စိုက်ပျိုးရေးအခြေခံ စားသောက်ကုန်လုပ်ငန်းများကို ပုဂ္ဂလိကရင်းနှီးမြှုပ်နှံရန် ဆောင်ရွက်ထားသည့် စိုက်ပျိုးရေးကဏ္ဍဖွံ့ဖြိုးတိုးတက်ရေး ကာလလတ် သုံးနှစ်စီမံကိန်းအား ရန်ကုန်တိုင်းဒေသကြီးလွှတ်တော်သို့ တင်ပြ

စိုက်ပျိုးရေးအခြေခံ စားသောက်ကုန်လုပ်ငန်းများကို ပုဂ္ဂလိကရင်းနှီးမြှုပ်နှံရန် ဆောင်ရွက်ထားသည့် စိုက်ပျိုးရေးကဏ္ဍဖွံ့ဖြိုးတိုးတက်ရေး ကာလလတ် သုံးနှစ်စီမံကိန်းအား ရန်ကုန်တိုင်းဒေသကြီးလွှတ်တော်သို့ တင်ပြ
Published 31 March 2018

ရန်ကုန်တိုင်းဒေသကြီးရှိ ပဲစိုက်ခင်းများကို တွေ့ရစဉ် (ဓာတ်ပုံ-ကြည်နိုင်)

စိုက်ပျိုးရေးအခြေခံစားသောက်ကုန်လုပ်ငန်းများကို ပုဂ္ဂလိက ရင်းနှီးမြှုပ်နှံရန် ဆောင်ရွက်ထားသည့် စိုက်ပျိုးရေးကဏ္ဍ ဖွံ့ဖြိုးတိုးတက်ရေးကာလလတ်သုံးနှစ်စီမံကိန်းအား ရန်ကုန်တိုင်းဒေသကြီး အစိုးရအဖွဲ့၊ စိုက်ပျိုးရေး၊ မွေးမြူရေး၊ သစ်တောနှင့် စွမ်းအင်ဝန်ကြီး ဦးဟံထွန်းကိုယ်စား ရခိုင်တိုင်းရင်းသား လူမျိုးရေးရာဝန်ကြီး ဦးဇော်အေးမောင်က မတ် ၃၀ က ပြုလုပ်သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန်အစည်းအဝေး (၂၀ ရက်မြောက်) တွင် တိုင်းဒေသကြီးလွှတ်တော်သို့ ရှင်းလင်းတင်ပြခဲ့သည်။

ယခုစီမံကိန်းအဓိက ရည်မှန်းချက်သည် တောင်သူလယ်သမားများ အပါအဝင် စိုက်ပျိုးထုတ်လုပ်မှု ကွင်းဆက်တစ်လျှောက်ပါဝင်သော Stakeholder များ၏ အကျိုးစီးပွား တိုးတက်စေရေးအတွက် ဦးစားပေး ဖော်ဆောင်ရန်ဖြစ်ပြီး စားသုံးသူပြည်သူများအတွက် ဘေးဥပါဒ်ကင်းသော စိုက်ပျိုးရေး ထွက်ကုန်များကို သင့်တင့်မျှတသော ဈေးနှုန်းဖြင့် ဝယ်ယူစားသုံးနိုင်ရေးအတွက် ရည်ရွယ်ထားခြင်းဖြစ်ကြောင်း ဝန်ကြီးဦးဇော်အေးမောင်က ပြောကြားသည်။

“ရန်ကုန်တိုင်းဒေသကြီးရဲ့ စိုက်ပျိုးရေးကဏ္ဍ ဖွံ့ဖြိုးတိုးတက်ရေးစီမံကိန်းမှာ ၂၀၁၈ ကနေ ၂၀၂၁ ခုနှစ်အထိ ဘဏ္ဍာရေးအရ သုံးနှစ် ပြက္ခဒိန်နှစ်အရဆိုရင် လေးနှစ်တာကာလအတွင်း အကောင်အထည်ဖော် ဆောင်ရွက်နိုင်မယ့် မူဝါဒများ၊ ရည်ရွယ်ချက်များ၊ မဟာဗျူဟာများနှင့် အကြံပြုတဲ့လုပ်ငန်းစဉ်များ ပါဝင်တယ်။ ဒါ့အပြင် စီမံကိန်းကာလအတွင်း ဦးစားပေးအကောင်အထည် ဖော်ဆောင်ရွက်မယ့်လုပ်ငန်းစဉ်များနဲ့ ပုဂ္ဂလိက ရင်းနှီးမြှုပ်နှံမှုစီမံကိန်းများ၊ ပုဂ္ဂလိက        အစိုးရ ပူးပေါင်းဆောင်ရွက်မယ့် (PPP) စီမံကိန်းများကိုလည်း ရေးဆွဲထားပါတယ်” ဟု ဝန်ကြီးက ပြောကြားသည်။

ယင်းအပြင် ယခုပြုစုထားသော စိုက်ပျိုးရေးကဏ္ဍ ဖွံ့ဖြိုးတိုးတက်ရေးစီမံကိန်းသည် ထည့်သွင်းသင့်သည့် အကြောင်းအရာများကို ကျယ်ကျယ်ပြန့်ပြန့် စဉ်းစားရေးဆွဲထားခြင်း ဖြစ်ကြောင်း၊ ယခုကဲ့သို့ ဆောင်ရွက်ရာတွင်လည်း ပုဂ္ဂလိကလုပ်ငန်းရှင်များ၏ လိုအပ် ချက်များ၊ ဝန်ကြီးဌာနမှ အကြံပြုချက်များ၊ ပညာရှင်များ၏ အကြံပြုချက်များနှင့် Stakeholder များ၏ စိတ်ဝင်စားမှုရှိသည့် ကိစ္စရပ်များကို ကျယ်ကျယ်ပြန့်ပြန့် စဉ်းစားသုံးသပ်ထားကြောင်း၊ အကြံပြုချက်များတွင်လည်း စိုက်ပျိုးရေး ကဏ္ဍတစ်ရပ်လုံး ဖွံ့ဖြိုး တိုးတက်လာစေရေးအတွက် ရေတိုရေရှည်ဆောင်ရွက်သင့်သည့် လုပ်ငန်းစဉ်များကိုလည်း တင်ပြထားကြောင်း၊လက်တလောကာလအတွင်း အလေးပေး လုပ်ဆောင်သင့်သည့် လုပ်ငန်းစဉ်များကို ရွေးချယ်တင်ပြထားကြောင်း၊ ယင်းလုပ်ငန်းစဉ်များကို အလျင်အမြန် အကောင်အထည်ဖော်ခြင်းအားဖြင့် လယ်ယာစိုက်ပျိုးရေးကဏ္ဍတွင် ဖြစ်ပေါ်လာမည့် အကျိုးသက်ရောက်မှုများကို မြင်တွေ့ရမည့်အပြင် အားလုံးပါဝင်သည့် အခြေအနေတစ်ရပ်ကိုလည်း ဖန်တီးနိုင်မည်ဟု ယုံကြည်ကြောင်း ဝန်ကြီးဦးဇော်အေးအောင်က ပြောကြားသည်။

Most Read

Most Recent