<

ဆက်သွယ်ရေးအော်ပရေတာ သုံးခုစလုံးအနေဖြင့် ဆင်းမ်ကတ်များကို အခမဲ့ပေးဝေခြင်း သတ်မှတ်ဈေးနှုန်းအောက် လျှော့ချခြင်းများမပြုလုပ်ရန် သဘောတူညီထားရဟု ထုတ်ပြန်

ရန်ကုန်မြို့တွင် ဖုန်းသုံးစွဲနေသူအချို့ကို တွေ့ရစဉ် (ဓာတ်ပုံ- နေမျိုးထွန်း)

ဆက်သွယ်ရေးအော်ပရေတာ သုံးခုစလုံးအနေဖြင့် ဆင်းမ်ကတ်များကို အခမဲ့ဖြန့်ဝေခြင်း၊ ၀န်ဆောင်မှုနှင့်ဈေးနှုန်းများကို သတ်မှတ်နှုန်းထားအောက် လျှော့ချခြင်းများမပြုလုပ်ရန် ပြီးခဲ့သည့်နှစ်အတွင်းက သဘောတူညီထားခဲ့ရကြောင်း ဖေဖော်ဝါရီ ၉ ရက်တွင် ဆက်သွယ်ရေးအော်ပရေတာ သုံးခုစလုံး၏ ပူးတွဲထုတ်ပြန်ချက်အရ သိရသည်။

ဆက်သွယ်ရေးလုပ်ငန်းများအနေဖြင့် မြန်မာနိုင်ငံ၏ဖွံ့ဖြိုးတိုးတက်မှုကို ပံ့ပိုးရန်အတွက် ကတိပြုခဲ့ကြပြီး တာဝန်ရှိသော အော်ပရေတာများအနေဖြင့် သုံးစွဲသူများက ပိုကောင်းသည့် ၀န်ဆောင်မှုများရရှိစေရန်နှင့် ကောင်းမွန်သော ဈေးကွက်တစ်ခု၏ သင်္ကေတများဖြစ် သော မှန်ကန်သည့်ဈေးနှုန်း ယှဉ်ပြိုင်မှုအလေ့အထများကို လိုက်နာရန် အသေအချာဆောင်ရွက်ခဲ့ကြောင်းသိရသည်။ သက်ဆိုင်ရာအာဏာပိုင်များက ချမှတ်ထားသော စည်းမျဉ်းစည်းကမ်းများအပေါ်တွင်အခြေခံပြီး မျှတစွာ ယှဉ်ပြိုင်ရန်သဘောတူညီခဲ့ကြပြီး ဆက်သွယ် ရေးဆိုင်ရာအကောင်းဆုံးအလေ့အထများ နှင့်ကျင့်ဝတ်ဆိုင်ရာ စီးပွားရေးလမ်းညွှန်ချက်များကို လိုက်နာရန် သဘောတူညီခဲ့ကြကြောင်း သိရသည်။

ဆက်သွယ်ရေးအော်ပရေတာများ လိုက်နာကျင့်သုံးရမည့် စည်းကမ်းဘောင်များကို ၂၀၁၇ ခုနှစ်၊ ဇွန်လ ၂၈ ရက်တွင် ဆက်သွယ်ရေးညွှန်ကြားမှုဦးစီးဌာန၏ Pricing and Tariff Regulatory Framework ပါ သတ်မှတ်ကြမ်းခင်းဈေးအတိုင်း လိုက်နာဆောင် ရွက်ရန်ဆိုသည်မှာလည်း ယင်းကဲ့သို့စည်းမျဉ်းစည်းကမ်းများအနက်မှ အချက်တစ်ခုပင် ဖြစ်ကြောင်း သိရသည်။

ဆက်သွယ်ရေး အော်ပရေတာများ ရှောင်ကြဉ်ရမည့် အပြုအမူများတွင် ဆင်းမ်ကတ်များကို အခမဲ့ပေးဝေခြင်း၊ ၀န်ဆောင်မှု နှင့် ဟန်းဆက်များကို သဘောတူညီထားသည့် ဈေးနှုန်းအောက် လျှော့ပေါ့ ရောင်းချခြင်းနှင့် ဖြန့်ဝေခြင်းများမပြုလုပ်ရန်လည်း ပါဝင်ပြီး သတ်မှတ်ကြမ်းခင်းဈေးအတိုင်း လိုက်နာ ဆောင်ရွက်ကြရမည်ဖြစ်ကြောင်းသိရသည်။ MPT ၊ တယ်လီနော၊ အူရီဒူးတို့အနေဖြင့် မြန်မာနိုင်ငံရှိ ဆက်သွယ်ရေးဆိုင်ရာ ဥပဒေများနှင့်လမ်းညွှန်ချက်များနှင့်အညီသာ ယှဉ်ပြိုင်ကြပါမည်ဟု ခိုင်မာစွာ ကတိက၀တ်ပြုထားရကြောင်း သိရသည်။

ထို့ပြင် ယင်းဆက်သွယ်ရေးအော်ပရေတာ သုံးခုထံတွင် စုစုပေါင်းသုံးစွဲသူဦးရေမှာ သန်း ၅၀ ကျော်သို့ ရောက်ရှိခဲ့ပြီးဖြစ်ကြောင်း ၎င်းတို့၏ထုတ်ပြန်ချက်တွင် ဖော်ပြထားသည်။

ဆက်သွယ်ရေးအော်ပရေတာများအaနဖြင့် မိုဘိုင်းကွန်ရက်တိုးတက်မှု အထူးသဖြင့် ဝေးလံခေါင်ဖျားသည့်ဒေသများတွင် ယခုထက်ပို၍ဖွံ့ဖြိုးလာစေရန် ကတိက၀တ်များကို ထပ်လောင်းကတိပြုခဲ့ကြပြီး နောက်ဆုံးပေါ် 4G ကွန်ရက်အတွက် အခြေခံအဆောက်အအုံများကို လက်တွေ့အသုံးချရန်နှင့် အမျာပြည်သူထံပိုမိုကောင်းမွန်သည့် ၀န်ဆောင်မှုများ ပေးအပ်နိုင်ရန်အတွက် လိုအပ်သည့်ရင်း နှီးမြှုပ်နှံမှုများ ထောက်ပံ့ရန် ကြိုးပမ်းခဲ့ကြကြောင်း သိရသည်။

ယခုလကုန်တွင် ၀န်ဆောင်မှု စတင်တော့မည့် စတုတ္ထမြောက် ဆက်သွယ်ရေး အော်ပရေတာ Mytel အနေဖြင့် ဆင်းမ်ကတ်များကိုအခမဲ့ ဖြန့်ဝေရန်နှင့် အခြားပရိုမိုးရှင်းအစီအစဉ်များထည့်သွင်းရောင်းချနိုင်ရန် အတွက် ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဆက်သွယ်ရေး ညွှန်ကြားမှုဦးစီးဌာနတို့ နှင့် ညှိနှိုင်းဆွေးနွေးမှုများ ပြုလုပ်နေရကြောင်း သိရသည်။ ခွင့်ပြုချက်ရရှိမှသာလျှင် ထိုသို့ ရောင်းချပေးနိုင်မည်ဖြစ်ပြီး ခွင့်ပြုချက်မရပါက သတ်မှတ်နှုန်းထားဘောင် အတွင်းမှသာ ရောင်းချပေးနိုင်ဖွယ်ရှိနေကြောင်း သိရသည်။

Mytel အနေဖြင့် မြို့ကြီးအများအပြားတွင် တစ်ပြိုင်နက်မိတ်ဆက်နိုင်ရန်ကြိုးစားလျက်ရှိသော်လည်း အဆင်သင့်မဖြစ်ခဲ့ပါက နေပြည်တော်တွင်သာ စတင်မိတ်ဆက်ရောင်း ချသွားမည်ဖြစ်ကြောင်းသိရသည်။ ထို့နောက် သင်္ကြန်မတိုင်ခင် သို့မဟုတ် သင်္ကြန်အပြီး မြန်မာနှစ်သစ်အစတွင် တစ်နိုင်ငံလုံးသို့စတင် မိတ်ဆက်ရောင်းချနိုင်ရန် စီစဉ်လျက်ရှိကြောင်း သိရသည်။

February 9, 2018














Copy Protected by Chetan's WP-Copyprotect.