<

အစိုးရ နှစ်နှစ်သက်တမ်းတွင် အလုပ်သမားပြဿနာများကို အင်အားသုံး ဖြိုခွင်းခဲ့မှု မရှိသဖြင့် အစိုးရနှင့် ရဲက အလုပ်ရှင်များဘက်မှ ၀င်ရိုက်ပေးမည့် အခြေအနေမျိုး မတောင်းဆိုသင့်ဟု ရန်ကုန်တိုင်းဝန်ကြီးချုပ် ပြောကြား

ရန်ကုန်မြို့ အလုပ်သမား ဆန္ဒပြမှုများတွင် အလုပ်သမားသမဂ္ဂများ ပါဝင်ပတ်သက်နေပြီး လက်ရှိအစိုးရ နှစ်နှစ်သက်တမ်းတွင် အလုပ်သမား ဆန္ဒပြမှုများကို အင်အားသုံး ဖြိုခွင်းခဲ့မှုမရှိသဖြင့် အစိုးရနှင့် ရဲက အလုပ်ရှင်များဘက်မှ ဆန္ဒပြအလုပ်သမားများကို ၀င်ရိုက်ပေးမည်ဆိုသည့် တောင်းဆိုမှုမျိုး မတောင်းဆိုသင့်ကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက မတ် ၇ ရက်တွင် ပြော ကြားသည်။

“ကျွန်တော်တို့ ရန်ကုန်မှာ အလုပ်သမားတွေရဲ့ တောင်းဆိုဆန္ဒပြမှုတွေ ရှိပါတယ်။ အလုပ်သမားသမဂ္ဂတွေရဲ့ ပါဝင်ပတ်သက်မှုတွေ ရှိပါတယ်။ အလုပ်ရှင် အစုအဖွဲ့တွေနဲ့ ပတ်သက်တာတွေ ဖြေရှင်း ဆောင်ရွက်နေတဲ့ အခြေအနေတွေ ရှိပါတယ်။ ဒီအခြေအနေတွေအပေါ်မှာ ပွင့်ပွင့်လင်းလင်း ပြောမယ်ဆိုရင် ကျွန်တော်တို့ တာဝန်ယူခဲ့တဲ့ နှစ်နှစ်ကာလအတွင်းမှာ အင်အားသုံး ဖြိုခွင်းခဲ့တယ်ဆိုတဲ့ အခြေအနေ လုံးဝမရှိပါဘူး။ ပြဿနာရပ်တိုင်းမှာ ပြေလည်မှုရတဲ့အထိ ကျွန်တော်တို့ ဆောင်ရွက်ပေးနိုင်ခဲ့ပါတယ်။ ဒီနေရာမှာ အလုပ်ရှင်တွေဘက်က အစိုးရကို အင်အားသုံး ဖြေရှင်းပေးပါလို့ တောင်းဆိုတာတွေ ရှိပါတယ်။ ဘာကြောင့်လဲဆို ဥပဒေချိုးဖောက်လို့ပါတဲ့။ ဒီနေရာမှာ အင်အားသုံးတာနဲ့ ဥပဒေနဲ့အညီ အရေးယူတာ မတူညီဘူးလို့ ဒီနေရာမှာ ပြောပါရစေ။ အလုပ်သမားဘက်က ဆန္ဒပြနေပြီ။ အလုပ်ရှင်ကနေ အစိုးရက ရဲနဲ့ ငါတို့ဘက်က ၀င်မရိုက်ပေးနိုင်ဘူးလားဆိုတဲ့ မျှော်လင့်ချက်မျိုးနဲ့တော့ အစိုးရဆီက မတောင်းဆိုသင့်ဘူးလို့ ကျွန်တော်ပြောပါရစေ”ဟု ဦးဖြိုးမင်းသိန်းက ဆိုသည်။

ထိုသို့ ပြောဆိုသဖြင့် အလုပ်ရှင်များကို ကာကွယ်ပေးမည် မဟုတ်ဟု ဆိုလိုခြင်းမဟုတ်ဘဲ ကာကွယ်ပေးမည် ဖြစ်ကြောင်းနှင့် မြန်မာနိုင်ငံတွင် နိုင်ငံခြားရင်းနှီးမြှုပ်နှံမှုများ ပိုမို ၀င်ရောက်နိုင်ရေးအတွက် အလုပ်ရှင်နှင့် အလုပ်သမားများအကြား ကောင်းမွန်သည့်ဆက်ဆံရေး ထူထောင်ထားနိုင်ရန် လိုအပ်သည်ဟု ၎င်းက ဆိုသည်။ အလုပ်ရှင်နှင့် အလုပ်သမားအကြား နှစ်ဖက်ဆက်ဆံရေး ထူထောင်နိုင်ရန် ကြိုးပမ်းနေချိန်တွင် အလုပ်သမားသမဂ္ဂများကလည်း ၎င်းတို့၏ အခန်းကဏ္ဍအတွက် အလုပ်သမားလှုပ်ရှားမှုများ ပုံဖော်ရန် ကြိုးပမ်းမှုများ ရှိနေပြီး အဆိုပါ အခြေအနေများကိုလည်း ဥပဒေနှင့်အညီ ထိန်းသိမ်းနိုင်ရန် ဆောင်ရွက်မည် ဖြစ်ကြောင်း ဦးဖြိုးမင်းသိန်းက ဆိုသည်။

လက်ရှိ ကာလတွင် အလုပ်သမားဆန္ဒပြမှုအများစုမှာ ပြေလည်မှုရသည့် အခြေအနေတွင် ရှိနေပြီး ထိုသို့ပြေလည်မှု ရလာသည့် အခြေအနေများအပေါ် မည်သို့ရရှိလာသည်ဆိုခြင်းကို လေ့လာဆန်းစစ်ရန် လိုအပ်မည်ဟု ၎င်းက ဆက်လက်ပြောကြားသည်။

March 8, 2018














Copy Protected by Chetan's WP-Copyprotect.