<

၂၀၁၇-၂၀၁၈ ဘဏ္ဍာနှစ်ကုန်အထိ မြန်မာနိုင်ငံတွင် ရင်းနှီးမြှုပ်နှံရန် ဦးစားပေးကဏ္ဍများဖြင့် ဖိတ်ခေါ်ခဲ့သည့်အတွက် စက်မှုကဏ္ဍ၊ အိမ်ရာအဆောက်အအုံနှင့် အခြားဝန်ဆောင်မှုလုပ်ငန်းများတွင် နိုင်ငံခြားရင်းနှီးမြှုပ်နှံမှု အများဆုံးဝင်ရောက်

ရန်ကုန်တိုင်းဒေသကြီး မှော်ဘီမြို့နယ်ရှိ နိုင်ငံခြားရင်းနှီးမြှုပ်မှု လုပ်ငန်းတစ်ခုကို တွေ့ရစဉ် (ဓာတ်ပုံ-မင်းသီဟဇော်)

၂၀၁၇-၂၀၁၈ ဘဏ္ဍာနှစ်ကုန်အထိ မြန်မာနိုင်ငံအတွင်း ရင်းနှီးမြှုပ်နှံရန် ဦးစားပေး ကဏ္ဍများဖြင့် ဖိတ်ခေါ်ခဲ့သည့်အတွက် စက်မှုကဏ္ဍ၊ အိမ်ရာအဆောက်အအုံနှင့် အခြားဝန်ဆောင်မှုလုပ်ငန်းများတွင် နိုင်ငံခြား ရင်းနှီးမြှုပ်နှံမှု အများဆုံးဝင်ရောက်ထား ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ ဧပြီ ၁၀ ရက်က သိရသည်။

၂၀၁၇-၂၀၁၈ ဘဏ္ဍာနှစ်ကုန်အထိ မြန်မာနိုင်ငံအတွင်းသို့ ၀င်ရောက်ခဲ့သည့် ရင်းနှီးမြှုပ်နှံမှုများကို လေ့လာကြည့်ပါက စက်မှုကဏ္ဍတွင် လုပ်ငန်း ၁၃၉ ခုတွင် ဒေါ် လာ ၁၇၇၁ ဒသမ ၃၈၅ သန်းအထိ ၀င်ရောက်ထားပြီး စုစုပေါင်းရင်းနှီးမြှုပ်နှံမှု၏  ၃၀ ဒသမ ၉၈ ရာခိုင်နှုန်းအထိ ၀င်ရောက်ထားသည်။ အဆိုပါပမာဏသည် ယခုနှစ်အတွင်း ၀င်ရောက်ခဲ့သည့် ရင်းနှီးမြှုပ်နှံသည့် ကဏ္ဍများအနက် အများဆုံးဖြစ်ကြောင်း သိရသည်။

ဒုတိယအများဆုံးကဏ္ဍမှာ အိမ်ယာအဆောက်အအုံ တည်ဆောက်ရေးကဏ္ဍဖြစ်ပြီး လုပ်ငန်း ၁၀ ခုမှ ဒေါ်လာ ၁၂၆၁ ဒသမ ၉၇၇ သန်းအထိရှိကာ စုစုပေါင်းရင်းနှီးမြှုပ်နှံမှု၏ ၂၂ ဒသမ ၀၇ ရာခိုင်နှုန်း ရှိသည်။

တတိယအများဆုံးကဏ္ဍမှာ အခြားဝန်ဆောင်မှုကဏ္ဍတွင် လုပ်ငန်း ၄၀ မှ ဒေါ်လာ ၁၀၀၅ ဒသမ ၂၅၉ သန်းအထိရှိကာ စုစုပေါင်း ရင်းနှီးမြှုပ်နှံမှု၏ ၁၇ ဒသမ ၅၈ ရာခိုင်နှုန်းအထိ ရှိနေသည်။

ပို့ဆောင်ဆက်သွယ်ရေးကဏ္ဍတွင် လုပ်ငန်းရှစ်ခုမှ ဒေါ်လာ ၉၀၁ ဒသမ ၆၃၉ သန်းရှိကာ စုစုပေါင်းရင်းနှီးမြှုပ်နှံမှု၏ ၁၅ ဒသမ ၇၇ ရာခိုင်နှုန်း ရှိနေသည်။

လျှပ်စစ်ကဏ္ဍတွင် လုပ်ငန်းငါးခုမှ ဒေါ်လာ ၄၀၅ ဒသမ ၇၇၄ သန်းအထိရှိကာ စုစုပေါင်းရင်းနှီးမြှုပ်နှံမှု၏ ၇ ဒသမ ၁၁ ရာခိုင်နှုန်းရှိနေကြောင်း၊ ဟိုတယ်နှင့်ခရီးသွားလာရေးကဏ္ဍတွင် လုပ်ငန်းငါးခုမှ ဒေါ်လာ ၁၇၆ ဒသမ ၇၆၇ သန်းအထိရှိကာ စုစုပေါင်း ရင်းနှီးမြှုပ်နှံမှု၏ ၃ ဒသမ ၀၉ ရာခိုင်နှုန်းရှိနေကြောင်း သိရသည်။

၂၀၁၇-၂၀၁၈ ဘဏ္ဍာနှစ်အကုန်အထိ မြန်မာနိုင်ငံအတွင်းသို့ နိုင်ငံခြားရင်းနှီးမြှုပ်နှံမှု စုစုပေါင်း ဒေါ်လာ ၆ ဒသမ ၁၁၅ ဘီလျံ ကျော်ဝင်ရောက်ထားပြီး ယခုဘဏ္ဍာနှစ်၏ လျာထားချက်ထက် ဒေါ်လာ ၁၁၅ သန်းကျော် အထိ ပိုမိုဝင်ရောက်ထားသည်။

၂၀၁၇-၂၀၁၈ ဘဏ္ဍာနှစ် မတ်လအကုန်အထိ နိုင်ငံခြားရင်းနှီးမြှုပ်နှံမှု လုပ်ငန်းပေါင်း ၂၂၂ ခုကို ခွင့်ပြုပေးခဲ့ပြီး ရင်းနှီးမြှုပ်နှံမှု စုစုပေါင်းပမာဏ ဒေါ်လာ ၄ ဒသမ ၇၇၆ ဘီလျံကျော်နှင့် ရင်းနှီးမြှုပ်နှံမှုတိုးမြှင့်ခြင်း အပါအ၀င် စုစုပေါင်းပမာဏ ဒေါ်လာ ၅ ဒသမ ၇၁၇ ဘီလျံကျော်အထိ ၀င်ရောက်ထားသည်။

ထို့ပြင် အထူးစီးရေးဇုန် ဥပဒေအရ သီလ၀ါအထူးစီးပွားရေးဇုန်တွင် ရင်းနှီးမြှုပ်နှံမှုပမာဏ ဒေါ်လာ သန်း ၄၀၀ ခန့်ခွင့်ပြုပေးခဲ့သည့်အတွက် ယခုဘဏ္ဍာနှစ်တွင် မြန်မာနိုင်ငံအတွင်းသို့ နိုင်ငံခြားရင်းနှီးမြှုပ်နှံမှု စုစုပေါင်း ဒေါ်လာ ၆ ဒသမ ၁၁၅ ဘီလျံကျော်အထိ ခွင့်ပြုပေးထားပြီး ဖြစ်သည်။

မြန်မာနိုင်ငံရင်းနှီးမြှုပ်နှံမှုကော်မရှင် အနေဖြင့် ရင်းနှီးမြှုပ်နှံမှုလုပ်ငန်းများကို ခွင့်ပြုပေးရာတွင် လုပ်ငန်း၏ စီးပွားရေးတွက် ခြေကိုက်မှု၊ အလုပ်အကိုင်သစ်များ ဖန်တီးပေးနိုင်မှု၊ အမျိုးသားဝင်ငွေနှင့် အခွန်တိုးတက် ရရှိနိုင်မှု၊ ပြည်တွင်းပြည်ပဈေးကွက်အခြေအနေ၊ ပြည်တွင်းစားသုံးရန်လိုအပ်ချက်၊ နည်းပညာဆီလျော်မှု၊ တီထွင်ဆန်းသစ်မှု၊ နည်းပညာလွှဲပြောင်းရရှိမှုစသည့် အချက်များကို အခြေခံ၍ စိစစ်ခြင်းဖြစ်ကြောင်း သိရသည်။

April 10, 2018














Copy Protected by Chetan's WP-Copyprotect.