<

မြန်မာနိုင်ငံ၏ လယ်ယာကဏ္ဍတွင် နိုင်ငံခြားရင်းနှီးမြှုပ်နှံသူများ ၀င်ရောက်လုပ်ကိုင်ရန် ယခင်က ၄၉ ရာခိုင်နှုန်းအထိသာ ခွင့်ပြုခဲ့ရာမှ လက်ရှိတွင် ရာခိုင်နှုန်း ၈၀ အထိ တိုးမြှင့်ခွင့်ပြုထားဟုဆို

ပဲခူးတိုင်းဒေသကြီးအတွင်းရှိ လယ်ယာလုပ်ငန်းခွင်တစ်ခုကို တွေ့ရစဉ်

မြန်မာနိုင်ငံ၏ လယ်ယာကဏ္ဍတွင် နိုင်ငံခြားရင်းနှီးမြှုပ်နှံသူများ ၀င်ရောက်လုပ်ကိုင်ရန် ယခင်က ၄၉ ရာခိုင်နှုန်းအထိသာ ခွင့်ပြုခဲ့ရာမှ လက်ရှိအချိန်တွင် ရာခိုင်နှုန်း ၈၀ အထိ တိုးမြှင့်ခွင့်ပြုပေးထားကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) က သိရသည်။

“အရင်က လယ်ယာကဏ္ဍကို ပြည်တွင်းကို အကာအကွယ်ပေးထားတဲ့သဘော ရှိတယ်။ အဲဒီတုန်းက အများစုက လယ်ယာကဏ္ဍမှာ ရင်းနှီးမြှုပ်နှံမယ်ဆိုရင် နိုင်ငံခြားသားပိုင်ဆိုင်မှု ၄၉ ရာခိုင်နှုန်း၊ ၅၀ ရာခိုင်နှုန်း မကျော်ရဘူး။ နိုင်ငံသားက ၅၁ ရာခိုင်နှုန်းမှ ရမယ်ဆိုတာ လယ်ယာကဏ္ဍမှာ ထားခဲ့တယ်။ ၂၀၁၆ နောက်ပိုင်းမှာ ဒါစပြီးဖြေလျှော့တာပေါ့။ ဥပဒေအသစ်မှာတော့ လယ်ယာကဏ္ဍမှာ ဖက်စပ်တော်တော်များများ ခွင့်ပြုထားတယ်။ အဲဒီမှာမှ ၈၀ ရာခိုင်နှုန်းအထိ နိုင်ငံခြားသားကို ပေးလိုက်တာ။ နဂိုတုန်းက ၄၉ ရာခိုင်နှုန်းထက် မကျော်ဘူး။ အခုတော့ ၈၀ ရာခိုင်နှုန်းအထိ ပေးထားတယ်” ဟု ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနမှ ဒုတိယညွှန်ကြားရေးမှူးချုပ် ဦးသန်းအောင်ကျော်က ပြောကြားသည်။

ယင်းကဲ့သို့ ခွင့်ပြုပေးခဲ့သည့်အတွက် ဆန်စက်လုပ်ငန်းကဏ္ဍများတွင် ရင်းနှီးမြှုပ်နှံမှုများ အထိုက်အလျောက် ၀င်ရောက်လာကြောင်း သိရသည်။

“ပေးလိုက်တော့ အဓိက ဆန်စက်လုပ်ငန်းတွေမှာတော့ ရင်းနှီးမြှုပ်နှံမှု အထိုက်အလျောက် ရှိနေတယ်” ဟု ဦးသန်းအောင်ကျော်က ပြောကြားသည်။

မြန်မာနိုင်ငံ၏ လယ်ယာကဏ္ဍလုပ်ငန်းနှင့် ပတ်သက်ပြီး မျိုးစေ့ထုတ်လုပ်သည့် လုပ်ငန်းများတွင် နိုင်ငံခြားရင်းနှီးမြှုပ်နှံမှု ရာနှုန်းပြည့် လုပ်ကိုင်ခွင့်ပြုထားသည့်အတွက် အဆိုပါ မျိုးစေ့ထုတ်လုပ်သည့် လုပ်ငန်းကဏ္ဍ၌ ရင်းနှီးမြှုပ်နှံမှုများ ၀င်ရောက်လျက်ရှိကြောင်း သိရသည်။

“လောလောဆယ် လယ်ယာကဏ္ဍမှာ အများစု ဘာတွေခွင့်ပြုထားလဲဆိုတော့ မျိုးစေ့ထုတ်လုပ်တဲ့လုပ်ငန်းတွေက ၁၀၀ ရာခိုင်နှုန်း နိုင်ငံခြားသားကို ပေးတဲ့အတွက် မျိုးစေ့ထုတ်တဲ့ လုပ်ငန်းတွေမှာ ရင်းနှီးမြှုပ်နှံမှုတွေ ရှိတယ်” ဟု ဦးသန်းအောင်ကျော်က ပြောကြားသည်။

မြန်မာနိုင်ငံ ရင်းနှီးမြှုပ်နှံမှုကော်မရှင် အနေဖြင့် မြန်မာနိုင်ငံ၏ လယ်ယာကဏ္ဍနှင့် ပတ်သက်ပြီး ပြည်တွင်းမှထွက်ရှိသည့် လယ်ယာထွက်ကုန်များကို တန်ဖိုးမြှင့်ထုတ်ကုန် (Value Added) ထုတ်ကုန်များဆောင်ရွက်သည့် လုပ်ငန်းများ၌ နိုင်ငံခြားရင်းနှီးမြှုပ်နှံမှုများ ပိုမိုဝင်ရောက်စေလိုကြောင်း သိရသည်။

“လယ်ယာကဏ္ဍဆိုတာထက် မြန်မာနိုင်ငံရဲ့ လယ်ယာကဏ္ဍကထွက်တဲ့ ပစ္စည်းတွေကို Value Added ထုတ်ကုန်တွေ ထုတ်နိုင်ဖို့ အဲဒါကို မျှော်မှန်းတယ်” ဟု ဦးသန်းအောင်ကျော်က ပြောကြားသည်။

လက်ရှိအချိန်တွင် မြန်မာနိုင်ငံ၏ လယ်ယာကဏ္ဍတွင် ပြည်တွင်းပြည်ပ ရင်းနှီးမြှုပ်နှံမှု ၀င်ရောက်မှု အခြေအနေသည် မြန်မာနိုင်ငံ တစ်နိုင်ငံလုံးသို့ ၀င်ရောက်ထားသည့် ရင်းနှီးမြှုပ်နှံမှုပမာဏ၏ တစ်ရာခိုင်နှုန်းအောက်မှာသာရှိကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင်မှ သိရသည်။

ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ထုတ်ပြန်သည့်စာရင်းများအရ ၂၀၁၈ခုနှစ် ဇွန်လကုန်အထိ လယ်ယာကဏ္ဍတွင် နိုင်ငံခြား ရင်းနှီးမြှုပ်နှံမှုပမာဏ ဒေါ်လာ ၅ ဒသမ ၆၅၀ သန်း ၀င်ရောက်ထားပြီး ၁၉၈၈-၁၉၈၉ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ်အထိမူ ဒေါ်လာ ၃၉၀ ဒသမ ၀၀၁ သန်းအထိ ၀င်ရောက်မြှုပ်နှံထားကြောင်း သိရသည်။

August 2, 2018














Copy Protected by Chetan's WP-Copyprotect.