ဇန်နဝါရီလအတွင်း ပြည်ပသို့ အလုပ်သွားရောက်လုပ်ကိုင်သူ တစ်သောင်းရှစ်ထောင်ကျော်ရှိ

ဇန်နဝါရီလအတွင်း ပြည်ပသို့ အလုပ်သွားရောက်လုပ်ကိုင်သူ တစ်သောင်းရှစ်ထောင်ကျော်ရှိ
Published 21 February 2018

ယခုနှစ်စ ဇန်နဝါရီလအတွင်း ပြည်ပနိုင်ငံများသို့ အလုပ်သွားရောက်လုပ်ကိုင်သူ ပေါင်း ၁၈၀၀၀ ကျော်ရှိကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၏ ထုတ်ပြန်ချက်အရ သိရသည်။

ဇန်နဝါရီလအတွင်း ပြည်ပသို့အလုပ်လုပ်ကိုင်ရန် ထွက်ခွာသူပေါင်းမှာ ၁၈၁၁၉ ဦးရှိပြီး အိမ်နီးချင်းထိုင်းနိုင်ငံသို့ သွားရောက်အလုပ်လုပ်ကိုင်သူပေါင်းမှာ အများဆုံးဖြစ်ကာ ၁၆၉၈၈ ဦးရှိသည်။

အဆိုပါလအတွင်း မလေးရှားနိုင်ငံသို့ ထွက်ခွာအလုပ်လုပ်ကိုင်သူပေါင်း ၁၆၅ ဦး၊ စင်ကာပူနိုင်ငံသို့ ထွက်ခွာအလုပ်လုပ်ကိုင်သူပေါင်း ၅၅ ဦး၊ ကိုရီးယားနိုင်ငံသို့ ထွက်ခွာအလုပ်လုပ်ကိုင်သူပေါင်း ၆၄၀၊ ဂျပန်နိုင်ငံသို့ ထွက်ခွာအလုပ်လုပ်ကိုင်သူ ၂၃၉ ဦး၊ ယူအေအီးနိုင်ငံသို့ထွက်ခွာ အလုပ်လုပ်ကိုင်သူပေါင်း ၁၆ ဦးနှင့် ကာတာနိုင်ငံသို့ ထွက်ခွာအလုပ်လုပ်ကိုင်သူပေါင်း ၁၆ ဦးရှိကြောင်း ဝန်ကြီးဌာနမှ ထုတ်ပြန်သည့်စာရင်းများအရ သိရသည်။

ထို့ပြင် ဇန်နဝါရီအတွင်း ပြည်တွင်းအလုပ်အကိုင်ရရှိမှု အခြေအနေတွင် အစိုးရအလုပ်အကိုင်တွင် ၉၉၂ ဦး၊ ပုဂ္ဂလိကအလုပ်အကိုင်တွင် ၂၁၀၅၂ ဦး၊ စုစုပေါင်း ၂၂၀၄၄ ဦးကို အလုပ်ခန့်ထားနိုင်ခဲ့ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ထုတ်ပြန်သည်။

မြန်မာရွှေ့ပြောင်းလုပ်သား အများဆုံးသွားရောက်လုပ်ကိုင်သည့် နိုင်ငံမှာ အိမ်နီးချင်းထိုင်းနိုင်ငံဖြစ်ပြီး တရားမဝင် သွားရောက်လုပ်ကိုင်သူများလည်းရှိသည်။

Most Read

Most Recent