<

၂၀၁၈ ခုနှစ် ဖေဖော်ဝါရီအထိ မြန်မာနိုင်ငံတွင် Brand New ကားသစ်အစီးရေ ၁၉၇၀ ရောင်းချနိုင်ခဲ့ပြီး ကားသစ်တပ်ဆင် ထုတ်လုပ်မှု ၁၃၈၇ စီးအထိရှိကာ ယခင်နှစ်ကာလတူထက် ရောင်းချမှု ၁၃၄ ရာခိုင်နှုန်း၊ တပ်ဆင်ထုတ်လုပ်မှု ၃၉၆ ရာခိုင်နှုန်းကျော် မြင့်တက်

ရန်ကုန်မြို့ရှိ Hyundai ကားသစ် အရောင်းစင်တာတစ်ခုကို တွေ့ရစဉ်

၂၀၁၈ ခုနှစ် ဖေဖော်ဝါရီအထိ မြန်မာနိုင်ငံတွင် Brand New ကားသစ်အစီးရေ ၁၉၇၀ ရောင်းချနိုင်ခဲ့ပြီး ယခင်နှစ်ကာလတူထက် ၁၃၄ ရာခိုင်နှုန်းကျော် များပြားခဲ့ကာ အာဆီယံနိုင်ငံများအနက် တိုးတက်မှုနှုန်း အမြင့်ဆုံးဖြစ်နေကြောင်း ASEAN Automotive Federation မှ ထုတ်ပြန်သော ဒေသတွင်း ကားသစ်ရောင်းချမှုနှင့် ထုတ်လုပ်မှုဆိုင်ရာ အစီရင်ခံစာအရ သိရသည်။

၂၀၁၈ ခုနှစ် ဖေဖော်ဝါရီလကုန်အထိ အာဆီယံနိုင်ငံများအလိုက် ကားသစ်ရောင်းချမှု ပမာဏမှာ အင်ဒိုနီးရှားတွင် ၁၉၀၂၃၆ စီး၊ ထိုင်းတွင် ၁၄၂၀၁၁ စီး၊ မလေးရှားတွင် ၈၅၁၅၃ စီး၊ ဖိလစ်ပိုင်တွင် ၅၇၈၂၁ စီး၊ ဗီယက်နမ်တွင် ၃၈၄၃၁ စီး၊ စင်ကာပူတွင် ၁၁၈၇၈ စီး၊ ဘရူနိုင်းတွင် ၁၆၇၆ စီး၊ မြန်မာတွင် အစီးရေ ၁၉၇၀ ဖြစ်ပြီး မလေးရှား၊ စင်ကာပူ၊ ဘရူနိုင်းနိုင်ငံတို့မှလွဲ၍ ကျန်နိုင်ငံများတွင် ရောင်းအားအနည်းအများအလိုက် တိုးတက်ခဲ့ကာ မြန်မာနိုင်ငံက တိုးတက်မှုနှုန်း အမြင့်ဆုံးဖြစ်သည်။

၂၀၁၇ ခုနှစ်အတွင်း မြန်မာနိုင်ငံတွင် Brand New ကားသစ်စီးရေ ၈,၂၂၅ စီး ရောင်းချနိုင်ခဲ့ပြီး ယခင်နှစ်ကာလတူထက် ၉၇ ရာခိုင်နှုန်းကျော် များပြားခဲ့သည်။ ၂၀၁၈ ခုနှစ်တွင်လည်း ၂၀၁၇ ခုနှစ်ကာလတူထက် ပိုမိုရောင်းချခဲ့ရသည်။ ၂၀၁၈ ဇန်န၀ါရီတွင် ၈၉၁ စီး၊ ဖေဖော်ဝါရီတွင် ၁၀၇၉ စီး ရောင်းချနိုင်ခဲ့ပြီး ယခင်နှစ်ကာလတူထက် ၁၁၂၉ စီး ပိုမိုရောင်းနိုင်ခဲ့ကာ တိုးတက်မှုနှုန်း ၁၃၄ ဒသမ ၂ ရာခိုင်နှုန်းအထိ ဖြစ်ပေါ်ခဲ့သည်။

၂၀၁၆ ခုနှစ်တွင် မြန်မာနိုင်ငံအတွင်း ကားသစ်စီးရေ ၄,၁၆၈ စီးရောင်းချခဲ့ရပြီး ၂၀၁၇ ခုနှစ်အတွင်း မြန်မာအစိုးရ၏ ကားတင်သွင်းမှုဆိုင်ရာမူဝါဒ အပြောင်းအလဲကြောင့် ကားသစ်စီးရေ ၈,၂၀၀ ကျော်အထိ ရောင်းချခဲ့ရခြင်းဖြစ်သည်။ ကားသစ်များ ရောင်းချမှုနှင့် ထုတ်လုပ်မှုများအတွက် မြန်မာဈေးကွက်သည် ထွန်းသစ်စ ဈေးကွက်တစ်ခု ဖြစ်လာပြီး နှစ်အလိုက် တိုးတက်မှုနှုန်း ဆက်လက်မြင့်မားမည်ဟု ခန့်မှန်းထားကြောင်း သိရသည်။

မြန်မာနိုင်ငံတွင် ၂၀၁၇ ခုနှစ်အတွင်း လအလိုက် ရောင်းချရသည့် ကားသစ်စီးရေမှာ ဇန်န၀ါရီတွင် ၄၀၅ စီး၊ ဖေဖော်ဝါရီတွင် ၄၃၆ စီး၊ မတ်တွင် ၆၉၇ စီး၊ ဧပြီတွင် ၃၈၀ စီး၊ မေတွင် ၆၄၃ စီး၊ ဇွန်တွင် ၆၃၄ စီး၊ ဇူလိုင်တွင် ၆၀၈ စီး၊ သြဂုတ်တွင် ၇၉၀ စီး၊ စက်တင်ဘာတွင် ၇၇၆ စီး၊ အောက်တိုဘာတွင် ၉၀၇ စီး၊ နိုဝင်ဘာတွင် ၁၀၂၇ စီး၊ ဒီဇင်ဘာတွင် ၉၂၂ စီး ရောင်းချနိုင်ခဲ့သည်။

ကားသစ်ရောင်းချမှုပမာဏ တိုးတက်မှုနည်းတူ မြန်မာနိုင်ငံတွင် ကားသစ်ထုတ်လုပ်မှု ပမာဏ တိုးတက်မှုလည်း အာဆီယံနိုင်ငံများအနက် အမြင့်ဆုံးဖြစ်နေသည်။ အာဆီယံနိုင်ငံများတွင် မြန်မာနိုင်ငံ အပါအ၀င် နိုင်ငံခြောက်နိုင်ငံတွင် ကားသစ်တပ်ဆင် ထုတ်လုပ်မှုများ ပြုလုပ်နေပြီး အာဆီယံဒေသတစ်ခုလုံး အနေဖြင့် ၂၀၁၇ ခုနှစ်တွင် ၀ ဒသမ ၆ ရာခိုင်နှုန်းသာ တိုးတက်မှုရှိသော်လည်း မြန်မာနိုင်ငံက ရာခိုင်နှုန်း ၃၂၀ ကျော် တိုးတက်ခဲ့သည်။

၂၀၁၈ ခုနှစ် ဖေဖော်ဝါရီလကုန်အထိ အာဆီယံနိုင်ငံများအလိုက် ကားတပ်ဆင် ထုတ်လုပ်မှုမှုပမာဏမှာ ထိုင်းက ၃၄၄၄၃၃ စီး၊ အင်ဒိုနီးရှားက ၂၁၆၄၆၆ စီး၊ မလေးရှားက ၁၀၆၄၁၈ စီး၊ ဗီယက်နမ်က ၃၁၇၃၂ စီး၊ ဖိလစ်ပိုင်က ၁၃၆၂၂ စီး၊ မြန်မာက ၁၃၈၇ စီးဖြစ်ပြီး ဖိလစ်ပိုင်နိုင်ငံမှလွဲ၍ ကျန်နိုင်ငံများတွင် ထုတ်လုပ်မှုပမာဏ တိုးတက်ခဲ့ကာ မြန်မာနိုင်ငံက တိုးတက်မှုနှုန်း အမြင့်ဆုံးဖြစ်သည်။

မြန်မာနိုင်ငံတွင် ၂၀၁၇ ခုနှစ်အတွင်း တပ်ဆင်ထုတ်လုပ်သည့် ကားသစ်စီးရေမှာ အစီးရေ ၄၉၃၀ ဖြစ်ပြီး ယခင်နှစ်ကာလတူထက် ၃၇၇၈ စီးပိုမိုခဲ့ကာ တိုးတက်မှု ပမာဏ ၃၂၈ ရာခိုင်နှုန်း ရှိခဲ့သည်။ ၂၀၁၈ ခုနှစ်တွင်လည်း ဇန်န၀ါရီ တွင် အစီးရေ ၆၁၀၊ ဖေဖော်ဝါရီတွင် ၇၇၇ စီး တပ်ဆင် ထုတ်လုပ်နိုင်ခဲ့ပြီး ယခင်နှစ်ကာလတူထက် ၁၁၀၆ စီး ပိုမိုခဲ့ကာ တိုးတက်မှုနှုန်း ၃၉၃ ဒသမ ၆ ရာခိုင်နှုန်းအထိ ရှိခဲ့သည်။

မြန်မာနိုင်ငံတွင် ၂၀၁၇ ခုနှစ်အတွင်း လအလိုက် တပ်ဆင်ထုတ်လုပ်သည့် ကားသစ်စီးရေမှာ ဇန်န၀ါရီတွင် ၁၁၄ စီး၊ ဖေဖော်ဝါရီတွင် ၁၆၇ စီး၊ မတ်တွင် ၃၄၈ စီး၊ ဧပြီတွင် ၂၀၀ စီး၊ မေတွင် ၃၄၄ စီး၊ ဇွန်တွင် ၄၁၆ စီး၊ ဇူလိုင်တွင် ၄၇၈ စီး၊ သြဂုတ်တွင် ၅၅၉ စီး၊ စက်တင်ဘာတွင် ၆၃၈ စီး၊ အောက်တိုဘာတွင် ၅၈၈ စီး၊ နိုဝင်ဘာတွင် ၇၈၈ စီး၊ ဒီဇင်ဘာတွင် အစီးရေ ၂၉၀ တပ်ဆင် ထုတ်လုပ်နိုင်ခဲ့ကြောင်း သိရသည်။

April 17, 2018














Copy Protected by Chetan's WP-Copyprotect.