<

တင်ဒါအောင်ကုမ္ပဏီအချို့သည် မတရားအကျိုးအမြတ်ရစေရန် ရည်ရွယ်ပြီး အရည်အသွေးမပြည့်မီသည့် လုပ်ငန်းများ ဆောင်ရွက်လာသည်ကို တွေ့ရသဖြင့် ကုမ္ပဏီကိုသာမက ကုမ္ပဏီတာဝန်ရှိသူများကိုပါ ထိရောက်သည့် အရေးယူမှုများ လုပ်ဆောင်ရန် ပြည်သူ့ငွေစာရင်း ပူးပေါင်းကော်မတီ အကြံပြု

တင်ဒါအောင်မြင်သည့် အချို့ကုမ္ပဏီများသည် တာဝန်ယူမှု၊ တာဝန်ခံမှုနည်းပါးစွာဖြင့် မတရားအကျိုးအမြတ်ရစေရန် ရည်ရွယ်ပြီး အရည်အသွေး၊ အတိုင်းအတာ၊ စံချိန်စံညွှန်း မပြည့်မီသည့် လုပ်ငန်းများ ဆောင်ရွက်လာသည်ကို တွေ့ရှိရသည့်အတွက် သတ်မှတ် အရည်အချင်းနှင့် မကိုက်ညီသည့် ကုမ္ပဏီကို သာမက ကုမ္ပဏီမှ တာဝန်ရှိသူများကိုပါ ထိရောက်သည့် အရေးယူမှုများ လုပ်ဆောင်ရန် လိုအပ်သည်ကို သုံးသပ်တွေ့ရှိရကြောင်း ပြည်သူ့ငွေစာရင်း ပူးပေါင်းကော်မတီက သုံးသပ်ထားသည်။

သြဂုတ် ၉ ရက်က ပြုလုပ်သည့် ပြည်ထောင်စုလွှတ်တော်အစည်းအဝေးတွင် ပညာရေးဝန်ကြီးဌာန၊ အခြေခံပညာဦးစီးဌာန၏ ၂၀၁၇-၂၀၁၈ ခု၊ ဘဏ္ဍာရေးနှစ် တည်ဆောက်ရေးလုပ်ငန်းများ အကောင်အထည်ဖော် ဆောင်ရွက်နိုင်မှု အခြေအနေနှင့် စပ်လျဉ်းပြီး ပြည်သူ့ငွေစာရင်း ပူးပေါင်းကော်မတီက လေ့လာတွေ့ရှိချက်နှင့် သဘောထားမှတ်ချက် အစီရင်ခံစာ တင်သွင်းစဉ် ထည့်သွင်း ပြောကြားခဲ့ခြင်းဖြစ်သည်။

ပြည်သူ့ငွေစာရင်းပူးပေါင်းကော်မတီ ဒုတိယဥက္ကဋ္ဌ ဦးအောင်မင်းက “အစိုးရဌာနဆိုင်ရာတွေရဲ့ ပစ္စည်းဝယ်ယူခြင်း၊ တည်ဆောက်ရေးလုပ်ငန်းများ ဆောင်ရွက်ခြင်းတို့ကို တင်ဒါခေါ်ယူတဲ့စနစ်နဲ့ ဆောင်ရွက်လျက်ရှိရာ နောင်တွင် ပိုမိုများပြားလာဖွယ် ရှိပါတယ်။ တင်ဒါစနစ်နဲ့ လုပ်ငန်းဆောင်ရွက်ခြင်းဟာ ပစ္စည်းအမျိုးအစား မှန်ကန်ခြင်း၊ ဈေးနှုန်းသင့်တင့်ခြင်း၊ အချိန်မီလုပ်ဆောင်နိုင်ခြင်းစတဲ့ အကျိုးကျေးဇူးတွေ ရရှိပါတယ်။ သို့ရာတွင် တင်ဒါအောင်မြင်တဲ့ အချို့ကုမ္ပဏီတွေဟာ တာဝန်ယူမှု၊ တာဝန်ခံမှုနည်းပါးစွာနဲ့ မတရားအကျိုးအမြတ်ရစေဖို့ ရည်ရွယ်ပြီး အရည်အသွေး၊ အတိုင်းအတာ၊ စံချိန်စံညွှန်း မပြည့်မီတဲ့လုပ်ငန်းတွေ ဆောင်ရွက်လာတာကို တွေ့ရှိရပါတယ်။ ဒါကြောင့် သတ်မှတ် အရည်အချင်းနဲ့မကိုက်ညီတဲ့ ကုမ္ပဏီတွေကို သာမကဘဲ ကုမ္ပဏီက တာဝန်ရှိသူတွေကိုပါ ထိရောက်တဲ့ အရေးယူ ဆောင်ရွက်မှုတွေ လုပ်ဆောင်ဖို့ လိုအပ်လာတာကို သုံးသပ်တွေ့ရှိရပါတယ်” ဟု အစီရင်ခံစာ တင်သွင်းစဉ် ပြောကြားသည်။

ထို့ပြင် တည်ဆောက်ရေးလုပ်ငန်း ဆောင်ရွက်မှုနှင့် တည်ဆောက်ရေးလုပ်ငန်းသုံးပစ္စည်းများနှင့် စပ်လျဉ်းပြီး အရည်အသွေး၊ စံချိန်စံညွှန်း၊ အတိုင်းအတာမကိုက်ညီသည်ကို စစ်ဆေးတွေ့ရှိခြင်း၊ တည်ဆောက်ရေးလုပ်ငန်းခွင်တွင် လုပ်ငန်းခွင် အင်ဂျင်နီယာသတ်မှတ် တာဝန်ပေးအပ်ထားခြင်း၊ လာရောက်တာဝန်ထမ်းဆောင်မှု မရှိခြင်း၊ ပညာရေးဝန်ကြီးဌာန၏ ကျောင်းအဆောက်အဦးများ ဆောက်လုပ်ရာတွင် လိုက်နာဆောင်ရွက်ရမည့် သတ်မှတ်စံချိန်စံညွှန်းများ၊ လုပ်ငန်းအကောင်အထည်ဖော် ဆောင်ရွက်မည့် Work Plan နှင့် Work Programme အသေးစိတ်၊ တည်ဆောက်ရေးလုပ်ငန်းသုံးစက်၊ ယာဉ်ယန္တရား၊ လူအင်အားဖွဲ့စည်းထားမှုမရှိခြင်း သို့မဟုတ် ပြည့်စုံစွာမထားရှိခြင်း၊ လုံလောက်သော အကြောင်းပြချက်မရှိဘဲ သို့မဟုတ် လုပ်ငန်းအပ်နှံသူ၏ ခွင့်ပြုချက်မရှိဘဲ တည်ဆောက်ရေးလုပ်ငန်းကို Work Plan, Work Programme အတိုင်း အကောင်အထည်ဖော် ဆောင်ရွက်ရန် ပျက်ကွက်ခြင်း သို့မဟုတ် နှောင့်နှေးကြန့်ကြာခြင်းများကို စစ်ဆးတွေ့ရှိပါက ချက်ချင်း ပြန်လည်အစားထိုး လဲလှယ်စေခြင်း၊ ဖျက်သိမ်းပြီး ပြန်လည်တည်ဆောက်စေခြင်း၊ ပြန်လည်ပြုပြင် အစားထိုးရန် မဖြစ်နိုင်တော့သည့် အခြေအနေတွင် ကြီးလေးသော ဒဏ်ငွေပေးဆောင်စေခြင်း သို့မဟုတ် လုပ်ငန်းတန်ဖိုးပေးချေငွေမှ ခုနှိမ်ဖြတ်တောက်ယူနိုင်ခွင့်ရှိသည့် စည်းကမ်းချက်များ ထပ်မံဖြည့်စွက်ထားခြင်းများ ပြုလုပ်သင့်ကြောင်း ပူးပေါင်းကော်မတီက မှတ်ချက်ပြုခဲ့သည်။

ဆောက်လုပ်ရေးဝန်ကြီးဌာန အဆောက်အအုံ ဦးစီးဌာနသို့ အပ်နှံဆောင်ရွက်သော လုပ်ငန်းများအတွက် လုပ်ငန်းတန်ဖိုးပေးချေခြင်းနှင့် စပ်လျဉ်းပြီး တည်ဆဲဘဏ္ဍာရေး စည်းမျဉ်းများနှင့် ညီညွတ်စေရေးအတွက် အဆောက်အအုံ ဦးစီးဌာနကိုယ်တိုင် တာဝန်ယူ တည်ဆောက်ခြင်းဖြစ်ပါက လက်ရှိအတိုင်း ကြိုတင်ငွေပေးချေစနစ်ဖြင့် ဆက်လက် ဆောင်ရွက်ရန်၊ အဆောက်အအုံ ဦးစီးဌာနမှ တပ်ဆင့်တင်ဒါစနစ်ဖြင့် ဆောင်ရွက်ခြင်းဖြစ်ပါက ကြိုတင်ငွေထုတ်ပေးခြင်းမပြုဘဲ တည်ဆဲလုပ်ထုံးလုပ်နည်း ညွှန်ကြားချက်များနှင့်အညီ အဆောက်အအုံ ဦးစီးဌာန၏ အရည်အသွေး၊ စံချိန်စံညွှန်းကိုက်ညီပြီး သတ်မှတ်ရာခိုင်နှုန်းအလိုက် လုပ်ငန်းပြီးစီးကြောင်း စိစစ် ထောက်ခံချက်အရ သက်ဆိုင်ရာဌာနက တိုက်ရိုက်ပေးချေသည့်စနစ်ကိုသာ ကျင့်သုံးရန်၊ တည်ဆောက်ရေးလုပ်ငန်းများ သတ်မှတ်ကာလအတွင်း မပြီးစီးမှုအတွက် နောက်ကျဒဏ်ကြေးများကို အချိန်မီတောင်းခံ ဆောင်ရွက်သွားရန်န် သို့မဟုတ် လုပ်ငန်းတန်ဖိုးပေးချေငွေမှ ခုနှိမ်ဖြတ်တောက်သွားရန်နှင့် ထိုကဲ့သို့ ရရှိသည့်ဒဏ်ကြေးများကို ဌာနဆိုင်ရာ ရငွေစာရင်းသို့ စနစ်တကျ ပြန်လည်ပေးသွင်းသွားစေရန် သဘောထား မှတ်ချက်ပြုကြောင်း ပြည်သူ့ငွေစာရင်းပူးပေါင်းကော်မတီက အစီရင်ခံစာတင်သွင်းခဲ့သည်။

ပညာရေးဝန်ကြီးဌာန၊ အခြေခံပညာဦးစီးဌာန၏ ၂၀၁၇-၂၀၁၈ ခု၊ ဘဏ္ဍာရေးနှစ် ခွင့်ပြုရန်ပုံငွေတွင် တည်ဆောက်ရေးလုပ်ငန်း ၂၅၈၀ ခု ခွင့်ပြုချက်ရရှိခဲ့ကြောင်း၊ တည်ဆောက်ရေးလုပ်ငန်းများကို ဆောက်လုပ်ရေးဝန်ကြီးဌာန၊ အဆောက်အအုံ ဦးစီးဌာနသို့ လုပ်ငန်းအပ်နှံဆောင်ရွက်ခဲ့ရာ ဘဏ္ဍာရေး နှစ်ကုန်ဆုံးသည့် ၂၀၁၈ခုနှစ် မတ် ၃၁ ရက်အထိ ၁၀၀ ရာခိုင်နှုန်းပြည့် ပြီးစီးခဲ့သည့် လုပ်ငန်းရပ် ၆၂၂ ခုသာရှိသည်ကို စိစစ်တွေ့ရှိရကြောင်း၊ လုပ်ငန်းအပ်နှံခြင်းဆိုင်ရာ သဘောတူစာချုပ်အရ သတ်မှတ်ကာလအတွင်း အချိန်မီ မပြီးစီးပါက နောက်ကျဒဏ်ကြေးအဖြစ် တစ်ရက်လျှင် ဆောင်ရွက်ရန် ကျန်လုပ်ငန်း တန်ဖိုး၏ ၀ ဒသမ ၀၁ ရာခိုင်နှုန်းကို ပေးဆောင်ရမည်ဟု စည်းကမ်းသတ်မှတ်ထားရာ အချိန်မီ မပြီးစီးသေးသော လုပ်ငန်းများအတွက် ဒဏ်ကြေးများ သတ်မှတ်ကောက်ခံရန် လိုအပ်သေးသည်ကို တွေ့ရှိရကြောင်း ပြည်သူ့ငွေစာရင်း ပူးပေါင်းကော်မတီက အစီရင်ခံစာ တင်သွင်းခဲ့သည်။

August 9, 2018














Copy Protected by Chetan's WP-Copyprotect.