<

လုံးခင်း၊ ဖားကန့်၊ မိုးကုတ်၊ ခန္တီး၊ မိုင်းရှူးနှင့် မော်လူး၊ မော်ဟန် ရတနာနယ်မြေများရှိ လုပ်ကွက် ၇၀၀ နီးပါး သက်တမ်းကုန်ဆုံး

လုံးခင်းဒေသရှိ ကျောက်စိမ်းကျောက်မျက် လုပ်ကွက်တစ်ခုအား တွေ့ရစဉ် (ဓာတ်ပုံ-အောင်ဟိန်းမင်း)

လုံးခင်း၊ ဖားကန့်၊ မိုးကုတ်၊ ခန္တီး၊ မိုင်းရှူးနှင့် မော်လူး၊ မော်ဟန် ရတနာနယ်မြေများရှိ ကျောက်မျက်တူးဖော်ရေးလုပ်ကွက် ၇၀၀ နီး ပါးမှာ ယခုလတွင် သက်တမ်းကုန်ဆုံးကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေး ၀န်ကြီးဌာနက ထုတ်ပြန်ခဲ့ကြောင်း သိရသည်။

မေတွင် လုံးခင်း၊ ဖားကန့် ရတနာနယ်မြေ၌ လုပ်ကွက် ၂၄၉ ခု၊ မိုင်းရှူးရတနာနယ်မြေတွင် လုပ်ကွက် ၁၄ ခု၊ မိုးကုတ်ရတနာနယ်မြေတွင် လုပ်ကွက် ၂၇၃ ခု၊ ခန္တီး ရတနာနယ်မြေတွင် လုပ်ကွက် ၁၇ ခု၊ မော်လူး၊ မော်ဟန်ရတနာနယ်မြေရှိ လုပ်ကွက် ၁၄၅ ခုတို့မှာ သက်တမ်းကုန်ဆုံးကြောင်း ထုတ်ပြန်ခဲ့ခြင်း ဖြစ်သည်။ မေတွင် သက်တမ်းကုန်သည့် လုပ်ကွက်စုစုပေါင်း ၆၉၈ ခု ရှိကြောင်း သိရသည်။ ၂၀၁၈ ခုနှစ် ဧပြီတွင် သက်တမ်းကုန်ဆုံးသည့် လုပ်ကွက် စုစုပေါင်း ၂၃၄ ခုရှိကြောင်း သိရသည်။ ၂၀၁၈ ခုနှစ် မတ်တွင် သက်တမ်းကုန်ဆုံးသည့် လုပ်ကွက်စုစုပေါင်း ၁၉၈ ခုရှိကြောင်း သိရသည်။

မိုင်းရှူးရတနာနယ်မြေရှိ လုပ်ကွက် ၁၄ ခုမှာ ၂၀၁၅ ခုနှစ်က လုပ်ကိုင်ခွင့်ပြုခဲ့ခြင်းဖြစ်ပြီး မိုးကုတ်ရတနာနယ်မြေရှိ လုပ်ကွက် ၂၇၃ ခုမှာလည်း ၂၀၁၅ ခုနှစ်က လုပ်ကိုင်ခွင့်ပြုခဲ့ခြင်းဖြစ်ကြောင်း သိရသည်။ လုံးခင်း၊ ဖားကန့် ရတနာနယ်မြေရှိ လုပ်ကွက် ၂၄၉ ခုမှာ ၂၀၁၁ နှင့် ၂၀၁၅ ခုနှစ်တို့တွင် လုပ်ကိုင်ခွင့်ပေးခဲ့ခြင်း ဖြစ်သည်။ ခန္တီးရတနာနယ်မြေရှိ လုပ်ကွက် ၁၇ ခုကို ၂၀၁၅ ခုနှစ်က လုပ်ကိုင်ခွင့်ပေးခဲ့ခြင်းဖြစ်ပြီး မော်လူး၊ မော်ဟန် (မိုးညှင်း) ရတနာနယ်မြေရှိ လုပ်ကွက် ၁၄၅ ခုမှာလည်း ၂၀၁၅ ခုနှစ်က လုပ်ကိုင်ခွင့်ပြုထားခြင်းဖြစ်ကြောင်း သိရသည်။

လက်ရှိတွင် လုပ်ကွက်သက်တမ်းကုန်ဆုံးမည့် ရတနာနယ်မြေများရှိ လုပ်ကွက်များကို သက်တမ်းတိုးမြှင့်မပေးဘဲ လစ်လပ်လုပ်ကွက်များအဖြစ် ကြေညာထားကာ အဆိုပါ လုပ်ကွက်များအတွက် Environmental Management Plan ရေးဆွဲနေကြောင်းနှင့် ရေးဆွဲပြီးပါက ပြည်ထောင်စုအစိုးရအဖွဲ့၊ ပြည်နယ်နှင့် တိုင်းဒေသကြီးအစိုးရ အဖွဲ့အနေဖြင့် လုပ်ပိုင်ခွင့်ရှယ်ယာများ ခွဲဝေသွားမည်ဖြစ်ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ အကြံပေး ဦးဝင်းထိန်က ပြောကြားထားသည်။

လုံးခင်း၊ ဖားကန့်၊ မိုးညှင်း၊ မိုးကုတ်၊ နန့်ယားဆိပ်နှင့် မိုင်းရှူးရတနာနယ်မြေများရှိ ကျောက်မျက်တူးဖော်ရေးလုပ်ကွက် ၃၀၀ မှာ လာမည့် ၂၀၁၈ ခုနှစ် ဇန်န၀ါရီတွင် သက်တမ်းကုန်ဆုံးကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ ထုတ်ပြန်ခဲ့ပြီးဖြစ်ကြောင်း သိရသည်။

လုံးခင်း၊ ဖားကန့်၊ မိုးညှင်း၊ မိုးကုတ်၊ ခန္တီးနှင့် မိုင်းရှူးရတနာနယ်မြေများရှိ ကျောက်မျက်တူးဖော်ရေးလုပ်ကွက် ၃၄၃ ခုမှာ ဖေဖော်ဝါရီတွင် သက်တမ်းကုန်ဆုံးကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ ထုတ်ပြန်ခဲ့ကြောင်း သိရသည်။

May 2, 2018














Copy Protected by Chetan's WP-Copyprotect.