မြန်မာ-တရုတ် နှစ်နိုင်ငံပူးပေါင်း၍ ပိုမိုကောင်းမွန်သည့် စီးပွားရေးကွန်ရက် တည်ဆောက်ပြီး တရုတ်-မြန်မာ နှစ်နိုင်ငံစီးပွားရေးနယ်ပယ် ပူးပေါင်းဖလှယ်ရေးစင်မြင့်သစ် တည်ထောင်ရန် ပြင်ဆင်

မြန်မာ-တရုတ် နှစ်နိုင်ငံပူးပေါင်း၍ ပိုမိုကောင်းမွန်သည့် စီးပွားရေးကွန်ရက် တည်ဆောက်ပြီး တရုတ်-မြန်မာ နှစ်နိုင်ငံစီးပွားရေးနယ်ပယ် ပူးပေါင်းဖလှယ်ရေးစင်မြင့်သစ် တည်ထောင်ရန် ပြင်ဆင်
Published 30 March 2018

မြန်မာနိုင်ငံနှင့် တရုတ်နိုင်ငံတို့အကြား နှစ်နိုင်ငံပူးပေါင်း၍ ပိုမိုကောင်းမွန်သည့် စီးပွားရေးကွန်ရက် တည်ဆောက်ပြီး တရုတ်-မြန်မာ နှစ်နိုင်ငံစီးပွားရေးနယ်ပယ် ပူးပေါင်းဖလှယ်ရေးစင်မြင့်သစ် တည်ထောင်ရန် ပြင်ဆင်လျက်ရှိကြောင်း မြန်မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်အရ သိရသည်။

တရုတ်-မြန်မာ နှစ်နိုင်ငံစီးပွားရေးလုပ်ငန်းရှင်များ ကူးလူးဖလှယ်ရေး ပူးပေါင်းဆောင်ရွက်မှုကို တိုးမြှင့်ရန်အတွက် မြန်မာနိုင်ငံဆိုင်ရာ တရုတ်သံရုံးနှင့် မြန်မာနိုင်ငံရှိ တရုတ်ကုန်သည် လုပ်ငန်းရှင်ကြီးများအသင်းတို့ မတ် ၂၆ ရက်က ရန်ကုန်မြို့တွင် တရုတ်-မြန်မာ နှစ်နိုင်ငံစီးပွားရေးလုပ်ငန်းရှင်များ နှီးနှောဖလှယ်ပွဲကို ကျင်းပခဲ့ကြောင်း သိရသည်။

မြန်မာနိုင်ငံဆိုင်ရာ တရုတ်သံအမတ်ကြီး Mr.Hong Liang က တရုတ်-မြန်မာ နှစ်နိုင်ငံမှ The Belt and Road နှင့် တရုတ်-မြန်မာ စီးပွားရေးစြင်္ကံဆောက်လုပ်ရာတွင် တက်ကြွစွာ အကျိုးပြုဆောင်ရွက်လိုကြောင်း၊ နှစ်နိုင်ငံ စီးပွားရေးနယ်ပယ် ပူးပေါင်းဖလှယ်သည့်စင်မြင့် မြန်မာ-တရုတ်ကုန်သည်ကြီးများအသင်းကို ဆောလျင်စွာတည်ထောင်စေလိုကြောင်း ယင်းအခမ်းအနား၌ ဆိုသည်။

တရုတ်-မြန်မာ နှစ်နိုင်ငံစီးပွားရေးနယ်ပယ်မှ နက်ရှိုင်းစွာ ပူးပေါင်းဖလှယ်ရေးစင်မြင့်သစ် ထူထောင်ရန် ပြင်ဆင်ခြင်းသည် အချိန်အံကိုက်ဖြစ်ပြီး အဓိပ္ပာယ်များစွာရှိကြောင်းလည်း ၎င်းက ဆိုသည်။

မြန်မာနိုင်ငံဆိုင်ရာ တရုတ်သံရုံးမှ မြန်မာနိုင်ငံရှိ တရုတ်ကုန်သည်လုပ်ငန်းရှင်ကြီးများအသင်းနှင့် မြန်မာနိုင်ငံ စက်မှုလက်မှုစီးပွားရေးနယ်ပယ်တို့ ပူးပေါင်း၍ ပိုမိုကောင်းမွန်သည့် စီးပွားရေးကွန်ရက် တည်ဆောက်ပြီး တရုတ်-မြန်မာ နှစ်နိုင်ငံစီးပွားရေးနယ်ပယ် ပူးပေါင်းဖလှယ်ရေးစင်မြင့်သစ် “တရုတ်- မြန်မာစီးပွားရေးကောင်စီ” သို့မဟုတ် “မြန်မာ-တရုတ် ကုန်သည်ကြီးများအသင်းကို တည်ဆောက်ရန် ထောက်ခံကူညီမည်ဖြစ်ကြောင်း သံအမတ်ကြီးက ပြောကြားသည်။ အဆိုပါစင်မြင့်သစ်သည် မြန်မာနိုင်ငံတွင် တရားဝင်မှတ်ပုံတင်ထားသော အကျိုးအမြတ်မမျှော်ကိုးသည့် အဖွဲ့အစည်းဖြစ်ကာ နှစ်နိုင်ငံအစိုးရ၏ အားပေးထောက်ခံမှုကိုရရှိသင့်ပြီး နှစ်နိုင်ငံစီးပွားရေးလုပ်ငန်းရှင်များ အားလုံးပါဝင်နိုင်ကြောင်း၊ အဆိုပါအဖွဲ့အစည်းသည် အခြားကုန်သည်ကြီးများအသင်း၏ အတွေ့အကြုံကောင်း၊ နည်းလမ်းကောင်းများနှင့် ခေတ်မီသည့်စီမံခန့်ခွဲမှုစနစ်ကို အတုယူသင့်ကြောင်း၊ တစ်ချိန်တည်းတွင် တရုတ်နိုင်ငံနှင့် မြန်မာနိုင်ငံမှ စီးပွားရေးကုမ္ပဏီများက ကနဦးအဖွဲ့ဝင်အဖြစ်ပါဝင်ရန် ကြိုဆိုသင့်ကြောင်း ၎င်းက ဆက်လက်ပြောကြားသည်။

Most Read

Most Recent