<

ဧရာဝတီတိုင်းဒေသကြီး လွှတ်တော်ကိုယ်စားလှယ်အဖြစ်မှ နုတ်ထွက်ခွင့်ပြုရန် NLD ပါတီဝင် ၀ါးခယ်မမြို့နယ် မဲဆန္ဒနယ် အမှတ် (၂) မှ လွှတ်တော်ကိုယ်စားလှယ် နုတ်ထွက်စာတင်

ဧရာဝတီတိုင်းဒေသကြီး လွှတ်တော်ကိုယ်စားလှယ်အဖြစ်မှ  နုတ်ထွက်ခွင့်ပြုရန် ၀ါးခယ်မမြို့နယ် မဲဆန္ဒနယ် အမှတ် (၂) မှ လွှတ်တော်ကိုယ်စားလှယ် NLD ပါတီဝင် ဒေါ်မြင့်မြင့်စန်းက ဇူလိုင် ၂၅ ရက် နေ့စွဲပါ စာဖြင့် တိုင်းဒေသကြီးလွှတ်တော်ဥက္ကဋ္ဌထံ တင်ပြခဲ့ကြောင်း သတင်းရရှိသည်။

ဝါးခယ်မမြို့နယ် မဲဆန္ဒနယ် အမှတ်(၂) ဒေါ်မြင့်မြင့်စန်းက ဧရာဝတီတိုင်းဒေသကြီး လွှတ်တော်ဥက္ကဋ္ဌ ဦးအောင်ကျော်ခိုင်ထံ ဇူလိုင် ၂၅ရက် နေ့စွဲပါစာဖြင့် မိမိအနေဖြင့် တိုင်းဒေသကြီးအစိုးရနှင့် လွှတ်တော်အား အယုံအကြည်နည်းပါးလာသောကြောင့် လက်ရှိကိုယ်စားလှယ် ရာထူးမှနုတ်ထွက်ခွင့်ပြုပါရန် လူကြုံဖြင့် စာရေးသားပေးပို့ခဲ့ကြောင်း၊ ဒေါ်မြင့်မြင့်စန်း၏တင်ပြစာတွင် ဒေါ်မြင့်မြင့်စန်း၏ လက်မှတ်ပါဝင်သော်လည်း စာအိတ်မှာ အလုံချိပ်ပိတ်အိတ် မဟုတ်သောကြောင့်  လွှတ်တော်အကြီးအကဲများက ချက်ချင်းတုံ့ ပြန်ဆောင်ရွက်ခြင်း မရှိသေးဘဲ ဒေါ်မြင့်မြင့် စန်းထံ ဖုန်းဖြင့်ဆက်သွယ်ခဲ့သော်လည်း အဆက်အသွယ်မရခဲ့ကြောင်း၊ လွှတ်တော်အ ကြီးအကဲများက ၀ါးခယ်မမြို့နယ် အမျိုးသားဒီမိုကရေစီအဖွဲ့ချုပ်မှတစ်ဆင့် စုံစမ်းရာတွင် ဒေါ်မြင့်မြင့်စန်းမှာ မြို့နယ်အတွင်း လွှတ်တော်တာဝန်များကို ဆက်လက်ထမ်းဆောင်လျက် ရှိသေးသည်ကို သိရှိရသောကြောင့် ၎င်း၏ တင်ပြစာနှင့်ပတ်သက်၍ ဆုံးဖြတ်ချက် တစ်စုံတစ်ရာ ချမှတ်ခဲ့ရသေးခြင်းမရှိကြောင်း၊ နုတ်ထွက်ခွင့်တင်ထားသည့် လွှတ်တေ်ာကိုယ်စားလှယ် ဒေါ်မြင့်မြင့်စန်းအနေဖြင့် သြဂုတ်လအတွင်းက ပြုလုပ်ခဲ့သည့် ဒုတိယအကြိမ် ဧရာ ၀တီတိုင်းဒေသကြီး လွှတ်တော် (၁၂) ကြိမ် မြောက် ပုံမှန်အစည်းအဝေးတွင်လည်း အစည်းအဝေးတက်ရောက်ခဲ့သည်ကို မတွေ့ရှိရဘဲ ခွင့်ယူထားခဲ့ကြောင်း၊ ဒေါ်မြင့်မြင့်စန်း  နုတ်ထွက်မည့်အကြောင်းနှင့် ပတ်သက်၍  တိုင်းဒေသကြီး လွှတ်တော်ကိုယ်စားလှယ်များက ဒေါ်မြင့်မြင့်စန်းအား ဆက်သွယ်နှစ်သိမ့် ဖျောင်းဖျရာတွင် တိုင်းဒေသကြီးအစိုးရနှင့် တိုင်းဒေသကြီးလွှတ်တော်ကို ယုံကြည်မှုအားနည်းလာခြင်းကြောင့် နုတ်ထွက်စာ တင်ခဲ့ရ ခြင်းဖြစ်ပြီး နုတ်ထွက်စာကို ပြန်လည်သုံးသပ်နေကြောင်း တိုင်းဒေသလွှတ်တော်ကိုယ်စားလှယ်များထံမှ သိရသည်။

“သူက နုတ်ထွက်ခွင့်တင်ထားတယ်ဆိုပေမယ့် လွှတ်တော်တာဝန်တွေ လုပ်နေတာပဲ။ နုတ်ထွက်ခွင့်ကတော့ သူနောက်တစ်ပတ်လာရင်တော့ ပြန်ပေးရမှာပဲ အဲဒီစာရွက်ကို။ သူလည်း အသက်ကလည်းကြီးတော့ စိတ်လို လက်ရ ရေးမိတာနေမှာပါ” ဟု ဧရာဝတီတိုင်းဒေသကြီး လွှတ်တော်ဥက္ကဋ္ဌ ဦးအောင်ကျော်ခိုင်က ပြောကြားသည်။

လွှတ်တော်ကိုယ်စားလှယ်တာဝန်မှ နုတ်ထွက်ခွင့်ပြုရန် တင်ပြထားသည့်အပေါ် လွှတ်တော်ကိုယ်စားလှယ် ဒေါ်မြင့်မြင့်စန်းနှင့် တွေ့ဆုံမေးမြန်းရန် ၀ါးခယ်မမြို့ရှိ ဒေါ်မြင့် မြင့်စန်း၏နေအိမ်သို့ သွားရောက်တွေ့ဆုံရာတွင် ၎င်းမှာ ခရီးသွားနေသောကြောင့် ဒေါ်မြင့်မြင့်စန်း၏ ကိုယ်စားလှယ်ဖြစ်သူ ဦးစိန်လှိုင်ဖြင့်သာ တွေ့ရှိရပြီး စာတင်ထားသည်မှာ ဟုတ်မှန်သော်လည်း အဖွဲ့အစည်းအတွင်း ဖြေရှင်းရန် ကိစ္စရပ်များ ရှိနေသောကြောင့် လွှတ်တော် ကိုယ်စားလှယ်အနေဖြင့် ဖြေကြားမည်မဟုတ်ဟု ပြောကြားမှုကြောင့် ဒေါ်မြင့်မြင့်စန်းထံ ဖုန်းဖြင့် ဆက်သွယ်မေးမြန်းရာတွင် “ဌာနတွင်းဆိုင်ရာ ကိစ္စတွေဆိုတော့လေ။ ဒါက အရင်ရှင်းရဦးမှာလေ။ ဒါက အရေးမကြီးပါဘူး။ သားတို့သိချင်တာ ခဏနေပါဦး”  ဟု ပြန်လည်ဖြေကြားသည်။

ဧရာဝတီတိုင်းဒေသကြီး လွှတ်တော် လွှတ်တော်ကိုယ်စားလှယ်များ စိစစ်ရေးကော်မတီဥက္ကဋ္ဌလည်းဖြစ်ပြီး ဒေါ်မြင့်မြင့်စန်းနှင့် တစ်မြို့တည်းဖြစ်သူ ၀ါးခယ်မမြို့နယ် မဲဆန္ဒနယ် အမှတ်(၁)မှ လွှတ်တော်ကိုယ်စားလှယ် ဦးဌေးအောင်ကို ဆက်သွယ်မေးမြန်းရာ “အဲဒီစာ အစ်ကိုတို့ဆီ မရောက်သေးဘူး။ ဘာမှ မသိသေးဘူး။ ဒေါ်မြင့်မြင့်စန်း နုတ်ထွက်စာ တင်တယ်လို့ ကြားတော့ကြားတယ်။ ဒါပေမဲ့ အစ်ကိုတို့ဆီကိုတော့ ဘာမှမရောက်သေးဘူး။ လွှတ်တော်ဥက္ကဋ္ဌက သူ နေထိုင်မကောင်းလို့ နားချင်လည်း နားပါစေဆိုပြီးတော့ နားနေပြီး ဘာမှတော့ မလုပ်သေးဘူး” ဟု ဖြေကြားသည်။

လွှတ်တော်ကိုယ်စားလှယ်တာဝန်မှ နုတ်ထွက်ခွင့်ပြုပါရန် တင်ပြခဲ့သည့် ၀ါးခယ်မမြို့နယ် မဲဆန္ဒနယ် အမှတ် (၂ )မှ ဒေါ်မြင့်မြင့် စန်းမှာ  ၁၉၆၀ ပြည့်နှစ်တွင် မွေးဖွားပြီး၂၀၀၉ ခုနှစ်တွင် နိုင်ငံရေးလှုပ်ရှားမှုများဖြင့် အင်းစိန် ထောင်နှင့် ကသာထောင်တို့တွင် ထောင်ဒဏ် သုံးနှစ်ကျခံခဲ့ရသည်။  ၂၀၁၁ ခုနှစ်တွင် ပြန်လည်လွတ်မြောက်လာပြီး ၂၀၁၂ ခုနှစ် ကြားဖြတ်ရွေးကောက်ပွဲတွင် ၀ါးခယ်မမြို့နယ် ပြည်သူ့လွှတ်တော် ကိုယ်စားလှယ်နေရာတွင် အမျိုးသားဒီမိုကရေစီအဖွဲ့ချုပ် ကိုယ်စားပြုဝင်ရောက်ယှဉ်ပြိုင်ကာ အနိုင်ရရှိခဲ့ပြီး  ၂၀၁၅ ခုနှစ် အထွေထွေရွေးကောက်ပွဲတွင် ၀ါးခယ်မမြို့နယ် မဲဆန္ဒနယ်အမှတ်(၂) တိုင်းဒေသကြီး ကိုယ်စားလှယ်အဖြစ် ၀င်ရောက် ရွေးချယ်ခံခဲ့ ရသူဖြစ်သည်။

August 25, 2018














Copy Protected by Chetan's WP-Copyprotect.