မြန်မာနိုင်ငံ၏ ဆောင်ရွက်ချက်များသည် သမာသမတ်ကျခြင်း သို့မဟုတ် ယုံကြည်ရခြင်းမရှိဟု ကုလသမဂ္ဂ လူ့အခွင့်အရေးကောင်စီ ပြောကြား

မြန်မာနိုင်ငံ၏ ဆောင်ရွက်ချက်များသည် သမာသမတ်ကျခြင်း သို့မဟုတ် ယုံကြည်ရခြင်းမရှိဟု ကုလသမဂ္ဂ လူ့အခွင့်အရေးကောင်စီ ပြောကြား
Published 19 June 2018

မြန်မာနိုင်ငံသည် ဘင်္ဂါလီမွတ်စလင်များ (မူရင်း၌ ရိုဟင်ဂျာဟုဖော်ပြ) အပေါ် နှိပ်ကွပ်မှုများအပါအဝင် နိုင်ငံတစ်လျှောက် ဖြစ်ပွားခဲ့သည့် ပဋိပက္ခများတွင် ပါဝင်ကြိုးကိုင်ခဲ့သည်ဟု စွပ်စွဲခံထားရသူများကို တရား စွဲဆိုရန်နှင့် စွပ်စွဲမှုများကို စုံစမ်းစစ်ဆေးရန် အာမခံထားသော်လည်း ယုံကြည်ရမှု သို့မဟုတ် သမာသမတ်ကျမှုနှင့် ပတ်သက်၍ အနိမ့်ဆုံးစံနှုန်းများနှင့်ပင် ကိုက်ညီရန် ပျက်ကွက်ခဲ့သည်ဟု ကုလသမဂ္ဂ လူ့အခွင့်အရေး ကောင်စီက ဇွန် ၁၈ ရက်တွင် ပြောကြားခဲ့သည်။

“ဝင်ရောက်ခွင့်ကို အဆက်မပြတ် ငြင်းဆိုမှုတွေကြောင့် OHCHR၊ မြန်မာနိုင်ငံဆိုင်ရာ အထူးကိုယ်စားလှယ်နဲ့ အချက်အလက် ရှာဖွေရေး မစ်ရှင်အဖွဲ့တွေက အဝေးရောက် စောင့်ကြည့်ခြင်းကိုသာ ဆောင်ရွက်ခဲ့ရပါတယ်” ဟု ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးက ဇိရာအက်ဟူစိန်က ၃၈ ကြိမ်မြောက် လူ့အခွင့်အရေးကောင်စီ အစည်းအဝေး အဖွင့်မိန့်ခွန်းနှင့် လူ့အခွင့်အရေးဆိုင်ရာ ကမ္ဘာ့နောက်ဆုံးအနေအထား အစီရင်ခံမှု၌ ပြောကြားခဲ့သည်။

ကုလသမဂ္ဂ လူ့အခွင့်အရေးကောင်စီသည် ဒုက္ခသည်များအား မြန်မာနိုင်ငံက ပြန်လည်လက်ခံစဉ်အတွင်း လက်တွေ့ မြေပြင်၌ လူ့အခွင့်အရေးဆိုင်ရာ အနေအထားအား စောင့်ကြည့်ရန်လိုအပ်ကြောင်း အထူးပြုပြောကြားခဲ့သည်။

“နားလည်မှုစာချွန်လွှာပါ စာသားအရ မြန်မာအစိုးရဟာ ဘင်္ဂလားဒေ့ရှ်ကနေ ဒုက္ခသည်တွေ ပြန်လည်လက်ခံရေးအတွက် UNDP ၊ UNHCR တို့နဲ့ သဘောတူထားပါတယ်။ သက်ဆိုင်ရာ နယ်မြေတွေက လက်တွေ့မြေပြင်မှာ လူ့အခွင့်အရေးကိစ္စကို စဉ်ဆက်မပြတ် စောင့်ကြည့်နေတာတွေ မရှိဘဲ ပြန်လည်လက်ခံတာတွေကို မလုပ်သင့်ဘူးလို့ ကျွန်တော် ထပ်လောင်းပြောကြားလိုပါတယ်” ဟု ဇိရာအက်အယ်ဟူစိန်က ပြောကြားခဲ့သည်။

Ref ; The Daily Star

Most Read

Most Recent