နွေရာသီတွင် ရေရှားပါးပြတ်လပ်မှုဖြစ်ပေါ်သည့် မည်သည့်ကျေးရွာမဆို သက်ဆိုင်ရာပြည်နယ်နှင့်တိုင်းအသီးသီးရှိ ကျေးလက်ဒေသဖွံ့ဖြိုးတိုးတက်ရေးဦးစီးဌာနသို့ ဆက်သွယ် အကူအညီ တောင်းခံနိုင်ကြောင်း ထုတ်ပြန်

နွေရာသီတွင် ရေရှားပါးပြတ်လပ်မှုဖြစ်ပေါ်သည့် မည်သည့်ကျေးရွာမဆို သက်ဆိုင်ရာပြည်နယ်နှင့်တိုင်းအသီးသီးရှိ ကျေးလက်ဒေသဖွံ့ဖြိုးတိုးတက်ရေးဦးစီးဌာနသို့ ဆက်သွယ် အကူအညီ တောင်းခံနိုင်ကြောင်း ထုတ်ပြန်
Published 31 March 2018

နွေရာသီတွင် ရေရှားပါးမှုများ ဖြစ်ပွားလေ့ရှိသည့် မြန်မာနိုင်ငံအလယ်ပိုင်းဒေသတစ်နေရာအား တွေ့ရစဉ်

ယခုနှစ် နွေရာသီတွင် ရေရှားပါးပြတ်လပ်မှုဖြစ်ပေါ်သည့် မည်သည့်ကျေးရွာမဆို သက်ဆိုင်ရာ ပြည်နယ်နှင့် တိုင်းအသီးသီးရှိ ကျေးလက်ဒေသဖွံ့ဖြိုးတိုးတက်ရေး ဦးစီးဌာနသို့ ဆက်သွယ်အကူအညီတောင်းခံနိုင်ကြောင်း ကျေးလက်ဒေသဖွံ့ဖြိုးတိုးတက်ရေး ဦးစီးဌာနက ထုတ်ပြန်ထားသည်။

နွေရာသီတွင် ကျေးရွာများ၌ သောက်သုံးရေ ရှားပါးပြတ်လပ်မှု မဖြစ်ပေါ်စေရေးနှင့် ရေရှားပါးပြတ်လပ်သည့်  ကျေးရွာများသို့  သောက်သုံးရေများ အချိန်နှင့်တစ်ပြေးညီ  ပံ့ပိုးဖြည့်ဆည်းပေးနိုင်ရေးအတွက် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနအနေဖြင့် ကျေးရွာများတွင် သောက်သုံးရေလုံလောက်မှု ရှိမရှိနှင့် ရေပြတ်လပ်မှုဖြစ်နိုင်ခြေများအား ကွင်းဆင်း၍  ကြိုတင်စာရင်းကောက်ယူခြင်း၊  ကျေးရွာများနှင့်  တိုက်ရိုက်ဆက်သွယ်ဆောင်ရွက်နိုင်ရန် ကျေးရွာအုပ်ချုပ်ရေးမှူး၊ အထောက်အကူပြု ကော်မတီဝင်များ၊ ကျေးရွာ ရေကော်မတီဝင်များ၊ ရပ်မိရပ်ဖများ၏အမည်နှင့် ဖုန်းနံပါတ်များကို စုစည်းပြုစုထားရှိခြင်း၊ သောက်သုံးရေ အခက်အခဲဖြစ်ပေါ်ပါက အစုအဖွဲ့စနစ်ဖြင့် ကျေးရွာများသို့ သောက်သုံးရေ အလျင်အမြန် ပံ့ပိုးဖြည့်ဆည်းပေးမည့် အစီအစဉ်များကို မြို့နယ်အဆင့်  ဌာနဆိုင်ရာများနှင့် ကြိုတင်ညှိနှိုင်းခြင်းများ  စီမံဆောင်ရွက်ထားရှိပြီးဖြစ်ကြောင်း သိရသည်။

ကျေးလက်ဒေသ ဖွံ့ဖြိုးတိုးတက်ရေးဦးစီးဌာနအနေဖြင့် ရေရှားပါးပြတ်လပ်သည့် ကျေးရွာများသို့ သောက်သုံးရေ ဖြန့်ဝေပေးမှုများ ဆောင်ရွက်ပေးမည့်အပြင် ရေရှားပါးမှုများ ထပ်မံမဖြစ်ပေါ်စေရေးအတွက် ရေရှည် ရေရယူသုံးစွဲနိုင်မည့် နည်းလမ်းများကို အသုံးပြု၍ ကျေးရွာရေရရှိရေးလုပ်ငန်းများကို အကောင်အထည်ဖော် ဆောင်ရွက်ပေးမည် ဖြစ်ရာ စေတနာရှင်ပြည်သူများ၊ အလှူရှင်များအနေဖြင့်လည်း  ပူးပေါင်းပါဝင်လှူဒါန်းနိုင်ပါကြောင်းနှင့် ရေရှားပါးမှုဖြစ်နိုင်ခြေရှိ သည့် ကျေးရွာများစာရင်းနှင့် သတင်းအချက် အလက်များ ရယူလိုပါက ပံ့ပိုးကူညီဆောင် ရွက်ပေးမည်ဖြစ်ကြောင်း သိရသည်။

သို့ပါ၍ ရေရှားပါးပြတ်လပ်မှုဖြစ်ပေါ်သည့် မည်သည့်ကျေးရွာမဆို ကျေးလက်ဒေ သဖွံ့ဖြိုးတိုးတက်ရေးဦးစီးဌာန (ရုံးချုပ်) အပါအဝင် သက်ဆိုင်ရာတိုင်းဒေသကြီး၊ ပြည်နယ် (နေပြည်တော်ကောင်စီ နယ်မြေအပါအဝင်)၊ ခရိုင်၊ မြို့နယ်ဦးစီးဌာနရုံးများသို့ ဖုန်းဆက်သွယ်မှုအပြင် အခြားသော ဆက်သွယ်ရေးနည်းလမ်းမျိုးစုံဖြင့် အချိန်အခါမရွေး ဆက်သွယ်အကူအညီတောင်းခံနိုင်ပါကြောင်းနှင့် အကူအညီတောင်းခံလာပါက ချက်ချင်းဖြည့် ဆည်းဆောင်ရွက်ပေးသွားမည်ဖြစ်ကြောင်း   ကျေးလက်ဒေသဖွံ့ဖြိုးရေးတိုးတက်ရေး ဦစီးဌာနမှ သိရသည်။

နွေရာသီတွင် ပြည်နယ်နှင့်တိုင်းဒေသကြီးအချို့၌ ရေရှားပါးမှုပြဿနာများနှင့် နှစ်စဉ်ကြုံတွေ့ရလေ့ရှိသည်။ အထူးသဖြင့် မြန် မာနိုင်ငံအလယ်ပိုင်းဒေသများတွင် လက်ရှိအချိန်၌ပင် ရေရှားပါးမှု စတင်ကြုံတွေ့လာ နေသည်။

ပခုက္ကူနှင့် မြိုင်မြို့နယ်အတွင်းမှ ကျေးရွာအချို့ ပြီးခဲ့သည့်ဖေဖော်ဝါရီလကုန်ပိုင်း မှစတင်ကာ သောက်သုံးရေကန်များ ခမ်းခြောက်ခြင်းနှင့် စက်ရေတွင်း ချွတ်ယွင်းခြင်းများကြောင့် သောက်သုံးရေရှားပါးမှုစတင် ကြုံတွေ့လာကြောင်း ဒေသခံများက ဆိုသည်။

စစ်ကိုင်းတိုင်းဒေသကြီး၊ ကသာခရိုင်၊ ဝန်းသိုမြို့နယ်တွင် ကျေးရွာပေါင်း ၁၂ ရွာ ကျော်မှာ သောက်သုံးရေ အခက်အခဲဖြစ်ပေါ်နေကြောင်း သိရသည်။

Most Read

Most Recent