<

၁၃ ရက်အတွင်း မြန်မာနိုင်ငံ၏ ပြည်ပကုန်သွယ်မှုပမာဏ ဒေါ်လာတစ်ဘီလျံကျော်ရှိပြီး ပင်လယ်ရေကြောင်းမှ ပို့ကုန်တင်ပို့မှုလျော့ကျ

ပြည်ပကုန်သွယ်မှုဆောင်ရွက်သည့် ရန်ကုန်မြို့ရှိ အပြည်ပြည်ဆိုင်ရာဆိပ်ကမ်းတစ်ခုကို တွေ့ရစဉ်(ဓာတ်ပုံ-ကြည်နိုင်)

၁၃ ရက်အတွင်း မြန်မာနိုင်ငံ၏ ပြည်ပကုန်သွယ်မှုပမာဏဒေါ်လာ တစ်ဘီလျံကျော်ရှိသော်လည်း ပင်လယ်ရေကြောင်း ကုန်သွယ်မှုမှ ပို့ကုန်တင်ပို့မှုလျော့ကျနေကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီး ဌာနမှထုတ်ပြန်ထားသည့် ကုန်သွယ်မှုဆိုင်ရာစာရင်းများအရ သိရသည်။

၂၀၁၈ ခုနှစ် ဧပြီ ၁ ရက်မှ ၁၃ ရက်အထိ မြန်မာနိုင်ငံ၏ကုန် သွယ်မှုပမာဏမှာ ဒေါ်လာ ၁၀၇၁ ဒသမ ၄၃၈ သန်းရှိပြီးယခင် နှစ်ကာ လတူထက် ဒေါ်လာ ၉ ဒသမ ၆၈၈ သန်းပိုမိုခဲ့ကြောင်း သိရသည်။

ဧပြီ ၁၃ ရက်အထိ ကုန်သွယ်မှုပမာဏ ဒေါ်လာတစ်ဘီလျံကျော်တွင် ပင်လယ်ရေကြောင်း ကုန်သွယ်မှုပမာဏဒေါ်လာ ၈၀၂ ဒသမ ၂၇၆ သန်း၊ နယ်စပ်ကုန်သွယ်မှုပမာဏ ဒေါ်လာ ၂၆၉ ဒသမ ၁၆၂ သန်းပါဝင်ကြောင်း သိရသည်။ ပင်လယ်ရေကြောင်း ကုန်သွယ်မှုပမာဏမှာ ယခင်နှစ်ကာလတူထက် ဒေါ်လာ ၅၉ သန်းကျော်လျော့ကျခဲ့သော်လည်း နယ်စပ်ကုန်သွယ်မှုပမာဏမှာ ယခင်နှစ်ထက် ဒေါ်လာ ၆၉ သန်းကျော် ပိုမိုခဲ့ကြောင်း သိရသည်။

အဆိုပါကာလအတွင်း ပင်လယ်ရေကြောင်း ကုန်သွယ်မှုမှပို့ကုန်တန်ဖိုး ဒေါ်လာ  ၂၃၂ ဒသမ ၄၈၂ သန်းရှိသော်လည်း ယခင်နှစ်ကာလတူပို့ကုန်တန်ဖိုးနှင့် နှိုင်းယှဉ်ပါက ဒေါ်လာ ၁၁၇ သန်းကျော်လျော့ကျခဲ့ကြောင်း သိရသည်။

၂၀၁၇-၂၀၁၈ ဘဏ္ဍာနှစ် ဧပြီ ၁ ရက်မှ မတ် ၃၁ ရက်အထိ မြန်မာနိုင်ငံ၏ ပြည်ပကုန်သွယ်မှုပမာဏမှာ ဒေါ်လာ ၃၃၃၂၃ ဒသမ ၈၁၅ သန်းရှိပြီး ယခင်ဘဏ္ဍာနှစ်ကာလတူထက် ဒေါ်လာ ၄၁၁၄ ဒသမ ၂၀၉ သန်း ပိုမိုခဲ့ကြောင်း သိရသည်။

ဘဏ္ဍာနှစ်ကုန်အထိ ပြည်ပကုန်သွယ်မှု ပမာဏဒေါ်လာ ၃၃ ဘီလျံကျော်တွင် ပင်လယ်ရေကြောင်း ကုန်သွယ်မှုမှ ကုန်သွယ်မှုပမာဏ ဒေါ်လာ ၂၄၈၅၉ ဒသမ ၈၅၂ သန်းနှင့် နယ်စပ်ကုန်သွယ်မှုပမာဏ ဒေါ်လာ ၈၄၆၃ ဒသမ ၉၆၃ သန်းပါဝင်ကြောင်း သိရသည်။ ပင်လယ်ရေကြောင်း ကုန်သွယ်မှုပမာဏမှာ ယခင်ဘဏ္ဍာနှစ် ကာလတူထက် ဒေါ်လာ ၃၄၂၇ ဒသမ ၂၅၃ သန်းပို မိုခဲ့ပြီးနယ်စပ်ကုန်သွယ်မှုပမာဏမှာ မူယခင်ဘဏ္ဍာနှစ်ထက် ဒေါ်လာ ၆၈၆ ဒသမ ၉၅၆ သန်းပိုမိုကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်သည့် ကုန်သွယ်မှုဆိုင်ရာစာရင်းများအရ သိရသည်။

ကုန်သွယ်မှုပမာဏဒေါ်လာ ၃၃ ဘီလျံ ကျော်တွင် ပို့ကုန်တန်ဖိုး ဒေါ်လာ ၁၄၆၇၅ ဒသမ ၂၀၉ သန်း၊ သွင်းကုန်တန်ဖိုး ဒေါ်လာ ၁၈၆၄၈ ဒသမ ၆၀၆ သန်း ပါဝင်ကြောင်း သိရသည်။ သွင်းကုန်တန်ဖိုးမှာ ပို့ကုန်တန်ဖိုးထက် များပြားနေသဖြင့် ကုန်သွယ်မှုလိုငွေ ဒေါ်လာ ၃၉၇၃ ဒသမ ၃၉၇ သန်းဖြစ်ပေါ်နေကြောင်း သိရသည်။ ယခင် ဘဏ္ဍာနှစ် ကာလတူတွင်မူ ကုန်သွယ်မှုလိုငွေမှာ ဒေါ်လာ  ၅၂၁၂  ဒသမ  ၅၁၈ သန်းဖြစ်ပေါ်ခဲ့ကြောင်း သိရသည်။

၂၀၁၈-၂၀၁၉ ဘဏ္ဍာနှစ်ကို လာမည့်အောက်တိုဘာလတွင်မှ စတင်မည်ဖြစ်ရာ လက်ရှိကြားကာလ ခြောက်လ (ဧပြီမှ စက်တင်ဘာ) အတွင်း မြန်မာနိုင်ငံ၏ ကုန်သွယ်မှုပမာဏကို ဒေါ်လာ ၁၃ ဘီလျံခွဲရရှိရန် မျှော်မှန်းထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

April 25, 2018














Copy Protected by Chetan's WP-Copyprotect.