ကမ္ဘာ့ရွှေဈေး ၁၂၉၁ ဒေါ်လာအထ ိရောက်ရှိခဲ့ပြီး ပြည်တွင်းရွှေဈေးနှုန်း ကျပ် ၉၂၃၃၀၀ ဖြင့် သြဂုတ်လအတွင်း ခြောက်ကြိမ်မြောက်အဖြစ် စံချိန်ချိုး

ကမ္ဘာ့ရွှေဈေး ၁၂၉၁ ဒေါ်လာအထ ိရောက်ရှိခဲ့ပြီး ပြည်တွင်းရွှေဈေးနှုန်း ကျပ် ၉၂၃၃၀၀ ဖြင့် သြဂုတ်လအတွင်း ခြောက်ကြိမ်မြောက်အဖြစ် စံချိန်ချိုး
Published 25 August 2017

ရန်ကုန်မြို့ရှိ ရွှေဆိုင်တစ်ဆိုင်တွင်ပြသထားသည့် ရွှေထည်များအား တွေ့ရစဉ်

သြဂုတ် ၂၄ ရက်တွင် ကမ္ဘာ့ရွှေဈေး ၁၂၉၁ ဒေါ်လာအထိ ရောက်ရှိခဲ့ပြီး ပြည်တွင်းရွှေဈေးနှုန်း ကျပ်  ၉၂၃၃၀၀ ဖြင့် သြဂုတ်လအတွင်း ခြောက်ကြိမ်မြောက်အဖြစ် စံချိန်ချိုးခဲ့ကြောင်း ဈေးကွက်အတွင်း ရွှေရောင်းဝယ်သူများထံမှ သိရသည်။

ပြီးခဲ့သည့် ဇူလိုင် ၂၁ ရက်မှ စတင်ကာ ပြည်တွင်းရွှေဈေးနှုန်း ကျပ် ၉၀၀၀၀၀ အထက် ရောက်ခဲ့ပြီး သြဂုတ် ၉ ရက်တွင် ၉၁၀၀၀၀ ခန့်၊ သြဂုတ် ၁၀ ရက်တွင် ကျပ် ၉၁၂၈၀၀ အထိ ပြန်ရောက်ခဲ့သည်။ ထို့နောက် ကမ္ဘာ့ရွှေဈေးမြင့်တက်မှုနှင့်အတူ စံချိန်တင်ဈေးနှုန်းများအဖြစ် သြဂုတ် ၁၁ ရက်တွင် ကျပ် ၉၁၄၂၀၀၊ သြဂုတ် ၁၂ ရက်တွင် ကျပ်  ၉၁၅-၄၀၀၊ သြဂုတ် ၁၇ ရက်တွင် ကျပ် ၉၁၆၆၀၀၊ သြဂုတ် ၁၈ ရက်တွင် ကျပ် ၉၁၉၈၀၀ အထိ ဖြစ်ပေါ်ခဲ့ပြီး သြဂုတ် ၁၉ ရက်တွင် ကျပ် ၉၁၆၉၀၀၊ သြဂုတ် ၂၀ ရက်တွင် ကျပ် ၉၁၆-၀၀၀၊ သြဂုတ် ၂၁ ရက်တွင် ကျပ် ၉၁၈၉၀၀၊ သြဂုတ် ၂၂ ရက်တွင် ၉၁၉၄၀၀ ဝန်းကျင် ဖြစ်ပေါ်ခဲ့ကာ သြဂုတ် ၂၃ ရက်တွင် ၉၂၁-၉၀၀၊ သြဂုတ် ၂၄ ရက်တွင် ကျပ် ၉၂၃၃၀၀ ဖြင့် နှစ်ရက်ဆက်တိုက် စံချိန်ချိုးခဲ့ခြင်း ဖြစ်သည်။

ဇူလိုင်လဆန်းပိုင်းက ကမ္ဘာ့ရွှေဈေး ကျဆင်းခဲ့ခြင်းကြောင့် ဇူလိုင် ၃ ရက်မှစတင်ကာ ပြည်တွင်းရွှေဈေးနှုန်း ကျပ် ၉၀၀၀၀၀ အောက်သို့ရောက်ခဲ့ပြီး ဇူလိုင် ၈ ရက်မှ ၁၁ ရက်အထိ ကျပ် ၈၉၀၀၀၀ အောက်အထိ ကျဆင်းခဲ့ကာ ဇူလိုင် ၁၂ ရက်တွင် ကျပ် ၈၉၀၀၀၀ အထက် ပြန်ရောက်ခဲ့သည်။ ပြီးခဲ့သည့်လများက ရွှေဈေးကို ပြန်ကြည့်ပါက ဧပြီလအတွင်း ပြည်တွင်းရွှေဈေး အနိမ့်ဆုံးနှုန်းသည် ကျပ် ၈၉၄၇၀၀ (ဧပြီ ၃ ရက်) ဖြစ်ပြီး အမြင့်ဆုံးနှုန်းသည် ကျပ် ၉၁၁၈၀၀ (ဧပြီ ၁၈ ရက်) ဖြစ်သည်။ မေလအတွင်း ပြည်တွင်းရွှေဈေး အနိမ့်ဆုံးနှုန်းသည် ကျပ် ၈၉၁၂၀၀ (မေ ၅ ရက်) ဖြစ်ပြီး အမြင့်ဆုံးနှုန်းသည် ကျပ် ၉၁၁၀၀၀ (မေ ၁၈ ရက်) ဖြစ်ခဲ့သည်။

ပြည်တွင်းရွှေဈေးနှုန်းသည် မေ ၁၆ ရက်မှစပြီး ဇူလိုင် ၂ ရက်အထိ ကျပ် ၉၀၀၀၀၀ အထက်သို့ ရောက်ရှိခဲ့ပြီး ဇွန်လအတွင်း စံချိန်တင်ဈေးနှုန်းအဖြစ် ဇွန် ၇ ရက်က ကျပ် ၉၁၃၄၀၀ အထိမြင့်တက်ခဲ့ပြီး ယင်းစံချိန်ကို သြဂုတ် ၁၁ ရက်တွင် ကျော်လွန်ခဲ့ခြင်း ဖြစ်သည်။ ဇူလိုင်လအတွင်း ပြည်တွင်းရွှေဈေးအမြင့်ဆုံးနှုန်းမှာ ကျပ် ၉၀၇၁၀၀ (ဇူလိုင်  ၂၉ ရက်) ဖြစ်ပြီး အနိမ့်ဆုံးနှုန်းမှာ ကျပ် ၈၈၉၃၀၀ (ဇူလိုင် ၄ ရက်) ဖြစ်ကြောင်း သိရသည်။

ကမ္ဘာ့ရွှေဈေးနှုန်းကို ပြန်ကြည့်ပါက ဇွန် ၁ ရက်တွင် ၁၂၆၆ ဒေါ်လာဝန်းကျင်ရှိသော ကမ္ဘာ့ရွှေဈေးနှုန်းသည် ဇွန်လအတွင်း အမြင့်ဆုံးနှုန်းအဖြစ် ဇွန် ၆ ရက်တွင် ၁၂၉၄ ဒေါ်လာအထိ မြင့်တက်ခဲ့ပြီး ဇွန်လအတွင်း အနိမ့်ဆုံးနှုန်းအဖြစ် ဇွန် ၂၆ ရက်တွင် ၁၂၄၀ အထိ ဈေးကျဆင်းခဲ့ကာ ဇွန် ၃၀ ရက် တွင် ၁၂၄၂ ဝန်းကျင်ဖြစ်ပေါ်ခဲ့သည်။ ဇူလိုင်လ တွင်လည်း အတက်အကျများဖြစ်ပေါ်ခဲ့ပြီး ဇူလိုင်လအတွင်း အနိမ့်ဆုံးနှုန်းအဖြစ် ဇူလိုင် ၇ ရက်တွင် ၁၂၀၅ အထိ ကျဆင်းခဲ့ပြီး အမြင့်ဆုံးနှုန်းအဖြစ် ဇူလိုင် ၂၈ ရက်တွင် ၁၂၆၈ အထိ ရောက်ရှိခဲ့သည်။ ထို့နောက် သြဂုတ် ၂ ရက်တွင် ၁၂၇၁ သို့ ရောက်ခဲ့ပြီး သြဂုတ် ၄၊ ၇ ရက်တွင် ၁၂၅၈ ဝန်းကျင်အထိ ပြန်ကျခဲ့သည်။ သြဂုတ် ၈ ရက်တွင် ဒေါ်လာ ၁၂၆၀ ဝန်းကျင်သို့ ပြန်တက်ခဲ့ပြီး ယင်းနောက်ပိုင်း သြဂုတ် ၉ ရက်တွင် ၁၂၆၈၊ သြဂုတ် ၁၀ ရက်တွင် ၁၂၇၉၊ သြဂုတ် ၁၁ ရက်တွင် ၁၂၈၉ အထိ ဆက်တိုက် မြင့်တက်ခဲ့သည်။ ထို့နောက် သြဂုတ် ၁၄ ရက်တွင် ၁၂၈၁၊ သြဂုတ် ၁၅ ရက်တွင် ၁၂၇၄၊ သြဂုတ် ၁၆ ရက်တွင် ၁၂၆၉ ဝန်းကျင်သို့ ပြန်လည်ကျဆင်းပြီး သြဂုတ် ၁၇ ရက်တွင် ၁၂၈၈၊ သြဂုတ် ၁၈ ရက်တွင် ၁၂၉၈ အထိ ခုန်တက်ခဲ့ကာ သြဂုတ် ၂၁ ရက်တွင်  ၁၂၉၀၊ သြဂုတ် ၂၂ ရက်တွင် ၁၂၈၅၊ သြဂုတ် ၂၃ ရက်တွင် ၁၂၈၇၊ သြဂုတ် ၂၄ ရက်တွင် ၁၂၉၁ ဒေါ်လာအထိ မြင့်တက်ခဲ့ပြီး မွန်းလွဲပိုင်းတွင် ၁၂၈၇ ဒေါ်လာဝန်းကျင်အထိ ပြန်ကျခဲ့သည်။

ကမ္ဘာ့ရွှေဈေးနှုန်းသည် ဧပြီလမှစ၍ အတက်အဆင်းကြမ်းလျက်ရှိပြီး လတစ်လအတွင်း အမြင့်ဆုံးနှင့် အနိမ့်ဆုံးနှုန်းသည် ဒေါ်လာ ၄၀ ခန့်မှ ဒေါ်လာ ၈၀ ခန့်အထိ ကွာခြားလျက်ရှိသည်။ ပြီးခဲ့သည့်ဇွန်လအတွင်း အမြင့်ဆုံးနှုန်းနှင့် အနိမ့်ဆုံးနှုန်းကွာဟချက်သည် ဒေါ်လာ ၅၀ ကျော်ဖြစ်ပေါ်ခဲ့သည်။ ထို့အတူ ဇူလိုင်လအတွင်း အမြင့်ဆုံးနှုန်းမှာ ၁၂၆၈ ဒေါ်လာဖြစ်ပြီး အနိမ့်ဆုံးနှုန်းမှာ ၁၂၀၅ ဒေါ်လာဖြစ်ခြင်းကြောင့် ၆၃ ဒေါ်လာဝန်းကျင် ကွာဟခဲ့ကြောင်း သိရသည်။

Most Read

Most Recent