လူဦးရေ ၃၁ ဒသမ ၅ သန်းခန့် ငှက်ဖျားရောဂါ ကူးစက်နိုင်သည့် အန္တရာယ်နှင့် ရင်ဆိုင်နေရသည့် မြန်မာနိုင်ငံ၏ ငှက်ဖျားရောဂါတိုက်ဖျက်ရန် လှုံ့ဆော်မှုကို Yoma Strategic မှ ပုဂ္ဂလိကကဏ္ဍကို ဦးဆောင်၍ လုပ်ကိုင်သွားမည်

လူဦးရေ ၃၁ ဒသမ ၅ သန်းခန့် ငှက်ဖျားရောဂါ ကူးစက်နိုင်သည့် အန္တရာယ်နှင့် ရင်ဆိုင်နေရသည့် မြန်မာနိုင်ငံ၏ ငှက်ဖျားရောဂါတိုက်ဖျက်ရန် လှုံ့ဆော်မှုကို Yoma Strategic မှ ပုဂ္ဂလိကကဏ္ဍကို ဦးဆောင်၍ လုပ်ကိုင်သွားမည်
Published 21 August 2018

လူဦးရေ ၃၁ ဒသမ ၅ သန်းခန့် ငှက်ဖျားရောဂါ ကူးစက်နိုင်သည့် အန္တရာယ်နှင့် ရင်ဆိုင်နေရသည့် မြန်မာနိုင်ငံ၏ ငှက်ဖျားရောဂါ တိုက်ဖျက်ရန် လှုံ့ဆော်မှုကို Yoma Strategic Holdings မှ ပုဂ္ဂလိကကဏ္ဍကို ဦးဆောင်၍ လုပ်ကိုင်သွားမည်ဖြစ်ကြောင်း သြဂုတ် ၂၀ ရက်တွင် သိရသည်။

Yoma Strategic ၏ အမှုဆောင်အရာရှိချုပ်ဖြစ်သူ Melvyn Pun မှ ငှက်ဖျားရောဂါ တိုက်ဖျက်ရေးကို အရှိန်အဟုန်ဖြင့် ဆောင်ရွက်ပြီး ၂၀၃၀ ခုနှစ်တွင် ဒေသအတွင်း ငှက်ဖျားရောဂါ လုံးဝပပျောက်ရေးအတွက် လုပ်ဆောင်နေသော M2030 လှုပ်ရှားမှုတွင် ပုဂ္ဂလိကအခန်းကဏ္ဍမှ ဦးဆောင်ပါဝင် လုပ်ကိုင်သွားမည်ဖြစ်ကာ Global Fund ၏ အလုပ်အမှုဆောင် ဒါရိုက်တာ Peter Sands နှင့်အတူ Mr.Pun သည် ၂၀၁၈ ခုနှစ် ဧပြီ ၁၈ ရက်က လန်ဒန်မြို့၌ ကျင်းပခဲ့သော Malaria Summit တွင် M2030 ကို တရားဝင် မိတ်ဆက်ဖွင့်လှစ်ခဲ့သည်။

M2030 လှုပ်ရှားမှုကို အာရှပစိဖိတ်ဒေသအတွင်းရှိ နိုင်ငံများမှ အစိုးရခေါင်းဆောင်ပေါင်း ၂၃ ဦး ပါဝင်သော Asia Pacific Leaders Malaria Alliance (APLMA) မှ စတင်ခဲ့သည်။ အဆိုပါ လှုပ်ရှားမှုသည် စီးပွားရေးခေါင်းဆောင်များကို ငှက်ဖျားတိုက်ဖျက်ရေးတွင် ထောက်ခံအားပေးပြီး ပါဝင် ဆောင်ရွက်လာစေရန် ရည်ရွယ်သည်။ ယခုအခါ Yoma Strategic သည် APLMA နှင့်အတူ မြန်မာနိုင်ငံအစိုးရနှင့် အခြားပုဂ္ဂလိက ကုမ္ပဏီများ ပူးပေါင်းလုပ်ကိုင်၍ နိုင်ငံအတွင်း ငှက်ဖျားရောဂါအကြောင်း သတိမူသိရှိလာအောင် ပညာပေးလုပ်ငန်းများ လုပ်ဆောင်ရန်နှင့် ပြည်သူ့ကျန်းမာရေးအတွက် ငှက်ဖျားရောဂါ တိုက်ဖျက်ရေးလုပ်ငန်းများ လုပ်ဆောင်ရန် လိုအပ်သည့် ရန်ပုံငွေများကို ရှာဖွေစုဆောင်းသွားမည်ဖြစ်သည်။ M2030 မှ မြန်မာနိုင်ငံတွင် စုဆောင်းရရှိသည့် ရန်ပုံငွေများကို နိုင်ငံအတွင်း ငှက်ဖျားတိုက်ဖျက်ရေး အစီအစဉ်များတွင် အသုံးပြုသွားမည်ဖြစ်သည်။

ပြီးခဲ့သည့်နှစ်များတွင် မြန်မာနိုင်ငံ၌ ငှက်ဖျားရောဂါတိုက်ဖျက်ရေး လုပ်ငန်းများ အထူးတိုးမြှင့် လုပ်ဆောင်ခဲ့သော်လည်း စစ်တမ်းအရ ၂၀၁၆ ခုနှစ်တွင် ငှက်ဖျားရောဂါ ကူးစက်ခံရသူ တစ်သိန်းကျော်ရှိခဲ့သည်။ ငှက်ဖျားရောဂါကဲ့သို့ ကြိုတင်ကာကွယ်ခြင်းနှင့် ကုသမှု ပြုလုပ်နိုင်သောရောဂါမျိုးအတွက် အဆိုပါ ကူးစက်ခံရသူ အရေအတွက်သည် ဝမ်းနည်းစရာပင်ဖြစ်ကြောင်း APLMA ၏ အမှုဆောင် အရာရှိချုပ် Mr. Benjamin Rolfe က ပြောကြားသည်။

Most Read

Most Recent