<

လျှပ်စစ်အန္တရာယ်ကြောင့် အသက်ဆုံးရှုံးရသူများအတွက် ထိုက်တန်သော တရားမျှတမှု ရရှိစေရေးနှင့် စုံစမ်းစစ်ဆေးမှု၊ အရေးယူမှုများ လုပ်ဆောင်ပေးရန် No Electric Shock လက်မှတ်ရေးထိုး လှုပ်ရှားမှုမှ လက်မှတ်ပေါင်း ၄၅၀၀ ကျော် ပြည်ထောင်စုဝန်ကြီးထံ ပေးပို့

No Electric Shock နှင့်ပတ်သက်၍ သြဂုတ် ၁၄ ရက်က ရန်ကုန်မြို့ မြန်မာဂျာနယ်လစ်ကွန်ရက် ရုံးခန်းတွင် သတင်းစာရှင်းလင်းစဉ်

လျှပ်စစ်အန္တရာယ်ကြောင့် အသက်ဆုံးရှုံးရသူများအတွက် ထိုက်တန်သော တရားမျှတမှု ရရှိစေရေးနှင့် စုံစမ်းစစ်ဆေးမှု၊ အရေးယူမှုများ လုပ်ဆောင်ပေးရန် No Electric Shock လက်မှတ်ရေးထိုး လှုပ်ရှားမှုမှ လက်မှတ်ပေါင်း ၄၅၀၀ ကျော်ကို ပြည်ထောင်စုဝန်ကြီးထံသို့ ပေးပို့ထားကြောင်း လက်မှတ်ရေးထိုး လှုပ်ရှားမှု ဦးဆောင်သူများအဖွဲ့မှ ဆေးတက္ကသိုလ်-၂ (ရန်ကုန်) ကျောင်းသားများက ပြောကြားသည်။

လက်မှတ်ရေးထိုးလှုပ်ရှားမှု ဦးဆောင်သူများအဖွဲ့မှ ဆေးတက္ကသိုလ်-၂ (ရန်ကုန်)ကျောင်းသားများက အသက်ဆုံးရှုံးရသူများအတွက် ထိုက်တန်သော တရားမျှတမှုရရှိရန် No Electric Shock လက်မှတ်ရေးထိုး လှုပ်ရှားမှုနှင့် ပတ်သက်၍ ဆောင်ရွက်နေမှုများကို သြဂုတ် ၁၄ ရက်က ရန်ကုန်မြို့ မြန်မာဂျာနယ်လစ်ကွန်ရက် ရုံးခန်းတွင် သတင်းစာရှင်းလင်းပွဲ ပြုလုပ်ခဲ့ကြောင်း သိရသည်။

လက်မှတ်ကောက်ခံမှုတွင် ပါဝင်သော ဆေးတက္ကသိုလ်-၂ (ရန်ကုန်) မှ ကိုအောင်ခန့်က “လက်ရှိဖြစ်ပွားခဲ့တဲ့ လျှစ်စစ်ရှော့တွေနဲ့ ပတ်သက်ပြီးတော့ အစိုးရအနေနဲ့ ငွေရေးကြေးရေနဲ့ ကူညီထောက်ပံ့မှုတွေသာ အဆင်ပြေသွားတာ ရှိခဲ့တယ်။ ဒီလိုကိစ္စမျိုးတွေ ထပ်မဖြစ်အောင် လက်ရှိတာဝန်ရှိသူတွေ အနေနဲ့ ဒါမျိုးကို ထိထိရောက်ရောက် တရားမျှတစွာနဲ့ ဆောင်ရွက်ပေးဖို့ အတွက်ပါ။ အများပြည်သူ နေရာတွေမှာ မိုးရွာတာနဲ့ ရေကြီးနေတဲ့ အခြေအနေမှာ ဓာတ်ကြိုးပျက်ကြပြီး အနားကရှိတဲ့သူ ဘယ်အချိန် ဒုက္ခရောက်မလဲ မသိနိုင်တဲ့ အခြေအနေမှာ စစ်ဆေးပေးဖို့ တောင်းဆိုထားပါတယ်” ဟု ပြောကြားသည်။

လက်မှတ်ရေးထိုး လှုပ်ရှားမှုမှ ရရှိသော လက်မှတ်များကို သြဂုတ် ၇ ရက်က လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီးထံသို့ ပေးပို့ခဲ့ပြီး တောင်းဆိုချက်များနှင့် ပတ်သက်၍ ၁၅ ရက်အတွင်း အကြောင်းပြန်ပေးပါရန် တင်ပြထားကြောင်း သိရသည်။

လက်မှတ်နှင့်အတူ ပေးပို့ခဲ့သော တောင်းဆိုချက်များတွင် ဖြစ်ပွားခဲ့သော လျှပ်စစ်အန္တရာယ် ဖြစ်ရပ်များတွင် ထိုက်တန်သော တရားမျှတမှုများ ရရှိစေရေးအတွက် ၀န်ကြီးဌာနအနေဖြင့် လိုအပ်သော စုံစမ်းစစ်ဆေး အရေးယူမှုများ လုပ်ဆောင်ပေးရန်၊ လျှပ်စစ်အန္တရာယ် ဖြစ်ရပ်များတွင် ၀န်ကြီးအနေဖြင့် အများပြည်သူအတွက် ပီပြင်ကျေနပ်လောက်သော တာဝန်ယူမှု၊ တာဝန်ခံမှု ပြုပေးပါရန်တို့ ပါဝင်ကြောင်း သိရသည်။

ထို့ပြင် လျှပ်စစ်အန္တရာယ်ကြောင့် အသက်ဆုံးရှုံးမှုများ ထပ်မံမဖြစ်ပွားစေရန် အတွက် အများပြည်သူများ အသုံးပြုနေသော နေရာများ (ဥပမာ-အဆောက်အအုံများ၊ ကစားကွင်းများ၊ လမ်းများ) စသည်တို့တွင် လျှပ်စစ်နှင့် ပတ်သက်၍ အန္တရာယ်ကင်းရှင်းကြောင်း အာမခံမှု၊ အရည်အသွေးပြည့်ဝမှု၊ လုံခြုံစိတ်ချရမှုများ အတွက် ပုံမှန်စစ်ဆေး စီမံဆောင်ရွက်ပေးရန်တို့ ပါဝင်သည်။

ဆေးတက္ကသိုလ်-၂ (ရန်ကုန်) တွင် တက်ရောက်နေသော နောက်ဆုံးနှစ် အပိုင်း (ခ) မှ ကျောင်းသား ကိုထွဋ်မျိုးလွင်သည် ဇူလိုင် ၂၆ ရက်တွင် ဖူဆန်တရုတ်ဘုံကျောင်းအတွင်း ဘတ်စကက်ဘော အားကစားရုံ၏ သံပန်းကို ကိုင်မိရာမှ ဓာတ်လိုက်သေဆုံးခဲ့သည်။

ထို့ပြင် တောင်ဥက္ကလာပ မြို့နယ်တွင် ဇူလိုင် ၁၃ ရက်ညနေပိုင်းက အဋ္ဌမတန်း ကျောင်းသား မောင်မျိုးမင်းထွန်း (၁၃ နှစ်) သည် ကျူရှင်မှအပြန် လမ်းလျှောက်လာစဉ် ရေအိုင်ထဲ ပြတ်ကျနေသော ဓာတ်ကြိုးနင်းမိ၍ ဓာတ်လိုက်သေဆုံးခဲ့မှု ဖြစ်ပွားခဲ့သည်။

ဆေးကျောင်းသား ကိုထွဋ်မျိုးလွင် ဓာတ်လိုက်သေဆုံးပြီး တစ်ရက်အကြာ ဇူလိုင် ၂၇ ရက်ညနေတွင် လက်မှတ်ကောက်ခံမှု စတင်ခဲ့ပြီး ကိုထွဋ်မျိုးလွင် သေဆုံးမှုအတွက် တရားမျှတမှု လိုလားသည့် ရည်ရွယ်ချက်တူ ကျောင်းသားများ စုပေါင်းဆောင်ရွက်ခဲ့ခြင်း ဖြစ်ကြောင်း သိရသည်။

August 14, 2018














Copy Protected by Chetan's WP-Copyprotect.