<

မြန်မာ-ဘင်္ဂလားဒေ့ရှ် နှစ်ဖက်ညှိနှိုင်း၍ ၂၀၁၈ ခုနှစ် ဖေဖော်ဝါရီမှ ဇွန် ၂၀ ရက်အထိ မြေပြင်လှည့်ကင်း ၄၇ ကြိမ်နှင့် ရေကြောင်းကင်းလှည့်ခြင်း ငါးကြိမ်ဆောင်ရွက်ခဲ့

၂၀၁၈ ခုနှစ် ဖေဖော်ဝါရီမှ ဇွန်၂၀ ရက် အထိ မြန်မာ-ဘင်္ဂလားဒေ့ရှ် နှစ်ဖက်ညှိနှိုင်း၍ မြေပြင်လှည့်ကင်း ၄၇ ကြိမ်နှင့် ရေကြောင်းကင်းလှည့်ခြင်း ငါးကြိမ်ဆောင်ရွက်ခဲ့ကြောင်း သတင်းထုတ်ပြန်ချက်အရ သိရသည်။

မြန်မာနိုင်ငံ နယ်ခြားစောင့်ရဲတပ်ဖွဲ့ဝင်များနှင့် ဘင်္ဂလားဒေ့ရ်ှနယ်ခြားစောင့်တပ်မှ လုံခြုံရေးတပ်ဖွဲ့ဝင်များသည် မိမိတို့နိုင်ငံအသီးသီးအတွင်းရှိ နယ်စပ်ခြံစည်းရိုးလမ်းအတိုင်း နှစ်နိုင်ငံနှစ်ဖက်ညှိနှိုင်း၍ မြေပြင်လှည့်ကင်းဆောင်ရွက်ခဲ့ခြင်းဖြစ်ကြောင်းလည်း သိရသည်။

ကုန်းမြေနယ်နိမိတ်တွင် နှစ်ဖက်ညှိနှိုင်းချက်အရ Coordinated Patrol ကို ၂၀၁၈ ခုနှစ် ဖေဖော်ဝါရီတွင် ၁၄ ကြိမ်၊ မတ်လတွင် ခုနစ်ကြိမ်၊ မေလတွင် ၁၆ ကြိမ်၊ ဇွန်လတွင် ၁၀ ကြိမ် စုစုပေါင်း ၄၇ ကြိမ်နှင့် ရေကြောင်း ကင်းလှည့်ခြင်းကိုလည်း နတ်မြစ်ကြောင်းအတိုင်း စုစုပေါင်း ငါးကြိမ်ဆောင်ရွက်ခဲ့ကြောင်း သိရှိရသည်။

နတ်မြစ်အတွင်း ရေကြောင်းကင်းလှည့်ခြင်းကို ဇွန် ၂၀ ရက် နံနက်ပိုင်းက ဆောင်ရွက် ခဲ့ကြောင်း သိရသည်။

အလားတူနှစ်နိုင်ငံ လုံခြုံရေးတပ်ဖွဲ့ဝင်များသည် မြေပြင်လှည့်ကင်းဆောင်ရွက်ခြင်းကို ဇွန် ၁၃ ရက်၊ နံနက် ၁၀ နာရီ ၁၅ မိနစ်မှ မွန်းလွဲ ၁၂ နာရီမိနစ် ၂၀ အထိ နယ်ခြားမှတ်တိုင် ၄၄ မှ ၄၅ အထိလည်းကောင်း၊ နံနက် ၉ နာရီ ၅၅ မိနစ်မှ ၁၁ နာရီ ၁၅ မိနစ်အထိ နယ်ခြားမှတ်တိုင် ၃၄ မှ ၃၆ အထိလည်း ကောင်း၊ ဇွန် ၁၄ ရက် နံနက် ၈ နာရီမှ ၁၁ နာရီမိနစ် ၅၀ အထိ နယ်ခြားမှတ်တိုင် ၄၅ မှ ၄၆ အထိလည်းကောင်း၊ ဇွန် ၁၈ ရက်၊ နံနက် ၉ နာရီမှ မွန်းတည့် ၁၂ နာရီအထိ နယ်ခြား မှတ်တိုင် ၃၆ မှ ၃၈ အထိလည်းကောင်း၊ ဇွန် ၂၀ ရက် နံနက် ၈ နာရီခွဲမှ မွန်းလွဲ ၁၂ နာရီ ၄၅ မိနစ်အထိ နယ်ခြားမှတ်တိုင် ၄၆ မှ ၄၇ အထိလည်းကောင်း၊ နံနက် ၉ နာရီမှ မွန်း တည့် ၁၂ နာရီ အထိ နယ်ခြားမှတ်တိုင် ၃၈ မှ ၃၉ အထိလည်းကောင်း၊ ဇွန်၂၁ ရက်တွင် နယ်ခြားမှတ်တိုင် ၄၇ မှ ၄၈ အထိလည်းကောင်း  ဆောင်ရွက်ခဲ့ကြသည်။

June 22, 2018














Copy Protected by Chetan's WP-Copyprotect.