<

မြန်မာနိုင်ငံတွင် နှစ်စဉ် မိခင် ၂၇၀၀ ခန့်သည် ကိုယ်ဝန်ဆောင်စဉ်နှင့် ကလေးမွေးဖွားစဉ် သေဆုံးနေဆဲဖြစ်ကြောင်း ဒုတိယသမ္မတ ပြောကြား

နေပြည်တော် သင်္ဂဟဟိုတယ်တွင် ဇူလိုင် ၁၁ ရက်က ကျင်းပသည့် ၂၀၁၈ ခုနှစ် ကမ္ဘာ့လူဦးရေနေ့ အထိမ်းအမှတ် အခမ်းအနားတွင် ဒုတိယသမ္မတအမှာစကား ပြောကြားစဉ်

မြန်မာနိုင်ငံတွင် နှစ်စဉ်မိခင် ၂၇၀၀ ခန့်သည် ကိုယ်ဝန်ဆောင်စဉ်နှင့် ကလေးမွေးဖွားစဉ် သေဆုံးနေဆဲဖြစ်ကြောင်း ဒုတိယသမ္မတဦးမြင့်ဆွေက ကမ္ဘာ့လူဦးရေနေ့ အထိမ်းအမှတ် အခမ်းအနား အဖွင့်အမှာစကား ပြောကြားရာတွင် အထက်ပါကဲ့သို့ ထည့်သွင်း ပြောကြားခဲ့ခြင်းဖြစ်သည်။

နေပြည်တော်ရှိ သင်္ဂဟဟိုတယ်တွင် ဇူလိုင် ၁၁ ရက်က ကျင်းပသည့် ၂၀၁၈ ခုနှစ် ကမ္ဘာ့လူဦးရေနေ့ အထိမ်းအမှတ် အခမ်းအနားတွင် ဒုတိယသမ္မတက အထက်ပါအတိုင်း ပြောကြားခဲ့ခြင်းဖြစ်သည်။

“မြန်မာနိုင်ငံဟာ အရှေ့တောင်အာရှဒေသအတွင်းမှာ သားဖွားမိခင်သေဆုံးမှုနှုန်း အမြင့်ဆုံးနိုင်ငံတွေထဲမှာ ပါဝင်နေတာဖြစ်ပြီး ကလေးအရှင် တစ်သိန်းမွေးဖွားတိုင်း မိခင် ၂၈၂ ဦး သေဆုံးနေတယ်လို့ သိရပါတယ်။ နှစ်စဉ် မြန်မာနိုင်ငံမှာ မိခင် ၂၇၀၀ ခန့်ဟာ ကိုယ်ဝန်ဆောင်စဉ်နဲ့ ကလေးမွေးဖွားစဉ်မှာ သေဆုံးနေဆဲ ဖြစ်ပါတယ်။ အသက် ၁၅ နှစ်ကနေ ၁၉ နှစ်အတွင်း မိန်းကလေးငယ်တွေမှာ သားပျက်သားလျှောနှုန်း အမြင့်ဆုံး ကြုံတွေ့နေရပါတယ်” ဟု ဒုတိယသမ္မတဦးမြင့်ဆွေက ပြောကြားသည်။

ထို့ပြင် မိခင်နှင့် မွေးကင်းစကလေး သေဆုံးမှုနှင့် နာမကျန်းဖြစ်မှုများ လျှော့ချနိုင်ရန်အတွက် မိခင်နှင့်ကလေး စောင့်ရှောက်မှုနှင့် အသိပညာပေးလုပ်ငန်း အစီအစဉ်များကို စဉ်ဆက်မပြတ်ဆောင်ရွက်ကြရန် ဒုတိယသမ္မတက တိုက်တွန်းပြောကြားသည်။

ဆက်လက်၍ “မိခင်နှင့် ကလေးစောင့်ရှောက်မှု လုပ်ငန်းတွေကို လုပ်ဆောင်ဖို့လိုသလို အဲဒါနဲ့တိုက်ရိုက်ဆက်စပ်နေတဲ့ မိသားစုစီမံကိန်းနဲ့ မျိုးဆက်ပွားကျန်းမာရေး စောင့်ရှောက်မှုဆိုင်ရာ လုပ်ငန်းတွေ အရည်အသွေး ပိုမိုကောင်းမွန်အောင်နဲ့ လူတိုင်းလက်လှမ်းမီအောင် ဆောင်ရွက်ပေးဖို့လည်း လိုအပ်ပါတယ်” ဟု ဒုတိယသမ္မတက ပြောကြားသည်။

မိသားစုစီမံကိန်း ဖော်ဆောင်ခြင်းသည် လူမှုရေးနှင့်စီးပွားရေး ဖွံ့ဖြိုးတိုးတက်မှုတွေကို အထောက်အပံ့ဖြစ်စေပြီး အမျိုးသားများ၊ အမျိုးသမီးများနှင့် ကလေးများ၏ လူမှုဘ၀ကို မြှင့်တင်ပေးနိုင်မည်ဖြစ်ကာ လိုချင်သည့် ကလေးအရေအတွက်ကို ရယူနိုင်ကာ သားဆက်ခြားကာလကို ဆုံးဖြတ်နိုင်မည်ဖြစ်ကြောင်း သိရသည်။

ထို့ပြင် အဆိုပါစီမံကိန်းသည် သားဖွားမိခင်သေဆုံးမှုအား ရာခိုင်နှုန်း ၃၀ အထိ လျှော့ချနိုင်မည်ဖြစ်ပြီး အသက်ငါးနှစ်အောက်က လေးသေဆုံးမှုကို ၂၁ ရာခိုင်နှုန်းအထိ လျှော့ချနိုင်မည်ဖြစ်ကြောင်း သိရသည်။

“မိသားစုစီမံကိန်းဟာ လူ့အခွင့်အရေး တစ်ရပ်ဖြစ်တာကြောင့် လူသားတိုင်းဟာ မိမိတို့ကိုယ်ပိုင်ဘ၀ကို မိမိတို့စွမ်းဆောင်နိုင်သလောက် အကောင်းဆုံး ပုံဖော်ခွင့်ရရှိမှာ ဖြစ်ပါတယ်။ ဘယ်လိုအခြေအနေ၊ ဘယ်လိုအချိန်မှာ ကလေးယူမယ်။ ဘယ်လောက်ယူမယ် စတာတွေဟာ ဒီအခွင့်အရေးရဲ့ အရေးပါတဲ့ အစိတ်အပိုင်းတွေ ဖြစ်ပါတယ်။ မိသားစု စီမံကိန်းဝန်ဆောင်မှုပေးရာမှာ လူအခွင့်အရေးများနဲ့အညီ ဆောင်ရွက်ဖို့လည်း လိုအပ်ပါတယ်” ဟု ဒုတိယသမ္မတက ပြောကြားသည်။

ကျန်းမာရေးနှင့် အားကစားဝန်ကြီးဌာန၊ ကုလသမဂ္ဂလူဦးရေ ရန်ပုံငွေအဖွဲ့နှင့် မိခင်နှင့် ကလေးစောင့်ရှောက်ရေးအသင်း ပူးပေါင်းကာ မိသားစုစီမံကိန်းမြှင့်တင်ခြင်း၊ သားဆက်ခြားဆေးဝါးများ ဖြန့်ဝေခြင်း၊ ပညာပေးဆွေးနွေးခြင်းနှင့် မိသားစုစီမံကိန်းဆိုင်ရာ ၀န်ဆောင်မှုပေးခြင်း လုပ်ငန်းများ ဆောင်ရွက်ပေးလျက်ရှိကြောင်း သိရသည်။

July 11, 2018














Copy Protected by Chetan's WP-Copyprotect.