<

မြောက်ပိုင်းမဟာမိတ်တိုင်းရင်းသားလက်နက်ကိုင်အဖွဲ့များအနေဖြင့် NCA ကို ငြင်းပယ်ခြင်းမရှိဘဲ NCA အကောင်အထည်ဖော်မှု အပေါ်သာ စိုးရိမ်မှုရှိနေဟု ငြိမ်းချမ်းရေးကော်မရှင်အတွင်းရေးမှူး ပြောကြား

တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တွင် ပါဝင်လက်မှတ်ရေးထိုးထားခြင်း မရှိသေးသော မြောက်ပိုင်းမဟာမိတ်တိုင်းရင်းသားလက်နက်ကိုင်အဖွဲ့များအနေဖြင့် NCA ကို ငြင်းပယ်ခြင်းမရှိဘဲ NCA စာချုပ်အရ ငြိမ်းချမ်းရေးလုပ်ငန်းစဉ် အကောင်အထည်ဖော်မှု အပိုင်းတွင်သာ စိုးရိမ်မှုရှိနေခြင်းဖြစ်သည်ဟု ငြိမ်းချမ်းရေးကော်မရှင်အတွင်းရေးမှူး ဒုတိယဗိုလ်ချုပ်ကြီး (ငြိမ်း) ခင်ဇော်ဦးက ပြောကြားသည်။

နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်ရှင်းဗဟိုဌာန (၂) တွင် ဇူလိုင် ၁၆ ရက်က ကျင်းပခဲ့သော ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေးအပြီး သတင်းမီဒီယာများ၏ မေးမြန်းမှုကို ဖြေကြားရာတွင် ၎င်းက ထိုသို့ ထည့်သွင်းပြောကြားခဲ့ခြင်း ဖြစ်သည်။

“ကျွန်တော့်အမြင် ပြောရရင်တော့ သာမန်အားဖြင့် သူတို့ ဒီ NCA ကို သိပ်မငြင်းပယ်ဘူး။ ဒါပေမဲ့ လက်မှတ်ထိုးလိုက်ပြီးရင် ဘယ်လိုဖြစ်လာမလဲဆိုတဲ့အပေါ်မှာ အနည်းငယ် စိုးရိမ်မှုရှိနေသေးတယ်လို့ ယူဆတယ်။ NCA) ကိုတော့ တော်တော်များများတော့ လက်ခံတဲ့သဘောမျိုးပြောကြတယ်” ဟု ဒုတိယဗိုလ် ချုပ်ကြီး (ငြိမ်း) ခင်ဇော်ဦးက ပြောကြားသည်။

နေပြည်တော်တွင် ကျင်းပသည့် ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေး ကာလအတွင်း မြောက်ပိုင်းမဟာမိတ် တိုင်းရင်းသားလက်နက်ကိုင်အဖွဲ့ခုနစ်ဖွဲ့သည် အစိုးရ၊ တပ်မတော် အကြီးအကဲများနှင့်တွေ့ဆုံခဲ့ကြပြီး ထိုသို့တွေ့ဆုံမှုသည် တပ်မတော်က အဆိုပါအဖွဲ့များ NCA တွင် ပါဝင်လက်မှတ်ရေးထိုးရေး နှင့် ပတ်သက်၍ အသိအမှတ်ပြုလိုက်သည့် သဘောဖြစ်ကြောင်း ငြိမ်းချမ်းရေးကော်မရှင် အတွင်းရေးမှူးက ပြောကြားသည်။

“သာမန်အားဖြင့်တော့ (NCA လက်မှတ်ရေးထိုးဖို့) တဖြည်းဖြည်း နီးစပ်လာတာပေါ့” ဟု ၎င်းက ပြောကြားသည်။

ထို့ကြောင့် အဆိုပါတိုင်းရင်းသားလက်နက်ကိုင်အဖွဲ့များ၏ စိုးရိမ်မှုကို လျှော့ချပေးခြင်းဖြင့်လည်းကောင်း၊ နားလည်မှုရှိအောင် ဆွေးနွေးရှင်းပြနိုင်လျှင်သော်လည်းကောင်း မြောက်ပိုင်းမဟာ မိတ်တိုင်းရင်းသားလက်နက် ကိုင်အဖွဲ့များ NCA တွင် ပါဝင်လက်မှတ်ရေးထိုးလာနိုင်ရေးမှာ ရာခိုင်နှုန်း ၉၀ ခန့်ရှိသည်ဟု ဒုတိယဗိုလ်ချုပ်ကြီး (ငြိမ်း) ခင်ဇော်ဦးက ပြောကြားသည်။

မြန်မာနိုင်ငံ၏ ငြိမ်းချမ်းရေးလုပ်ငန်းစဉ်တွင် တရုတ်နိုင်ငံက အိမ်နီးချင်းကောင်းအနေဖြင့် ၀ိုင်းဝန်းကူညီပေးနေခြင်းဖြစ်ပြီး ၂၀၂၀ ပြည့်နှစ်အတွင်း အဆိုပါတိုင်းရင်းသား လက်နက်ကိုင်အဖွဲ့များ NCA တွင် ပါဝင်လက်မှတ်ရေးထိုး နိုင်ရေးမျှော်လင့်ချက်ဖြင့် တွေ့ဆုံဆွေးနွေးမှုများကို မကြာခင်ကာလအတွင်း ဆက်လက်လုပ်ဆောင်သွားမည်ဟု ၎င်းက ပြောကြားခဲ့သည်။

ထိုသို့ ၂၀၂၀ ပြည့်နှစ်အတွင်း မြောက်ပိုင်းမဟာမိတ် တိုင်းရင်းသားလက်နက်ကိုင်အဖွဲ့များ NCA တွင် ပါဝင်လက်မှတ်ရေးထိုးနိုင်ရေးအတွက် နှစ်ဖက်စလုံးတွင် နိုင်ငံရေးဆန္ဒ၊ ငြိမ်းချမ်းရေးဆန္ဒရှိရန် လိုအပ်သည်ဟု ဒုတိယ ဗိုလ်ချုပ်ကြီး (ငြိမ်း) ခင်ဇော်ဦးက ဆိုသည်။

ထို့ပြင် ပြည်ထောင်စုငြိမ်းချမ်းရေး ညီလာခံကာလအတွင်း “၀” အဖွဲ့ (UWSA) က ငြိမ်းချမ်းရေးကော်မရှင်သို့ ပေးခဲ့သော စာတမ်းသည် ယခုမှ ထုတ်ပြန်သော စာတမ်းမဟုတ်ဘဲ ယခင် နှစ်လ၊ သုံးလခန့်ကတည်းက ကြိုတင်ပြင်ဆင်ထားသော စာတမ်းဖြစ်ပြီး အဆိုပါစာတမ်းနှင့်ပတ်သက်၍ ပြန်လည်စဉ်းစားမည်ဟု “၀” အဖွဲ့က ပြောကြားထားကြောင်း ၎င်း၏ ပြောပြချက်အရ သိရသည်။

 

July 17, 2018














Copy Protected by Chetan's WP-Copyprotect.