အမျိုးသားဒီမိုကရေစီအဖွဲ့ချုပ် ဒုတိယအကြိမ် နိုင်ငံလုံးဆိုင်ရာ ပါတီညီလာခံကို ရန်ကုန်မြို့၊ မရမ်းကုန်မြို့နယ်ရှိ Myanmar Convention Center(MCC)ခန်းမတွင် ဇွန် ၂၃ ရက် နံနက်ပိုင်းမှ စတင်ကာ ကျင်းပလျက်ရှိသည်။
အဆိုပါညီလာခံသို့ တိုင်းနှင့်ပြည်နယ်အသီးသီးမှ ပါတီညီလာခံကိုယ်စားလှယ် ၁၀၀၀ ကျော် တက်ရောက်ခဲ့ကြောင်း သိရသည်။
အမျိုးသားဒီမိုကရေစီအဖွဲ့ချုပ် ဒုတိယအကြိမ်နိုင်ငံလုံးဆိုင်ရာပါတီညီလာခံတွင် အရေးကြီးသောပါတီတာဝန်များနှင့်စပ်လျဉ်းပြီး ရွေးကောက်တင်မြှောက်ခြင်းများ၊ ဆုံးဖြတ်ခြင်းများပြုလုပ်သွားမည်ဖြစ်ကြောင်း သိရသည်။