<

မန္တလေးစည်ပင်မှ အရပ်ရပ်ဆိုင်ရာ လုပ်ငန်းလိုင်စင်များ၏ ကြမ်းခင်းတင်ဒါကြေးကို ၁၀ ရာခိုင်နှုန်း တိုးမည်

မန္တလေးစည်ပင်မှ အရပ်ရပ်ဆိုင်ရာ လုပ်ငန်းလိုင်စင်များ၏ ကြမ်းခင်းတင်ဒါကြေးကို ၁၀ ရာခိုင်နှုန်း တိုးမည်ဖြစ်ကြောင်း စည်ပင်သာယာရေးကော်မတီမှ သတင်းရရှိသည်။

ယခုနှစ် ၂၀၁၈-၂၀၁၉ ဘဏ္ဍာနှစ်အတွက် လုပ်ငန်းလိုင်စင် ကြမ်းခင်းတင်ဒါ ချထားပေးမည်ဖြစ်ရာ ယခင်နှစ်များက တင်ဒါကြမ်းခင်းဈေးထက် ၁၀ ရာခိုင်နှုန်း တိုးမြှင့်မည်ဖြစ်ကြောင်း သိရသည်။

“မန္တလေးမြို့အတွက် ဆောင်ရွက်ပေးစရာတွေ ပိုများလာတဲ့အခါ ဒါတွေဆောင်ရွက်နိုင်ဖို့ ငွေကြေးလိုပါတယ်။ ဒါကြောင့် အခုလို ဖြည်းဖြည်းချင်းလုပ်ငန်းလိုင်စင် ချထားပေးမှုတွေမှာ တိုးမြှင့်ရခြင်းဖြစ်ပါတယ်။ ကျွန်တော်တို့ စတင်တာဝန်ယူရစဉ်ကာလမှာ အခက်အခဲတွေ အများကြီးကြုံတွေ့ရပါတယ်။ လုပ်ငန်းရှင်အချို့ရဲ့ စည်းကမ်းဖောက်ဖျက်မှုတွေ၊ တင်ဒါချိုးတာတွေ ပြုလုပ်တဲ့အတွက် နစ်နာမှုတွေရှိပါတယ်။ ဒါကြောင့် စည်ပင်သာယာလုပ်ငန်းတွေမှာ လုပ်ငန်းရှင်အသစ်တွေ ၀င်ရောက်လုပ်ကိုင်ဖို့ ဖိတ်ခေါ်ချင်ပါတယ်” ဟု စည်ပင်သာယာရေးကော်မတီဝင် ဦးကျော်ဇောအောင်က ပြောကြားသည်။

မန္တလေးမြို့တော် စည်ပင်သာယာရေးကော်မတီမှ ပြန်လည်ချထားပေးမည့် လုပ်ငန်းအမျိုးအစားပေါင်း ၁၅ မျိုးရှိပြီး ၂၀၁၇-၂၀၁၈ ဘဏ္ဍာနှစ်တွင် လုပ်ငန်းစုစုပေါင်း ၄၄၇ ခုချထားပေးခဲ့ကာ တင်ဒါကြေး ကျပ်သန်းပေါင်း တစ်သောင်းရှစ်ထောင်ကျော် (၁၈၃၂၉၄၈၈၃၀၆) ရရှိခဲ့ကြောင်း သိရသည်။

ဝက်သားဆိုင်၊ အမဲသားဆိုင်၊ ဆိတ်သားဆိုင်၊ ရေချိုးရုံ/အိမ်သာ၊ ယာဉ်အပ်နှံခ၊ အပေါင်ဆိုင်၊ ယာဉ်ရပ်နား (ကန့်သတ်)၊ ဈေးကောက်၊ မိကျောင်းတက်ကူးကို့၊ ဆိပ်ကမ်းဈေးကောက်နှင့် ယာဉ်ရပ်နား၊ တည်းခိုခန်း၊ ပြည်ကြီးမင်္ဂလာဂိုဒေါင်၊ ဒိုဘီကန် မြေနေရာငှားရမ်းခနှင့် လမ်းအသုံးပြုခ စသည်တို့ကို လုပ်ကိုင်ခွင့် လေလံရောင်းချမည်ဖြစ်သည်။

February 28, 2018














Copy Protected by Chetan's WP-Copyprotect.