<

ရန်ကုန်တိုင်းတွင် အခြေခံပညာကျောင်းဝန်ထမ်းအိမ်ရာ ၂၆ လုံးအတွက် ဘတ်ဂျက်နှစ်ခါတောင်းခံပြီး ဆောက်လုပ်မည့် အစီအစဉ်ကို လက်မခံနိုင်ဘဲ ဘတ်ဂျက်များ ပြန်လည်အပ်နှံရန် တိုင်းဒေသကြီးလွှတ်တော်ကိုယ်စားလှယ် တောင်းဆို

ရန်ကုန်တိုင်းတွင် အခြေခံပညာကျောင်း ၀န်ထမ်းအိမ်ရာ ၂၆ လုံးအတွက် ဘတ်ဂျက်နှစ်ခါ တောင်းခံပြီး ဆောက်လုပ်မည့် အစီအစဉ်ကို လက်မခံနိုင်ဘဲ ဘတ်ဂျက်များကို ပြန်လည်အပ်နှံပေးရန် ဆိပ်ကြီးခနောင်တိုမြို့နယ် မဲဆန္ဒနယ် အမှတ်(၁)မှ တိုင်းဒေသကြီး လွှတ်တော်ကိုယ်စားလှယ် ဒေါ်စန္ဒာမင်းက ဖေဖော်ဝါရီ ၂၂ ရက်တွင် ကျင်းပသည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန်အစည်းအဝေး (သတ္တမနေ့)တွင် ပြောကြားသည်။

ယင်းနေ့တွင် လွှတ်တော်ကိုယ်စားလှယ် ဒေါ်စန္ဒာမင်းက ၂၀၁၇-၂၀၁၈ ဘဏ္ဍာနှစ်၌ ရန်ကုန်တိုင်းဒေသကြီးအတွင်း ပညာရေးဝန်ကြီးဌာနမှ ၀န်ထမ်းအိမ်ရာ ၂၆ လုံး ဆောက်လုပ်ရန် ဘတ်ဂျက်အစီအစဉ် ပါရှိခဲ့သော်လည်း မည်သည့်အဖွဲ့အစည်းတစ်ခုကမှ တင်ဒါဆွဲယူခြင်း မရှိခဲ့သောကြောင့် ပညာရေးဝန်ကြီးဌာန လက်အောက်ရှိ ၆၀ ပေ × ၃၀ × Steel Structure တစ်ထပ် ၀န်ထမ်းအိမ်ရာသစ်များ ဆောက်လုပ်ပေးရန် အစီအစဉ်ရှိ မရှိ၊ အစီအစဉ်ရှိပါက လုပ်ငန်းတန်ဖိုး မည်မျှသတ်မှတ်ပြီး ဆောက်လုပ်မည်ကို သိရှိလိုကြောင်း မေးခွန်းအား မေးမြန်းရာတွင် ထည့်သွင်း ပြောကြားခဲ့ခြင်း ဖြစ်သည်။

“လွှတ်တော်ကိုယ်စားလှယ်တွေအနေနဲ့ ရန်ကုန်တိုင်းတစ်တိုင်းလုံးမှာရှိတဲ့ ဆောက်လုပ်မယ့် ၀န်ထမ်းအိမ်ရာ ၂၆ လုံးအတွက် ဘတ်ဂျက်နှစ်ခါတောင်းပြီး ဆောက်လုပ်မယ့် အစီအစဉ်ကို လက်မခံနိုင်ပါဘူး။ ဒါကြောင့် နိုင်ငံတော်ကို ယင်းဘတ်ဂျက်တွေ ပြန်လည်အပ်နှံပေးဖို့ တောင်းဆိုလိုပါတယ်။ နောင်လာမယ့် ၂၀၁၈-၂၀၁၉ ဘတ်ဂျက်နှစ်ရောက်မှ ၀န်ထမ်းအိမ်ရာ ၂၆ လုံးအတွက် လုံလောက်တဲ့ ဘတ်ဂျက်ချမှတ်ပေးပါရန် တောင်းခံရခြင်း ဖြစ်ပါတယ်။ ပြန်လည်တောင်းခံခြင်းဟာ ဘဏ္ဍာရေးစည်းမျဉ်း၊ စည်းကမ်းနဲ့ ကိုက်ညီပါတယ်။ ကျွန်မ စစ်ဆေးကြည့်လိုက်တဲ့အခါ ပညာရေးဝန်ကြီးဌာနမှ PAE ၁၃၀၀၀ နဲ့ တွက်ချက်ပြီးတော့ ၀န်ထမ်းအိမ်ရာဆောက်လုပ်ဖို့ တောင်းခံတာဟာ ကျွန်မတို့ ရန်ကုန်တိုင်းတစ်တိုင်းတည်း မဟုတ်ဘဲနဲ့ တစ်နိုင်ငံလုံး ၀န်ထမ်းအိမ်ရာ ဆောက်လုပ်ဖို့ကို ယခုလို PAE ၁၃၀၀၀ နဲ့ တောင်းခံထားတာကို ပြည်ထောင်စုဘတ်ဂျက်မှာလည်း တွေ့ရှိရပါတယ်။ ဒါဟာ မရိုးဖြောင့်သောနည်းနဲ့ ဘတ်ဂျက်နှစ်ကြိမ် တောင်းခံတယ်လို့ ယူဆရပါတယ်” ဟု ဒေါ်စန္ဒာမင်းက ပြောကြားသည်။

ထို့ပြင် ၂၀၁၇-၂၀၁၈ ဘဏ္ဍာရေးနှစ်တွင် အခြေခံပညာကျောင်းမှ ၀န်ထမ်းများအတွက်ဆိုကာ ရန်ကုန်တိုင်းတစ်တိုင်းလုံး၌ ၀န်ထမ်းအိမ်ရာ ၂၆ လုံး ဆောက်လုပ်ရန် ဘဏ္ဍာရန်ပုံငွေချထားပေးခဲ့ကြောင်း၊ ဆိပ်ကြီးခနောင်တိုမြို့နယ်တွင်လည်း ၀န်ထမ်းအိမ်ရာ Steel Structure တစ်ထပ်နှစ်လုံး ရရှိခဲ့ကြောင်း၊ ထူးဆန်းမှုသည် ရန်ကုန်တိုင်းတစ်တိုင်းလုံးတွင် ဆောက်လုပ်ရန် မည်သည့် ကန်ထရိုက်တာမှ ဆောက်လုပ်ခွင့်တောင်းခံခြင်း မရှိခဲ့ကြောင်း၊ ယင်းကိစ္စသည်မည်သည့် အတွက်ကြောင့်ဖြစ်သည်ကို စုံစမ်းသည့်အခါ ယင်းဝန်ထမ်းအိမ်ရာ Steel Structure တစ်ထပ်လျှင် PAE ၁၃၀၀၀ ဖြင့်တွက်ချက်ပြီး တန်ဖိုးအားဖြင့် ကျပ် ၂၃၄ သိန်းသာ ချထားပေးသဖြင့် ဆောက်လုပ်မည့်သူ မရှိဖြစ်နေသည်ကို တွေ့ရှိရကြောင်း၊ ၎င်းဝန်ထမ်းအိမ်ရာများသည် ရေချိုးခန်း၊ အိမ်သာမပါရှိဘဲ ဟောပုံစံဖြင့် ဆောက်လုပ်မည့် ဒီဇိုင်းပုံစံ ရေးဆွဲထားသည်ကို တွေ့ရကြောင်း၊ ထို့ကြောင့် PAE ၁၃၀၀၀ ဖြင့် ရေးဆွဲထားသော ၀န်ထမ်းအိမ်ရာများကို လက်မခံနိုင်ပါဘူးဟု ငြင်းဆိုသည့်အခါ တာဝန်ရှိများမှ ဒီတစ်နှစ်တွင် အိမ်ရာကို ကြမ်းခင်း၊ အမိုးနှင့် ပါကေးများ တည်ဆောက်ကာ နောင်နှစ်ဘတ်ဂျက်ကျမှ ကျန်ရှိသည်များကို ထပ်ထည့်ပေးမည်ဟု တာဝန်ရှိသူများမှ ညှိနှိုင်းကြောင်း၊ ယင်းကဲ့သို့ ဆောင်ရွက်ခြင်းသည် ဘဏ္ဍာရေးစည်းမျဉ်း၊ စည်းကမ်းကို တာဝန်ရှိများမှ သိသိကြီး ဖောက်ဖျက်ခြင်းဖြစ်ကြောင်း၊ စီမံကိန်း အသေးလေးတစ်ခုအတွက် ၁၀၀ ရာခိုင်နှုန်း တွက်ချက်တောင်းခံပြီးမှ မလောက်ဟုဆိုကာ နောင်နှစ်ဘတ်ဂျက်တွင် တောင်းခံမရ၍ကြောင်း၊ မလောက်ငဟုဆိုကာ နောက်နှစ်ဘတ်ဂျက်တွင် ထပ်မံထပ်ခွဲပေးသည့် ထုံးစံလည်းမရှိကြောင်း ဒေါ်စန္ဒာမင်းက ဆက်လက် ပြောကြားသည်။

“ဒါကြောင့်မို့လို့ ပညာရေးဝန်ကြီးဌာနက တန်ဖိုးတွက်ချက်သော အင်ဂျင်နီယာရဲ့ တွက်ချက်မှု မှားတယ်ဆိုရင်တောင် ဆောက်လုပ်ရေးဝန်ကြီးဌာနက အမှားကြီးနဲ့ တန်ဖိုး တွက်ချက်ထားတာကို ဘာဖြစ်လို့ တာဝန်ခံပြီး ဆောက်လုပ်ပေးချင်တာပါလဲ။ PAE ၁၃၀၀၀ နဲ့ ဘယ်လောက်ခိုင်ခံ့အောင် ဆောက်လုပ်ပေးနိုင်မှာလဲ။ ဒါဟာ နိုင်ငံတော်ဘဏ္ဍာကို အလကားဖြုန်းတီးရာ ရောက်တယ်လို့ ယူဆရပါတယ်။ ဒါကြောင့် ကျွန်မတို့ ရန်ကုန်တိုင်းတစ်တိုင်းလုံးမှာ ဆောက်လုပ်ဖို့ စီစဉ်ထားတဲ့ ၀န်ထမ်းအိမ်ရာ ၂၆ လုံးကို ကျွန်မတို့ လွှတ်တော်အနေနဲ့ သဘောမတူဘူးဆိုတာ ဆွေးနွေးလိုပါတယ်” ဟု ၎င်းက ပြောကြားသည်။

“ဒီမေးခွန်းက ဖြေဆိုတာထက်စာရင် ဒီလိုထောက်ပြပေးတာ အင်မတန်မှ ကျေးဇူးတင်ပါတယ်။ ကျွန်တော်တို့ အခုလောလောဆယ် ဖြေကြားဖို့ရာ အခက်အခဲ ရှိပါတယ်။ ဘာကြောင့်လဲဆိုတော့ ၂၀၁၇-၂၀၁၈ တင်မကဘဲ ၂၀၁၈-၂၀၁၉ အတွက်ပါ နှစ်နှစ်ခွဲ လုပ်ထားတဲ့အရာ ဖြစ်နေပါတယ်။ ဒီကိစ္စကို လွှတ်တော်ကိုယ်စားလှယ်ကြီးနဲ့ ပြန်လည်ညှိနှိုင်းပြီး ဆောင်ရွက်ခွင့်ပြုပါရန် လေးစားစွာ တင်ပြအပ်ပါတယ်” ဟု တိုင်းဒေသကြီး လူမှုရေးဝန်ကြီး ဦးနိုင်ငံလင်းက ပြောကြားသည်။

February 22, 2018














Copy Protected by Chetan's WP-Copyprotect.