<

စိုက်ပျိုးမြေများသည် စနစ်တကျ ထိန်းသိမ်းစောင့်ရှောက်မှု အားနည်းခြင်း၊ ရာသီဥတုပြောင်းလဲခြင်း၊ ဓာတုပစ္စည်းများကို စနစ်တကျ သုံးစွဲနိုင်မှုမရှိခြင်းတို့ကြောင့် သီးနှံထွက်နှုန်းတိုးတက်မှုအပေါ် ထိခိုက်နေ

ပဲတီစိမ်းများကို ခြွေလှေ့နေသည့်တောင်သူများကို တွေ့ရစဉ်

စိုက်ပျိုးမြေများသည် စနစ်တကျထိန်းသိမ်းစောင့်ရှောက်မှု အားနည်းခြင်း၊ ရာသီဥတုပြောင်းလဲခြင်း၊ ဓာတုပစ္စည်းများကို စနစ်တကျသုံးစွဲနိုင်မှု မရှိခြင်းတို့ကြောင့် သီးနှံထွက်နှုန်း တိုးတက်မှုအပေါ် ထိခိုက်နေကြောင်း ရန်ကုန်တိုင်းဒေသကြီး စိုက်ပျိုးရေးကဏ္ဍ ဖွံ့ဖြိုးတိုးတက်ရေးစီမံကိန်း (၂၀၁၈-၂၀၂၁) တတိယမူကြမ်းတွင် ဖော်ပြထားသည်။

လက်ရှိတွင် စိုက်ပျိုးမြေများသည် စနစ်တကျ ထိန်းသိမ်းစောင့်ရှောက်မှု အားနည်းခြင်း၊ ရာသီဥတုပြောင်းလဲလာခြင်း၊ ဓာတုပစ္စည်းများကို စနစ်တကျသုံးစွဲနိုင်မှုမရှိခြင်းနှင့် မြေယာဖွဲ့စည်းပုံများ ပြောင်းလဲလာခြင်းတို့ကြောင့် သီးနှံအထွက်နှုန်း တိုးတက်မှုအပေါ် ထိခိုက်မှုများဖြစ်နေကြောင်း၊ စိုက်ပျိုးသီးနှံများ အထွက်တိုးစေရန်အတွက် လက်ရှိစိုက်ပျိုးနေသော မြေယာများအား မြေဆီလွှာကောင်းမွန်အောင် ထိန်းသိမ်းခြင်း၊ စိုက်ပျိုးရေရရှိအောင် ဆောင်ရွက်ခြင်းနှင့် ခေတ်မီစက်ကိရိယာများ အသုံးပြုနိုင်အောင် မြေယာများ ပြန်လည်ပြုပြင်ဖွဲ့စည်းခြင်းတို့ကို ဆောင်ရွက်ရမည်ဖြစ်ကြောင်း မူကြမ်းတွင် ဖော်ပြထားချက်အရ သိရသည်။

ထိုကဲ့သို့ ဆောင်ရွက်ရာတွင် မြေကြီး မြေပုံမှန်ကန်ရေးအတွက် အလေးထားဆောင်ရွက်သင့်သည်ဖြစ်ရာ ရန်ကုန်တိုင်းဒေသကြီးကဲ့သို့ ခေတ်မီနည်းပညာများ ဖွံ့ဖြိုးပြီးသော မြို့ပြနေရာများတွင် နောက်ဆုံးပေါ် ဂြိုလ်တုဓာတ်ပုံများကိုအသုံးပြုပြီး GIS နည်းပညာများဖြင့် တီထွင်ဆန်းသစ်ဖော်ထုတ် ဆောင်ရွက်သင့်ကြောင်း၊ ထို့ပြင် စိုက်ပျိုးမြေယာအသစ်များကို တောင်သူနှင့် ပုဂ္ဂလိကအကျိုးတူ ပူးပေါင်းဖော်ထုတ်ကာ စိုက်ပျိုးရေးလုပ်ငန်းများကို အောင်မြင်သည်အထိ ရေရှည်ဆောင်ရွက်နိုင်မည့် အာမခံချက်အစီအစဉ်များကိုလည်း ဖော်ထုတ်ဆောင်ရွက်ပါက အခြားဒေသများအတွက် စံနမူနာကောင်းများ ဖော်ထုတ်ပေးနိုင်မည့် နည်းလမ်းတစ်ရပ်ဖြစ်ကြောင်း မူကြမ်းတွင် ဖော်ပြထားသည်။

ယင်းအပြင် မြေယာအသစ်ဖော်ထုတ်ခြင်းနှင့် မြေယာပြုပြင်ခြင်းလုပ်ငန်းများသည် ရန်ပုံငွေလိုအပ်မှုမြင့်မားသည့် လုပ်ငန်းများဖြစ်သဖြင့် ပုဂ္ဂလိကကဏ္ဍမှ ပူးပေါင်းပါဝင်နိုင်မည့် ဘဏ္ဍာဖြည့်ဆည်းရေးနှင့် နည်းလမ်းများ (သို့မဟုတ်) အစိုးရနှင့် ပုဂ္ဂလိကအကြား ပူးပေါင်းဆောင်ရွက်ရမည့် လုပ်ငန်းစံနည်းလမ်းသစ်များသာမက ယင်းအစီအစဉ်များတွင် လုပ်ကွက်ငယ်တောင်သူများ၏ အခွင့်အလမ်းနှင့် အကျိုးစီးပွားများကိုပါ မည်သို့မည်ပုံ စတင်လမ်းထွင်ဖော်ဆောင်နိုင်မည်ကို ဆွေးနွေးဆောင်ရွက်သွားရန်ဖြစ်ကြောင်း မူကြမ်းတွင် ဖော်ပြချက်အရ သိရသည်။

အဆင်မြင့်လယ်ယာဖော်ထုတ်ရေးသာမက ဈေးကွက်ဝင်သီးနှံများ အောင်မြင်စွာစိုက်ပျိုးနိုင်မည့် ရင်းနှီးမြှုပ်နှံမှုဝန်းကျင်ကောင်းတစ်ရပ် ပေါ်ထွက်လာစေရန် မြေအသုံးချမှုဆိုင်ရာ စီမံခန့်ခွဲမှုအပိုင်းတွင် ပြုပြင်ပြောင်းလဲရေးလုပ်ငန်းများကို ရန်ကုန်တိုင်းဒေသကြီးကဲ့သို့ မြေအကျယ်အ၀န်း အကန့်အသတ်ရှိနေသောဒေသတွင် ဒေသအခြေအနေနှင့် ကိုက်ညီမည့် မြေအမျိုးအစား ပြောင်းလဲသတ်မှတ်ရေးဆိုင်ရာ စီမံချက်များကို စမ်းသပ်ဆောင်ရွက်နိုင်မည်ဖြစ်ကြောင်း၊ လယ်ယာမြေများတွင် ရေရှိရေးနှင့် လယ်ယာမြေများ ရေပေးဝေရေး စီမံခန့်ခွဲမှုကိစ္စများတွင်လည်း တောင်သူများကိုယ်တိုင် ပါဝင်စီမံခန့်ခွဲနိုင်မည့် နည်းလမ်းများနှင့် ရေစီမံခန့်ခွဲမှု အခြေခံအဖွဲ့အစည်းများကို စတင်ဖွဲ့စည်းရန် ပြင်ဆင်မှုများကိုလည်း ဆောင်ရွက်သွားရန် လိုအပ်ကြောင်း မူကြမ်းအရ သိရသည်။

April 3, 2018














Copy Protected by Chetan's WP-Copyprotect.