<

အိန္ဒိယသို့ မတ်ပဲ၊ ပဲတီစိမ်းနှင့် ပဲစင်းငုံတင်သွင်းရာတွင် လိုက်နာရမည့် လုပ်ထုံးလုပ်နည်းများ ထုတ်ပြန်ထားရာ မြန်မာနိုင်ငံမှ ပဲတင်သွင်းခွင့်ရသူ တစ်ဦးချင်းစီရရှိမည့် ကိုယ်တာခွဲတမ်းများကို ဇွန် ၁ ရက်တွင် ထုတ်ပြန်မည်ဖြစ်ပြီး သြဂုတ် ၃၁ ရက်အတွင်း အပြီးတင်သွင်းရမည်ဟု သိရ

ပဲခူးတိုင်းဒေသကြီးအတွင်းရှိ ပဲခင်းတစ်ခုတွင် ပဲတောင်သူများလုပ်ငန်းခွင်ဝင်နေသည်ကို တွေ့ရစဉ် (ဓာတ်ပုံ-မောင်အေး)

အိန္ဒိယနိုင်ငံသို့ မတ်ပဲ၊ ပဲတီစိမ်းနှင့် ပဲစင်းငုံများ တင်သွင်းရာတွင်  လိုက်နာရမည့် လုပ်ထုံးလုပ်နည်းများ ထုတ်ပြန်ထားရာ မြန်မာနိုင်ငံမှ ပဲတင်သွင်းခွင့်ရသူ တစ်ဦးချင်းစီ ရရှိမည့် ကိုတာခွဲတမ်းများကို ၂၀၁၈ ခုနှစ် ဇွန် ၁ ရက်တွင် ထုတ်ပြန်ပေးမည်ဖြစ်ပြီး သြဂုတ် ၃၁ရက်အတွင်း အပြီးတင်သွင်းရမည် ဖြစ်ကြောင်း စီးပွားရေးနှင့် ကူးသန်းရောင်း ၀ယ်ရေးဝန်ကြီးဌာနမှ ထုတ်ပြန်ချက်အရ သိရသည်။

အိန္ဒိယအစိုးရအနေဖြင့်၂၀၁၈ ခုနှစ် မေ ၄ ရက်နေ့စွဲပါ အမိန့်ကြေညာစာအမှတ် ၀၆/ ၂၀၁၅-၂၀၂၀ ထုတ်ပြန်၍ မတ်ပဲနှင့် ပဲတီစိမ်း (H.S Code 07133100) ၊  မတ်ပဲနှင့် ပဲတီစိမ်းခွဲခြမ်းနှင့် အခြားထုတ်ကုန်ပုံစံများ (H.S Code 07139010 နှင့်  07139090 ) တို့အား ၂၀၁၈-၂၀၁၉ ဘဏ္ဍာနှစ်အတွက် တန်ချိန်သုံးသိန်း (မတ်ပဲတန်ချိန် တစ်သိန်းခွဲနှင့် ပဲတီစိမ်းတန်ချိန် တစ်သိန်းခွဲစီ) အရေအတွက်ကန့်သတ် တင်သွင်းခွင့်ပြုကြောင်းနှင့် အဆိုပါကန့်သတ်ချက်တွင် နှစ်နိုင်ငံနှင့် ဒေသတွင်းသဘောတူညီချက်များနှင့် နားလည်မှုစာချွန်လွှာများအရ အစိုးရ၏ ကတိက၀တ်ဖြင့် ၀ယ်ယူမှုများ အကျုံးမ၀င်ကြောင်း ဖော်ပြထားသည်ကို တွေ့ရှိရ ကြောင်း ထုတ်ပြန်ထားသည်။

ဆက်လက်၍ အိန္ဒိယအစိုးရသည် မေ ၁၁ ရက်စွဲပါ  Trade Notice No . 6 / 2018 – 2019 ထုတ်ပြန်ကြေညာ၍ ၂၀၁၈-၂၀၁၉ ဘဏ္ဍာနှစ်အတွင်း EXIM Codes 07133100 ၊ 07136000 ၊ 07139010 နှင့် 07139010 တို့အောက်ရှိ ပဲစင်းငုံတန်ချိန် နှစ်သိန်း၊ မတ်ပဲ တန်ချိန် ၁ ဒသမ ၅ သိန်းနှင့် ပဲတီစိမ်းတန်ချိန် ၁ ဒသမ ၅ သိန်းတို့အား တင်သွင်းခွင့်ပြုမည်ဖြစ်ကြောင်း သိရသည်။

အဆိုပါပဲများကို တင်သွင်းလိုသည့် စက်ပိုင်ရှင်များ၊ ပဲသန့်စင်လုပ်ငန်းရှင်များမှ လျှောက်လွှာများကို ဒေသအာဏာပိုင်များအပြင် Directorate General of Foreign Trade (DGFT) သို့ အီးမေးလ်ဖြင့် လျှောက်ထားနိုင်ကြောင်း သိရသည်။

လျှောက်လွှာများကို ၂၀၁၈ ခုနှစ်၊ မေ ၁၂ ရက်မှ၂၅ ရက်အတွင်း (ည ၆ နာရီအထိ) လက်ခံမည်ဖြစ်ပြီး လျှောက်ထားသူ တစ်ဦးချင်းစီရရှိမည့် ကိုယ်တာခွဲတမ်းကို ၂၀၁၈ ခုနှစ် ဇွန် ၁ ရက်တွင် ထုတ်ပြန်ကြေညာပေးမည်ဖြစ်ကြောင်းနှင့် ယင်းကိုယ်တာခွဲတမ်းများကို ၂၀၁၈ ခုနှစ် သြဂုတ် ၃၁ ရက်အတွင်း အပြီးတင်သွင်းရမည်ဖြစ်ကြောင်း သိရသည်။

သို့ဖြစ်ရာ မြန်မာနိုင်ငံမှ ပဲတင်ပို့လိုသည့် ကုန်သည်လုပ်ငန်းရှင်များအနေဖြင့် အိန္ဒိယနိုင်ငံမှ ပဲတင်သွင်းသူများအား အိန္ဒိယနိုင်ငံ၊ Directorate General of Foreign Trade (DGFT)  သို့  Trade Notice  တွင် ပါရှိသည့် လုပ်ထုံးလုပ်နည်းများအတိုင်း လျှောက်လွှာများ တင်သွင်းသွားရန် ချိတ်ဆက်ဆောင်ရွက်နိုင်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

အိန္ဒိယနိုင်ငံမှ ပဲတင်သွင်းခွင့်ပြုပြီးနောက် ပြည်တွင်းဈေးကွက်အတွင်း ပဲဈေးပြန်တက်လာခဲ့ရာ မေ၂ ရက်က မတ်ပဲ FAQ တစ်တန်လျှင် ကျပ် ၃၈၇၀၀၀၊ မတ်ပဲ SQ တစ်တန်လျှင် ကျပ် ၅၂၅၀၀၀၊ မေ၂၃ ရက်က မတ်ပဲ FAQ တစ်တန်လျှင် ကျပ် ၄၉၀၀၀၀၊ မတ်ပဲ SQ တစ်တန်လျှင် ကျပ် ၆၂၀၀၀၀ အထိ ပေါက်ဈေးရှိနေကြောင်း ဘုရင့်နောင်ကုန်စည်ဒိုင်မှ ထုတ်ပြန်ချက်များအရ သိရသည်။

May 23, 2018














Copy Protected by Chetan's WP-Copyprotect.