<

စစ်ကိုင်းမြို့၊ ရတနာပုံတံတားနှင့် ရွှေတောင်ဦးမော်ဘုရားကြား မြေ ၁၅ ဧကကျော်ပေါ်တွင် ပြည်တွင်း၊ ပြည်ပ ခရီးသွားသင်္ဘောများ ဆိုက်ကပ်နိုင်သော ဆိပ်ကမ်းနှင့် ဒုတိယကမ္ဘာစစ် အထိမ်းအမှတ် ပြတိုက်တစ်ခု တည်ဆောက်သွားမည်

ပြည်တွင်း၊ ပြည်ပ ခရီးသွားသင်္ဘောများ ဆိုက်ကပ်နိုင်သော ဆိပ်ကမ်းနှင့် ဒုတိယကမ္ဘာစစ် အထိမ်းအမှတ် ပြတိုက်တစ်ခု တည်ဆောက်သွားမည့် စစ်ကိုင်းမြို့၊ ရတနာပုံတံတားနှင့် ရွှေတောင်ဦးမော်ဘုရားကြား မြေနေရာကို တွေ့ရစဉ်

စစ်ကိုင်းတိုင်းဒေသကြီး အစိုးရအဖွဲ့က တိုင်းဒေသကြီးအတွင်း ခရီးသွားလုပ်ငန်း ဖွံ့ဖြိုးတိုးတက် လာစေရန်အတွက် စစ်ကိုင်းမြို့ သစ်ဆိပ်ကွင်းကို ပြည်တွင်း၊ ပြည်ပ ခရီးသွားသင်္ဘောများ ဆိုက်ကပ်နိုင်သော ဆိပ်ကမ်းနှင့် ဒုတိယကမ္ဘာစစ် အထိမ်းအမှတ် ပြတိုက်နှင့် Information Center များကို ဟိုတယ်နှင့် ခရီးသွားလာရေး ၀န်ကြီးဌာနနှင့် ပူးပေါင်း ၍ စီစဉ်ဆောင်ရွက်ခြင်းဖြစ်ကြောင်း စစ်ကိုင်းမြို့နယ် စည်ပင်သာယာရေး ကော်မတီထံမှ သိရသည်။

“ရတနာပုံတံတားနဲ့ ရွှေတောင်ဦးမော် ဘုရားကြားက သစ်ဆိပ်ကွင်းနေရာက မြန်မာ့မီးရထားပိုင်မြေပါ။ ဖောင်ဖွဲ့ရေးက အဲဒီမြေနေရာကို ငှားပြီး သစ်ဆိပ်ကွင်း လုပ်ထားတာပါ။ အရင်ကသစ်တွဲတွေ ပြေးဆွဲပေမဲ့ ခုရထား ပြေးဆွဲခြင်း မရှိတော့ဘူး။ ၀န်ကြီးချုပ်က ကွင်းဆင်းကြည့်ရှုပြီး ဒီနေရာကို Inromationg Center၊ ဆိပ်ကမ်းနဲ့ ဒုတိယကမ္ဘာစစ် ပြတိုက်တည်ဆောက်ဖို့ စီစဉ်ခဲ့တာပါ။ ခုဆိပ်ကမ်း လုပ်မဲ့နေရာက ကနောင်မင်းသားကြီး သံချက်ဖိုနဲ့ တွဲလျက်ဖြစ်နေတော့ ရှေးဟောင်းယဉ်ကျေးမှု ထိန်းသိမ်းတဲ့ သဘောလည်း ပါတာပေါ့၊ ဆိပ်ကမ်း၊ ပြတိုက်သင်္ဘော ဆိုက်မယ်။ သင်္ဘောဆိုက်ပြီးတာနဲ့ နိုင်ငံခြားသား ခရီးသွားတွေက ကနောင်မင်းသားကြီး သံချပ်ဖို၊ အစေခံ ခံတပ်တို့သွားမယ်။ အဲဒီကနေ တောက်လျှောက်ခရီးစဉ်ကို စီစဉ်ရသွားမှာပါ။ တိုင်းဒေသကြီး အစိုးရအဖွဲ့က ဒီမြေနေရာကို လွှဲပြောင်းပေးဖို့ ပို့ဆောင်ရေး ၀န်ကြီးဌာနဆီ တင်ပြထားပြီး ခွင့်ပြုချက်ရပြီလို့လည်း သိရပါတယ်။ ဒီနှစ်ထဲမှာပဲ စီမံကိန်းကို စတင်လုပ်ဆောင်သွားမှာပါ” ဟု စစ်ကိုင်းမြို့နယ် စည်ပင်သာယာရေး ကော်မတီဥက္ကဋ္ဌ ဦးဝင်းနိုင်က ပြောကြားသည်။

ဟိုတယ်နှင့် ခရီးသွားလာရေး ၀န်ကြီးဌာန၊ ပြည်ထောင်စုဝန်ကြီး ဦးအုန်းမောင်နှင့် စစ်ကိုင်းတိုင်းဒေသကြီး အစိုးရအဖွဲ့ ၀န်ကြီးချုပ် ဒေါက်တာမြင့်နိုင်၊ အစိုးရ အဖွဲ့ဝင်များသည် စစ်ကိုင်းတိုင်းဒေသကြီး၏ ခရီးသွားလုပ်ငန်းကဏ္ဍ ဖွံ့ဖြိုးတိုးတက်မှုနှင့် ခရီးစဉ်ဒေသများကို ကြည့်ရှုလေ့လာရန်အတွက် ယခုနှစ် မတ် ၇ ရက်က စစ်ကိုင်းမြို့သို့ ရောက်ရှိပြီး ကနောင်မင်းသားကြီး၏ သံရည်ကျိုစက်ရုံ (သံချက်ဖို) များနှင့် အစေခံတပ်သို့ သွားရောက် ကြည့်ရှုခဲ့ပြီး တာဝန်ရှိသူများနှင့် တွေ့ဆုံ၍ ခရီးစဉ်ဒေသအသစ်များ ဖော်ထုတ်ရေးဆိုင်ရာ ကိစ္စရပ်များကို ဆွေးနွေးခဲ့ပြီး ဆိပ်ကမ်းသစ်တစ်ခု ဖော်ဆောင်ရန် စီစဉ်ဆောင်ရွက်ခဲ့ခြင်း ဖြစ်ကြောင်း သိရှိရပါသည်။

စစ်ကိုင်းမြို့တွင် ပြည်တွင်း၊ ပြည်ပ ခရီးသွား သင်္ဘောများ ဆိုက်ကပ်သည့်ဆိပ်ကမ်း သတ်သတ်မှတ်မှတ် မရှိခြင်းကြောင့် ခရီးသွား သင်္ဘောများသည် စစ်ကိုင်းမြို့ ဧရာဝတီ မြစ်ကမ်းတစ်လျှောက် ဆိုက်ကပ်နေရကြောင်း၊ စစ်ကိုင်းတိုင်းဒေသကြီး၏ ၀င်ပေါက်ထွက်ပေါက်မြို့တွင် Information Center တစ်ခုရှိသင့်ကြောင်းနှင့် ယခုသစ်ဆိပ်ကွင်း နေရာတွင် ပြုလုပ်မည့် ဆိပ်ကမ်းသစ် စီမံကိန်းသည် ရှုခင်းသာယာခြင်း၊ အချက်အချာကျသောနေရာ ဖြစ်ခြင်းကြောင့် စီမံကိန်းပြုလုပ်ရခြင်း ဖြစ်ကြောင်းသိရပြီး သစ်ဆိပ်အား အခြားတစ်နေရာသို့ ပြောင်းရွှေ့ပြုလုပ်သွားမည် ဖြစ်ကြောင်း သိရသည်။

စစ်ကိုင်းတိုင်းဒေသကြီးအတွင်း ခရီးသွားလုပ်ငန်း ဖွံ့ဖြိုးတိုးတက်လာစေရန်အတွက် စစ်ကိုင်းမြို့ရှိ ရှေးဟောင်း အဆောက်အအုံများဖြစ်သည့် ကနောင်သံရည်ကျိုစက်ရုံ (သံချက်ဖို)၊ အစေခံတပ်တို့ကို လက်ရှိတွင် တိုင်းဒေသကြီး အစိုးရအဖွဲ့၏ ခွင့်ပြုရန်ပုံငွေဖြင့် စစ်ကိုင်းမြို့နယ် စည်ပင်သာယာရေး ကော်မတီက ရှေးမူမပျက်ပြုပြင်ဆောင်ရွက် လျက်ရှိကြောင်းသိရပြီး ကနောင်မင်းသား ကြီးသံချက်ဖိုအား ရှေးမူမပျက် ပြန်လည်ထိန်းသိမ်းခြင်းလုပ်ငန်း ပြီးစီးခဲ့ပြီဖြစ်ကြောင်း သိရသည်။

 

May 4, 2018














Copy Protected by Chetan's WP-Copyprotect.