<

မူးယစ်ဆေးဝါး ရောင်းဝယ်ခြင်း၊ တရားမ၀င် သစ်ခိုးထုတ်ယူခြင်း၊ တရားမ၀င် သတ္တုတူးဖော်ခြင်းတို့က စစ်ကိုင်းတိုင်းဒေသကြီး အစိုးရအဖွဲ့အတွက် စိန်ခေါ်မှုတစ်ရပ်ဖြစ်နေကြောင်း တိုင်းဒေသကြီးဝန်ကြီးချုပ် ပြောကြား

မူးယစ်ဆေးဝါး ရောင်းဝယ်ခြင်း၊ တရားမ၀င် သစ်ခိုးထုတ်ယူခြင်း၊ တရားမ၀င် သတ္တုတူးဖော်ခြင်း စသည့် ကိစ္စရပ်များသည် စစ်ကိုင်းတိုင်းဒေသကြီး အစိုးရအဖွဲ့အတွက် စိန်ခေါ်မှုဖြစ်နေကြောင်း တိုင်းဝန်ကြီးချုပ် ဒေါက်တာမြင့်နိုင်က ပြောကြားသည်။

စစ်ကိုင်းတိုင်းဒေသကြီးအစိုးရအဖွဲ့ရုံး အစည်းအဝေး ခန်းမဆောင်တွင် ဇူလိုင် ၁၈ ရက်က ကျင်းပသည့် ဒုတိယတစ်နှစ်တာ ကာလအတွင်း ပြုပြင်ပြောင်းလဲ တိုးတက်မှုများနှင့် ပတ်သက်၍ သတင်းစာရှင်းလင်းပွဲ အခမ်းအနားတွင် ၀န်ကြီးချုပ်က အထက်ပါအတိုင်း ပြောကြားခဲ့ခြင်းဖြစ်သည်။

“ကျွန်တော်တို့ တိုင်းဒေသကြီးမှာတော့ အဓိကပြဿနာက မူးယစ်ဆေးဝါး ရောင်းဝယ်ခြင်း၊ တရားမ၀င်သစ်များ သယ်ဆောင်ခြင်း၊ တရားမ၀င် သတ္တုတူးဖော်ခြင်း စတာတွေဟာ ကျွန်တော်တို့ အစိုးရရဲ့ စိန်ခေါ်မှုတစ်ရပ် ဖြစ်ပါတယ်။ ဒီကိစ္စတွေကို သက်ဆိုင်ရာဌာနများက ၀ိုင်းဝန်းဖမ်းဆီး ဆောင်ရွက်ကြတဲ့နေရာမှာ ပြည်သူများကလည်း ၀ိုင်းဝန်းကူညီ ပါဝင်ပေးဖို့လိုသလို သတင်းမီဒီယာသမားများရဲ့ ကူညီပံ့ပိုးမှုဟာလည်း အများကြီး အရေးပါတယ်။ ဒီနေရာမှာ ကျွန်တော်ပြောချင်တာက မူးယစ်ဆေးဝါးကိစ္စဟာ ကျွန်တော်တို့ အမျိုးသားရေး တာဝန်တစ်ရပ်အဖြစ် လုပ်ဆောင်ရမှာ ဖြစ်ပါတယ်” ဟု ၀န်ကြီးချုပ် ဒေါက်တာမြင့်နိုင်က ပြောကြားသည်။

စစ်ကိုင်းတိုင်းဒေသကြီးအတွင်း တရားမ၀င် မှောင်ခိုလုပ်ငန်းများဖြစ်သည့် မူးယစ်ဆေးဝါး ရောင်းဝယ်မှု၊ တရားမ၀င်ပြည်ပသို့ သစ်ခိုးထုတ်လုပ်မှု၊ တရားမ၀င်ရွှေတူးဖော်မှု၊ တရားမ၀င် သယံဇာတများ ခိုးထုတ်မှုစသည့် မှောင်ခိုလုပ်ငန်းများကို နေ့စဉ်ပြုလုပ်လာနေကြောင်း၊ ယင်းတရားမ၀င် မှောင်ခိုလုပ်ငန်းများကို ပြည်သူများကလည်း တိုင်းဒေသကြီးအစိုးရအဖွဲ့ထံ သတင်းပေးတိုင်ကြားနိုင်ကြောင်း စစ်ကိုင်းတိုင်းဝန်ကြီးချုပ် ဒေါက်တာမြင့်နိုင်က ပြောကြားသည်။

July 18, 2018














Copy Protected by Chetan's WP-Copyprotect.