<

၂၁ ရာစုပင်လုံ တတိယအစည်းအဝေး ကျင်းပမည့်ရက်များကို သတ်မှတ်မည့် UPDJC အစည်းအဝေး ယနေ့ ပြုလုပ်မည်

နေပြည်တော်တွင် ဖေဖော်ဝါရီလအတွင်းက (၁၄) ကြိမ်မြောက် UPDJC အစည်းအဝေး ပြုလုပ်ခဲ့စဉ်

ပြည်ထောင်စုငြိမ်းချမ်းရေးညီလာခံ – ၂၁ ရာစု ပင်လုံတတိယ အစည်းအဝေး ကျင်းပမည့်ရက်များကို သတ်မှတ်မည့် ပြည်ထောင်စုငြိမ်းချမ်းရေး ဆွေးနွေးမှုပူးတွဲကော်မတီ (UPDJC) အစည်းအဝေးကို ယနေ့ (ဇွန် ၂၉) တွင် နေပြည်တော်၌ ပြုလုပ်မည်ဖြစ်သည်။

၂၁ ရာစု ပင်လုံတတိယ အစည်းအဝေးကို ဇူလိုင် ၁၁ ရက်တွင် ပြုလုပ်ရန် လျာထားသည်။

UPDJC ကို အစိုးရ၊ လွှတ်တော်နှင့် တပ်မတော်ကိုယ်စားလှယ်များ၊ တစ်နိုင်လုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသည့် တိုင်းရင်းသားလက်နက်ကိုင် အဖွဲ့အစည်းများမှ ကိုယ်စားလှယ်များနှင့် နိုင်ငံရေးပါတီများမှ ကိုယ်စားလှယ်များဖြင့် အချိုးတူ ပါဝင် ဖွဲ့စည်းထားသည်။

ပြည်ထောင်စုငြိမ်းချမ်းရေး ညီလာခံတွင် ဆွေးနွေးမည့် အကြောင်းအရာများဖြစ်သော နိုင်ငံရေး၊ လုံခြုံရေး၊ စီးပွားရေး၊ လူမှုရေးနှင့် မြေယာနှင့် သဘာဝပတ်ဝန်းကျင် ကဏ္ဍတို့ကိုအခြေခံ၍ လုပ်ငန်းကော်မတီများကို ဖွဲ့စည်းထားသည်။

အဆိုပါ လုပ်ငန်းကော်မတီများက ညီလာခံတွင် ဆွေးနွေးမည့် အကြောင်းအရာနှင့် စပ်လျဉ်း၍ ပြင်ဆင်သည့် အနေဖြင့် ဇွန် ၂၆ ရက်မှ ၂၈ ရက်အထိ အစည်းအဝေးများ ပြုလုပ်ခဲ့သည်။

“အခုဆွေးနွေးတာတွေကတော့ UPDJC ကိုတင်မယ့် အကြောင်းအရာတွေကို ကဏ္ဍငါးခုအနေနဲ့ ဆွေးနွေးတာပါ။ နိုင်ငံရေးမှာ ဆွေးနွေးတာကတော့ ပြီးခဲ့တဲ့ညီလာခံတုန်းက ဆက်လက်ဆွေးနွေးရန်ဆိုပြီး ကျန်ခဲ့တဲ့အထဲက အကြောင်းအရာနှစ်ခုကို တင်ပြဖို့ဖြစ်ပါတယ်။ အဲဒီအထဲမှာ တိုင်းရင်းသားလူနည်းစုတွေရဲ့ အခွင့်အရေးကို ကာကွယ်ခြင်းဆိုတဲ့ ခေါင်းစဉ်တစ်ခုရယ်။ ပြီးတော့ အခြေခံလူ့အခွင့်အရေးနဲ့ ကျား၊ မ တန်းတူညီမျှခြင်းဆိုတဲ့ အချက်တွေဖြစ်ပါတယ်။ ပြီးခဲ့တဲ့ ညီလာခံတုန်းက ကျန်ခဲ့တဲ့အချက်တွေပါ။ အဲဒီအတွက် တိုင်းရင်းသား လက်နက်ကိုင်အဖွဲ့ရှိတယ်။ နိုင်ငံရေးပါတီ၊ အစိုးရ၊ တပ်မတော်ဆိုပြီး အစုအဖွဲ့သုံးခုကနေ တင်ပြထားတာ ရှိပါတယ်။ UPDJC မှာ တင်ပြမှာ ဖြစ်ပါတယ်” ဟု နိုင်ငံရေးကဏ္ဍလုပ်ငန်းကော်မတီဝင် ဒေါက်တာလျန်မှုန်းဆာခေါင်းက ပြောကြားသည်။

လုံခြုံရေးကဏ္ဍတွင် တစ်ခုတည်းသော တပ်မတော်တွင် ပါဝင်သင့်ပါဝင်ထိုက်သည့် အခြေခံမူများ၊ အရည်အချင်း၊ အင်္ဂါရပ်များကို ဆွေးနွေးခဲ့သော်လည်း ထိလွယ်ရှလွယ်သည့် ကိစ္စဖြစ်သဖြင့် ယခုညီလာခံတွင် ဆုံးဖြတ်ချက်ချမည် မဟုတ်ကြောင်း လုံခြုံရေးကဏ္ဍလုပ်ငန်းကော်မတီဝင် တအာင်း (ပလောင်) အမျိုးသားပါတီမှ ဦးတာလှဖေက ပြောကြားသည်။

UPDJC အတွင်းရေးမှူးအဖွဲ့ဝင် စိုင်းကျော်ညွန့်က “UPDJC မှာ တင်ပြလိုက်လို့ ဒီကိစ္စ၊ ဒီကိစ္စတော့ဆွေးနွေးပါ။ ဒါလေးတွေကိုတော့ ခဏလေးထားလိုက်ပါ ဆိုရင်လည်း UPDJC ရဲ့ လမ်းညွှန်မှုနဲ့ ဆက်လက်လုပ်ဆောင်ရမှာပါ။ အခုဆွေးနွေးလက်စတွေရှိတယ်။ ဒါမှမဟုတ် UPDJC က ဘာများဆွေးနွေးခိုင်းမလဲတော့ မသိဘူးပေါ့။ အဲ့ဒီအပေါ် မူတည်ပြီးတော့ ကျင်းပသွားမှာဖြစ်ပါတယ်” ဟု ပြောကြားသည်။

ထိုသို့ တင်ပြမည့် စာတမ်းများ ဆွေးနွေးရန် သဘောတူခွင့်ပြုပေးပါက ဒုတိယအဆင့် အနေဖြင့် ဇူလိုင် ၄ ရက်မှ ၆ ရက်အထိ လုပ်ငန်းကော်မတီ အစည်းအဝေးများကို ပြန်လည် ပြုလုပ်မည်ဖြစ်ပြီး ရရှိသည့်အချက်များကို UPDJC သို့ ပြန်တင်ပြကာ UPDJC မှတစ်ဆင့် ပြည်ထောင်စုငြိမ်းချမ်းရေးညီလာခံသို့ တင်သွင်းသွားမည်ဖြစ်ကြောင်း သိရသည်။

၂၁ ရာစုပင်လုံ ဒုတိယအစည်းအဝေးကို ၂၀၁၇ ခုနှစ် မေလတွင်ပြုလုပ်ခဲ့ပြီး အဆိုပါ ညီလာခံတွင် ပြည်ထောင်စု သဘောတူစာချုပ် အစိတ်အပိုင်း (၁) အဖြစ် သဘောတူညီချက် ၃၇ ချက် ရရှိခဲ့သည်။

ထို့နောက် ညီလာခံအား တစ်နှစ်နှစ်ကြိမ် အနည်းဆုံးကျင်းပရန် သတ်မှတ်ချက်အရ ၂၀၁၇ ခုနှစ်နှစ်ကုန်ပိုင်းတွင် ထပ်မံပြုလုပ်ရမည်ဖြစ်သော်လည်း အကြောင်းကြောင်းကြောင့် ထပ်ကာထပ်ကာရွှေ့ဆိုင်းခဲ့ပြီး ယခုမှသာ ထပ်မံပြုလုပ်ရန် ကြိုတင်ပြင်ဆင်သည့် အစည်းအဝေးများ တရားဝင် ပြုလုပ်ခြင်း ဖြစ်သည်။

၂၁ ရာစုပင်လုံ တတိယအစည်းအဝေးတွင် ပြည်နယ်ဖွဲ့စည်းပုံအခြေခံဥပဒေကိစ္စ၊ ကိုယ်ပိုင်ပြဋ္ဌာန်းခွင့်ကိစ္စ၊ အမျိုးသားတန်းတူရေးကိစ္စနှင့် ပြည်ထောင်စုမှ ခွဲမထွက်ရဆိုသည့် အရေးကြီးသော အကြောင်းအရာများကို ဆွေးနွေးခြင်းမပြုရန် အစိုးရ၊ တပ်မတော်နှင့် တိုင်းရင်းသားလက်နက်ကိုင်အဖွဲ့များကြား သဘောထားစုစည်းမှု ရရှိထားခဲ့သည်။

သို့သော် ဒီမိုကရေစီအရေး၊ ကျား၊ မ တန်းတူရေး၊ လူနည်းစုတိုင်းရင်းသားများကိစ္စ၊ ပြည်ထောင်စုဖွဲ့စည်းပုံ အခြေခံဥပဒေခုံရုံးကိစ္စနှင့်စသည့် အကြောင်းအရာများကို ဆွေးနွေးသွားမည်ဖြစ်သည်။

ထို့ပြင် ယခင်ညီလာခံများတွင် ဆွေးနွေးခြင်းမပြုသော လုံခြုံရေးကဏ္ဍကို စတင်ဆွေးနွေးသွားမည်ဖြစ်သည်။

June 28, 2018














Copy Protected by Chetan's WP-Copyprotect.