝင် တင်ပြနိုင်ခြင်းမရှိသည့် အကြောင်းအရာတစ်ခုရှိနေကြောင်း၊ အဆိုပါအကြောင်းအရာမှာ “ယိုယွင်းပျက်ဆီးနေသော  ကျန်းမာရေးစောင့်ရှောက်မှုစနစ်” အကြောင်းဖြစ်ကြောင်း၊ ထိုသို့ ယိုယွင်းပျက်ဆီးနေသည်အား နိုင်ငံတော်၏အတိုင်ပင်ခံပုဂ္ဂိုလ်ထံသို့ အသိပေးခြင်းဖြစ်ကြောင်းကိုလည်း အဆိုပါအိတ်ဖွင့်ပေးစာ၌ ဖော်ပြထားသည်။

ထို့ပြင် အလုပ်သင်ဆရာဝန်များမှာ ကျန်းမာရေးစောင့်ရှောက်မှုယန္တရားတွင် ပြည်သူနှင့်အနီးဆုံး ထိတွေ့နေရပြီး အဆိုပါယန္တရား၏ ပျက်စီးမှုဒဏ်အား အဆိုးရွားဆုံး ခံစားနေရသူများဖြစ်ကြောင်း၊ ယင်းအခြေအနေအား ဆေးတက္ကသိုလ်(၁) ကျောင်းသားသမဂ္ဂ အနေဖြင့် နိုင်ငံတော်၏အတိုင်ပင်ခံပုဂ္ဂိုလ်ထံသို့ လာရောက်တွေ့ဆုံဆွေးနွေးပြီး ကျောင်းသားသမဂ္ဂအဖွဲ့ဝင် အလုပ်သင်ဆရာဝန် ကိုယ်စားလှယ်များ၏ တင်ပြချက်များအား နားထောင်ပေးလိုစေကြောင်း အိတ်ဖွင့်ပေးစာ၌ ပါရှိသည်။

အလုပ်သင်ဆရာဝန်များ၏ ချီးမြှင့်ငွေ ကိစ္စမှစ၍ အလုပ်ဆင်းရချိန်နှင့် ချီးမြှင့်ငွေ ဖြတ်တောက်ခြင်းကိစ္စအလယ်၊ ပြည်သူ့ကျန်းမာရေးစောင့်ရှောက်မှုစနစ်၏ လူမသိသူမသိ အားနည်းချက်များ၊ ထင်သာမြင်သာ ယိုယွင်းချက်များအဆုံး အားလုံးကို နိုင်ငံတော်၏အတိုင်ပင်ခံပုဂ္ဂိုလ်ထံသို့ တင်ပြလိုကြောင်း အိတ်ဖွင့်ပေးစာ၌ ဖော်ပြထားသည်။

ဆေးတက္ကသိုလ်(၁) ကျောင်းသား သမဂ္ဂအနေဖြင့် နိုင်ငံတော်၏အတိုင်ပင်ခံပုဂ္ဂိုလ်ထံသို့ တင်ပြဆွေးနွေးလိုသဖြင့် နိုင်ငံတော်၏အတိုင်ပင်ခံပုဂ္ဂိုလ်အနေဖြင့် ၎င်းတို့အား လက်ခံတွေ့ဆုံပေးပါရန် ဖော်ပြထားသည်။

August 29, 2018














Copy Protected by Chetan's WP-Copyprotect.