<

(၁၅) ကြိမ်မြောက် ကျပ် ၅၀၀ တန် အောင်ဘာလေထီတွင် အက္ခရာအလုံးရေ အနည်းငယ်တိုးမြှင့်ထားပြီး အက္ခရာ ၄၅ လုံး ခွဲဝေရောင်းချမည်

(၁၅) ကြိမ်မြောက် ကျပ် ၅၀၀ တန် အောင်ဘာလေထီတွင် အက္ခရာ အလုံးရေကို အနည်းငယ် ပြန်လည်တိုးမြှင့်ထားပြီး ‘က’ အက္ခရာမှ ‘ကဌ’ အက္ခရာအထိ အက္ခရာ အလုံးရေ ၄၅ လုံး ခွဲဝေရောင်းချပေးသွားမည်ဖြစ်ကြောင်း အောင်ဘာလေသိန်းဆုဌာနခွဲမှ သိရသည်။

၂၀၁၈ ခုနှစ် မေလ ၁ လရက်တွင် ဖွင့်လှစ်ခဲ့သည့် (၁၄) ကြိမ်မြောက် ကျပ် ၅၀၀ တန်အောင်ဘာလေထီတွင် ‘က’ အက္ခရာမှ ‘ကည’ အက္ခရာအထိ အက္ခရာ ၄၃ လုံး ရောင်းချပေးခဲ့ပြီး ဆုမဲပေါင်း ၁၂၄၁၅၈ ဆု ဖွင့်လှစ်ပေးခဲ့ကြောင်း သိရသည်။

ဧပြီလမှာ သင်္ကြန်ကာလဖြစ်ပြီး ထီရောင်းအား ကျဆင်းတတ်သောကာလဖြစ်သောကြောင့် ယခင်လများက အက္ခရာ ၄၇ လုံး ဆက်တိုက်ရောင်းချပေးခဲ့သော်လည်း ဧပြီလတွင် အက္ခရာအလုံးရေ လျှော့ချရောင်းချခဲ့ကြောင်း သိရသည်။

ထို့ကြောင့် ဆုမဲအရေအတွက်မှာလည်း ယခင်လများထက် အနည်းငယ်လျော့နည်းခဲ့ပြီး ကျပ်သိန်းတစ်သောင်းဆုတစ်ဆု၊ ကျပ်သိန်းငါးထောင်ဆု နှစ်ဆု၊ ကျပ်သိန်းသုံး ထောင်ဆုနှစ်ဆု၊ ကျပ်သိန်းတစ်ထောင်ဆု သုံးဆု၊ ကျပ်သိန်း ၅၀၀ ဆု ငါးဆု၊ ကျပ်သိန်း ၃၀၀ ဆု ခုနစ်ဆု၊ ကျပ်သိန်း ၁၀၀ ဆု ရှစ်ဆု နှင့် ကျပ်သိန်း ၅၀ ဆု ကိုးဆုစသည်ဖြင့် ဖွင့်လှစ်ပေးခဲ့ပြီး ဆုကြီးအချို့အပါအ၀င် ဆုအရေ အတွက်ကို အနည်းငယ်လျှော့ချခဲ့သည်။

အက္ခရာ ၄၇ လုံးရောင်းချပေးစဉ်က ဆုမဲပေါင်း ၁၂၄၂၀၄ ဆု ဖွင့်လှစ်ပေးခဲ့ပြီး ကျပ်သိန်းတစ်သောင်း ဆုတစ်ဆု၊ ကျပ်သိန်း ၅၀၀၀ ဆုနှစ်ဆုနှင့် ကျပ်သိန်းသုံးထောင်ဆု သုံးဆု၊ ကျပ်သိန်းတစ်ထောင်ဆုမှာ ခြောက်ဆု၊ ကျပ်သိန်း ၅၀၀ ဆုမှာ ရှစ်ဆု၊ ကျပ်သိန်း ၃၀၀ ဆုမှာ ၁၁ ဆု စသည်ဖြင့် ဖွင့်လှစ်ပေးခဲ့ကြောင်း သိရသည်။

(၁၄) ကြိမ်မြောက် ကျပ် ၅၀၀ အောင်ဘာလေထီဖွင့်ပွဲတွင် ကျပ်သိန်းတစ်သောင်းဆုကို ကရင်ပြည်နယ်၊ ဘားအံမြို့ရှိ ထီဆိုင်တစ်ခုမှဆွတ်ခူးခဲ့ကြောင်း သိရသည်။ ကံထူးရှင်မှာ ရန်ကုန်မြို့မှ အလုပ်ကိစ္စဖြင့် သွားရောက်နေထိုင်လုပ်ကိုင်နေသည့် ဇနီးမောင်နှံဖြစ်ကြောင်း သိရသည်။

May 2, 2018














Copy Protected by Chetan's WP-Copyprotect.