<

ဘင်္ဂါလီမွတ်စလင်အရေးနှင့် ပတ်သက်၍ ICC တွင် စုံစမ်းစစ်ဆေးရန် တောင်းဆိုခြင်းသည် ထိုက်တန်မှုမရှိဟု နိုင်ငံတော်အတိုင်ပင်ခံရုံးဝန်ကြီးဌာနက ထုတ်ပြန်

ဘင်္ဂါလီ (မူရင်း၌ ရိုဟင်ဂျာဟု ဖော်ပြ) မွတ်စလင်များကို အစုလိုက်အပြုံလိုက် နိုင်ငံအတွင်းမှ ရွှေ့ပြောင်းခဲ့ခြင်းအား စုံစမ်းစစ်ဆေးရန် အပြည်ပြည်ဆိုင်ရာ ရာဇ၀တ်ခုံရုံး (ICC) ၌ တောင်းဆိုခြင်းသည် ထိုက်တန်မှုမရှိဘဲ ပယ်ချသင့်ကြောင်း နိုင်ငံတော်အတိုင်ပင်ခံရုံးဝန်ကြီးဌာနက ထုတ်ပြန်ချက်တစ်ရပ်၌ ပြောကြားခဲ့သည်။

လွန်ခဲ့သည့် တစ်နှစ်နီးပါးအကြာက ဘင်္ဂါလီမွတ်စလင် အကြမ်းဖက်သမားများက နယ်ခြားစောင့် လုံခြုံရေးစခန်းများကို တိုက်ခိုက်ခဲ့ပြီးနောက် ဖြစ်ပေါ်လာသည့် တပ်မတော်စစ်ဆင်ရေးတစ်ရပ်အတွင်း ရခိုင်ပြည်နယ်ရှိ နေအိမ်များမှနေ၍ ဘင်္ဂါလီမွတ်စလင် ၇၀၀,၀၀၀ ခန့်သည် အကြမ်းဖက် မောင်းထုတ်ခြင်းခံခဲ့ရသည်။

ဘင်္ဂါလီမွတ်စလင်များသည် ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ကြပြီး အမေရိကန်နှင့် ကုလသမဂ္ဂတို့က လူမျိုးစုလိုက်သုတ်သင်မှုဟု ခေါ်ဆိုသော တပ်မတော်စစ်ဆင်ရေးများအတွင်း လုံခြုံရေးတပ်များက မုဒိမ်းမှု၊ လူသတ်မှုနှင့် ရွာများကို မီးရှို့မှုများ ကျူးလွန်ခဲ့ကြသည်ဟု ပြန်လည်ပြောကြားခဲ့ကြသည်။

မြန်မာနိုင်ငံက ယင်းသည် နိုင်ငံတော်ကို ကာကွယ်ခြင်းသာဖြစ်ကြောင်း ပြောကြားလျက် စွပ်စွဲချက်များကို အပြင်းအထန် ငြင်းဆိုခဲ့သော်လည်း တာဝန်ခံမှုရှိရန် နိုင်ငံတကာ၏ ဖိအားများ မြင့်တက်လာခဲ့သည်။

ဧပြီလတွင် ICC ၏ တရားစွဲဆိုရေး အကြီးအကဲ ဖာတူးဘင်ဆူဒါက ICC အဖွဲ့ဝင်မဟုတ်သည့် မြန်မာနိုင်ငံကို တရားရုံးအနေဖြင့် ၎င်း၏ တရားစီရင်မှုကို ချဲ့ထွင်နိုင်မလားဟု စဉ်းစားရန် တရားသူကြီးများအား တောင်းဆိုသည့် မမျှော်လင့်သော ခြေလှမ်းကို လှမ်းခဲ့သည်။

အရှေ့တောင်အာရှရှိ မြန်မာနိုင်ငံက ယင်းကိစ္စသည် ICC က လက်လှမ်းမီသည့် ကိစ္စမဟုတ်ဟု ကာလကြာရှည်စွာ ဆက်လက်ပြောကြားခဲ့သော်လည်း တရားခွင်အကြို စစ်ဆေးရေးအဖွဲ့က ဇူလိုင် ၂၇ ရက် နောက်ဆုံးထား၍ တရားဝင်တုံ့ပြန်မှုကို တင်သွင်းရန် မြန်မာနိုင်ငံအား တောင်းဆိုခဲ့သည်။

နောက်ဆုံးရက် ကျော်လွန်သွားခဲ့ပြီး မြန်မာနိုင်ငံက သြဂုတ် ၉ ရက်တွင် အဘယ့်ကြောင့် တရားဝင် မတုံ့ပြန်ရကြောင်း ပို၍အသေးစိတ်ကျသည့် အချက်များကို ထုတ်ပြန်ခဲ့သည်။ မြန်မာနိုင်ငံသည် ယခင်ရပ် တည်ချက်အတိုင်း ထပ်လောင်းပြောကြားခဲ့ပြီး တရားစွဲဆိုသူသည် တစ်ဖက်ပိတ် ဘက်လိုက်သည့် ရင်းမြစ်များပေါ်၌ ရပ်တည်နေကြောင်း အခိုင်အမာ ပြောကြားခဲ့သည်။

တရားရုံးအပေါ် စိတ်ခံစားမှုဆိုင်ရာ ဖိအားများချထားရန် တွက်ချက်ထားသည့် ပုဂ္ဂိုလ်ရေးဆိုင်ရာ အလွမ်းဇာတ်များကို ဇာတ်လမ်းများအများစုအဖြစ် မချိမဆံ့ ပြုလုပ်ထားသည့် စွဲချက်တင်ထားသော ပြောဆိုချက်များအား လက်ခံခဲ့ကြောင်းနှင့် ဘင်္ဂလားဒေ့ရ်ှနိုင်ငံမှ တင်သွင်းမှုများကို ရှုမြင်ရန် မလုပ်နိုင်ကြောင်း မြန်မာနိုင်ငံက ပြောကြားခဲ့သည်။

မြန်မာနိုင်ငံက တရားစီရင်ရေးနှင့် ပတ်သက်၍ ဆုံးဖြတ်ချက်တစ်ရပ်အား တောင်းဆိုခြင်းသည် ထိုက်တန်မှုမရှိဘဲ ပယ်ချသင့်ကြောင်း ကောက်ချက်ချခဲ့သည်။

ယခုထုတ်ပြန်ချက်တွင် မြန်မာနိုင်ငံက ၎င်းတို့၏ ကိုယ်ပိုင်လွတ်လပ်သော စုံစမ်းရေး ကော်မရှင်တစ်ရပ်ကို ဖွဲ့စည်းထားကြောင်းလည်း ပြောကြားခဲ့သည်။ သို့သော် ယင်းကော်မရှင်အား မတော်မတရားမှုများကို ကိုင်တွယ်ရေးနှင့်ပတ်သက်၍ ထိရောက်မှုမရှိသည့် စုံစမ်းစစ်ဆေးရေးအဖွဲ့များအား ဖန်တီးသည့် ပုံစံတစ်ရပ်သို့သာ ကျရောက်သွားလိမ့်မည်ဟု ဝေဖန်သူများက တုံ့ပြန်ခဲ့သည်။

ဘင်္ဂလားဒေ့ရ်ှနိုင်ငံသည် ICC ကို ပန္နက်ချထားသည့် ရောမသဘောတူညီချက်အား လက်မှတ်ရေးထိုးထားသည့် နိုင်ငံဖြစ်ပြီး ဘင်္ဂါလီမွတ်စလင်များအား အတင်းအဓမ္မ မောင်းထုတ်ခဲ့ခြင်းသည် နယ်စပ်ဖြတ်ကျော်၍ ကျူးလွန်ခဲ့ခြင်းဖြစ်သည်ဟု ICC တရားစွဲဆိုရေး အကြီးအကဲက ဆိုသည်။

ယင်းတရားစွဲဆိုရေးအကြီးအကဲ၏ တောင်းဆိုမှုနှင့်ပတ်သက်၍ ဆုံးဖြတ်ချက် ချမှတ်ရခြင်း မရှိသေးသော်လည်း ယင်းကိစ္စနှင့် ပတ်သက်သော ဥပဒေကြောင်းဆိုင်ရာ ထိရောက်မှုနှင့် လုံခြုံရေးကောင်စီ၌ ICC သို့ လွှဲပြောင်းပေးရန် အချက်တို့သည် တရုတ်နှင့် ရုရှားတို့၏ ပယ်ချမှုကို ရင်ဆိုင်ရဖွယ်ရှိနေပြီး ယင်းကိစ္စကို မည်သို့မည်ပုံ ရှေ့ဆက် ဆောင်ရွက်မည်နည်းနှင့်ပတ်သက်၍ သံသယများ မြင့်တက်၍ လာခဲ့သည်။

လူ့အခွင့်အရေးဆိုင်ရာအဖွဲ့များက ဗိုလ်ချုပ်မှူးကြီး မင်းအောင်လှိုင် အပါအ၀င် မြန်မာလုံခြုံရေးတပ်ဖွဲ့မှ အကြီးတန်းအရာရှိများ အနေဖြင့် စုံစမ်းစစ်ဆေးမှု ခံသင့်ကြောင်း ပြောကြားခဲ့ကြသည်။ သို့သော် ယခုအထိ နိုင်ငံတကာအဆင့်တွင် မြန်မာစစ်ဘက်ဆိုင်ရာအရာရှိ အနည်းငယ်မျှကို ပစ်မှတ်ထား ပိတ်ဆို့မှု ပြုလုပ်သည်မှလွဲ၍ မြန်မာနိုင်ငံအပေါ် အမှန်တကယ် ပြင်းထန်စွာ ပစ်တင်ဝေဖန်မှု နည်းပါးခဲ့သည်။

မြန်မာနိုင်ငံနှင့် ဘင်္ဂလားဒေ့ရ်ှနိုင်ငံတို့သည် ဒုက္ခသည်များ ပြန်လည်လက်ခံရေး သဘောတူညီချက်တစ်ရပ်ကို လက်မှတ်ရေးထိုးခဲ့သော်လည်း ဒုက္ခသည်များက ၎င်းတို့အနေဖြင့် ဘေးကင်းလုံခြုံရေးနှင့် အခွင့်အရေး အပြည့်အ၀ရရှိရေး အာမခံချက် မရှိမည်ကို စိုးရိမ်သောကြောင့် ဒုက္ခသည်များ ပြန်လာရေးကိစ္စမှာ ကြန့်ကြာ၍နေကြောင်း သိရသည်။

Ref: AFP

August 10, 2018














Copy Protected by Chetan's WP-Copyprotect.