<

ရွှေနန်းတော်ကျောင်း ပြုပြင်ထိန်းသိမ်းမှုနှင့်ပတ်သက်၍ ရှေးဟောင်းသုတေသနဌာနနှင့် WMF တို့အကြား သဘောထား ကွဲလွဲမှုဖြစ်ပေါ်ခဲ့သဖြင့် လုပ်ငန်းပိုင်းဆိုင်ရာ ကြန့်ကြာခဲ့ရပြီး ပြုပြင်ထိန်းသိမ်းမှုများမှာ အစိုးရအဖွဲ့နှင့် ညှိနှိုင်းသဘောတူညီချက်အတိုင်း ဆောင်ရွက်နေဟု ဆို

ရွှေနန်းတော်ကျောင်း ပြုပြင်ထိန်းသိမ်းခြင်းလုပ်ငန်းများ လုပ်ဆောင်နေစဉ်

မန္တလေးမြို့ အောင်မြေသာစံမြို့နယ်အတွင်းရှိ ရတနာပုံခေတ်နှောင်းပိုင်း လက်ရာတစ်ခုဖြစ်သည့် ရွှေနန်းတော်ကျောင်း မူလလက်ရာမပျက် ပြုပြင်ထိန်းသိမ်းခြင်းလုပ်ငန်း ဒုတိယပိုင်းစီမံကိန်း (Phase 2 ) ပြန်လည် စတင်ပြုလုပ်ရာတွင် ရှေးဟောင်းသုတေသနဦးစီးဌာနနှင့် WMF (ကမ္ဘာ့အဆောက်အအုံများ ရန်ပုံငွေအဖွဲ့) တို့အကြား ဆွေးနွေးလုပ်ဆောင်ရာတွင် ညှိနှိုင်းမှု အားနည်းခြင်းနှင့် သဘောထား ကွဲလွဲခြင်းတို့ကြောင့် လုပ်ငန်းပိုင်းဆိုင်ရာ ကြန့်ကြာခဲ့မှုများ ဖြစ်ပေါ်ခဲ့ကာ ကျောင်းဆောင်တစ်ခုလုံး ပြုပြင်ထိန်းသိမ်းမှု လုပ်ငန်းများမှာ အစိုးရအဖွဲ့နှင့် WMF တို့အကြား ညှိနှိုင်းဆောင်ရွက် သဘောတူညီချက်များအတိုင်းသာ ဆောင်ရွက်နေခြင်းဖြစ်ကြောင်း Program Director Mr. Jeffery Allen က ပြောကြားသည်။

လတ်တလောတွင် ရွှေနန်းတော်ကျောင်း ပြုပြင်ထိန်းသိမ်းခြင်းလုပ်ငန်းများ လုပ်ဆောင်နေမှုမှာ ကျောင်းဆောင်၏အနောက်ဘက် အောက်ခြေမှ နရားရုပ်များ၊ ၀ရန်တာတိုင်များ လဲလှယ်ခြင်းများ ပြုလုပ်လျက်ရှိရာ ၀ရန်တာတိုင်ကို ပြန်လည်ပြုပြင်ရာတွင် တိုင်လုံးအသစ် အစားထိုးလဲလှယ်မှုအပေါ် ရှေးဟောင်းသုတေသနဦးစီးဌာနနှင့် မြန်မာမှုပညာရှင်များက ကန့်ကွက်မှုများ ပြုလုပ်ထားကြောင်း သိရသည်။

မူလကျွန်းတိုင်ဟောင်းကိုသာ ပြန်လည်အသုံးပြုရန်နှင့် ဆွေးမြည့်နေသည့် သစ်သားနေရာများတွင်သာ သစ်အစားထိုး လဲလှယ်သင့်ကြောင်း ရှေးဟောင်းဌာနနှင့် ပညာရှင်များက ထောက်ပြထားကြောင်း သိရသည်။ သို့သော် ကျောင်းဆောင်၏ အနောက်ဘက်ခြမ်းမှ ၀ရန်တာတိုင်များကို အစားထိုးလဲ လှယ်ခဲ့ရာတွင် ရှေးဟောင်းသုတေသနဦးစီးဌာန၏ ခွင့်ပြုချက်အတိုင်းသာ ဆောင်ရွက်ခဲ့ခြင်းဖြစ်ကြောင်း Mr. Jeffery Allen က ပြောကြားသည်။

“ပြုပြင်ထိန်းသိမ်းမှု အပိုင်းတွေအားလုံးဟာ နိုင်ငံတကာအဆင့်မီ ထိန်းသိမ်းတာ ဖြစ်သလို ကုန်းဘောင်ခေတ်က မူလလက်ရာအတိုင်း ပြုပြင်ထိန်းသိမ်းနေတာ ဖြစ်ပါတယ်။ ကျွန်တော်တို့ လုပ်ငန်းတွေကတော့ ဆက်လက်လုပ်ဆောင်နေပါတယ်။ ဒါပေမဲ့ ၀ရန်တာတွေကို ပြုပြင်ထိန်းသိမ်းခွင့် မရသေးဘူး။ ခြောက်သွေ့ရာသီမှာ လုပ်ဆောင်ရမယ့် လုပ်ငန်းအချို့ ရပ်နားလိုက်ရတာ ခြောက်လကျော်လောက်ကြာနေပြီ။ သတ်မှတ်ထားတဲ့ အချိန်ကာလတစ်ခုကို ကျွန်တော်တို့ ဆုံးရှုံးလိုက်ရတယ်။ ၀ရန်တာပြုပြင်မှုတွေက ရှေးဟောင်းသုတေသနဌာနရဲ့ ခွင့်ပြုချက်ညှိနှိုင်းချက်အတိုင်း ဆောင်ရွက်ခဲ့တာ။ အစိုးရဌာနမှာ လူအပြောင်းအလဲဖြစ်သွားတာလည်း ပါနိုင်ပါတယ်။ အခုမှ သူတို့ စိတ်ပြောင်းသွားတာ ကျွန်တော်တို့လည်း နားမလည်ဘူး။ ဒါပေမဲ့ သင်္ကြန်အပြီးမှာတော့ စလုပ်နိုင်မယ်လို့ မျှော်မှန်းထားတယ်။ ရွှေနန်းတော်ကျောင်းဟာ တိုင်းဒေသကြီးအစိုးရက ပိုင်ဆိုင်သလို မြန်မာပြည်သူလူထုတွေ ပိုင်ဆိုင်တဲ့အရာ ဖြစ်ပါတယ်။ ပြုပြင်ထိန်းသိမ်းမှုတွေကတော့ ကုန်းဘောင်ခေတ်က မူလလက်ရာအတိုင်း ပြုပြင်ထိန်းသိမ်းသွားမှာပါ” ဟု World Monuments Fund ၏ Program Director Mr. Jeffery Allen က ဆိုသည်။

ရှေးဟောင်း သုတေသနဦးစီးဌာနဘက်က မူလကျွန်းတိုင်များကို အစားထိုးလဲလှယ်ရာတွင် အသုံးပြုသင့်သည့် ကျွန်းတိုင်လုံးအဟောင်းများကို မူလလက်ရာမပျက် ပြုပြင်ထိန်းသိမ်းရန်ဆွေးနွေးထားပြီး WMF ဘက်ကမူ ရေရှည်ခိုင်ခံ့မှုအတွက် ကျွန်းတိုင်အသစ် ပြန်လည်လဲလှယ်၍ မူလလက်ရာမပျက် ပြုပြင်ထိန်းသိမ်းမှုပြုလုပ်မည့်အပေါ် သဘောထား ကွဲလွဲမှု ဖြစ်ပေါ်နေခြင်းကြောင့် ပြီးခဲ့သည့် မတ် ၅ ရက်က မန္တလေးတိုင်းဒေသကြီး အစိုးရအဖွဲ့ရုံးတွင် လုပ်ငန်းကြီးကြပ်ရေး ကော်မတီအဖွဲ့၊ မြန်မာမှုပညာရှင်များနှင့် ထပ်မံ၍ ညှိနှိုင်းဆွေးနွေးမှုများ ပြုလုပ်ခဲ့ကြသည်။ အဆိုပါ ညှိနှိုင်းဆွေးနွေးပွဲ ပြုလုပ်ခဲ့ရာတွင်  WMF ဘက်က အဓိကတာဝန်ရှိသူ မတက်ရောက်ခြင်းအပေါ် ဝေဖန်မှုများ ရှိခဲ့သည်။ ထိုသို့ ဝေဖန်မှုအပေါ် WMF Program Director Mr.Jeffery Allen က ၎င်းမရှိသည့်အချိန်တွင် အချိန်ကိုက်ပြုလုပ်သွားသလိုဖြစ်သွားကြောင်း ပြန်လည်ပြောဆိုခဲ့သည်။

“လက်ရှိ ပြုပြင်ထိန်းသိမ်းနေတဲ့ နရားအရုပ်တွေကိုတော့ ကျွန်မကိုယ်တိုင်ပဲ ပြုပြင်ထိန်းသိမ်းဖို့အတွက် ခွင့်ပြုပေးခဲ့ပါတယ်။ အခု အနောက်ဘက်ကျောင်းဆောင်မှာ အသစ်လဲလှယ်ထားတဲ့ ၀ရန်တာတိုင်လုံးတွေက ကျွန်မဒီဌာနကို မရောက်ခင်က ပြုလုပ်ထားခဲ့တာဖြစ်ပါတယ်။ အခု အသစ်လဲလှယ်မယ့်နေရာမှာ ရှေးဟောင်းဌာနဘက်က မူလလက်ရာမပျက် ပြုပြင်ဖို့ ညှိနှိုင်းဆွေးနွေးပါ တယ်။ ပြန်ပြီးတော့ အသုံးပြုလို့ရနေသေးတဲ့ သစ်သားတိုင်လုံးကို အပိုင်းပိုင်း ဖြတ်တောက်ပစ်လိုက်တာကတော့ သစ်သားကို တန်ဖိုးထားတဲ့ ပညာရှင်တွေကို မေးခွန်းထုတ်ရမလို ဖြစ်နေပါတယ်။ ကျွန်မတို့ကတော့ သစ်သားတိုင်လုံးတွေကို အသစ်အတိုင်း အလုံးလိုက် လဲလှယ်လိုက်တာကို သဘောမတူပါဘူး။ ရွှေနန်းတော်ကျောင်း ပြုပြင်ထိန်းသိမ်းတဲ့နေရာမှာ ကျွန်မတို့ ရှေးဟောင်းဌာနက ငွေမကိုင်ထားပါဘူး။ သူတို့အစီအစဉ်နဲ့ သူတို့ ဆောင်ရွက်တာဖြစ်ပါတယ်။ ကျွန်မတို့က တော့ ရှေးဟောင်းဥပဒေနဲ့အညီ ထိန်းသိမ်းမယ်။ မူလလက်ရာမပျက်ဖို့ အဓိကပါ”ဟု ရှေးဟောင်းသုတေသနနှင့် အမျိုးသားပြတိုက်ဦးစီးဌာန(မန္တလေးဌာနခွဲ)မှ ညွှန်ကြားရေးမှူး ဒေါ်စိုးစိုးသန်းက ပြောကြားသည်။

“အခုဖြစ်နေကြတာတွေက ညှိနှိုင်း ဆွေးနွေးမှုအားနည်းလို့ဖြစ်နေကြတာ။ ရှေးဟောင်းဌာနကလည်း သူ့ရဲ့ မူလလက်ရာမပျက်အတိုင်း ပြုပြင်ထိန်းသိမ်းချင်တယ်။ ဒီဘက်ကလည်း ရေရှည်ခိုင်ခံ့ဖို့အတွက် သစ်အစားထိုး ပြုပြင်ထိန်းသိမ်းချင်တယ်။ နှစ်ဖက်ညှိနှိုင်းကြတဲ့နေရာမှာ အဖြေက မထွက်ဘူး။ အခုတော့ ပြည်ထောင်စုဝန်ကြီးဘက်ကလဲ ကျွန်တော်တို့ ကော်မတီကို အာဏာ ကုန်လွှဲအပ်ပေးလိုက်ပါပြီ။ WMF အနေနဲ့ ကလည်း ကျွန်တော်တို့ဆီကို အခုလိုပညာရပ်ပိုင်းဆိုင်ရာတွေနဲ့လာပြီး အကူညီပေးနေတာ ကျေးဇူးတင်ပါတယ်။ နောက်တစ်ခုက လုပ်ငန်းတွေ အဆင်မပြေလို့ မြန်မာနိုင်ငံကနေ ထွက်သွားရင် ကျွန်တော်တို့တွေအတွက် ထိခိုက်နစ်နာနိုင်ပါတယ်။ နှစ်နိုင်ငံ ချစ်ကြည် ရေးကိုလည်း ထိခိုက်စေနိုင်တယ်။ အခုစီမံကိန်းကလည်း အမေရိကန်နိုင်ငံ သံအမတ်ကြီးများရဲ့ရန်ပုံငွေနဲ့ WMF က လုပ်ငန်းကို တာဝန်ယူ လုပ်ဆောင်တာဖြစ်ပါတယ်။ ညှိ နှိုင်းဆွေးနွေးပြီးသွားရင်တော့ ဖြစ်နိုင်ရင် မကြာခင်မှာပဲ လုပ်ငန်းတွေ အမြန်ဆုံး အကောင်အထည် ဖော်ဆောင်သွားနိုင်ဖို့အတွက် ကြိုးစားသွားမှာပါ”ဟု ရွှေနန်းတော်ကျောင်း ပြုပြင်ထိန်းသိမ်းရေးလုပ်ငန်းများ ကြီးကြပ်ရေးကော်မတီဥက္ကဋ္ဌ မန္တလေးတိုင်း ဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြတ်သူက ပြောကြားသည်။

ရွှေနန်းတော်ကျောင်း၏ ပျက်စီးယိုယွင်းမှုများ၊ ပြုပြင်ထိန်းသိမ်းခြင်းလုပ်ငန်းများနှင့် စီမံကိန်းတစ်ခုလုံးအတွက် စုစုပေါင်း ကုန်ကျငွေမှာ အမေရိကန်ဒေါ်လာ ၁၅ သိန်းခန့် ကုန်ကျနိုင်မည်ဖြစ်ကြောင်း WMF ထံမှ သိရသည်။

April 5, 2018














Copy Protected by Chetan's WP-Copyprotect.