ရခိုင်ပြည်နယ်မြောက်ပိုင်းတွင် လုံခြုံရေးဆောင်ရွက်မှုများ မြှင့်တင်လိုက်ပြီးနောက် ယန်ဟီးလီက သတိပေးစကားပြောကြား

အစိုးရသည် မွတ်စလင်များအပေါ် လူ့အခွင့်အရေး ချိုးဖောက်မှုများ ကျူးလွန်ခဲ့သည်ဟု ကျယ်ကျယ်ပြန့်ပြန့် စွပ်စွဲခံရသည့် ရခိုင်ပြည်နယ်မြောက်ပိုင်းတွင် လုံခြုံရေးဆောင်ရွက်မှုများ မြှင့်တင်လိုက်သည့် သြဂုတ် ၁၁ ရက်တွင် ကုလသမဂ္ဂ လူ့အခွင့်အရေး ကျွမ်းကျင်သူတစ်ဦးက သတိပေးစကား ပြောကြားခဲ့သည်။

ဒေသတွင်း၌ လုံခြုံရေးမြှင့်တင်ရန် ဒေသဆိုင်ရာ အာဏာပိုင်များက အကူအညီတောင်းခံမှုကြောင့် တပ်မတော်တပ်ရင်းတစ်ခုသည် ရခိုင်ပြည်နယ်သို့ သွားရောက်ခဲ့သည်ဟူသော သတင်းများကို တုံ့ပြန်သောအားဖြင့် ကုလသမဂ္ဂအထူးသံတမန် ယန်ဟီးလီက ယင်းအနေအထားသည် အဓိကစိုးရိမ်ဖွယ်ရာ အကြောင်းရင်းတစ်ရပ်ဖြစ်သည်ဟု သတိပေးခဲ့သည်။

“လုံခြုံရေးတပ်ဖွဲ့ဝင်တွေအနေနဲ့ အနေအထားအားလုံးမှာ ချုပ်ချုပ်တည်းတည်း ဆောင်ရွက်ကြဖို့နဲ့ လူ့အခွင့်အရေးကို လေးစားလိုက်နာဖို့ အစိုးရက အာမခံရပါမယ်” ဟု ထုတ်ပြန်ချက်တစ်ရပ်၌ ယန်ဟီးလီက ရခိုင်ပြည်နယ်၏ လုံခြုံရေးအခြေအနေနှင့် ပတ်သက်၍ ပြောကြားခဲ့သည်။

“အောက်တိုဘာလမှာ မောင်တောနဲ့ ရသေ့တောင်က နယ်စပ်ရဲစခန်းသုံးခု အတိုက်ခံရပြီး နိုဝင်ဘာမှာ နောက်ထပ်ပဋိပက္ခတွေ ဖြစ်ပွားပြီးတဲ့နောက် လုံခြုံရေးတပ်ဖွဲ့တွေ စစ်ဆင်ရေးပြုလုပ်ခဲ့ရာမှာ ပြင်းထန်တဲ့ လူ့အခွင့်အရေး ချိုးဖောက်မှုတွေ ရှိခဲ့တယ်ဆိုတဲ့ စွပ်စွဲမှုတွေနဲ့ပတ်သက်ပြီး ကျွန်မအထူးသတိပေးလိုက်ပါတယ်” ဟုလည်း ယန်ဟီးလီက ပြောကြားခဲ့သည်။

မွတ်စလင်များကို မြန်မာလုံခြုံရေးတပ်ဖွဲ့ဝင်များက စနစ်တကျ မုဒိမ်းကျင့်ခြင်း၊ လူသတ်ခြင်းနှင့် မီးရှို့ခြင်း အစရှိသည့် နှိမ်နင်းမှုများအတွင်း အလွဲသုံးစားမှုများ ကျယ်ကျယ်ပြန့်ပြန့် ရှိခဲ့သည်ဆိုခြင်းကို သြဂုတ် ၆ ရက်တွင် မြန်မာအစိုးရက ခန့်ထားသော ကော်မရှင်တစ်ရပ်က ပယ်ချခဲ့ပြီးနောက် ယန်ဟီးလီ၏ မှတ်ချက်ပေါ်ထွက်လာခြင်းဖြစ်သည်။

လုံခြုံရေးတပ်ဖွဲ့ဝင်များ၏ လုပ်ဆောင်ချက်သည် လူမျိုးတုံးသတ်ဖြတ်မှု မြောက်မမြောက် ကိုယ်ပိုင်စုံစမ်းစစ်ဆေးမှုများ ဆောင်ရွက်မည့် ကုလသမဂ္ဂ အချက်အလက်ရှာဖွေရေးအဖွဲ့အား ခွင့်ပြုရန်ကိစ္စကို မြန်မာအစိုးရက ငြင်းပယ်ထားသည်။ ယန်ဟီးလီက နှိပ်စက်ညှဉ်းပန်းခြင်း၊ မုဒိမ်းကျင့်ခြင်းနှင့် မီးရှို့ခြင်းတို့အပါအ၀င် ချိုးဖောက်မှုများ သို့မဟုတ် ပြစ်မှုများကျူးလွန်ခဲ့သည်ဆိုသော စွပ်စွဲချက်များစွာကို အတည်ပြုနိုင်ခြင်းမရှိသေးကြောင်း ၀န်ခံထားသည့်အချက်ကို ထောက်ပြလျက် အစိုးရကော်မရှင်၏ အစီရင်ခံစာမှတ်ချက်များကို သတိပြုမိကြောင်း ပြောကြားခဲ့သည်။ ယန်ဟီးလီက ကော်မရှင်စုံစမ်းစစ်ဆေးမှုကို ယုံကြည်စိတ်ချရသော အာဏာပိုင်များက စနစ်တကျဆောင်ရွက်ခဲ့ခြင်းဟုတ် မဟုတ်ကိုလည်း မေးခွန်းထုတ်ခဲ့သည်။

သြဂုတ် ၃ ရက်က မြိုတိုင်းရင်းသား ရွာသားခြောက်ဦး အသတ်ခံရခြင်းအပါအ၀င် ဒေသခံပြည်သူများအပေါ် သက်ရောက်သည့် ဖြစ်ရပ်များနှင့်ပတ်သက်သော သတင်းများဖြစ်ပေါ်ခဲ့ကြောင်းလည်း ယန်ဟီးလီက ထောက်ပြခဲ့သည်။ ယန်ဟီးလီက သူ့အနေဖြင့် အစိုးရ၏ လုံခြုံရေးဆိုင်ရာ စိုးရိမ်မှုများကို မျှဝေခံစားခဲ့ကြောင်းနှင့် လုံခြုံရေးထောက်ပံ့ပေးရန်နှင့် ပြည်သူများကို အစွန်းရောက်များ တိုက်ခိုက်မှုမှ ကာကွယ်ပေးရန် နိုင်ငံတော်၏ တာဝန်ဝတ္တရားကို နားလည်ကြောင်းလည်း ပြောကြားခဲ့သည်။

သို့သော် ယန်ဟီးလီက အာဏာပိုင်များအနေဖြင့် ဒေသတွင်းနေထိုင်သူအားလုံးကို အညီအမျှကာကွယ်ပေးရန် လိုအပ်သည်ဟု အထူးပြုပြောကြားခဲ့သည်။

“သက်ဆိုင်ရာ ဒေသအတွင်း လုံခြုံရေးဆောင်ရွက်တဲ့ စစ်ဆင်ရေးတွေမှာ လုံခြုံရေးတပ်ဖွဲ့ဝင်တွေ ဆောင်ရွက်တဲ့နည်းလမ်းအားလုံးဟာ နိုင်ငံတကာ လူ့အခွင့်အရေးစံနှုန်းတွေ၊ သတ်မှတ်ချက်တွေနဲ့အညီ ဖြစ်ရပါမယ်” ဟု ယန်ဟီးလီက ပြောကြားခဲ့သည်။

Ref: AFP