<

ကြားကာလခြောက်လအတွင်း နိုင်ငံခြားရင်းနှီးမြှုပ်နှံမှုပမာဏ ဒေါ်လာသုံးဘီလျံရရှိရန် မျှော်မှန်းထားပြီး လက်ရှိအချိန်တွင် စက်မှုကဏ္ဍ၌ ရင်းနှီးမြှုပ်နှံမှု အများဆုံး ၀င်ရောက်လျက်ရှိ

နိုင်ငံခြား ရင်းနှီးမြှုပ်နှံမှုဖြင့် လုပ်ကိုင်နေသည့် ကုန်ထုတ်လုပ်မှု လုပ်ငန်းခွင်တစ်ခုကို တွေ့ရစဉ် (ဓာတ်ပုံ-မင်းသီဟဇော်)

၂၀၁၈ ခုနှစ် ဧပြီမှ စက်တင်ဘာလအထိ ကြားကာလခြောက်လအတွင်း မြန်မာနိုင်ငံအတွင်းသို့ နိုင်ငံခြား ရင်းနှီးမြှုပ်နှံမှုပမာဏ ဒေါ်လာသုံးဘီလျံရရှိရန် မျှော်မှန်းထားပြီး လက်ရှိအချိန်တွင် စက်မှုကဏ္ဍ၌ ရင်းနှီးမြှုပ်နှံမှု အများဆုံး ၀င်ရောက်လျက်ရှိကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ သိရသည်။

မြန်မာနိုင်ငံ၏ နှစ်ရှည်ရင်းနှီးမြှုပ်နှံမှု စီမံကိန်းအရ ဘဏ္ဍာနှစ်တစ်နှစ်အတွင်း နိုင်ငံခြားရင်းနှီးမြှုပ်နှံမှု ခြောက်ဘီလျံအထိရရှိရန် လျာထားကြောင်းနှင့် လက်ရှိကာလသည် ကြားကာလခြောက်လဖြစ်သည့်အတွက် သုံးဘီလျံရရှိရန် မျှော်မှန်းထားခြင်းဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ဒုတိယညွှန်ကြားရေးမှူးချုပ် ဦးသန်းအောင်ကျော်က ပြောကြားသည်။

၂၀၁၈ ခုနှစ် ဧပြီမှ စက်တင်ဘာလအထိ ကြားကာလခြောက်လအတွင်း ရင်းနှီးမြှုပ်နှံမှုများ ခွင့်ပြုပေးလျက်ရှိရာတွင် ဧပြီနှင့် မေ နှစ်လအတွင်း သီလ၀ါအထူးစီးပွားရေးဇုန်တွင် ၀င်ရောက်ရင်းနှီးမြှုပ်နှံမှု၊ ရင်းနှီးမြှုပ်နှံမှု တိုးမြှင့်ခြင်း အပါအ၀င် နိုင်ငံခြား ရင်းနှီးမြှုပ်နှံမှုပမာဏ ဒေါ်လာ ၁၉၃ ဒသမ ၃၅၆ သန်းအထိ ၀င်ရောက်မြှုပ်နှံထားကြောင်း မြန်မာနိုင်ငံ ရင်းနှီးမြှုပ်နှံမှုကော်မရှင်၊ သတင်းထုတ်ပြန်ချက် အမှတ်စဉ်(၇/ ၂၀၁၈)အရ သိရသည်။

၂၀၁၈ခုနှစ် ဧပြီလမှ စက်တင်ဘာလ ခြောက်လအတွင်း မေလအထိ နိုင်ငံခြားရင်းနှီးမြှုပ်နှံမှု ခွင့်ပြု/အတည်ပြုပေးခဲ့မှုမှာ နိုင်ငံခြားရင်းနှီးမြှုပ်နှံမှုလုပ်ငန်း ၁၅ ခု၊ ရင်းနှီးမြှုပ်နှံမှု ပမာဏ ဒေါ်လာ ၉၇ ဒသမ ၁၃၆ သန်းဖြစ်ကြောင်း ဖြစ်သည်။ ရင်းနှီးမြှုပ်နှံမှု တိုးမြှင့်ခြင်း အပါအ၀င် စုစုပေါင်း ရင်းနှီးမြှုပ်နှံမှုပမာဏ ဒေါ်လာ ၁၄၈ ဒသမ ၀၅၆ သန်းဖြစ်ကြောင်း သိရသည်။

အထူးစီးပွားရေးဇုန်ဥပဒေအရ သီလ၀ါအထူးစီးပွားရေးဇုန်တွင် ရင်းနှီးမြှုပ်နှံမှု ပမာဏ ဒေါ်လာ ၄၅ ဒသမ ၃၀၀ သန်း ခွင့်ပြုပေးခဲ့ကြောင်း သိရသည်။

၂၀၁၇-၂၀၁၈ ဘဏ္ဍာနှစ်အတွင်း နိုင်ငံခြားရင်းနှီးမြှုပ်နှံမှု အနေဖြင့် ခွင့်ပြုနိုင်ခဲ့မှု အခြေအနေမှာ ကာလရှည်နိုင်ငံခြား ရင်းနှီးမြှုပ်နှံမှု တိုးမြှင့်ရေးစီမံချက် (FDIPP) ၏ ကာလလတ် ငါးနှစ်စီမံကိန်းလျာထားချက်အား ကျော်လွန်၍ သီလ၀ါအထူးစီးပွားရေးဇုန်မှ ခွင့်ပြုမှု အပါအ၀င် နိုင်ငံခြား ရင်းနှီးမြှုပ်နှံမှုပမာဏ ဒေါ်လာ ၆ ဒသမ ၁ ဘီလျံကျော်အထိလည်းကောင်း ၀င်ရောက်ခြင်း ဖြစ်သည်။

၂၀၁၇-၂၀၁၈ ဘဏ္ဍာနှစ်အတွင်း နိုင်ငံခြားရင်းနှီးမြှုပ်နှံမှု လုပ်ငန်းများ ခွင့်ပြုရာ၌ နိုင်ငံ၏ စီးပွားရေးမူဝါဒ၊ ရင်းနှီးမြှုပ်နှံမှုမူဝါဒနှင့် ရင်းနှီးမြှုပ်နှံမှုဦးစားပေးကဏ္ဍ သတ်မှတ်ချက်များနှင့်အညီ ဆောင်ရွက်နိုင်ခဲ့မှုကြောင့် စက်မှုကဏ္ဍတွင် ၃၁ ရာခိုင်နှုန်းဖြင့် အများဆုံး၊ အိမ်ရာအဆောက်အအုံ တည်ဆောက်မှုကဏ္ဍတွင် ၂၂ ဒသမ ၀၇ ရာခိုင်နှုန်းဖြင့် ဒုတိယအများဆုံး၊ အခြားဝန်ဆောင်မှုကဏ္ဍတွင် ၁၇ ဒသမ ၅၆ ရာခိုင်နှုန်းဖြင့် တတိယ အများဆုံး၊ ပို့ဆောင်ရေးနှင့် ဆက်သွယ်ရေးကဏ္ဍတွင် ၁၅ ဒသမ ၇၇ ရာခိုင်နှုန်းဖြင့် စတုတ္တ အများဆုံးနှင့် လျှပ်စစ်ဓာတ်အားကဏ္ဍတွင် ၇ ဒသမ ၁၀ ရာခိုင်နှုန်းဖြင့် ပဉ္စမ အများဆုံးဖြစ်ကြောင်း သိရသည်။

ရန်ကုန်တိုင်းဒေသကြီးသည် စီးပွားရေးလုပ်ငန်းများ အများဆုံးတည်ရှိရာဒေသဖြစ်သည့်အလျောက် မြန်မာနိုင်ငံစီးပွားရေး ဖွံ့ဖြိုးတိုးတက်မှုအတွက် အဓိကကျကြောင်း၊ ရန်ကုန်မြို့သည် ယခင်က မြန်မာနိုင်ငံ၏ မြို့တော်ဖြစ်သည့်အလျောက် တစ်ဦးချင်း ၀င်ငွေအများရရှိသည့် နေရာဖြစ်ကြောင်း၊ ကမ်းရိုးတန်းဒေသများနှင့် မြစ်ကြောင်းကူးသန်းရောင်းဝယ်ရေး၊ အပြည်ပြည်ဆိုင်ရာ ကုန်သွယ်မှုအတွက် အချက်အချာကျသည့်နေရာကို ပိုင်ဆိုင်ထားကြောင်း သိရသည်။

June 6, 2018














Copy Protected by Chetan's WP-Copyprotect.