မြန်မာအမျိုးသားလေကြောင်းလိုင်းနှင့် မန်းရတနာပုံလေကြောင်းလိုင်းက ရေလွှမ်းမိုးမှုများ ဖြစ်ပေါ်နေသည့် မော်လမြိုင်နှင့် ထားဝယ်မြို့သို့ အထူးခရီးစဉ်များပျံသန်းမည်

မြန်မာအမျိုးသားလေကြောင်းလိုင်းနှင့် မန်းရတနာပုံလေကြောင်းလိုင်းက ရေလွှမ်းမိုးမှုများ ဖြစ်ပေါ်နေသည့် မော်လမြိုင်နှင့် ထားဝယ်မြို့သို့ အထူးခရီးစဉ်များပျံသန်းမည်
Published 30 July 2018

မြန်မာအမျိုးသားလေကြောင်းလိုင်း နှင့် မန်းရတနာပုံလေကြောင်းလိုင်းတို့မှ ရေလွှမ်းမိုးမှုများဖြစ်ပေါ်နေသည့် မော်လမြိုင် နှင့် ထားဝယ်မြို့များသို့ အထူးခရီးစဉ်များ ပျံသန်းပြေးဆွဲမည်ဖြစ်ကြောင်း သိရသည်။

တစ်ခုတည်းသော နိုင်ငံပိုင်လေကြောင်းလိုင်းဖြစ်သည့် မြန်မာအမျိုးသားလေကြောင်းလိုင်းသည် ဇူလိုင် ၃၀ ရက်မှစတင်ကာ ရေလွှမ်းခံဒေသများသို့ အထူးခရီးစဉ် ပျံသန်းမှုအဖြစ် ရန်ကုန်- မော်လမြိုင် UB 325 ခရီးစဉ်အား နံနက် ၁၁ နာရီတွင်လည်း ကောင်း၊ ရန်ကုန်- မော်လမြိုင် UB 319 ခရီးစဉ်အား နံနက် ၇ နာရီ ၁၅ မိနစ်တွင် လည်းကောင်း၊ မော်လမြိုင်- ရန်ကုန် UB 320 ခရီးစဉ်အား နံနက် ၈ နာရီခွဲတွင်လည်းကောင်း၊ ရန်ကုန်- မော်လမြိုင် UB 309 ခရီးစဉ်အား နံနက် ၁၁ နာရီ မိနစ် ၃၀ တွင် လည်းကောင်း၊ မော်လမြိုင်-ရန်ကုန် UB 310 ခရီးစဉ်အား မွန်းလွဲ ၁၂နာရီ ၃၅ မိနစ်တွင် လည်းကောင်း ၊ ရန်ကုန်-ထားဝယ် UB 301 ခရီးစဉ်အား မွန်းလွဲ ၁၆ နာရီခွဲတွင် လည်းကောင်း ၊ ထားဝယ်-ရန်ကုန် UB 302 ခရီးစဉ်အား ညနေ ၁၇ နာရီ ၅၅ တွင်လည်း ကောင်း ပျံသန်းမည်ဟု သိရသည်။

ဇူလိုင် ၃၁ ရက် အင်္ဂါနေ့တွင်  ရန်ကုန်- မော်လမြိုင် UB 309 ခရီးစဉ်အား နံနက် ၈ နာရီ မိနစ် ၃၀ တွင်လည်းကောင်း၊  မော်လမြိုင်-ရန်ကုန် UB 310 ခရီးစဉ်အား နံနက် ၉ နာရီ ၃၅ တွင်လည်းကောင်း၊ ရန်ကုန်- မော်လမြိုင် UB 319 ခရီးစဉ်အား မွန်းလွဲ ၁၅ နာရီ တွင်လည်းကောင်း၊ မော်လမြိုင်- ရန်ကုန် UB 320 ခရီးစဉ်အား မွန်းလွဲ ၁၆ နာရီလည်းကောင်း၊ ရန်ကုန်-ထားဝယ် UB 301 ခရီးစဉ်အား နံနက် ၁၁ နာရီတွင် လည်းကောင်း၊ ထားဝယ်-ရန်ကုန် UB 302 ခရီးစဉ်အား မွန်းလွဲ ၁၂ နာရီ ၁၅ မိနစ်တွင် လည်းကောင်း၊ ရန်ကုန်-ထားဝယ် UB 301 ခရီးစဉ်အား နံနက် ၁၁ နာရီ ၃၅ မိနစ်တွင် လည်းကောင်း၊ ထားဝယ်-ရန်ကုန် UB 302 ခရီးစဉ်အား ညနေ ၁၇ နာရီ ၂၀ မိနစ်တွင် လည်းကောင်း ပျံသန်းမည်ဟု သိရသည်။

မန်းရတနာပုံလေကြောင်းလိုင်းသည် ရေလွှမ်းမိုးမှုများ ဖြစ်ပေါ်နေသည့် ဒေသများသို့ MYP Special Flights များ အနေဖြင့် ဇူလိုင် ၃၀ ရက် တနင်္လာနေ့တွင် ရန်ကုန်-မော်လမြိုင် ခရီးစဉ်အား နံနက် ၁၀ နာရီ ၃၀ မိနစ်တွင်လည်းကောင်း၊ မော်လမြိုင်-ရန်ကုန် ခရီးစဉ်အား နံနက် ၁၁ နာရီ မိနစ် ၂၀ တွင်လည်းကောင်း ပျံသန်းမည်ဖြစ် ကြောင်း သိရသည်။

ယင်းပြင် ရန်ကုန်-ထားဝယ်ခရီးစဉ်အား ဇူလိုင် ၃၀ ရက်မှစတင်ကာ နံနက် ၇ နာရီ ၃၀ မိနစ်တွင်လည်းကောင်း၊ ထားဝယ် ရန်ကုန်ခရီးစဉ်အား နံနက် ၈ နာရီ ၅၅ မိနစ် တွင်လည်းကောင်း ပျံသန်းသွားမည်ဟု သိရသည်။

Most Read

Most Recent