ကနေဒါနိုင်ငံ၌ ကျင်းပသည့် ဖက်ဒရယ်စနစ် လေ့လာရေးနှင့် ဆွေးနွေးပွဲသို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်

ကနေဒါနိုင်ငံတွင် ကျင့်သုံးလျက်ရှိသော ဖက်ဒရယ်စနစ် လေ့လာရေးနှင့် ဆွေးနွေးပွဲသို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်စဉ် (Photo: Myanmar State Counsellor Office Facebook)

ကနေဒါနိုင်ငံတွင် တရားဝင်ခရီးရောက်ရှိနေသည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဇွန် ၆ ရက် ဒေသစံတော်ချိန် မွန်းလွဲ ၁ နာရီခွဲမှ ညနေ ၅ နာရီခွဲအထိ အော်တာဝါမြို့ Andaz Ottawa Market Hotel ၌ Forum of Federations မှ စီစဉ်သည့် ကနေဒါနိုင်ငံတွင် ကျင့်သုံးလျက်ရှိသော ဖက်ဒရယ်စနစ် လေ့လာရေးနှင့် ဆွေးနွေးပွဲသို့ တက်ရောက်ခဲ့ကြောင်း ဇွန် ၇ ရက်တွင် နိုင်ငံခြားရေးဝန်ကြီးဌာနက သတင်းထုတ်ပြန်သည်။

နိုင်ငံတော်၏အတိုင်ပင်ခံပုဂ္ဂိုလ်သည် အဆိုပါဆွေးနွေးပွဲ၏ ကနေဒါနိုင်ငံ တရားရေးမဏ္ဍိုင်၏ အခန်းကဏ္ဍနှင့် အစိုးရအဖွဲ့အစည်းများအကြား ဆက်ဆံရေးမှတစ်ဆင့် ဖက်ဒရယ်စနစ်၊ လူမှုရေးဆိုင်ရာ မူဝါဒများနှင့် စီးပွားရေးဖွံ့ဖြိုးတိုးတက်မှုအပေါ် အကျိုးသက်ရောက်မှုများနှင့်စပ်လျဉ်းပြီး ကနေဒါနိုင်ငံမှ ဘာသာရပ်ကျွမ်းကျင်ပညာရှင်များ၏ ပို့ချဆွေးနွေးမှုသို့ ပါဝင်တက်ရောက်ခဲ့ကြောင်း သတင်း ထုတ်ပြန်ချက်အရ သိရသည်။
ဆွေးနွေးပွဲတွင် နိုင်ငံတော်၏အတိုင်ပင်ခံပုဂ္ဂိုလ်က ယခုဆွေးနွေးပွဲသည် ကနေဒါနိုင်ငံ၏ ဖက်ဒရယ်စနစ်ဆိုင်ရာ အတွေ့အကြုံများကို မျှဝေပေးသည့်အတွက် မြန်မာနိုင်ငံ၏ ဖက်ဒရယ်ပြည်ထောင်စု တည်ထောင်ရေး လုပ်ငန်းစဉ်များအတွက် များစွာအထောက်အကူပြုပါကြောင်း ကျေးဇူးတင်စကား ပြောကြားခဲ့သည်ဟု နိုင်ငံတော်အတိုင်ပင်ခံရုံးက သတင်း ထုတ်ပြန်သည်။

အဆိုပါ လေ့လာရေးနှင့် ဆွေးနွေးပွဲသို့ မြန်မာနိုင်ငံသမ္မတရုံးဝန်ကြီးဌာန၊ ကာကွယ်ရေး ၀န်ကြီးဌာန၊ အတိုင်ပင်ခံရုံး ၀န်ကြီးဌာန၊ ပြည်ထောင်စုရှေ့နေချုပ်ရုံး၊ မြန်မာနိုင်ငံတော် ဗဟိုဘဏ်နှင့် တိုင်းရင်းသား လက်နက်ကိုင်အဖွဲ့အစည်းများမှ ကိုယ်စားလှယ်များ တက်ရောက်ခဲ့ကြောင်း သိရသည်။

ယင်းဆွေးနွေးပွဲတွင် ငြိမ်းချမ်းရေးကော်မရှင် အကြံပေးအဖွဲ့ခေါင်းဆောင် ဦးအောင်ကြည်၊ နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေး၊ NCA လက်မှတ်ရေးထိုးထားသော တိုင်းရင်းသား လက်နက်ကိုင်အဖွဲ့အစည်းများမှ ကရင်အမျိုးသား အစည်းအရုံး (KNU) ဒုတိယဥက္ကဋ္ဌ ပဒိုစောကွယ်ထူးဝင်း၊ ချင်းအမျိုးသားတပ်ဦး (CNF) ဒုတိယဥက္ကဋ္ဌ (၂) ဒေါက်တာ ဆလိုင်းလျန်မှုန်းဆာခေါင်း၊ ပအိုဝ်း အမျိုးသားလွတ်မြောက်ရေးအဖွဲ့ချုပ် (PNLO) ဥက္ကဋ္ဌခွန်မြင့်ထွန်း၊ ရှမ်းပြည် ပြန်လည်ထူထောင်ရေးကောင်စီ (RCSS/SSA) မှ စိုင်းလျန်း စသည့် ခေါင်းဆောင်များ တက်ရောက်လျက်ရှိကြောင်း သိရသည်။

Forum of Federations သည် ကနေဒါ နိုင်ငံ အစိုးရ၏ ကူညီထောက်ပံ့မှုဖြင့် မြန်မာ နိုင်ငံတွင် ၂၀၁၂ ခုနှစ်မှ စတင်၍ စွမ်းဆောင်ရည်မြှင့်တင်ရေးလုပ်ငန်းများ ဆောင်ရွက်လျက်ရှိပြီး အစိုးရနှင့် လွှတ်တော်တို့မှ ကိုယ်စားလှယ်များ၊ နိုင်ငံရေးပါတီများ၊ မီဒီယာနှင့် အရပ်ဘက်လူ့အဖွဲ့အစည်းများမှ တာဝန်ရှိသူများအား ဖက်ဒရယ်စနစ်ဆိုင်ရာ အလုပ်ရုံ ဆွေးနွေးပွဲများကို စီစဉ်ကျင်းပပေးလျက်ရှိသည့် အဖွဲ့အစည်းတစ်ခုဖြစ်ကြောင်း သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ခေါင်းဆောင်သည့် မြန်မာကိုယ်စားလှယ်အဖွဲ့သည် မြန်မာနိုင်ငံမှ ဇွန် ၄ ရက် ညပိုင်းက ထွက်ခွာသွားခြင်းဖြစ်ပြီး ကနေဒါနိုင်ငံ တိုရွန်တိုမြို့ Lester B. Pearson အပြည်ပြည်ဆိုင်ရာလေဆိပ်သို့ ဇွန် ၅ ရက် ဒေသစံတော်ချိန် နံနက် ၉ နာရီ မိနစ် ၄၀ တွင်ရောက်ရှိခဲ့ပြီး ထိုမှတစ်ဆင့် ညအိပ်တည်းခိုမည့် Fairmont Royal York Hotel သို့ ရောက်ရှိရာ ကနေဒါနိုင်ငံရောက် မြန်မာမိသားစုများက ကြိုဆိုခဲ့ကြောင်း သိရသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်သည့် မြန်မာကိုယ်စားလှယ်အဖွဲ့သည် ဇွန် ၆ ရက် ဒေသစံတော်ချိန် နံနက် ၉ နာရီ ၁၀ မိနစ်တွင် တိုရွန်တိုမြို့မှ အော်တာဝါမြို့သို့ ကနေဒါလေကြောင်းလိုင်းဖြင့် ထွက်ခွာခဲ့ပြီး အော်တာဝါမြို့ Macdonald-Cartier အပြည် ပြည်ဆိုင်ရာလေဆိပ်သို့ ဒေသစံတော်ချိန် နံနက် ၁၀ နာရီ ၁၀ မိနစ်တွင် ရောက်ရှိခဲ့ကာ ဒေသစံတော်ချိန် မွန်းလွဲ ၁၂ နာရီခွဲတွင် မြန်မာသံအမတ်ကြီးနေအိမ်၌ မြန်မာသံရုံး ၀န်ထမ်းများနှင့် မိသားစုများအား တွေ့ဆုံခဲ့ကြောင်း သိရသည်။

ထိုသို့တွေ့ဆုံရာတွင် နိုင်ငံတော်၏အတိုင်ပင်ခံပုဂ္ဂိုလ်က မြန်မာသံရုံးအနေဖြင့် မြန်မာနိုင်ငံနှင့် ကနေဒါနှစ်နိုင်ငံအကြား ချစ်ကြည်ရေး ပိုမိုတိုးတက်ခိုင်မြဲရေးအတွက် နည်းလမ်းများ ရှာဖွေဆောင်ရွက်သွားရေး၊ ကနေဒါနိုင်ငံရှိ မြန်မာပြည်သူများအကျိုးအား ကာကွယ်စောင့်ရှောက်သွားရေးနှင့် သံရုံးမိသားစုများ၏ ကျန်းမာရေး၊ ပညာရေး စသည့်ကိစ္စတို့ကို ဆွေးနွေးမှာကြားခဲ့ကြောင်း သတင်း ထုတ်ပြန်ချက်အရ သိရသည်။

Writer: 
ကျော်ဇင်ဝင်း